ᒤᑲᐅᑉ ᐊᒡᓚᖏᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒤᑲᐅᑉ ᐊᒡᓚᖏᑦ 3:11 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:23

ᐱᐅᖏᑦᑐᒥᒃ ᐃᓱᒪᓕᒃ ᐃᔨᕋᕐᑐᕐᓗᓂ ᐃᓚᓐᓂᕐᓴᐅᒻᒥᒃ ᐊᖏᕐᐳᖅ, ᑭᖑᓂᖓᒍᓪᓗ ᓈᒻᒪᑦᓯᐊᕐᑐᖅ ᐊᑐᕐᑕᐅᓕᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 48:2

ᐃᒻᒥᖕᓂᒃ ᑍᕙᒃᑐᑦ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ ᐃᓚᐅᓂᕋᕐᓗᑎᒃ, ᑕᑎᑐᐊᖃᕐᓂᕋᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᑖᓐᓇ ᐊᑎᖃᕐᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 5:23

ᓇᓪᓕᐊᑦ ᐱᐅᖏᑦᑐᒥᒃ ᐊᑭᓕᕐᑕᐅᓂᒃᑯᑦ ᐸᓯᔭᒃᓴᐅᖏᓐᓂᕅᔪᑦ, ᐸᓯᔭᒃᓴᐅᖏᑦᑐᒥᒡᓗ ᐊᕐᓵᕐᓯᔪᑦ ᐱᔪᓐᓇᕐᑎᑕᐅᑦᔪᑎᖓᓂᒃ!

ᐂᓮᐊᓯᐅᑉ ᐊᒡᓚᖏᑦ 56:11

ᕿᒻᒥᑎᑐᑦ ᐊᕿᐊᕈᖅᑯᕐᑐᔪᑎᑐᑦ ᑍᒤᑉᐳᑦ; ᐊᕿᐊᑦᑐᕈᓐᓇᕋᑎᒃ ᓈᒻᒪᒃᓯᔪᓐᓇᓐᖏᓚᑦ. ᐰᕐᓯᔨᐅᕗᓪᓗ ᑐᑭᓯᓂᖃᖏᑦᑐᑦ; ᓇᖕᒥᓂᖅ ᐊᑐᕈᒪᔭᑐᐃᓐᓇᕐᒥᖕᓄᑦ ᓴᖑᔭᑦᑐᑦ; ᓇᖕᒥᓂᕐᓗ ᐱᔪᓐᓇᕐᓯᑦᔪᑎᒃᓴᒥᖕᓂᒃ ᐃᓱᒪᒋᔭᑐᐊᖃᕐᐳᑦ, ᐃᓘᓐᓇᑦᓯᐊᑎᒃ.

ᔨᕆᒤᐊᐅᑉ ᐊᒡᓚᖏᑦ 23:17

ᒎᑎᒥᒃ ᓇᕐᕈᒋᔭᓖᑦ ᐅᖃᐅᑎᖃᑦᑕᕐᒪᒋᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᖃᓄᐃᑕᐅᓇᕐᑐᒧᑦ ᑎᑭᑕᐅᑦᔮᓐᖏᓚᓯ’; ᐆᒻᒪᑎᒥ ᓯᑎᔫᓂᖏᓐᓂᒃ ᒪᓕᒃᑐᑦ ᐅᖃᕐᕕᒋᕙᒃᐰᑦ, ‘ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 26:7

ᑐᓂᕐᕈᓯᕐᑎᑦᓯᔩᑦ, ᓇᓚᐅᑦᑍᔪᓪᓗ, ᐃᓄᓕᒫᓪᓗ ᔨᕆᒤᐊᒥᒃ ᑐᓴᕐᐳᑦ ᐅᖃᓪᓚᒃᑎᓪᓗᒍ ᑐᒃᓯᐊᕐᕕᒃᔪᐊᕐᒥ.

ᔨᕆᒤᐊᐅᑉ ᐊᒡᓚᖏᑦ 5:12

ᐊᑕᓂᖅ ᓴᒡᓗᑎᒋᓪᓗᒍ ᐅᖃᓚᐅᕐᒪᑕ ᐅᖃᕐᓗᑎᒃ, “ᖃᓄᐃᓕᐅᑦᔮᖏᓐᓚᖅ ᐅᕙᑦᑎᓐᓂᒃ, ᐊᓯᕈᕐᓇᕐᑐᒧᑦ ᑎᑭᑕᐅᑦᔮᓐᖏᓚᒍᑦ, ᐅᓇᑕᕐᑐᓂᒃ ᑳᖕᓇᕐᑐᒥᒡᓘᓐᓃᑦ ᑕᑯᓚᐅᕐᓯᒪᑦᔮᓐᖏᓚᒍᑦ.”

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᔨᕆᒤᐊᐅᑉ ᐊᒡᓚᖏᑦ 7:4

ᐅᖃᐅᓯᑦᓯᓐᓄᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᓕᕌᖓᑦᓯ, ‘ᐊᑕᓂᐅᑉ ᐅᓇ ᑐᒃᓯᐊᕐᕕᒃᔪᐊᖁᑎᖓ, ᐊᑕᓂᐅᑉ ᑕᕝᕙ ᑐᒃᓯᐊᕐᕕᒡᔪᐊᖁᑎᖓ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓ!’

ᔨᕆᒤᐊᐅᑉ ᐊᒡᓚᖏᑦ 8:10

ᑍᒤᒻᒪᑦ ᓄᓕᐊᖏᑦ ᓄᓕᐊᕐᑖᕆᔭᐅᑎᓐᓂᐊᕐᐸᒃᑲ ᐊᓯᖏᓐᓄᑦ, ᐱᕈᕐᓰᕕᖁᑎᖏᓪᓗ ᐃᓄᒃᑖᕐᑎᓪᓗᒋᑦ ᐊᓯᖏᓐᓂᒃ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ ᖃᑭᔪᒪᓃᓐᓈᓗᖕᒥᒃ ᐃᓱᒪᖃᓕᕐᒪᑕ, ᓇᓚᐅᑦᑍᔪᓪᓗ ᑐᓂᕐᕈᓯᕐᑎᑦᓯᔩᓪᓗ ᐅᐃᕕᕐᕆᒃᓯᖃᑕᐅᓕᕐᒪᑕ ᖃᑭᔪᒪᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᕼᐆᓯᐊᑉ ᐊᒡᓚᖏᑦ 4:18

ᐃᒥᓗᐊᓚᐅᕐᓗᑎᒃ ᕔᓂᒥᒃ, ᐃᒻᒥᖕᓂᒃ ᐂᑦᑑᑎᒋᕗᑦ ᐊᑐᒐᕐᓄᑦ; ᐱᓇᓱᐊᕈᒪᓂᕐᓴᐅᕗᑦ ᑲᓐᖑᓇᕐᑐᓂᒃ ᐅᐱᓐᓇᕐᓂᖅ ᐱᔪᒪᓇᒍ.

ᕼᐆᓯᐊᑉ ᐊᒡᓚᖏᑦ 4:8

ᐊᒃᓱᐃᓕᕗᓯ ᐃᓄᖁᑎᒪ ᐊᔪᕐᓂᖏᓐᓄᑦ; ᑖᒃᑯᐊᓗ ᑲᔪᖏᓛᕐᐳᑦ ᐊᔪᕐᑐᓕᓂᕐᒧᑦ.

ᐂᒨᓯᐅᑉ ᐊᒡᓚᖏᑦ 5:14

“ᐱᐅᔪᒥᒃ ᕿᓂᕆᑦᓯ ᐱᐅᖏᑦᑐᒥᐅᖏᑦᑐᖅ, ᐃᓅᖁᓪᓗᓯ, ᑕᕝᕙ ᕿᓚᖕᒥᐅᒐᓴᒡᔪᐊᑦ ᐊᑕᓂᖓᑕ ᒎᑎᐅᑉ ᐃᓚᒋᓂᐊᕐᐹᓯ, ᐅᖃᐅᓯᕆᔭᓯ ᒪᓕᒡᓗᒍ.

ᐂᒨᓯᐅᑉ ᐊᒡᓚᖏᑦ 9:10

ᐃᓄᖁᑎᓐᓂ ᐊᔪᕐᑐᓕᔪᓕᒫᑦ ᑐᖁᔪᒫᕐᐳᑦ ᓴᕕᒡᔪᐊᒧᑦ, ᐃᒫᒃ ᐅᖃᕐᑐᑦ, ‘ᐱᐅᖏᑦᑐᒧᑦ ᐊᖑᔭᐅᓂᐊᓐᖏᓚᒍᑦ ᑎᑭᑕᐅᓂᐊᓐᖏᓚᒍᓪᓘᓐᓃᑦ.’”

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᔨᐸᓁᐊᐅᑉ ᐊᒡᓚᖏᑦ 3:3

ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᕐᓯᓵᕐᐳᑦ, ᐊᐅᓚᑦᓯᔨᖏᓪᓗ ᐊᒪᕈᕐᑎᑑᕐᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ.

ᔨᐸᓁᐊᐅᑉ ᐊᒡᓚᖏᑦ 3:4

ᓇᓚᐅᑦᑍᔨᖁᑎᖏᑦ ᐅᖃᐅᓯᕐᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᕐᑎᑦᓯᔨᖏᑦ ᓇᕐᕈᓇᕐᓯᑎᑦᓯᕗᑦ ᐃᑦᔪᕐᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᓂᕐᓗᒃᐳᑦ.

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᒪᓚᑬᑉ ᐊᒡᓚᖏᑦ 2:9

ᑍᒤᒻᒪᑦ ᓇᕐᕈᒋᔭᐅᓕᕐᑎᑉᐸᑦᓯ ᐃᓕᕋᒃᑯᓐᓇᕐᓯᑎᓪᓗᓯᓗ ᐃᓄᐃᑦ ᓯᕗᕌᓂ, ᐊᖅᑯᑎᒋᔭᐅᖁᔭᒃᑲ ᐊᑐᓚᐅᖏᓐᓇᑦᓯᐅᒃ ᐱᖁᔧᓪᓗ ᐃᓔᓐᓇᖏᓐᓂᒃ ᐊᔪᕆᕐᑐᐃᓚᐅᕋᑦᓯ.”

ᒨᓯᓯ ᓯᑕᒪᖏᑦ 16:15

ᑕᕝᕙ ᒨᓯᓯ ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᑐᓂᕐᕈᑎᖏᑦ ᑲᒪᒋᑦᑍᓕᒃᑭᑦ. ᓯᐅᑎᖅᑯᕐᑐᔪᒥᒡᓘᓐᓃᑦ ᐊᑕᐅᓯᕐᒥᒃ ᑖᒃᑯᓇᓐᖓᑦ ᐱᑎᑕᐅᓚᐅᓐᖏᓚᖓ, ᐋᓐᓂᕐᓯᓚᐅᕐᓇᖓᓘᓐᓃᑦ ᓇᓪᓕᐊᓐᓂᒃ.”

ᒨᓯᓯ ᓯᑕᒪᖏᑦ 22:7

ᒧᐊᐱᒥᐅᑦ ᐊᖓᔪᖅᑳᖏᑦ ᒥᑎᐊᓂᒥᐅᓪᓗ ᐊᖓᔪᖅᑳᖏᑦ ᐊᐅᓪᓚᕐᐳᑦ ᖃᐅᔨᑎᑦᓯᔪᒃᓴᒧᑦ ᐊᑭᓕᐅᑎᒃᓴᒥᒃ ᓇᒃᓴᕐᓗᑎᒃ, ᐸᓛᒻᒧᑦ ᑎᑭᓐᓇᒥᒃ ᐅᖃᕐᕕᒋᕚᑦ ᐰᓚᑭᐅᑉ ᐅᖃᐅᓯᕆᖁᔭᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 3:9

ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᑎᑦᓯᔪᓐᓇᕐᐳᖅ!

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑍᑑᓯᒧᑦ 1:11

ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ.

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᓴᒧᐃᓕ ᓯᕗᓪᓖᑦ 8:3

ᐃᕐᓂᖏᒡᓕ ᐃᓅᓚᐅᓐᖏᓛᒃ ᑖᑦᓱᑐᓇᖅ; ᓴᖑᓚᐅᕐᐴᒡᓕ ᑮᓇᐅᔭᓕᐅᕈᒪᓂᕐᒧᑦ ᐱᓕᕆᓕᕐᓗᑎᒃ; ᓯᓔᕐᕆᒃᓯᓪᓗᑎᒃ ᐱᓇᓱᐊᖃᑦᑕᓚᐅᕐᒪᑎᒃ ᓱᓕᖏᑦᑐᒥᒃ ᐱᓂᐊᕐᓂᖃᓕᕐᓗᑎᒃ.