ᒤᑲᐅᑉ ᐊᒡᓚᖏᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 4:4 Iomraidhean Croise

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 5:5

ᑕᕝᕙ ᐃᓱᒪᖃᓕᕐᐳᖓ ᐃᒡᓗᓕᐅᕈᒪᓪᓗᖓ ᐊᑕᓂᐅᑉ ᒎᑎᒪ ᐊᑎᖓᓄᑦ, ᐊᑕᓂᖅ ᐊᑖᑕᓄᑦ ᑍᕕᑎᒧᑦ ᐅᖃᕐᓯᒪᖕᒪᑦ, ‘ᐃᕐᓃᑦ, ᑖᓐᓇ ᐊᖓᔪᖅᑳᕐᔪᐊᕈᑎᓛᑕᕋ ᐃᓂᒋᔭᕐᓄᑦ, ᑖᑦᓱᒪ ᐃᒡᓗ ᐊᑎᕐᒪ ᐃᓂᒃᓴᖓ ᓴᓇᔪᒫᕐᐹ.’

ᔫᐱᐅᑉ ᐊᒡᓚᖏᑦ 11:19

ᓯᓂᒐᓱᐊᓕᕋᔭᕐᐳᑎᑦ, ᓱᓇᒥᒡᓘᓐᓃᑦ ᓯᕘᕋᖏᓪᓗᑎᑦ; ᐅᓄᕐᑐᓄᓪᓗ ᐅᐱᒋᔭᐅᑦᓯᐊᕐᓗᑎᑦ.

ᐃᓐᖏᕈᑎᑦ 72:3

ᖃᖅᑬᑦ ᐱᕙᓪᓕᕐᓇᕐᑎᑦᓯᖁᓪᓗᒋᑦ ᐃᓄᖕᓄᑦ, ᐱᖑᐊᕐᔪᐃᓪᓗ, ᐃᓱᐊᕐᓯᑎᑦᓯᔪᓐᓇᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:25

ᑲᑉᐱᐊᓱᖕᓂᐊᕐᓇᒃ ᑲᑉᐱᐊᓇᕐᑐᒧᑦ ᐅᐃᒻᒪᒃᑎᑕᐅᑲᓪᓚᖕᓂᕐᒥᒃ, ᐱᐅᖏᑦᑐᒥᒃᓗ ᐃᓅᓯᖃᕐᑐᑦ ᑎᑭᑕᐅᒐᓗᐊᕐᐸᑕ ᐊᓄᕆᕐᔪᐊᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 1:20

ᓈᓚᖏᓪᓗᓯᓕ ᐊᑭᕋᕐᑐᕈᑦᓯ, ᑐᖁᑕᐅᔪᒫᕐᐳᓯ ᓴᕕᒡᔪᐊᒧᑦ; ᐊᑕᓂᖅ ᓇᖕᒥᓂᖅ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 17:2

ᐃᒡᓗᒐᓴᒡᔪᐊᖏᑦ ᐃᓄᐃᕈᑎᔪᒫᕐᐳᑦ ᕿᒤᓐᓇᕐᑕᐅᓗᑎᒃ; ᓰᐱᓄᑦ ᓂᕆᓇᓱᒡᕕᑐᐃᓐᓇᐅᓕᕈᒫᕐᐳᑦ, ᐊᖁᐱᕕᐅᓗᑎᒃ, ᕿᒫᑎᑦᓯᔨᒃᓴᖃᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 22:25

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᓂᕕᓐᖓᕕᒃ ᐊᑦᓱᖏᕐᓯᒪᓚᐅᕐᑐᖅ ᐸᓚᓐᖓᒃᑯᓂ ᑲᑕᒍᒫᕐᐳᖅ, ᑖᑦᓱᒧᖓᓗ ᓂᕕᖓᓚᐅᕐᑐᑦ ᓂᕕᓐᖓᕕᒃᓮᕈᑎᔪᒫᕐᐳᑦ. ᐊᑕᓂᖅ ᐅᖃᕐᐳᖅ.’”

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᐂᓮᐊᓯᐅᑉ ᐊᒡᓚᖏᑦ 32:17

ᓇᓛᒎᕐᓂᐅᑉ ᐱᓇᓱᐊᕐᓂᖓ ᓮᓕᑦᓯᐊᕐᓂᐅᕗᖅ, ᓇᓛᒎᕐᓂᐅᓪᓗ ᐱᒋᐊᕐᑎᑉᐸ ᐃᓅᓯᖃᕐᓂᖅ ᖃᓄᐃᖏᑦᓯᐊᕐᓇᕐᑐᒥᒃ ᖁᓚᖏᓐᓂᕐᓗ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 36:16

ᕼᐃᓯᑬᐊᒥᒃ ᓈᓚᒃᑍᓕᒋᑦᓯ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᕐᒪᑦ: ᖃᓄᐃᓕᐅᕋᑦᓯ ᐅᕙᓐᓂᒃ ᕾᑐᐃᓐᓇᓕᕆᑦᓯ ᐅᕙᓐᓄᑦ, ᕔᓂᒃᓴᓂᒃ ᐸᐅᕐᖓᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕿᖃᕈᓐᓇᕐᑎᑕᐅᓛᕐᐳᓯ, ᓇᖕᒥᓂᕐᓗ ᓇᐹᕐᑐᖁᑎᑦᓯ ᐱᕈᕐᑐᖏᓐᓂᒃ ᓂᕆᖃᑦᑕᕐᓂᐊᕐᐳᓯ, ᓇᖕᒥᓂᕐᓗ ᐃᒥᕐᑕᕐᕕᖁᑎᑦᓯᓐᓂᑦ ᐃᒪᖃᕈᓐᓇᕐᓂᐊᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 58:14

ᑕᕝᕙ ᐊᑕᓂᖅ ᖁᕕᐊᒋᓕᕐᓂᐊᕐᐸᓯ, ᐃᖏᕐᕋᑎᑦᓱᒫᕐᐸᑦᓯᓗ ᓄᓇᐅᑉ ᐳᕐᑐᓂᕐᐹᖏᑎᒍᑦ; ᓂᕆᑎᑦᓱᒫᕐᓗᓯᓗ ᓯᕗᓕᕕᓂᓯ ᔧᑰᑉ ᓂᕿᒋᕙᓚᐅᕐᑕᖏᓐᓂᒃ, ᐊᑕᓂᐅᑉ ᖃᓂᖓ ᑍᒫᒃ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 23:4

ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 34:28

ᐃᓅᖃᑎᒌᒡᔪᐊᓄᑦ ᓂᑭᒃᓴᐅᕙᒍᓐᓁᕈᒫᕐᐳᑦ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᕙᒍᓐᓃᕐᓗᑎᒃ; ᓄᓇᖃᕈᒫᕐᐳᑦ ᖃᓄᐃᑕᐅᓐᓇᖏᑦᑐᒥ, ᓇᓪᓕᐊᓐᓄᓪᓘᓐᓃᑦ ᑲᑉᐱᐊᓱᒃᑎᑕᐅᕙᒍᓐᓁᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 38:11

ᐅᖃᕐᓗᑎᓪᓗ, ‘ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᐊᕈᒪᕗᖓ; ᐃᓄᖕᓄᑦ ᐃᓂᓪᓚᖓᑦᓯᐊᕐᑐᓄᑦ, ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᑦ, ᓴᕕᕋᔭᖕᓄᓪᓗ ᐅᑯᐊᕐᔪᐊᓄᑦ ᐱᔭᐅᑦᔧᕐᓯᒪᖏᑦᑐᓄᑦ ᐃᑎᕐᑕᕐᕕᖃᖏᑦᑐᓄᑦ’;

ᐃᓯᑭᐊᓕᐅᑉ ᐊᒡᓚᖏᑦ 39:26

ᑲᓐᖑᓇᕐᑐᒦᓚᐅᕐᓂᑎᒃ ᐳᐃᒍᕈᒫᕐᐹᑦ, ᐅᒃᐱᕆᔭᒃᓴᐅᖏᑦᑐᓂᒡᓗ ᐱᓂᐊᕐᓂᖃᖃᑦᑕᓚᐅᕐᓂᑎᒃ ᐅᕙᓐᓄᑦ, ᓄᓇᒥᖕᓂ ᐃᓂᓪᓚᖓᑦᓯᐊᓕᕈᑎᒃ ᑲᑉᐱᐊᓱᒃᑎᑕᐅᖃᑦᑕᕈᓐᓁᕈᑎᒡᓗ ᓇᐅᑐᐃᓐᓇᓄᑦ.

ᒨᓯᓯ ᐱᖓᔪᖏᑦ 26:6

“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᓴᑲᕅᐊᐅᑉ ᐊᒡᓚᖏᑦ 3:10

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ, ᐃᓕᑦᓯ ᐊᑐᓂᑦ ᓄᓇᖅᑲᑎᑦᓯᓐᓂᒃ ᕾᖁᔨᔪᒫᕐᐳᓯ ᖃᓄᐃᖏᑦᓯᐊᕐᓂᕐᒥ ᖁᕕᐊᓱᖃᑎᒋᓗᒋᑦ ᐃᒃᓯᕙᖃᑎᒋᓗᒋᑦ ᐱᕈᕐᑐᒃᑯᕕᖕᒥ ᕔᓂᓕᒃᓮᓪᓗ ᐱᒋᓕᒃᓮᓪᓗ ᓇᐹᕐᑐᑦ ᐊᑖᓐᓂ.”