ᒤᑲᐅᑉ ᐊᒡᓚᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔧᑯᒧᑦ ᑭᖑᕚᖑᔪᓯ: ᐊᑕᓂᐅᑉ ᐊᓂᕐᓂᖓ ᓂᓐᖓᐅᒪᕚ? ᑕᒪᒃᑯᐊ ᐱᓂᐊᕐᓂᕆᕔᑦ? ᐅᖃᐅᓯᒃᑲ ᐱᐅᔪᒥᒃ ᐱᓇᓱᐊᕐᑎᑦᓯᓐᖏᓛᑦ ᐃᓅᑦᓯᐊᕐᑐᓅᑦ?

ᒤᑲᐅᑉ ᐊᒡᓚᖏᑦ 2:7 Iomraidhean Croise

ᐃᓐᖏᕈᑎᑦ 119:65

ᐊᑕᓃᖅ, ᐱᔩᑦ ᐱᓇᓱᐊᑦᓯᐊᕐᕕᒋᓯᒪᕙᑦ, ᐅᖃᐅᓯᕐᑎᑦ ᐊᖏᕈᑎᒋᓯᒪᔭᑎᑦ ᒪᓕᒡᓗᒋᑦ.

ᐃᓐᖏᕈᑎᑦ 119:68

ᐱᐅᔫᒐᕕᑦ, ᐱᑦᓯᐊᕐᓗᑎᓪᓗ; ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ.

ᐃᓐᖏᕈᑎᑦ 15:2

ᐃᓱᐊᕐᑐᒥᒃ ᐃᓅᔪᖅ, ᐱᓂᐊᕐᓂᖃᕐᑐᕐᓗ ᐃᓱᐊᕐᑐᒥᒃ, ᓱᓕᔪᓂᒡᓗ ᐅᖃᐅᓯᖃᕐᑐᖅ ᐆᒻᒪᑎᒥᓂᑦ;

ᐃᓐᖏᕈᑎᑦ 18:26

ᓴᓗᒪᑦᓯᐊᕐᑐᓄᑦ, ᓴᓗᒪᑦᓯᐊᕐᓗᑎᑦ ᓴᖅᑭᓐᓂᐊᕐᐳᑎᑦ, ᓯᓔᕐᕆᒃᓯᓇᓱᐊᕐᑐᓄᑦ, ᐃᓕᕋᓇᕐᓗᑎᑦ ᓴᖅᑭᓐᓂᐊᕐᐳᑎᑦ,

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:29

ᐊᑕᓂᖅ ᓴᐳᑦᔭᐅᕕᒃᓴᐅᕗᖅ ᐃᓱᐊᕐᑑᑉ ᐊᖅᑯᓯᓂᖓᓂ, ᐱᐅᖏᑦᑐᓕᔪᓪᓕ ᐊᓯᕈᕐᑕᐅᓇᕐᑐᒧᑦ ᑎᑭᐅᑎᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:9

ᐸᓯᔭᒃᓴᐅᖏᑦᑐᒥ ᐃᓅᔪᖅ ᐊᑕᕐᓇᖏᑦᑐᒥᒃ ᐃᓅᓯᖃᕐᐳᖅ, ᑲᓐᖑᓇᕐᑐᓕᓂᒃᑯᓪᓕ ᐃᓅᔪᖅ ᓴᖅᑭᑎᑕᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:2

ᐃᓱᐊᕐᑐᒥᒃ ᐃᓅᔪᖅ ᐊᑕᓂᕐᒥᒃ ᓯᕘᕋᒋᔭᖃᕐᓗᓂ ᐃᓅᕗᖅ, ᐃᓱᐃᑦᑐᒥᒡᓕ ᐃᓅᔪᖅ ᐊᑕᓂᕐᒥᒃ ᓇᕐᕈᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:7

ᓯᓚᑐᑎᑦᓯᓂᖅ ᑲᑎᕐᓱᐊᕆᓪᓗᒍ ᐃᓂᑖᕐᑎᑉᐹ ᐱᓇᓱᐊᑦᓯᐊᕐᑐᓂ, ᓴᐴᓗᑕᐅᕗᖅ ᐃᓅᓯᖃᕐᑐᓄᑦ ᐱᐅᔪᒥᒃ ᑲᔪᓯᑦᓯᐊᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:18

ᐸᓯᔭᒃᓴᐅᖏᓪᓗᓂ ᐃᓅᔪᖅ ᓴᐳᑎᔭᐅᔪᒫᕐᐳᖅ, ᐱᐅᖏᓐᓂᕐᒥᒡᓕ ᐃᓅᔪᖅ ᑲᑕᒃᑎᑕᐅᔪᒫᕐᐳᖅ ᐃᑎᕐᓴᒧᑦ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 2:4

ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᐃᓕᑦᓯ ᔧᑯᒧᑦ ᑭᖑᕚᕆᔭᐅᔪᓯ, ᐃᓴᕆᐊᓕᒥᐅᓄᓪᓗ ᑭᖑᕚᕆᔭᐅᔪᓯ.

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᒤᑲᐅᑉ ᐊᒡᓚᖏᑦ 3:9

ᒫᓐᓇ ᒪᑐᒥᖓ ᑐᓴᓕᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑰᑉ ᑭᖑᕚᖏᓐᓄᑦ ᐃᓴᕆᐊᓕᒥᐅᓄᓪᓗ ᐊᐅᓚᑦᓯᔨᐅᔪᓯ, ᓇᕐᕈᔪᓯ ᐃᖅᑲᕐᑐᐃᑦᓯᐊᕐᓂᕐᒥᒃ ᓱᓕᔪᒥᒡᓗ ᑕᒻᒪᕐᓂᐅᓂᕅᓕᕐᓗᓯ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒨᓯᓯ ᓯᑕᒪᖏᑦ 11:23

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᔪᐊᓇᓯᐅᑉ ᐊᒡᓚᖏᑦ 8:39

ᑖᒃᑯᐊ ᑭᐅᕚᑦ, “ᐂᑉᕋᕼᐋᒻ ᐊᑖᑕᒋᕙᕗᑦ.” ᔩᓱᓯᐅᑉ ᐅᖃᐅᑎᕔᑦ, “ᐂᑉᕋᕼᐋᑉ ᕿᑐᕐᖓᕆᒃᐸᓯ, ᐂᑉᕋᕼᐋᒻ ᐱᓂᐊᓚᐅᕐᑕᖏᑦ ᐱᓇᓱᐊᕋᔭᕆᕙᓯ,

ᕉᒪᒥᐅᓄᑦ 7:13

ᑍᒪᓖ ᑕᒪᑐᒪ ᐱᐅᔫᑉ ᑐᖁᑎᑉᐹᖔ? ᑍᒫᖑᓐᖏᓚᖅ! ᐊᔪᕐᓂᖅ ᓇᓗᓇᕈᓐᓁᖁᓪᓗᒍ ᐊᔪᕐᓂᐅᓂᖓᓂᒃ, ᐅᕙᓐᓄᑦ ᑐᖁᓐᓇᕐᑐᓐᖑᕐᐳᖅ ᐱᐅᔪᖅ ᐊᑐᕐᓗᒍ, ᐱᖁᔭᑎᒍᑦ ᐊᔪᕐᓂᖅ ᓇᓗᓁᕐᑕᐅᖁᓪᓗᒍ ᐊᔪᕐᓂᓪᓚᕆᐅᓂᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:12

ᐅᕙᑦᑎᓐᓄᑦ ᓄᖅᑲᖓᑎᑕᐅᓐᖏᓚᓯ, ᐃᓕᑦᓯᓐᓂᒡᓕ ᓄᖅᑲᖓᑎᑉᐳᓯ.

ᑎᒧᑎᒧᑦ ᐂᑉᐸᖏᑦ 3:5

ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.