ᒤᑲᐅᑉ ᐊᒡᓚᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑲᑉᐱᐊᓐᓇᒦᒃ! ᐊᐅᔭᒥ ᑲᑎᕐᓱᐃᔪᑐᑦ ᐱᕈᕐᑐᓂᒃ ᑲᑎᕐᓱᐃᓴᕇᕐᑎᓪᓗᒋᑦ ᐊᒥᐊᒃᑯᖏᓐᓂᑦ ᑲᑎᕐᓱᐃᔭᕐᑐᕋᓗᐊᕋᒪ, ᐸᐅᕐᖓᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ ᓂᕆᔭᒃᓴᓂᒃ ᐱᑕᖃᓐᖏᓚᖅ, ᐸᐅᕐᖓᓂᒡᓗ ᐱᒋᓕᖕᓂᒃ ᐱᕈᕋᑖᕐᓂᑯᓂᒃ ᑕᐅᑐᓐᖑᐊᕐᑕᓐᓂᒃ ᐱᑕᖃᖏᒻᒪᑦ.

ᒤᑲᐅᑉ ᐊᒡᓚᖏᑦ 7:1 Iomraidhean Croise

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:6

ᐃᓄᐃᑦ ᐅᓄᕐᑐᑦ ᑕᑎᒋᔭᐅᔪᓐᓇᕐᓂᕋᕐᓗᑎᒃ ᐅᖃᕈᓐᓇᕐᐳᑦ, ᑭᓇᓕ ᑕᑎᒋᔭᒃᓴᓪᓚᕆᖕᒥᒃ ᓇᓂᓯᔪᓐᓇᕐᐸ?

ᐂᓮᐊᓯᐅᑉ ᐊᒡᓚᖏᑦ 17:6

ᐅᓄᖏᑦᑐᓂᒃ ᐊᒥᐊᒃᑯᔪᒫᕐᐳᑦ ᐊᔪᕐᓴᕐᑐᓄᑦ ᐱᔭᐅᖏᑦᑐᑎᑐᑦ, ᓇᐹᕐᑐᑦ ᐅᕐᓱᒃᓴᓖᑦ ᐊᓇᐅᓕᕐᑕᐅᓪᓗᑎᒃ ᐸᐅᕐᖓᖏᑦ ᑲᑕᒐᕐᑎᑕᐅᔪᑎᑐᑦ ᐸᐅᕐᖔᖕᓂᒃ ᒪᕐᕉᖕᓂᒃ ᐱᖓᓱᓂᒡᓘᓐᓃᑦ ᐊᒥᐊᒃᑯᔭᐅᔪᑎᑐᑦ, ᓇᐹᕐᑐᑎᑐᓪᓗ ᖁᑦᓯᖕᓂᕐᐹᒥᑦ ᐸᐅᕐᖓᓂᒃ ᑲᑕᒐᕐᑎᑕᐅᔪᑎᑐᑦ, ᓯᑕᒪᓂᒃ ᑕᓪᓕᒪᓂᒡᓘᓐᓃᑦ ᐊᒥᐊᒃᑯᔪᑎᑐᑦ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 24:13

ᓇᓂᑐᐃᓐᓇᖅ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᑦ ᑍᒤᑦᑐᒦᓕᕈᒫᕐᐳᑦ, ᑲᑎᕐᓱᐃᕕᐅᑉ ᐃᓱᓕᕋᑖᕐᓂᖓᑐᑦ ᑍᒤᑦᑑᓕᕈᒫᕐᐳᖅ, ᓇᐹᕐᑐᐃᑦ ᐅᕐᓱᒃᓴᕐᑕᓖᑦ ᑲᑕᒐᕐᓯᒪᓕᕐᓗᑎᒃ ᓇᐹᕐᑐᓕᒫᓂᑦ, ᕔᓂᒃᓮᓪᓗ ᑭᖑᓪᓕᕐᐹᖏᑦ ᐅᕐᐱᒐᖏᓐᓂᑦ ᓄᓂᕚᖑᓯᒪᓕᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:16

ᐅᖓᓯᒃᑐᒥ ᓄᓇᖃᕐᑐᒍᑦ ᑐᓵᔪᒫᕐᐳᒍᑦ ᐅᐱᒍᓱᒡᓗᑎᒃ ᐃᓐᖏᕈᑎᖃᕐᑐᓂᒃ ᐃᓴᕆᐊᓕᒥᐅᓂᒃ, ᐃᓅᖃᑎᒌᒡᔪᐊᑦ ᐃᓱᐊᕐᑑᓂᕋᕐᓗᒋᑦ. ᓂᕆᐅᒋᔭᒃᓴᖃᓐᖏᓚᖓᓕ ᐱᐅᔪᓐᓃᕐᐸᓪᓕᐊᑐᐃᓐᓇᕋᑦᑕ, ᐊᑭᕋᕐᑐᕋᓱᒃᑐᑦ ᐊᑭᕋᕐᑐᕐᐸᓪᓕᐊᑐᐃᓐᓇᕐᒪᑕ, ᑎᕐᓕᐊᖃᑦᑍᓂᖓᓪᓗ ᐱᕙᓪᓕᐊᑐᐃᓐᓇᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 28:4

ᓄᓇᕋᐅᓪᓗ ᑕᑯᒥᓇᕐᑑᓚᐅᕐᑑᑉ ᑐᖁᓕᓕᕐᓂᖓ, ᐃᓂᖃᓚᐅᕐᑐᖅ ᓇᕐᓴᐅᑉ ᐱᕈᑦᓯᐊᕐᓇᕐᑑᑉ ᕿᓐᖑᐊᓂ, ᐊᑦᔨᖃᕈᒪᕐᐳᖅ ᐸᐅᕐᖓᕐᒥᒃ ᐱᒋᒥᒃ ᐊᐅᔭᒥ ᐱᕈᓕᓵᕐᑐᒥᒃ; ᐃᓅᑉ ᑕᑯᒐᒥᐅᒃ, ᓂᕆᔭᕇᕐᐹ ᑎᒍᑐᐊᕋᒥᐅᒃ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᔨᕆᒤᐊᐅᑉ ᐊᒡᓚᖏᑦ 15:10

ᑲᑉᐱᐊᓐᓇᒦᒃ, ᐊᓈᓇᒪ ᕿᑐᕐᖓᕐᑖᕆᓚᐅᕐᓂᕐᒪᖓ, ᐃᓅᓕᕋᒪ ᐊᒃᓱᕈᕐᓇᓗᐊᕐᑐᒥᒃ, ᑮᓇᐅᔭᓂᒃ ᐊᑐᕐᑐᐊᓚᐅᕐᓯᒪᓇᖓ ᐊᑐᕐᕕᖃᓚᐅᕐᓯᒪᓇᖓᓗ, ᐅᕙᓐᓂᒡᓕ ᐅᖃᕐᓂᕐᓘᑎᖃᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 24:2

ᓯᕗᓪᓕᖅ ᐃᕕᒐᖅ ᐱᒋᓕᒃᑕᖃᕐᐳᖅ ᐱᐅᔪᓂᒃ ᐱᕈᑲᐅᑎᒋᔪᕕᓂᕐᑎᑐᑦ ᑍᒤᑦᑐᓂᒃ, ᐃᕕᐅᔭᐅᓪᓕ ᐂᑉᐸᖓ ᐱᒋᓕᒃᑕᖃᕐᐳᖅ ᐱᐅᔪᓐᓃᕐᓂᑯᓂᒃ, ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 45:3

ᐅᖃᓚᐅᕋᕕᑦ, ‘ᐅᕙᓐᓄᑦ ᑲᑉᐱᐊᓐᓇᒦᒃ ᐊᑕᓂᐅᑉ ᐋᓐᓂᐊᕐᓂᕋ ᐃᓚᒃᑲᓐᓂᕐᒪᒍ ᕿᒃᓵᖕᓇᕐᑐᒥᒃ, ᐋᓐᓂᐊᓂᕐᒧᑦ ᐃᓂᓪᓚᒍᓐᓇᓐᖏᓚᖓ.’

ᔨᕆᒤᐊᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒨᓯᓯ ᓯᑕᒪᖏᑦ 18:13

ᐸᐅᕐᖎᑦ ᐱᕈᑦᓯᐊᕐᑐᑦ ᓯᕗᓪᓕᕐᐹᑦ ᐱᕈᕐᑐᑦ ᓄᓇᖁᑎᖏᓐᓂᑦ, ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᕝᕕᑦ ᐱᑖᕆᓂᐊᕐᐸᑎᑦ. ᑕᒪᒃᑯᐊᓕᒫᑦ ᑐᒃᓯᐊᕐᓂᒃᑯᑦ ᓴᓗᒪᔪᑦ ᐃᓚᒌᖕᓂᑦᓯᓐᓂᑦ ᐱᔪᑦ ᓂᕆᖃᑕᐅᔪᓐᓇᕐᐳᑦ.