ᒤᑲᐅᑉ ᐊᒡᓚᖏᑦ 6:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒤᑲᐅᑉ ᐊᒡᓚᖏᑦ 6:5 Iomraidhean Croise

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᐃᓐᖏᕈᑎᑦ 143:11

ᐊᑕᓃᖅ, ᐊᑏᑦ ᐱᑦᔪᑎᒋᓗᒍ, ᐃᓅᓯᕋ ᓴᐳᑎᓚᐅᕈᒃ! ᐃᓱᐊᕐᓂᕐᓄᑦ ᑕᕐᓂᕋ ᐊᑲᐅᖏᑦᔪᑎᖃᕐᓂᕐᒥᑦ ᐊᓂᑎᓚᐅᕈᒃ!

ᐃᓐᖏᕈᑎᑦ 36:10

ᑲᔪᓯᑎᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓕᖕᓂᒃ ᖃᐅᔨᒪᔪᓄᑦ, ᐃᓱᐊᕐᑐᓕᓃᓪᓗ ᐆᒻᒪᑎᒥᒍᑦ ᓱᓕᑦᓯᐊᕐᑐᓄᑦ.

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 1:27

ᓮᐅᓂ ᐱᐅᓕᔭᐅᔪᒫᕐᐳᖅ ᐸᓯᔭᒃᓴᐅᖏᓐᓂᕐᒧᑦ, ᑕᕝᕙᓃᑦᑐᓪᓗ ᖃᕿᐊᓕᕐᑐᑦ ᓇᓛᒎᕐᓂᕐᒧᑦ.

ᒨᓯᓯ ᓯᑕᒪᖏᑦ 22:41

ᐃᒤᓚᐅᕐᐳᖅ, ᖃᐅᑎᓪᓗᒍ, ᐰᓚᒃ ᐸᓛᒻ ᐂᖃᑎᒋᕚ ᐳᕐᑐᔪᓄᑦ ᐸᒨᑦ-ᐰᓕᒧᑦ ᑐᒃᓯᐊᕐᕕᖕᓄᑦ, ᑕᕝᕙᓐᖓᑦ ᑕᑯᔪᓐᓇᖁᓪᓗᒍ ᐃᓄᒋᐊᒃᑐᕐᔪᐊᑦ ᖃᓄᖅ ᐅᓄᕐᑎᒋᖕᒪᖔᑕ.

ᒨᓯᓯ ᓯᑕᒪᖏᑦ 23:27

ᐰᓚᒃᓗ ᐸᓛᒻᒧᑦ ᐅᖃᓕᕐᐳᖅ, “ᐊᑏ ᕾᓚᐅᕆᑦ, ᐊᓯᐊᓄᑦ ᐂᖃᑎᒋᔪᒪᒐᒃᑭᑦ; ᐃᒻᒪᖄ ᒎᑎᐅᑉ ᓈᒻᒪᒋᓂᐊᕐᐹ ᑍᑲᓐᖓᑦ ᐱᐅᖏᑦᑐᒧᑦ ᑎᑭᑕᐅᖁᓗᒋᑦ ᐅᖃᐅᓯᐅᖁᓗᒋᑦ.”

ᒨᓯᓯ ᓯᑕᒪᖏᑦ 25:1

ᐃᓴᕆᐊᓕᒥᐅᑦ ᓄᖅᑲᖓᓚᐅᕐᐳᑦ ᓯᑎᒻᒥ, ᐃᓄᐃᓪᓗ ᓄᓕᐊᒐᕐᓂᒃ ᐱᖃᑎᖃᖃᑦᑕᓕᓚᐅᕐᐳᑦ ᒧᐊᐱᒥᐅᑦ ᐊᕐᓇᖏᓐᓂᒃ.

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᒨᓯᓯ ᓯᑕᒪᖏᑦ 31:16

ᑕᑯᒋᑦ, ᐊᕐᓁᑦ ᐅᑯᐊ ᐃᓴᕆᐊᓕᒥᐅᓂᒃ ᐱᐅᖏᑦᑐᓕᑎᑦᓯᓚᐅᕐᑐᑦ, ᐸᓛᒻᒥᐅᑉ ᐱᖁᔨᓂᖓᒍᑦ, ᐱᐅᖏᑦᑐᓕᖁᔨᓪᓗᓂ ᐊᑕᓂᕐᒧᑦ ᐱᐅᕆᒥ, ᓂᖓᐅᑦᔭᐅᓯᒪᓂᕐᒥᒡᓗ ᑐᖁᓮᔪᒥᒃ ᐱᔪᖃᓕᓚᐅᕐᐳᖅ ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᓐᓂ.

ᒨᓯᓯ ᓯᑕᒪᖏᑦ 31:8

ᒥᑎᐊᓂᒥᐅᓪᓗ ᐊᖓᔪᖅᑳᕐᔪᐊᖏᑦ ᑐᖁᑉᐰᑦ ᑐᖁᑕᐅᔪᑦ ᐃᓚᒋᓪᓗᒋᑦ ᐅᑯᐊ- ᐃᕕ, ᕆᑭᒻ, ᔫᕆ, ᕼᐊᕐ, ᐊᒻᒪᓗ ᕆᐸ, ᑕᓪᓕᒪᑦ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᑦ. ᐸᓛᒻ-ᑕᐅᖅ ᐱᐅᕆᐅᑉ ᐃᕐᓂᖓ ᓴᕕᒃᔪᐊᒧᑦ ᑐᖁᓚᐅᕆᕚᑦ.

ᒨᓯᓯ ᓯᑕᒪᖏᑦ 33:49

ᔪᐊᕐᑕᓂᐅᑉ ᓯᓈᓂ ᑕᖕᒫᕐᓯᒪᓚᐅᕐᐳᑦ, ᐱᑦ-ᔨᓯᒫᒥᑦ ᐱᒋᐊᕐᓗᑎᒃ ᐊᐱᐅᓪ-ᓯᑎᒻ ᐊᑬᓯᐊ ᒍᕉᕝ ᑎᑭᓪᓗᒍ ᒧᐊᐱᐅᑉ ᓇᑎᕐᓇᖓᓂ.

ᐃᐱᓯᒥᐅᓄᑦ 2:11

ᑍᒤᒻᒪᑦ ᖃᓄᐃᑦᑑᓚᐅᕐᓂᑦᓯᓐᓂᒃ ᐃᖅᑬᓚᐅᕆᑦᓯ, ᔫᑎᐅᖏᑦᑐᓯ ᑍᔭᐅᓪᓗᓯ ᑭᐱᓯᒪᖏᑦᑐᓂᒃ ᔫᑎᓄᑦ, ᐃᒻᒥᖕᓂᒃ ᑍᔪᓄᑦ ᑭᐱᓯᒪᔪᓂᒃ ᓇᖕᒥᓂᖅ ᑎᒥᒥᒃᑎᒍᑦ ᑭᐱᓯᒪᔪᑦ ᐊᒡᒐᖕᓄᑦ.

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᒨᓯᓯ ᑕᓪᓕᒪᖏᑦ 23:6

ᑖᒃᑯᐊ ᐃᓅᖃᑎᒌᒡᔪᐊᑦ ᖃᓄᑐᐃᓐᓇᑦᓯᐊᖅ ᐃᑲᔪᓚᐅᕐᓯᒪᓂᐊᓐᖏᓚᓯ ᐅᕝᕙᓗ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐃᑲᔪᓚᐅᕐᓯᒪᓂᐊᓐᖏᓚᓯ ᐃᓅᓂᓕᒫᑦᓯᓐᓂ.

ᒨᓯᓯ ᑕᓪᓕᒪᖏᑦ 8:18

ᐃᖅᑲᐅᒪᔪᒃᓴᐅᕗᑎᑦ ᐊᑕᓂᐅᑉ ᒎᑎᕕᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚᑎᑦ ᐊᔪᕐᓴᕈᓐᓃᖁᓪᓗᑎᑦ. ᑍᒤᓕᐅᕐᐳᕐᓕ ᐅᓪᓗᒥ ᓱᓕ ᓯᕗᓕᕆᓚᐅᕐᑕᑦᓯᓐᓄᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓯᒪᓂᕐᒥᓄᑦ.

ᒨᓯᓯ ᑕᓪᓕᒪᖏᑦ 8:2

ᐃᖅᑲᐅᒪᔪᒃᓴᐅᕗᓯᑦᑕᐅᖅ ᐊᑕᓂᐅᑉ ᒎᑎᑦᓯ ᖃᓄᖅ ᑕᓯᐅᓚᐅᕐᒪᖔᓯ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒃᑯᑦ, ᐃᓕᑦᓯᓐᓂᒃ ᒥᑭᒡᓕᑎᕈᓐᓇᕐᓯᖁᓪᓗᓯ, ᖃᐅᔨᓴᕈᒪᓪᓗᓯᓗ ᖃᓄᖅ ᐆᒻᒪᒻᒥᐅᑕᖃᕐᒪᖔᑦᓯ, ᐱᖁᔭᖏᓐᓂᒡᓗ ᓈᓚᒍᒪᓂᐊᕐᒪᖔᑦᓯ, ᓈᓚᒍᒪᓂᐊᖏᒻᒪᖔᑦᓯᓗ.

ᒨᓯᓯ ᑕᓪᓕᒪᖏᑦ 9:7

“ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᖃᓄᖅ ᐊᑕᓂᖅ ᒎᑎᓯ ᓂᓐᖓᒃᑎᓚᐅᕐᒪᖔᑦᓯᐅᒃ ᐃᓄᖃᖏᑦᑐᒥ. ᑍᒪᓐᖓᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᑦᓯᓐᓂᑦ ᐅᓪᓗᒧᑦ ᒪᐅᖓ ᑎᑭᓐᓂᑦᓯᓐᓄᑦ ᑎᑭᓪᓗᒍ, ᑖᑦᓱᒥᖓ ᐊᑭᕋᕐᑐᖃᑦᑕᕐᓯᒪᕗᓯ.

ᔮᓱᐊᑉ ᐊᒡᓚᖏᑦ 2:1

ᔮᓱᐊ ᓈᓂᐅᑉ ᐃᕐᓂᖓ ᑎᓕᓯᕗᖅ ᒪᕐᕉᖕᓂᒃ ᖃᐅᔨᓴᕆᐊᕐᑑᖕᓂᒃ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ, ᐃᒫᒃ ᐅᖃᐅᑎᓪᓗᒋᑦ, “ᖃᐅᔨᔭᐅᑦᑍᓕᓗᓯᒃ ᑬᓇᐅᑉ ᓄᓇᖓᓂᒃ ᖃᐅᔨᓴᕆᐊᕆᑦᓯᒃ ᐱᓗᐊᕐᑐᒥᒃ ᔨᕆᑰᑉ ᐃᒡᓗᒐᓴᖏᓐᓂᒃ.” ᑖᒃᑯᐊᓗ ᐃᒡᓗᒐᓴᖕᓄᐊᕐᐳᑦ, ᑕᕝᕙᓃᑉᐳᓪᓗ ᐅᓪᓘᖕᓂᒃ ᒪᕐᕉᖕᓂᒃ, ᑐᔪᕐᒥᓪᓗᑎᒃ ᕅᕼᐊᐱᒥᒃ ᐊᑎᓕᖕᒥᒃ, ᑖᓐᓇ ᑮᓇᐅᔭᒧᑦ ᐊᑐᒐᐅᓚᐅᕐᑐᖅ.

ᔮᓱᐊᑉ ᐊᒡᓚᖏᑦ 3:1

ᐅᓪᓛᒻᒪᕆᒃᑯᑦ ᔮᓱᐊᓗ ᐃᓴᕆᐊᓕᒥᐅᓪᓗ ᒪᑭᓚᐅᕐᐳᑦ, ᐊᐅᓪᓚᕐᓗᑎᒡᓗ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ ᔪᐊᕐᑕᓂᒧᐊᓕᕐᓗᑎᒃ, ᑕᕝᕗᖓᓗ ᔪᐊᕐᑕᓂᒧᑦ ᑎᑭᓐᓇᒥᒃ, ᑕᖕᒫᓚᐅᕐᐳᑦ ᐃᑳᕆᐊᓚᐅᖏᓐᓂᕐᒥᖕᓂ.

ᔮᓱᐊᑉ ᐊᒡᓚᖏᑦ 4:19

ᐃᓄᐃᑦ ᐃᑳᓚᐅᕐᐳᑦ ᑰᖕᒥᒃ ᔪᐊᕐᑕᓂᒥᒃ ᑕᖅᑭᐅᑉ ᓯᕗᓪᓕᕐᐹᖓᑕ ᐅᓪᓗᖓᑕ 10ᖓᓂ, ᑕᖕᒫᕐᓗᑎᒡᓗ ᒋᐅᓪᒐᐅᓪᒧᑦ ᔨᕆᑰᑉ ᓄᓇᖓᑕ ᑭᒡᓕᖓᓄᑦ ᓯᕿᓂᖓᑕ ᓄᐃᕕᐊᑕ ᓇᓛᓃᑦᑐᒧᑦ.

ᐲᑦᑐᕉᓯ ᐂᑉᐸᖏᑦ 2:15

ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14

ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 11:25

ᐱᔪᓐᓇᕐᓂᕐᓴᐅᕕᓰ ᐰᓚᒃᒥᑦ, ᔨᐴᕆᐅᑉ ᐃᕐᓂᖓᓂᑦ, ᒧᐊᐱᐅᑉ ᐊᖓᔪᖅᑳᕐᔪᐊᖓᓐᓂᑦ? ᐅᓇᖕᒥᓱᓚᐅᕐᓯᒪᕚ ᐃᓴᕆᐊᓕᒥᐅᓂᒃ, ᐅᕝᕙᓘᓐᓃᑦ ᐅᓇᑕᖃᑎᖃᓚᐅᕐᓯᒪᕚ ᑖᒃᑯᓂᖓ?

ᐃᓗᐊᕐᓮᔩᑦ ᐊᒡᓚᖏᑦ 5:11

ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ, ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ. ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.

ᓴᒧᐃᓕ ᓯᕗᓪᓖᑦ 12:7

ᒫᓐᓇ ᑍᒤᒻᒪᑦ ᓂᑯᕕᒋᑦᓯ, ᐊᑕᓂᖅ ᑐᒃᓯᐊᕐᕕᒋᓂᐊᕋᒃᑯ ᐱᐅᓕᒃᓯᓂᕆᓚᐅᕐᑕᖏᑦ ᐃᓕᑦᓯᓐᓂᒃ ᓯᕗᓕᑦᓯᓐᓂᒡᓗ ᐱᑦᔪᑎᒋᓗᒋᑦ.