ᒤᑲᐅᑉ ᐊᒡᓚᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓱᖕᒪᑦ ᕿᐊᕖᑦ ᓂᐱᖃᕐᓗᑏᑦ? ᐊᖓᔪᖅᑳᕐᔪᐊᖃᖏᓐᓂᑦᓯᓐᓅᑦ? ᐃᓱᒪᒃᓴᕐᓯᐅᕐᑎᓰ ᐊᓯᐅᓯᒪᖕᒪᑕ? ᐋᓐᓂᐊᓕᕐᐳᓯ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᒤᑲᐅᑉ ᐊᒡᓚᖏᑦ 4:9 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 13:8

ᑲᑉᐱᐊᓱᓕᕈᒫᕐᐳᓪᓗ. ᐋᓐᓂᕐᓇᕐᑐᕐᔪᐊᕐᒧᑦ ᓂᐹᓂᕐᒧᓪᓗ ᑎᑭᑕᐅᔪᒫᕐᐳᑦ; ᐋᓐᓂᐊᔪᐊᓘᔪᒫᕐᐳᑦ ᐊᕐᓇᑐᑦ ᐃᕐᓂᓱᒃᑐᑐᑦ; ᐃᕐᓯᓂᕐᒧᑦ ᐃᒻᒥᖕᓄᑦ ᑕᑯᓐᓇᖃᑦᑕᐅᑎᑐᐃᓐᓇᕈᒫᕐᐳᑦ; ᑮᓇᖏᓪᓗ ᑕᑯᒥᓁᓕᔪᒫᕐᐳᑦ ᐃᑯᒪᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 21:3

ᑍᒤᒻᒪᑦ ᓈᒃᑲᒃ ᑕᑕᑉᐳᒃ ᐃᓱᒪᔮᕐᓂᕐᒥᒃ; ᐋᓐᓂᐊᓂᕐᒧᓪᓗ ᐊᔪᓕᕐᑎᑕᐅᕗᖓ, ᐃᕐᓂᓱᒃᑑᑉ ᐋᓐᓂᐊᓂᖓᑐᑦ; ᐅᑯᖓᓕᓂᕐᒧᑦ ᑐᓵᔪᓐᓃᕐᐳᖓ, ᐃᓱᒪᔮᕐᓂᕐᒧᓪᓗ ᑕᐅᑐᒍᓐᓃᕋᒪ.

ᐂᓮᐊᓯᐅᑉ ᐊᒡᓚᖏᑦ 26:17

ᐊᕐᓇᐅᑉ ᐃᕐᓂᓱᒡᓗᓂ ᐋᓐᓂᐊᓂᕐᒧᑦ ᐃᓗᖏᕐᓱᕐᓂᕆᕙᒃᑕᖓᑐᑦ, ᐊᐅᓚᔪᑐᑦ ᓂᓪᓕᐊᓪᓗᓂᓗ ᐋᓐᓂᐊᓂᕐᒥᓄᑦ, ᐃᕐᓂᕕᒋᓂᐊᕐᑕᖓ ᓇᓪᓕᐅᑎᓕᕐᑎᓪᓗᒍ, ᐃᓕᖕᓄᑦ ᑍᒤᑉᐸᒃᑭᕗᒍᑦ, ᐊᑕᓃᖅ.

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:21

ᖃᓄᖅ ᐊᑯᓂᐅᑎᒋᔪᖅ ᐅᓇᑕᕐᑐᓂᒃ ᑕᑯᓐᓇᕐᓂᐊᕐᐳᖔ? ᑎᑦᑐᓚᐅᑎᓂᒡᓗ ᑐᓵᓗᖔ?

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 48:41

ᐃᒡᓗᒐᓴᒡᔪᐊᑦ ᓵᓚᒋᔭᐅᓗᑎᒃ ᑎᒍᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔫᒐᓗᐊᓪᓗ ᐱᔭᐅᓗᑎᒃ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒧᐊᐱᒥᐅᑦ ᐅᓇᑕᕐᑐᒃᓴᖁᑎᖏᑕ ᐆᒻᒪᑎᖏᑦ ᐊᑦᔨᖃᕈᒫᕐᐳᑦ, ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒋᔭᖓᑐᑦ ᐋᓐᓂᐊᓂᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 50:43

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑐᓴᕐᑎᑕᐅᒐᒥ ᑕᓕᖏᒃ ᓄᑮᕈᑎᕘᒃ, ᑯᒃᓴᓱᖕᓂᕐᒧᑦ ᐅᑯᒤᒃᓴᓕᕐᐳᖅ, ᐋᓐᓂᐊᓕᕐᓗᓂᓗ ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᕼᐆᓯᐊᑉ ᐊᒡᓚᖏᑦ 10:3

ᑖᒃᑯᐊᓕ ᐅᖃᕐᓂᐊᕐᐳᑦ: “ᐊᖓᔪᖅᑳᕐᔪᐊᖃᖏᓐᓇᑦᑕ, ᐊᑕᓂᕐᓗ ᓯᕘᕋᒋᓐᖏᓚᕗᑦ, ᐊᖓᔪᖅᑳᕐᔪᐊᖃᕈᑦᑕᓕ ᐅᕙᑦᑎᓐᓄᑦ ᖃᓄᐃᓕᐅᕋᔭᕐᒪᑦ?”

ᕼᐆᓯᐊᑉ ᐊᒡᓚᖏᑦ 13:13

ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 16:21

ᐊᕐᓇᖅ ᓄᑕᕋᕐᑖᕋᓱᒃᑯᓂ ᕿᒃᓵᓕᕐᐳᖅ, ᓇᓪᓕᐅᓐᓂᖓ ᓇᓪᓕᐅᑎᖕᒪᑦ; ᓄᑕᕋᑯᓗᒡᓕ ᐃᕐᓂᐊᕆᔭᕇᕈᓂᐅᒃ, ᐃᓗᖏᕐᓱᕐᓂᕆᖅᑲᐅᔭᓂ ᐳᐃᒍᕐᐹ, ᖁᕕᐊᓱᓕᕐᐳᖅ ᓄᑕᕋᑯᓗᒃ ᐃᕐᓂᐊᖑᖕᒪᑦ ᓯᓚᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:2

ᑖᓐᓇᓗ ᓄᑕᕋᒃᓴᖃᕋᒥ ᐃᕐᓂᓱᓕᕐᐳᖅ, ᐃᕐᓂᓱᖕᓂᕐᒧᓪᓗ ᐋᓐᓂᐊᒧᑦ ᓂᐹᕗᖅ, ᐊᒃᓱᐊᓗᒡᓗ ᐋᓐᓂᐊᕗᖅ ᐃᕐᓂᓕᕋᒥ.