ᒤᑲᐅᑉ ᐊᒡᓚᖏᑦ 7:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᒤᑲᐅᑉ ᐊᒡᓚᖏᑦ 7:10 Iomraidhean Croise

ᓴᒧᐃᓕ ᐂᑉᐸᖏᑦ 22:43

ᓯᖃᓪᓕᒐᒃᑭᑦ, ᐳᔪᕋᑐᐃᓐᓇᓐᖑᕐᐳᑦ, ᑐᓪᓕᕋᕐᐸᒃᑲ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᐃᓐᖏᕈᑎᑦ 109:29

ᐊᑭᕋᕐᑐᕐᑎᒃᑲ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᑕᐅᓚᐅᕐᓕᑦ, ᓇᓗᓕᕐᓂᕐᒧᑦ ᐅᓕᒃᑕᐅᓚᐅᕐᓕᑦ, ᑕᒪᑐᒥᖓ ᕿᐱᒃᓯᒪᔪᑎᑐᑦ.

ᐃᓐᖏᕈᑎᑦ 115:2

ᓱᖕᒪᓪᓕ ᐃᓅᖃᑎᒌᒡᔪᐊᑦ ᐅᖃᕈᓐᓇᕐᐸᑦ, “ᓇᐅᒡᓕ ᑖᒃᑯᐊ ᒎᑎᖓᑦ?”

ᐃᓐᖏᕈᑎᑦ 18:42

ᐊᓇᐅᓕᓚᕐᐸᒃᑲ ᐳᔪᕐᓗᒃᑐᑦ ᒥᑭᔫᑕᐅᓕᕐᓗᑎᖅ ᑎᒃᑕᐅᕗᓪᓗ ᐊᓄᕆᒧᑦ; ᐃᒋᓚᐅᕐᐸᒃᑲᓗ ᓴᓂᕐᑎᑐᑦ ᐊᖅᑯᒻᒧᑦ ᐃᒋᑕᐅᔪᑎᑐᑦ.

ᐃᓐᖏᕈᑎᑦ 35:26

ᑲᓐᖑᓇᕐᑐᒦᓕᕐᓕᑦ ᐊᑕᐅᑦᓯᒃᑯᑦ ᓇᓗᓕᕐᓇᕐᑐᒦᓪᓗᑎᒃ ᐋᓐᓂᐊᓂᓐᓂᒃ ᖁᕕᐊᓱᒍᑎᖃᕐᑐᓕᒫᑦ; ᐊᓐᓄᕌᓯᒪᓕᕐᓕᑦ ᑲᓐᖑᓱᒃᑎᑕᐅᓂᕐᒥᒃ ᐅᐱᒋᔭᐅᖏᓐᓂᕐᒥᒡᓗ ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᐱᑦᔪᑎᒋᓪᓗᖓ.

ᐃᓐᖏᕈᑎᑦ 42:10

ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ, ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”

ᐃᓐᖏᕈᑎᑦ 42:3

ᖁᕝᕕᒃᑲ ᓂᕿᒋᕙᒃᑲ ᐅᓪᓗᒃᑯᑦ ᐅᓐᓄᐊᒥᓗ, ᑍᒪᓐᖓᑦ ᓂᓪᓕᐊᕕᒋᕚᖓ ᐅᖃᕐᓗᑎᒃ, “ᒎᑏᑦ ᓇᓃᑉᐸ?”

ᐃᓐᖏᕈᑎᑦ 58:10

ᐃᓱᐊᕐᑐᑦ ᖁᕕᐊᓱᒍᒫᕐᐳᑦ ᐃᑲᔪᕐᓯᕐᑕᐅᓂᕐᒥᖕᓂᒃ ᑕᑯᓕᕈᑎᒃ; ᐃᑎᒐᑎᒡᓗ ᐅᐊᓴᕈᒫᕐᐰᑦ ᐱᐅᖏᑦᑐᓕᔪᑦ ᐊᐅᖏᓐᓄᑦ.

ᐃᓐᖏᕈᑎᑦ 79:10

ᓱᖕᒪᑦ ᐃᓅᖃᑎᒌᑦ ᐅᖃᕐᑐᒃᓴᐅᕚᑦ, “ᒎᑎᖓᓪᓕ ᓇᐅᒃ?” ᐃᓅᖃᑎᒌᒡᔪᐊᓂᑦ ᖃᐅᔨᓚᐅᕐᓕ ᐱᔨᕕᑦ ᐊᐅᖏᑕ ᑯᕕᔭᐅᓯᒪᓂᖏᓐᓄᑦ ᐊᑭᓂᐊᕐᑕᐅᓕᕐᓂᖏᓐᓂᒃ ᐅᕙᒍᑦ ᑕᑯᓐᓇᓪᓚᕆᒃᑎᓪᓗᑕ!

ᐃᓐᖏᕈᑎᑦ 92:12

ᐃᓱᐊᕐᑐᓕᔪᑦ ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᐹᒥᑎᑐᑦ, ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᓰᑕᕆᑎᑐᑦ ᓕᐸᓇᓂᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 41:25

ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ.

ᔨᕆᒤᐊᐅᑉ ᐊᒡᓚᖏᑦ 49:15

ᑕᑯᒋᑦ, ᐃᓅᖃᑎᒌᒡᔪᐊᑦ ᐊᑯᓐᓂᖓᓂ ᒥᑭᓐᓂᕐᐸᐅᑎᑦᓱᒫᕐᐸᒋᑦ, ᐃᓄᖕᓄᓪᓗ ᓇᕐᕈᒋᔭᒃᓴᐅᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 51:24

ᐊᑕᓂᖅ ᐅᖃᕐᐳᖅ, “ᑕᐅᑐᒃᑎᓪᓗᓯ ᐹᐱᓘᓂ ᐊᑭᓂᐊᓛᕐᐸᕋ ᑕᕝᕙᓂᓗ ᓄᓇᖃᕐᑐᑦ ᑲᐅᓪᑎᐊᒥᐅᑦ, ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓮᐅᓂᒥ.

ᔨᕆᒤᐊᐅᑉ ᐊᒡᓚᖏᑦ 51:51

ᑲᓐᖑᓇᕐᑐᒥᒃ ᐊᑐᕐᑎᑕᐅᒐᑦᑕ, ᒥᑕᐅᑎᒋᔭᐅᓯᒪᓂᑦᑎᓐᓄᑦ ᑲᓐᖑᓱᓕᕐᐳᒍᑦ, ᐃᓅᖃᑎᒋᓚᐅᕐᓯᒪᓐᖏᑕᑦᑎᓐᓄᑦ ᑐᒃᓯᐊᕐᕕᒡᔪᐊᖅ ᐊᑕᓂᐅᑉ ᐃᑦᔪᕐᓁᑦᑐᖁᑎᖓ ᐃᓵᕐᑕᐅᓯᒪᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 7:18

ᐳᑐᕐᓛᓂᒃ ᐊᓐᓄᕌᕈᒫᕐᐳᑦ, ᑲᑉᐱᐊᓱᖕᓂᕐᒧᑦ ᑕᑕᒥᓯᒪᓗᑎᒃ; ᑲᓐᖑᓱᖕᓂᖅ ᑮᓇᖏᓐᓂ ᑕᑯᒃᓴᐅᔪᒫᕐᐳᖅ, ᓂᐊᖁᑎᒡᓗ ᓴᓕᓗᒋᑦ ᓄᔧᕈᑎᔪᒫᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᐅᐸᑍᐊᑉ ᐊᒡᓚᖏᑦ 1:10

“ᐊᑲᐅᖏᑦᑐᓕᓂᕆᓚᐅᕐᑕᑎᑦ ᓄᑲᕐᓄᑦ ᔧᑯᒧᑦ ᐱᑦᔪᑎᒋᓪᓗᒋᑦ, ᑲᓐᖑᓱᖕᓂᕐᒧᑦ ᐅᓕᒃᑕᐅᔪᒫᕐᐳᑎᑦ, ᓄᖑᑕᐅᓗᑎᓪᓗ ᐃᓱᖃᖏᑦᑐᒧᑦ.

ᐅᐸᑍᐊᑉ ᐊᒡᓚᖏᑦ 1:12

ᓄᑬᓪᓗ ᖁᕕᐊᓲᑎᒋᔭᒃᓴᕆᓚᐅᓐᖏᓚᑦ ᐱᓂᕐᓗᒃᑕᐅᕕᐊᓂ; ᔫᑕᐅᑉ ᑭᖑᕚᖏᑦ ᖁᕕᐊᓲᑎᒋᓂᐊᕐᓇᒋᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ; ᐱᐅᔪᕆᔪᒃᓴᐅᓚᐅᓐᖏᓚᑎᑦ ᐅᓪᓗᖏᑕ ᑲᑉᐱᐊᓱᒃᑎᑕᐅᕕᖏᓐᓂ.

ᒤᑲᐅᑉ ᐊᒡᓚᖏᑦ 4:11

ᒫᓐᓇᓕ ᐃᓅᖃᑎᒌᒡᔪᐊᑦ ᐅᓄᕐᑐᑦ ᑲᑎᕗᑦ ᐃᓕᑦᓯᓐᓂᒃ ᐊᑭᕋᕐᑐᕐᓗᑎᒃ, ᐃᒫᒡᓗ ᐅᖃᕐᓗᑎᒃ, “ᓮᐅᓂ ᐊᓯᕈᕐᑕᐅᔪᒃᓴᐅᕗᖅ! ᑕᑯᓐᓇᕐᑎᓪᓗᑕ!”

ᒤᑲᐅᑉ ᐊᒡᓚᖏᑦ 7:8

ᖁᕕᐊᓲᑎᒋᑦᑍᓕᓐᖓ ᐊᑭᕌᒃ! ᐹᓪᓚᒃᑲᓗᐊᕈᒪ ᒪᑭᑦᓱᒫᕐᐳᖓ, ᑖᕐᑐᒥ ᐃᒃᓯᕙᒐᓗᐊᕈᒪ, ᐊᑕᓂᖅ ᖃᐅᒪᓂᕆᔪᒫᕐᐸᕋ.

ᔨᐸᓁᐊᐅᑉ ᐊᒡᓚᖏᑦ 3:15

ᐊᑕᓂᐅᑉ ᐃᖅᑲᕐᑐᐃᓂᓂ ᐲᕐᑎᒻᒪᒍ, ᐊᑭᕋᓯᓗ ᐃᒋᓯᒪᖕᒪᒋᑦ. ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ, ᐊᑕᓂᖅ, ᐊᑯᓐᓇᑦᓯᓐᓃᑉᐳᖅ; ᑲᑉᐱᐊᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑎᑦ.

ᓴᑲᕅᐊᐅᑉ ᐊᒡᓚᖏᑦ 10:5

ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.

ᒪᓚᑬᑉ ᐊᒡᓚᖏᑦ 1:5

ᓇᖕᒥᓂᖅ ᑕᑯᔪᒫᕐᐳᓯ, ᐅᖃᕐᓗᓯᓗ, “ᐊᑕᓂᖅ ᐊᔪᒐᖃᖏᑦᑐᕐᔪᐊᖑᕗᖅ ᐊᒡᓛᑦ ᐃᓴᕆᐊᓕᒥᐅᑦ ᓄᓇᖓᑕ ᑭᒡᓕᖓᑕ ᐅᖓᑖᓃᑉᐳᖅ.”

ᒪᓚᑬᑉ ᐊᒡᓚᖏᑦ 4:3

ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 27:43

ᒎᑎᒥᒃ ᑕᑎᖃᕐᒪᑦ; ᒫᓐᓇ, ᑕᑯᓐᓇᓕᕐᑕ ᒎᑎᒧᑦ ᐱᐅᓕᔭᐅᑎᓪᓗᒍ, ᓴᐳᑎᔪᒪᒍᓂᐅᒃ; ᐅᖃᓚᐅᕐᒪᑦ, ‘ᒎᑎᒧᑦ ᐃᕐᓂᐅᕗᖓ.’”

ᔮᓱᐊᑉ ᐊᒡᓚᖏᑦ 7:9

ᑬᓇᓂᒥᐅᑉ ᓄᓇᓕᓕᒫᓪᓗ ᖃᓂᒋᔮᓃᑦᑐᑦ ᑐᓴᕐᓂᐊᕐᐳᑦ ᑕᒪᑐᒥᖓ, ᐊᕙᓗᔭᐅᓗᑕ ᑐᖁᑕᐅᓂᐊᓕᕐᐳᒍᑦ! ᖃᓄᐃᓕᐅᕐᓂᐊᕐᐱᓪᓖ ᐊᑎᕐᐱᑦ ᐅᐱᓐᓇᕐᓂᖓ ᓴᐳᑎᓗᒍ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”