ᒤᑲᐅᑉ ᐊᒡᓚᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔧᑰᑉ ᑭᖑᕚᖏᑕ ᐊᒥᐊᒃᑯᖏᑦ ᐃᓅᖃᑎᒋᒡᔪᐊᑦ ᐊᑯᕐᖓᓐᓃᑦᓱᒫᕐᐳᑦ, ᐊᑕᓂᕐᒥᑦ ᐱᔪᒧᑦ ᓮᒻᒪᕐᑎᑦᓯᔪᒫᕐᐳᑦ ᐅᓪᓛᒥ ᓄᓇᒥ ᖃᐅᓯᕐᑎᑦᓯᔪᑎᑐᑦ, ᓯᓚᓗᒃᑐᑎᑐᓪᓗ ᐃᕕᖕᓄᑦ, ᐅᑕᖅᑭᓂᐊᓐᖏᓚᑦ ᐃᓄᖕᒥᒃ, ᐃᓄᓕᒫᓂᒡᓘᓐᓃᑦ.

ᒤᑲᐅᑉ ᐊᒡᓚᖏᑦ 5:7 Iomraidhean Croise

ᓴᒧᐃᓕ ᐂᑉᐸᖏᑦ 17:12

ᓇᓂᔪᓐᓇᕐᓂᐊᕐᐸᕗᑦ ᑍᕕᑎ ᓇᓃᒐᓗᐊᕐᐸᑦ, ᐅᓇᑕᕆᐊᕐᓗᒍᓗ ᖃᐅᔨᓚᐅᖏᓐᓂᖓᓂ ᖃᓄᐃᑦᑐᖃᓕᕐᒪᖔᑦ; ᑖᓐᓇᓗ ᐃᓚᒋᔭᖏᓪᓗ ᐊᓐᓇᑦᑐᖃᕐᓂᐊᓐᖏᓚᑦ.

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 133:3

ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 72:6

ᐊᖅᑲᕈᒫᕐᐳᖅ ᓯᓚᓗᒃᑎᑐᑦ ᐱᕈᕐᑐᓄᑦ, ᓯᓚᓗᒃᑎᑐᑦ ᓄᓇᒥᒃ ᖃᐅᓯᕐᑎᑦᓯᔪᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᐂᓮᐊᓯᐅᑉ ᐊᒡᓚᖏᑦ 32:15

ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 55:10

ᕿᓚᖕᒥᑦ ᓯᓚᓗᒃᐸᖕᒪᑦ ᖃᓐᓂᕐᐸᒃᓗᓂᓗ ᓄᓇᒧᑦ, ᐅᑎᕐᐸᒐᑎᒡᓗ ᑕᑉᐸᐅᖓ, ᓄᓇᒥᒡᓕ ᖃᐅᓯᓕᕐᑎᑦᓯᖃᑦᑕᕐᐳᑦ, ᐱᕈᕐᑐᒃᓴᓂᒡᓗ ᐱᕈᕐᑎᑦᓯᕙᒡᓗᑎᒃ, ᑲᓐᖓᕐᓱᐃᔨᓂᒃ ᐱᕈᕐᑐᒃᓴᖃᕐᑎᑦᓯᒃᑲᓐᓂᕐᓗᑎᒃ ᓂᕿᖃᕆᐊᓖᓪᓗ ᓂᕆᔭᒃᓴᖃᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 14:22

ᑕᒪᒃᑯᓇᓐᖓᓪᓕ ᐊᓐᓇᒍᓐᓇᕐᑐᖃᕋᔭᕐᐸᑦ ᕿᑐᕐᖓᓂᓗ ᑕᓯᐅᕐᓗᓂᒋᑦ, ᐃᓕᑦᓯᓐᓄᑦ ᑎᑭᑉᐸᑕ, ᐱᐅᓯᖏᓪᓗ ᐱᓂᐊᕐᓂᖏᓪᓗ ᑕᑯᓕᕈᑦᓯᒋᒃ, ᑕᕝᕙ ᔨᕉᓴᓕᐅᑉ ᓱᒋᐊᕐᑕᐅᓂᖓ ᐱᐅᖏᑦᑐᒧᑦ ᓈᒻᒪᓈᕐᑕᐅᓯᒪᓂᖓᓂᒃ ᖃᐅᔨᒐᔭᕐᐳᓯ ᒪᓂᒍᕐᑕᐅᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 47:1

ᑕᕝᕙ ᐅᑎᕈᑎᕚᖓ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᑦ; ᑕᑯᒋᓪᓗ, ᐃᑎᕐᑕᕐᕕᐅᑉ ᐊᑖᒍᑦ ᑰᒃᑕᖃᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᑰᒃᑐᒥᒃ ᑐᒃᓯᐊᕐᕕᒡᔪᐊᑉ ᓵᓐᖓᔭᖓᓄᑦ; ᑰᒃᑐᕐᓗ ᐱᒋᐊᕐᓯᒪᕗᖅ ᑐᒃᓯᐊᕐᕕᒡᔪᐊᑉ ᐊᑖᓂᑦ ᐅᓪᓗᓪᓗᐊᑉ ᓇᓛᓂᑦ, ᑐᓂᕐᕈᓯᕐᕕᐅᑉ ᐅᓪᓗᓪᓗᐊᖓᑕ ᓇᓛᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 5:5

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᕝᕙ ᔨᕉᓴᓕᒻ; ᐃᓅᖃᑎᒌᒡᔪᐊᑦ ᕿᑎᖓᓃᑎᓚᐅᕐᐸᕋ, ᓄᓇᓕᒐᓴᒡᔪᐊᓂᒃ ᐊᕙᑎᒥᐅᑕᖃᐅᕐᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 11:32

ᓯᓔᕐᕆᒃᓯᓂᕐᒥᒍᑦ ᓱᕈᕐᑎᑦᓯᔪᒫᕐᐳᖅ ᒎᑎᐅᑉ ᐊᖏᖃᑎᒌᒍᑎᖓᓂᒃ ᓈᓚᖏᑦᑐᓂᒃ, ᒎᑎᒥᒡᓕ ᖃᐅᔨᒪᔪᑦ ᑲᔪᓯᓪᓚᕆᒃᑐᒥᒃ ᐊᑭᕋᕐᑐᕈᒫᕐᐳᑦ ᑖᑦᓱᒥᖓ.

ᕼᐆᓯᐊᑉ ᐊᒡᓚᖏᑦ 14:5

ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ.

ᕼᐆᓯᐊᑉ ᐊᒡᓚᖏᑦ 6:3

ᖃᐅᔨᓕᕐᓚᕗᑦ, ᖃᐅᔨᕚᓪᓕᕋᓱᓚᐅᕐᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᕐᐳᖅ ᐅᓪᓘᑉ ᖃᐅᓕᕐᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᕐᑐᑎᑐᑦ.”

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᐂᒨᓯᐅᑉ ᐊᒡᓚᖏᑦ 5:15

ᐱᐅᖏᑦᑐᖅ ᐆᒥᒋᓯᐅᒃ, ᐱᐅᔪᖅ ᐅᖓᒋᓗᒍ, ᐊᑲᐅᔪᒥᒡᓕ ᐱᓇᓱᐊᕆᑦᓯ ᐃᖅᑲᕐᑐᐃᕕᖕᓂ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᓂᑲᒍᓱᓕᖁᓪᓗᒍ ᔫᓯᐱᐅᑉ ᑭᖑᕚᖏᑕ ᐊᒥᐊᒃᑯᖏᓐᓂᒃ.”

ᒤᑲᐅᑉ ᐊᒡᓚᖏᑦ 2:12

ᓱᓕᑦᓯᐊᕐᓗᖓ ᑲᑎᕐᓱᕈᒫᕐᐸᑦᓯ, ᔧᑯᒧᑦ ᑭᖑᕚᖑᔪᓯ; ᑲᑎᕐᓱᕈᒫᕐᐸᒃᑲ ᐃᓴᕆᐊᓕᒥ ᐊᒥᐊᒃᑰᔪᑦ; ᓰᐱᑎᑐᑦ ᓰᐱᒃᑯᕕᖕᒧᑦ ᑲᑎᕐᓱᕐᑕᐅᔪᑎᑐᑦ, ᓰᐱᑎᑐᓪᓗ ᓂᕿᒃᓴᓕᖕᒦᑦᑐᑎᑐᑦ; ᑐᓴᒡᒐᕕᒃᓴᐅᓛᓐᖏᓚᕐᓗ ᐃᓄᒋᐊᓗᐊᒧᑦ.

ᒤᑲᐅᑉ ᐊᒡᓚᖏᑦ 4:13

“ᓮᐅᓂᐅᑉ ᐃᓄᖏᑦ ᐊᑭᕋᓯ ᐊᓇᐅᓕᕆᐊᕐᑐᓕᕐᓯᒋᒃ! ᐱᔪᓐᓇᕐᓯᑎᓐᓂᐊᕐᐸᑦᓯ ᓲᖑᓯᑎᓪᓗᓯ ᐃᒻᒧᒃᓯᐅᒊᑦ ᐸᖕᓂᖏᑎᑐᑦ ᓴᕕᕋᔭᖕᓂᒃ ᓇᒡᔪᖃᕐᓗᑎ ᑯᑭᖃᕐᓗᑎᒡᓗ ᑲᓐᓄᔭᓂᒃ, ᐊᓯᕈᐃᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ, ᐱᖁᑎᑖᕕᓂᖏᓪᓗ ᐅᓇᑕᕐᓂᒃᑯᑦ ᐅᑎᕐᑎᑕᐅᓂᐊᕐᐳᑦ ᐃᑦᔪᕐᓁᑎᑕᐅᓗᑎᒃ ᐊᑕᓂᐅᔪᒧᑦ ᓯᓚᕐᔪᐊᓕᒫᒧᑦ.”

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᓴᑲᕅᐊᐅᑉ ᐊᒡᓚᖏᑦ 14:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᒥᖅ ᐃᓅᓯᖃᕐᓇᕐᑐᒥᒃ ᐃᒪᓕᒃ, ᔨᕉᓴᓕᒥᑦ ᑰᓕᕈᒫᕐᐳᖅ, ᐊᕝᕙᖓ ᑰᒡᓗᓂ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦᑐᒧᑦ, ᐊᕝᕙᖓᓗ ᑰᒡᓗᓂ ᐃᒪᕐᔪᐊᕐᒧᑦ ᐃᑎᕕᐊᓃᑦᑐᒧᑦ, ᑰᒍᒫᕐᐳᖅ ᐊᐅᔭᒃᑯᑦ ᐅᑭᐅᒥᓗ.

ᓴᑲᕅᐊᐅᑉ ᐊᒡᓚᖏᑦ 9:13

ᔫᑕ ᓂᐅᖓᒃᑎᑦᓱᒪᕙᕋ ᐱᑎᒃᓯᑐᑦ, ᐃᕗᕅᒥ ᖃᕐᔪᑎᑐᑦ ᑕᕝᕗᖓ ᐃᓕᔪᒪᕙᕋ, ᓮᐅᓂᐅᓪᓗ ᐃᕐᓂᖏᑦ ᒪᑭᑎᑦᓱᒪᕙᒃᑲ, ᒍᕇᓯᒥ ᓄᓇᖃᕐᑐᑦ ᐃᕐᓂᖏᓐᓂᒃ ᐊᑭᕌᕐᑐᖁᓪᓗᒋᑦ, ᐅᓇᑕᕐᑐᒃᓴᐅᑉ ᐊᔪᖏᑦᑑᑉ ᓴᕕᒡᔪᐊᖓᑐᑦ ᑍᒤᖁᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᐋᐴᓯᑕᓖᑦ ᐱᓂᐊᕐᓂᖏᑦ 11:15

ᐅᖃᓪᓚᓕᕐᑎᓪᓗᖓᓕ ᐊᓂᕐᓂᖅ ᐃᑦᔪᕐᓁᑦᑐᖅ ᑖᒃᑯᓄᖓ ᐊᖅᑲᕐᐳᖅ ᑍᒫᑦᓮᓐᓇᖅ ᐅᕙᑦᑎᓐᓄᑦ ᑎᑭᓚᐅᕐᓂᕐᒥᑐᑦ ᐱᒋᐊᓕᓵᕐᑎᓪᓗᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᕉᒪᒥᐅᓄᑦ 11:12

ᔫᑎᑦ ᐊᔪᕐᑐᓕᓂᖏᑦ ᓯᓚᕐᔪᐊᕐᒥᐅᓂᒃ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑕ, ᐊᓂᕐᓂᒃᑯᓪᓗ ᐱᔭᒃᓴᒥᖕᓂᒃ ᐊᓯᐅᔨᓂᖓᑦ ᔫᑎᐅᖏᑦᑐᓄᑦ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑦ, ᑕᕝᕙᓕ ᐊᑕᖏᕐᑐᒥᒃ ᐱᖃᑕᐅᓕᑐᐊᕈᑎᒃ ᐊᖏᓂᕐᓴᒥᒃ ᓮᒻᒪᕐᑎᑕᐅᔪᒫᕐᐳᑦ!

ᕉᒪᒥᐅᓄᑦ 9:30

ᖃᓄᕐᓕ ᑕᕝᕙ ᐅᖃᕐᑐᒃᓴᐅᓕᕐᐱᑖ? ᔫᑎᐅᖏᑦᑐᑦ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᖏᑦᑐᑦ ᐃᓗᐊᕐᓯᑎᑕᐅᓯᒪᓕᕐᐸᑕ, ᑕᕝᕙ ᐃᓗᐊᕐᑑᓂᕋᕐᑕᐅᓂᕐᒥᑦ ᐅᒃᐱᕐᓂᑯᑦ ᐱᔪᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:6

ᐅᕙᖓ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓚᐅᕐᐳᖓ, ᐊᐴᓗᓯ ᐃᒥᕐᒥᒃ ᑯᕕᓯᓚᐅᕐᐳᖅ, ᒎᑎᓕ ᐱᕈᕐᑎᑦᓯᓚᐅᕐᐳᖅ.

ᒨᓯᓯ ᑕᓪᓕᒪᖏᑦ 32:2

ᐊᔪᕆᕐᑐᐃᑦᔪᑎᒋᔭᒃᑲ ᓯᓚᓗᒃᑎᑐᑦ ᑲᑕᒐᕐᓕᑦ, ᐅᖃᐅᓯᒃᑲ ᖃᐅᓯᕐᑎᑦᓯᓗᑎᒃ ᒥᓂᔪᑎᑐᑦ, ᓯᓚᓗᒃᑐᑎᑐᑦ ᐃᕕᒃᓱᒐᕐᓄᑦ ᐱᕈᕐᐸᓪᓕᐊᔪᓄᑦ, ᒥᓂᔪᑎᑐᓪᓗ ᑍᒤᓐᓂᐊᕐᐳᑦ ᐃᕕᒐᕐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:36

ᒋᑎᐅᓂᓕ ᐅᖃᕐᐳᖅ ᒎᑎᒧᑦ, “ᐃᓴᕆᐊᓕᓂᒃ ᓴᐳᑦᔨᓂᐊᕈᕕᑦ ᐊᑐᕐᓗᖓ ᐅᖃᐅᓰᑦ ᒪᓕᒡᓗᒍ.