ᒤᑲᐅᑉ ᐊᒡᓚᖏᑦ 5:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒡᓗᒐᓮᓪᓗ ᓄᓇᖁᑎᑦᓯᓐᓃᑦᑐᑦ ᐊᓯᕈᕈᒫᕐᐸᒃᑲ ᓴᐳᑦᔭᐅᕕᒋᖃᑦᑕᕐᑕᓯᓗ ᐅᕐᕈᑎᓪᓗᒋᑦ.

ᒤᑲᐅᑉ ᐊᒡᓚᖏᑦ 5:11 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:9

ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 38:11

ᐅᖃᕐᓗᑎᓪᓗ, ‘ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᐊᕈᒪᕗᖓ; ᐃᓄᖕᓄᑦ ᐃᓂᓪᓚᖓᑦᓯᐊᕐᑐᓄᑦ, ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᑦ, ᓴᕕᕋᔭᖕᓄᓪᓗ ᐅᑯᐊᕐᔪᐊᓄᑦ ᐱᔭᐅᑦᔧᕐᓯᒪᖏᑦᑐᓄᑦ ᐃᑎᕐᑕᕐᕕᖃᖏᑦᑐᓄᑦ’;

ᕼᐆᓯᐊᑉ ᐊᒡᓚᖏᑦ 10:14

ᑍᒤᒻᒪᑦ ᐅᓇᑕᕐᓂᕐᒥᒃ ᓴᖅᑭᑦᑐᖃᕈᒫᕐᐳᖅ ᐃᓅᖃᑎᑦᓯᓐᓂ, ᓴᐴᓗᑕᓕᖁᑎᓕᒫᓯᓗ ᐊᓯᕈᕐᑕᐅᔪᒫᕐᐳᑦ, ᓵᓪᒪᓂᐅᑉ ᐅᓇᑕᕐᑎᓪᓗᒋᑦ ᐊᓯᕈᐃᓚᐅᕐᓯᒪᓂᖓᑐᑦ ᐱᑦ-ᐊᕐᐱᐅᓪᒥᒃ; ᐊᓈᓇᐅᔪᑦ ᒪᓂᖅᑲᒦᑦᑐᑦ ᑐᖁᑕᐅᓚᐅᕐᐳᑦ ᕿᑐᕐᖓᑎᒃ ᐃᓚᒋᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 5:9

ᓴᓐᖏᔪᐊᓗᐃᑦ ᐊᓯᕈᕐᑕᐅᓂᕐᒧᑦ ᑎᑭᑎᑕᐅᑎᑉᐰᑦ, ᐊᕙᓗᕐᔪᐊᓖᓪᓗ ᕿᒫᕖᑦ ᐊᓯᕈᕐᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.