ᒤᑲᐅᑉ ᐊᒡᓚᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓈᓚᒋᑦᓯ ᐊᑕᓂᐅᑉ ᐅᖃᐅᓯᖏᓐᓂᒃ: “ᒪᑭᓕᕆᑦᓯ, ᓂᑲᓇᕐᓴᕐᓗᓯᓗ ᐱᑦᔪᑎᑦᓯᓐᓂᒃ ᖃᖅᑲᓄᑦ, ᐱᖑᐃᓪᓗ ᑐᓵᑎᓯᒋᑦ ᐅᖃᐅᓯᕆᔪᒪᔭᑦᓯᓐᓂᒃ.

ᒤᑲᐅᑉ ᐊᒡᓚᖏᑦ 6:1 Iomraidhean Croise

ᐃᓐᖏᕈᑎᑦ 50:1

ᐊᔪᒐᖃᖏᑦᑐᖅ, ᒎᑎ ᐊᑕᓂᖅ, ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.

ᐃᓐᖏᕈᑎᑦ 50:4

ᕿᓔᑦ ᑯᑦᓯᒃᑐᑦ ᕾᖁᔪᒫᕐᐰᑦ, ᓄᓇᕐᔪᐊᕐᓗᑦᑕᐅᖅ, ᐃᓄᖁᑎᓂ ᐃᖅᑲᕐᑐᕈᒪᓪᓗᒋᑦ:

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 3:13

ᐊᑕᓂᖅ ᐃᓂᒥᓃᓕᕐᐳᖅ ᐊᑭᒋᐊᕐᕕᒋᓂᐊᕐᑕᒥᓂ, ᓂᑯᕕᑉᐳᖅ ᐃᖅᑲᕐᑐᐃᓂᐊᓕᕐᓗᓂ ᐃᓄᖁᑎᒥᓂᒃ.

ᔨᕆᒤᐊᐅᑉ ᐊᒡᓚᖏᑦ 13:15

ᑐᓴᕐᓯᓐᖓ ᓈᓚᒃᓯᓐᖓᓗ, ᐱᐅᔪᕆᖏᓪᓗᓯ, ᑍᒫᒃ ᐊᑕᓂᖅ ᐅᖃᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 22:29

ᓄᓇ, ᓄᓇ, ᓄᓈ! ᐊᑕᓂᐅᑉ ᐅᖃᐅᓯᖓ ᑐᓴᕈᒃ!

ᐃᓯᑭᐊᓕᐅᑉ ᐊᒡᓚᖏᑦ 36:1

“ᐃᕝᕕᓪᓕ ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᖃᖅᑲᖏᓐᓄᑦ ᐱᔪᖃᓛᕐᑐᓂᒃ ᐅᖃᓪᓚᒋᐊᕐᑐᕆᑦ, ᐅᖃᕐᓗᑎᓪᓗ, ᐃᓴᕆᐊᓕᐅᑉ ᖃᖅᑲᖏᑦ, ᑐᓴᕆᑦᓯ ᐊᑕᓂᐅᑉ ᐅᖃᐅᓯᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 36:8

ᐃᓕᑦᓯᓕ, ᐃᓴᕆᐊᓕᐅᑉ ᖃᖅᑲᖏᑦ, ᓇᐹᕐᑐᑎᑦ ᐱᕈᕐᕕᐅᓕᕈᒫᕆᕗᑦ, ᐸᐅᕐᖓᕐᑖᖃᑦᑕᓕᕐᓗᑎᒡᓗ ᐃᓄᖁᑎᒪ ᐃᓴᕆᐊᓕᒥᐅᑉ ᓂᕿᒃᓴᖏᓐᓂᒃ; ᒫᓐᓇᒃᑯᑦ ᐊᖏᕐᕋᕆᐊᒃᓕᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 37:4

ᑕᕝᕙ ᐅᖃᐅᑎᒃᑲᓐᓂᕆᕚᖓ, “ᓴᐅᓃᑦ ᐅᑯᐊ ᐅᖃᕐᑕᐅᖁᔭᓐᓂᒃ ᐅᖃᐅᑎᒃᑭᑦ, ᐅᖃᐅᑎᓗᒋᓪᓗ, ᓴᐅᓃᑦ ᐸᓂᕐᑐᓯ, ᑐᓴᕆᑦᓯ ᐊᑕᓂᐅᑉ ᐅᖃᐅᓯᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 6:3

ᐅᖃᐅᑎᓗᒋᓪᓗ, ᐃᓴᕆᐊᓕᒥᐅᑦ ᖃᖅᑲᖏᑦ ᑐᓴᖁᓪᓗᒋᑦ ᐊᑕᓂᐅᑉ ᒎᑎᐅᑉ ᐅᖃᐅᓯᕆᔭᖏᓐᓂᒃ, ᐅᖃᐅᑦᔪᐃᒋᑦ ᖃᖅᑲᓂᒃ, ᐱᖑᕐᓂᒃ, ᑰᕈᕐᓂᒃ, ᓇᕐᓴᓂᒡᓗ: ᑕᑯᒋᑦ, ᐅᕙᖓ ᓇᖕᒥᓂᖅ, ᑎᓕᓯᔪᒫᕐᐳᖓ ᐅᓇᑕᕐᑎᓂᒃ, ᐊᓯᕈᐃᖁᓪᓗᒋᑦ ᒎᑎᓐᖑᐊᓂᒃ.

ᐂᒨᓯᐅᑉ ᐊᒡᓚᖏᑦ 3:1

ᑐᓴᕐᓯᐅᒃ ᐊᑕᓂᐅᑉ ᐅᖃᐅᓯᖓ ᐃᓕᑦᓯᓐᓂᒃ ᐅᖃᐅᑦᔨᔪᖅ, ᐃᓴᕆᐊᓕᒥᐅᑦ ᐃᓄᖏᓐᓂᒃ, ᐅᖃᐅᑦᔨᔪᑦ ᐃᓚᒌᓕᒫᓂᒃ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᑕᓐᓂᒃ, ᐅᖃᕐᓗᖓ:

ᒤᑲᐅᑉ ᐊᒡᓚᖏᑦ 1:2

ᑐᓴᕆᑦᓯ ᐃᓄᓕᒫᖑᔪᓯ! ᓈᓚᒋᑦᓯ ᐃᓘᓐᓇᓯ ᓄᓇᖃᕐᑐᓕᒫᖑᔪᓯ ᓄᓇᕐᔪᐊᒥ! ᐊᑕᓂᐅᑉ ᒎᑎᐅᑉ ᐊᑭᕋᕐᑐᕐᓂᕐᒥᓂᒃ ᓇᓗᓁᕐᓯᕕᒋᓂᐊᕐᐹᓯ, ᐊᑕᓂᖅ ᐅᖃᕐᐳᖅ ᐃᓂᒥᓂ ᐃᑦᔪᕐᓁᑦᑐᒥ ᑐᒃᓯᐊᕐᕕᒡᔪᐊᖁᑎᒥᓂᑦ.

ᒤᑲᐅᑉ ᐊᒡᓚᖏᑦ 1:4

ᖃᖅᑬᑦ ᐊᐅᒍᒫᕐᐳᑦ, ᐳᓐᓂᕐᑎᑐᑦ ᐃᑯᒪᒧᑦ ᐊᐅᒃᑐᑎᑐᑦ ᓇᕐᓮᓪᓗ ᐊᕕᒡᓗᑎᒃ, ᑰᒍᒫᕐᐳᖅ ᐃᒪᕐᑎᑐᑦ ᓯᕕᖓᔪᒃᑯᑦ ᑰᒃᑐᑎᑐᑦ.

ᒤᑲᐅᑉ ᐊᒡᓚᖏᑦ 5:15

ᐊᑭᓂᐊᕈᒫᕐᐳᖓ ᓂᓐᖓᐅᒪᓂᕐᒧᑦ ᑲᑉᐱᐊᓇᕐᑐᒧᑦ; ᐃᓅᖃᑎᒌᒡᔪᐊᓄᑦ ᐅᕙᓐᓂᒃ ᓈᓚᓚᐅᖏᑦᑐᓄᑦ.”

ᒤᑲᐅᑉ ᐊᒡᓚᖏᑦ 6:2

“ᑐᓴᕆᑦᓯ, ᐃᓕᑦᓯ ᖃᖅᑬᑦ, ᐊᑕᓂᐅᑉ ᓈᒻᒪᒃᓴᖏᑦᔪᑎᖓᓂᒃ, ᐃᓕᑦᓯᓗ ᓄᓇᕐᔪᐊᑉ ᑐᓐᖓᕕᖏᑦ ᓴᓐᖏᔪᑦ. ᐊᑕᓂᖅ ᓈᒻᒪᒃᓴᖏᑦᔪᑎᖃᕐᒪᑦ ᐃᓄᖁᑎᒥᓄᑦ, ᐊᑭᕋᕐᑐᕐᓂᐊᕐᓗᓂᓗ ᐃᓴᕆᐊᓕᒥᐅᓂᒃ.

ᓘᑲᓯᐅᑉ ᐊᒡᓚᖏᑦ 19:40

ᔩᓱᓯᐅᑉ ᑭᐅᕔᑦ, “ᐅᖃᐅᑎᕙᑦᓯ, ᑖᒃᑯᐊ ᓂᐸᖏᕋᓗᐊᕐᐸᑕ, ᒪᒃᑯᐊ ᐅᔭᕅᑦ ᕾᒐᓛᓕᕐᓂᐊᕐᐳᑦ.”

ᒨᓯᓯ ᑕᓪᓕᒪᖏᑦ 32:1

“ᕿᓚᐅᔪᑎᑦ ᑐᓵᓚᐅᕆᑦ, ᐅᖃᓪᓚᖕᓂᐊᕋᒪ; ᓄᓇᕐᔪᐊᕐᓗ ᖃᓂᕐᒪ ᐅᖃᐅᓯᖏᓐᓂᒃ ᑐᓵᓚᐅᕐᓕ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᓴᒧᐃᓕ ᓯᕗᓪᓖᑦ 12:7

ᒫᓐᓇ ᑍᒤᒻᒪᑦ ᓂᑯᕕᒋᑦᓯ, ᐊᑕᓂᖅ ᑐᒃᓯᐊᕐᕕᒋᓂᐊᕋᒃᑯ ᐱᐅᓕᒃᓯᓂᕆᓚᐅᕐᑕᖏᑦ ᐃᓕᑦᓯᓐᓂᒃ ᓯᕗᓕᑦᓯᓐᓂᒡᓗ ᐱᑦᔪᑎᒋᓗᒋᑦ.

ᓴᒧᐃᓕ ᓯᕗᓪᓖᑦ 15:16

ᑕᕝᕙ ᓴᒧᐃᓕ ᓴᐅᓕᒧᑦ ᐅᖃᕐᐳᖅ, “ᓂᐱᖃᓐᖏᓚᐅᕆᑦ! ᐅᖃᐅᑎᓂᐊᕐᐸᒋᑦ ᐊᑕᓂᐅᑉ ᐅᓐᓄᒃ ᐅᖃᐅᓯᕆᓚᐅᕐᑕᖓᓂᒃ ᐅᕙᓐᓄᑦ.” ᐅᖃᐅᑎᕚᓗ, “ᐊᑏ ᐅᖃᓕᕆᑦ.”