ᒤᑲᐅᑉ ᐊᒡᓚᖏᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓕᑦᓯ ᐱᐅᔪᒥᒃ ᓇᕐᕈᔪᓯ ᐱᐅᒃᓴᕐᓗᓯᓗ ᐱᐅᖏᑦᑐᒥᒃ; ᐃᓕᑦᓯ ᐃᓄᖁᑎᒪ ᐅᕕᓂᖏᓐᓂᒃ ᐊᓕᒃᑐᐃᔪᓯ, ᓴᐅᓂᖏᑕ ᐅᕕᓂᖏᑦ ᐲᔭᕋᑦᓯᒋᒃ.

ᒤᑲᐅᑉ ᐊᒡᓚᖏᑦ 3:2 Iomraidhean Croise

ᐊᑕᓃᑦ ᓯᕗᓪᓖᑦ 21:20

ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᐃᓐᖏᕈᑎᑦ 15:4

ᐱᐅᖏᑦᑐᓕᐅᕐᑎᒥᒡᓗ ᖁᕕᐊᒋᔭᖃᖏᑦᑐᖅ, ᐅᐱᒍᓱᒃᑐᖅ ᒎᑎᒥᒃ ᓯᕘᕋᔪᓂᒃ, ᐊᖏᕈᑎᒥᓂᒃ ᑲᔪᓯᑎᑦᓯᕙᒃᑐᖅ, ᐊᓯᑦᔩᕙᒐᓂᓗ ᐃᒻᒥᓄᑦ ᐋᓐᓂᕐᓇᕋᓗᐊᕐᐸᑦ,

ᐃᓐᖏᕈᑎᑦ 53:4

ᐱᐅᖏᑦᑐᒥᒃ ᐱᓇᓱᐊᕐᑐᑦ ᑐᑭᓯᐅᒪᔪᖃᓐᖏᓚᑦ, ᐃᓄᖁᑎᓐᓂᒃ ᓂᕆᕗᑦ ᓲᕐᓗ ᓂᐊᖂᔭᕐᑐᕐᑐᑎᑐᑦ, ᒎᑎᒧᓪᓗ ᓂᓪᓕᐊᓇᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:4

ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 5:20

ᑲᑉᐱᐊᓐᓇᒦᒃ ᐱᐅᖏᑦᑐᒥᒃ ᐱᐅᓂᕅᔪᑦ ᐱᐅᔪᒥᒡᓗ ᐱᐅᖏᓐᓂᕅᔪᑦ, ᑖᕐᑐᒥᒃ ᖃᐅᒪᓂᕅᔪᑦ ᖃᐅᒪᔪᒥᒡᓗ ᑖᕐᓂᕅᔪᑦ, ᓰᕐᓇᖏᑦᑐᒥᒃ ᓰᕐᓇᕐᓂᕅᔪᑦ, ᓰᕐᓇᕐᑐᒥᒡᓗ ᓰᕐᓇᖏᓐᓂᕅᔪᑦ!

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 11:7

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓄᐊᕐᑕᕕᓂᓯ ᐃᒡᓗᒐᓴᖕᓃᑦᑐᑦ, ᑖᒃᑯᐊ ᐆᒋᒃᓴᐅᕗᑦ, ᑖᓐᓇ ᐃᒡᓗᒐᓴᒃ ᐅᒃᑯᓯᐅᓪᓗᓂ; ᐅᕙᖓᓕ ᐃᒡᓗᒐᓴᒡᔪᐊᓂᑦ ᐊᓂᑎᑦᓱᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 24:4

ᓂᕿᑦᓯᐊᕙᐅᓂᕐᓂᒃ ᐆᒃᓯᕐᑐᕐᓗᒍ, ᐊᒃᓴᖅᑯᕐᓂᒃ ᖁᒃᑐᕋᕐᓂᒡᓗ; ᓴᐅᓂᖃᕐᑐᓂᒃ ᓂᕈᐊᕆᓲᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 34:3

ᑐᓐᓄᖏᑦ ᓂᕆᕙᓯ, ᒥᖅᑯᕕᓂᖏᓐᓂᒡᓗ ᐊᓐᓄᕌᖃᕐᓗᓯ, ᖁᐃᒃᓯᑦᓯᐊᖑᓯᒪᔪᓂᒡᓗ ᑐᖁᑦᓯᕙᒃᓗᓯ; ᓰᐱᓂᒡᓕ ᓂᕆᑎᑦᓯᖃᑦᑕᓐᖏᓚᓯ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 5:15

ᐱᐅᖏᑦᑐᖅ ᐆᒥᒋᓯᐅᒃ, ᐱᐅᔪᖅ ᐅᖓᒋᓗᒍ, ᐊᑲᐅᔪᒥᒡᓕ ᐱᓇᓱᐊᕆᑦᓯ ᐃᖅᑲᕐᑐᐃᕕᖕᓂ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᓂᑲᒍᓱᓕᖁᓪᓗᒍ ᔫᓯᐱᐅᑉ ᑭᖑᕚᖏᑕ ᐊᒥᐊᒃᑯᖏᓐᓂᒃ.”

ᒤᑲᐅᑉ ᐊᒡᓚᖏᑦ 2:8

ᒫᓐᓇᑯᓪᓕ ᐃᓄᖁᑎᒃᑲ ᐊᑭᕋᕐᑎᑐᑦ ᐱᓇᓱᐊᓕᕐᐳᑦ, ᐅᓕᒡᔪᐊᖏᓐᓂᒃ ᐊᓐᓄᕌᖏᓐᓂᒡᓗ ᐊᕐᓵᕐᓯᖕᒪᑕ, ᐃᓕᑦᓯᓐᓂᒃ ᐃᓱᒪᔮᕈᑎᖃᕋᑎᒃ ᐊᖅᑯᓵᕐᑐᑦ, ᐊᖑᑎᑎᑐᑦ ᐅᑎᕋᑖᕐᑐᑎᑐᑦ ᐅᓇᑕᕐᓂᕐᒥᑦ.

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᔨᐸᓁᐊᐅᑉ ᐊᒡᓚᖏᑦ 3:3

ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᕐᓯᓵᕐᐳᑦ, ᐊᐅᓚᑦᓯᔨᖏᓪᓗ ᐊᒪᕈᕐᑎᑑᕐᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ.

ᓘᑲᓯᐅᑉ ᐊᒡᓚᖏᑦ 19:14

ᓄᓇᖃᑎᖏᑕ ᑖᓐᓇ ᐊᖓᔪᖅᑳᖅ ᐆᒥᒋᒐᒥᑦᔪᒃ, ᑎᓕᓯᕗᑦ ᐅᖃᕆᐊᕐᑐᕐᑐᓂᒃ, ‘ᐅᓇ ᐊᖓᔪᖅᑳᕐᔪᐊᕐᑖᕆᔪᒪᓐᖏᑕᕗᑦ.’

ᔪᐊᓇᓯᐅᑉ ᐊᒡᓚᖏᑦ 18:40

ᑕᕝᕙ ᕾᒐᓛᓕᕐᐳᑦ, “ᑖᑦᓱᒥᖓᐅᖏᑦᑐᖅ, ᐸᕋᐹᓯᒥᒡᓕ!” (ᐸᕋᐹᓯᓕ ᐱᕋᔭᐅᕗᖅ.)

ᔪᐊᓇᓯᐅᑉ ᐊᒡᓚᖏᑦ 7:7

ᓯᓚᕐᔪᐊᕐᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᕐᓯᖃᑦᑕᕐᓂᕋ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 1:32

ᒎᑎᐅᑉ ᐊᑐᕐᑕᐅᖁᔭᖓ ᓈᒻᒪᓈᕐᓯᒪᔪᖅ ᖃᐅᔨᒪᒐᓗᐊᕐᐹᑦ ᑍᒤᓕᐅᕐᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᕐᐳᑦ ᑕᒪᒃᑯᓂᖓ ᐊᑐᕐᑐᓂᒃ.

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᑎᒧᑎᒧᑦ ᐂᑉᐸᖏᑦ 3:3

ᑐᓐᖓᓇᖏᑦᑐᓂᒃ, ᐃᓱᒪᒋᔪᓐᓁᕐᕕᖃᕈᓐᓇᖏᑦᑐᓂᒃ, ᐅᖃᐅᑎᒃᓴᕐᑎᓂᒃ, ᐱᔪᒪᔭᓕᒫᒥᖕᓂᒃ ᐊᑐᑐᐃᓐᓇᕐᑐᓂᒃ, ᑲᑉᐱᐊᓵᕆᔨᓂᒃ, ᐱᐅᔪᒥᒃ ᐆᒥᓱᒃᑎᓂᒃ;