ᒤᑲᐅᑉ ᐊᒡᓚᖏᑦ 2:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᒤᑲᐅᑉ ᐊᒡᓚᖏᑦ 2:1 Iomraidhean Croise

ᒨᓯᓯ ᓯᕗᓪᓖᑦ 31:29

ᐱᔪᓐᓇᕐᓂᖃᕋᓗᐊᕐᐳᖓ ᖃᓄᐃᓕᐅᕈᓐᓇᕐᓗᑎᑦ; ᐅᓐᓄᐊᕐᓕ ᐊᑖᑕᕕᑦ ᒎᑎᖓ ᐅᕙᓐᓄᑦ ᐅᖃᓚᐅᕐᐳᖅ, ᐅᖃᕐᓗᓂ, ‘ᐃᒃᐱᒍᓱᑦᓯᐊᕆᑦ ᔧᑯ ᐅᖃᐅᑎᓂᐊᕐᓇᒍ ᓯᕘᕋᓇᕐᑐᒥᒃ.’

ᐊᑕᓃᑦ ᓯᕗᓪᓖᑦ 21:7

ᓄᓕᐊᖓᑕ ᔨᔨᐱᐊᓕᐅᑉ ᐅᖃᐅᑎᕚ, “ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᖑᓐᖏᓚᑏᑦ? ᒪᑭᓕᕆᑦ, ᓂᕆᓗᑎᓪᓗ, ᐆᒻᒪᑏᓪᓗ ᖁᕕᐊᓱᓕᕐᓕ; ᓁᐹᑦ ᔨᔭᕆᐅᓪᒥᐅᑕᐅᑉ ᕔᓂᓕᐅᕐᕕᖓ ᑐᓂᓂᐊᕐᐸᕋ ᐃᓕᖕᓄᑦ.”

ᐃᔅᑕᐅᑉ ᐊᒡᓚᖏᑦ 3:8

ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ.

ᐃᔅᑕᐅᑉ ᐊᒡᓚᖏᑦ 5:14

ᑕᕝᕙ ᓄᓕᐊᖓᑕ ᔨᕆᓯᐅᑉ ᐃᓚᓐᓇᕆᔭᓕᒫᖏᑕᓗ ᐅᖃᐅᑎᕚᑦ, “ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓚᐅᕆᑦ 75ᓂᒃ ᐃᑎᒐᖕᓂᒃ ᐳᕐᑐᓂᖃᕐᑎᓪᓗᒍ, ᐅᓪᓛᒃᑯᑦ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕋᕕᐅᒃ ᒧᐊᑎᑬ ᑕᕝᕙᓂ ᕿᒥᑕᐅᖁᓗᒍ; ᑕᕝᕙ ᖁᕕᐊᓱᑦᓯᐊᕐᓗᑎᑦ ᐊᖓᔪᖅᑳᕐᔪᐊᖅ ᓂᕆᕕᒡᔪᐊᕆᐊᕐᑐᖃᑎᒋᓛᕐᐸᑦ.” ᑕᒪᓐᓇ ᕼᐂᒪᓂᐅᑉ ᖁᕕᐊᒋᒐᒥᐅᒃ; ᑕᕝᕙ ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓕᕐᐳᖅ.

ᐃᔅᑕᐅᑉ ᐊᒡᓚᖏᑦ 9:25

ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 15:35

ᐊᑲᐅᖏᑦᑐᓕᓂᕐᒥᒃ ᓄᑕᕋᒃᓴᕐᑖᕋᒥᒃ ᐱᐅᖏᑦᑐᒥᒃ ᕿᑐᕐᖓᕐᑖᕐᐳᑦ; ᐆᒻᒪᑎᖏᓪᓗ ᓯᓔᕐᕆᒃᓯᓂᕐᒥᒃ ᐅᐸᓗᖎᔧᓯᒪᓪᓗᑎᒃ.”

ᔫᐱᐅᑉ ᐊᒡᓚᖏᑦ 24:14

ᐃᓄᐊᕐᑏᑦ ᐅᓐᓄᐊᒃᑯᑦ ᒪᑭᑉᐸᒃᐳᑦ, ᑐᖁᑦᓯᔪᒪᓪᓗᑎᒃ ᐊᒃᓱᔪᓂᒃ ᐊᔪᕐᓴᕐᑐᓂᒡᓗ; ᐅᓐᓄᐊᒃᑯᓪᓗ ᑎᒡᓕᒐᕐᑎᐅᓕᕐᐸᒃᓗᑎᒃ.

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᐃᓐᖏᕈᑎᑦ 36:5

ᐊᑕᓃᖅ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᕿᓚᖕᒦᑉᐳᖅ; ᐱᑦᓯᐊᕐᓃᓪᓗ ᓱᖁᓯᔪᐃᑦᑐᖅ ᓄᕗᔭᓄᑦ ᑎᑭᓯᒪᕗᖅ.

ᐃᓐᖏᕈᑎᑦ 58:3

ᐱᐅᖏᑦᑐᓕᔪᑦ ᐃᒡᓕᐊᕐᒥᑦ ᐊᓂᓚᐅᕋᑎᒃ ᑕᒻᒪᓕᕇᕐᐸᒃᐳᑦ, ᐃᕐᓂᐊᖑᓂᕐᒥᖕᓂᑦ ᓱᓕᖏᑦᑐᓂᒃ ᐅᖃᓪᓚᓕᕐᐸᒃᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:2

ᐃᓄᑦᓯᐊᕙᐅᔪᖅ ᐊᑕᓂᕐᒧᑦ ᖁᕕᐊᒋᔭᐅᓂᖃᕐᐳᖅ, ᐱᐅᖏᑦᑐᓂᒡᓗ ᐱᓇᓱᐊᕈᒪᓂᕾᓐᓇᕐᑐᖅ ᐊᑕᓂᐅᑉ ᑐᖁᔪᒃᓴᖁᑎᒋᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:22

ᐱᐅᖏᑦᑐᓂᒃ ᐱᓂᐊᕈᒪᔪᑦ ᐊᔪᕐᑐᓕᓐᖏᓛᑦ? ᐱᐅᔪᓂᒃ ᐱᓂᐊᕈᒪᔪᑦ ᐃᑲᔪᕐᑎᒃᓴᕐᓯᕗᑦ ᑕᕝᕙᓃᖏᓐᓇᕐᓂᐊᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:27

ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓂᖅ ᓄᖅᑲᖓᑎᑦᑍᓕᒍᒃ, ᐱᔪᓐᓇᑐᐊᕈᕕᑦ ᐊᔪᖏᓪᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:16

ᓯᓂᓕᕐᓂᐊᖏᒻᒪᑕ ᐱᐅᖏᑦᑐᒥᒃ ᐊᑑᑎᓚᐅᖅᑳᕋᑎᒃ; ᓯᓂᒍᒪᓕᕐᓂᐊᓐᖏᓚᓪᓗ ᐃᓄᖕᒥᒃ ᐹᓪᓚᒃᑎᑦᓯᓚᐅᖅᑳᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 29:20

ᓂᑲᒍᓱᖃᖏᑦᑐᖅ ᓱᓇᐅᔪᓐᓃᕈᒫᕐᐳᖅ, ᒥᑕᐅᑎᒃᓴᕐᑎᓗ ᒥᑕᐅᑎᖃᕈᓃᕐᓗᓂ, ᐊᔪᕐᑐᓕᔪᒪᓪᓗᑎᒡᓗ ᐅᑕᖅᑭᔪᓕᒫᑦ ᐊᓯᕈᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 3:14

ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:8

ᑲᑉᐱᐊᓐᓇᒦᒃ ᐃᒡᓗᓕᐅᕐᐸᓪᓕᐊᔪᖅ ᐊᒃᑐᐊᖃᑦᑕᐅᑎᔪᓂᒃ, ᐱᕈᕐᓰᕕᓕᐅᕐᐸᓪᓕᐊᔪᕐᓗ ᐊᒃᑐᐊᖃᑦᑕᐅᑎᔪᓂᒃ, ᐃᓂᒃᓮᕈᑎᑐᐃᓐᓇᕐᓗᒍ ᖃᓂᒋᔭᖓ, ᐃᓄᑑᓗᑎᒃ ᓄᓇᖃᕐᕕᒋᓕᕐᓗᒍ ᓄᓇᒋᔭᓂ.

ᐂᓮᐊᓯᐅᑉ ᐊᒡᓚᖏᑦ 59:3

ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 11:2

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑖᒃᑯᐊᒃ ᐱᐅᖏᑦᑐᓕᓂᕐᓂᒃ ᐋᖅᑭᒃᓱᐃᒍᑦᔨᖃᑦᑕᕐᐴᒃ ᐃᓱᒻᒥᕐᑐᐃᖃᑦᑕᕐᓗᑎᒡᓗ ᐃᒡᓗᒐᓴᒡᔪᐊᕐᒥᐅᓄᑦ ᓈᒻᒪᖏᑦᑐᓂᑦ;

ᐃᓯᑭᐊᓕᐅᑉ ᐊᒡᓚᖏᑦ 33:26

ᓴᕕᒡᔪᐊᓯᓐᓂᒃ ᐱᔪᓐᓇᐅᑎᖃᕋᓱᒋᕗᓯ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓯ, ᐊᓯᑦᓯᓗ ᓄᓕᐊᖏᓐᓂᒃ ᐊᓯᓐᓂᐊᕐᓂᒧᑦ ᓇᕐᕈᓇᕐᓯᑎᑦᓯᖃᑦᑕᕐᓗᓯ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 38:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐃᓱᒪᒧᑦ ᑎᑭᑕᐅᔪᒫᕐᐳᑎᑦ, ᐱᐅᖏᑦᑐᒥᒃ ᐱᓇᓱᐊᕈᒪᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 46:18

ᐊᖓᔪᖅᑳᕐᓕ ᐃᓄᐃᑦ ᓄᓇᖁᑎᖓᓂᒃ ᓇᓪᓕᐊᓐᓂᒡᓘᓐᓃᑦ ᓄᓇᖁᑎᑖᕐᑐᒃᓴᐅᓐᖏᓚᖅ, ᓄᓇᖃᑎᒋᔭᐅᔪᒥᒃ ᐊᕐᓵᕐᓯᓗᓂ; ᓄᓇᒥᒡᓕ ᑐᓂᓯᓂᐊᕈᓂ ᐃᕐᓂᕐᒥᓄᑦ ᓄᓇᖁᑎᒥᓂᒃ ᑭᓯᐊᓂ ᑐᓂᓯᔪᒃᓴᐅᕗᖅ, ᐃᓄᖁᑎᓐᓂᒃ ᐅᖁᒤᒃᓴᕐᑎᑦᓯᖁᓇᒍ ᓄᓇᖁᑎᖏᓐᓂᒃ ᓄᓇᖁᑎᑖᕐᓂᕐᒧᑦ.”

ᒤᑲᐅᑉ ᐊᒡᓚᖏᑦ 6:12

ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ.

ᓇᕼᐅᒥᐅᑉ ᐊᒡᓚᖏᑦ 1:11

ᑕᕝᕙ ᐃᓕᖕᓂᑦ ᓂᓂᕖ, ᐃᓄᖕᒥᒃ ᐱᐅᖏᑦᑐᕐᔪᐊᒥᒃ ᓯᓔᕐᕆᒃᓯᔨᒥᒃ ᓴᖅᑭᑦᑐᖃᕐᐳᖅ, ᐊᑕᓂᕐᒥᒃ ᐱᓂᐊᕐᓂᕐᒥᒍᑦ ᐊᑭᕋᕐᑐᕐᑐᒥᒃ, ᐱᐅᖏᑦᑐᒥᒡᓗ ᐃᓱᒪᓕᐅᕐᓯᒪᔪᒥᒃ.

ᓴᑲᕅᐊᐅᑉ ᐊᒡᓚᖏᑦ 7:10

ᐅᐃᒡᒐᕐᓃᑦ ᓇᒡᓕᒃᓵᕐᑎᑦᑍᓕᓗᒋᑦ ᐃᓕᐊᕐᔪᐃᓪᓗ, ᓄᓇᖃᑎᑐᖃᕆᓐᖏᑕᓯᓗ ᐊᒃᓗᔪᓪᓘᓐᓃᑦ; ᐱᐅᖏᑦᑐᒥᒃ ᐃᓅᖃᑎᑦᓯᓐᓄᑦ ᐃᔨᕐᓯᒪᔪᒥᒃ ᐃᓱᒪᖃᕐᓂᐊᕋᓯ.”

ᒫᑯᓯᐅᑉ ᐊᒡᓚᖏᑦ 15:1

ᐅᓪᓛᖑᓕᕐᒪᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑲᑎᒪᖃᑎᖃᓕᕐᐳᑦ ᔫᑎᑦ ᐊᖓᔪᖅᑳᖏᓐᓂᒃ ᐱᖁᔭᓂᒡᓗ ᐃᓕᓮᔨᓂᒃ, ᐃᖅᑲᕐᑐᐃᔨᓕᒫᓂᒡᓗ. ᔩᓱᓯ ᕿᓚᒃᓱᕐᐹᑦ, ᐊᐅᓪᓚᕈᑎᓪᓗᒍ, ᐰᓛᑑᓯᒧᑦ ᐂᑦᑑᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 20:19

ᐱᖁᔭᓂᒃ ᐃᓕᓮᔩᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑕ ᔩᓱᓯ ᑎᒍᓇᓱᒃᑲᓗᐊᕐᐹᑦ ᑕᕝᕙᓃᑎᓪᓗᒍ, ᐃᓄᓂᒡᓕ ᓯᕘᕋᒐᒥᒃ ᑎᒍᓐᖏᓛᑦ; ᖃᐅᔨᒐᒥᒃ ᐊᑦᔨᐅᔪᑎᒍᑦ ᑖᒃᑯᑎᒎᓇ ᐅᖃᐅᓯᕆᔭᐅᓂᕐᒥᖕᓂᒃ.

ᔪᐊᓇᓯᐅᑉ ᐊᒡᓚᖏᑦ 19:11

ᔩᓱᓯᐅᑉ ᑭᐅᕚ, “ᐅᕙᓐᓄᑦ ᐱᔪᓐᓇᕐᓂᖃᕋᔭᓐᖏᓚᑎᑦ ᑐᓂᓯᕕᐅᖏᒃᑯᕕᑦ ᑕᑉᐹᓐᖓᑦ; ᑍᒤᒻᒪᑦ ᐅᕙᓐᓂᒃ ᐱᔭᐅᑎᑦᓯᔪᖅ ᐃᓕᖕᓄᑦ ᐊᔪᕐᓂᖃᕐᓂᕐᓴᐅᕗᖅ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 23:12

ᖃᐅᑎᓪᓗᒍ ᐅᓪᓛᒃᑯᑦ, ᔫᑎᑦ ᑲᑎᒪᕗᑦ ᐊᖏᖃᑎᒌᒍᑎᓕᐅᕐᐳᓪᓗ ᓱᓕᒻᒪᕆᒡᓗᑎᒃ ᓂᕆᔪᒪᓇᑎᒃ ᐃᒥᕈᒪᓇᑎᒡᓗ ᐸᐅᓗᓯᒥᒃ ᑐᖁᑦᓯᓚᐅᖏᓐᓂᕐᒥᖕᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 23:15

ᑍᒤᒻᒪᑦ ᔫᑎᓄᑦ ᐃᖅᑲᕐᑐᐃᔨᐅᔪᓯ ᐱᖁᔨᓚᐅᕆᑦᓯ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐸᐅᓗᓯ ᓵᑦᓯᓐᓂ ᐊᐱᕐᓱᕈᒪᓂᕋᕐᓗᒍ ᑐᓴᕐᕕᒋᑦᓯᐊᒃᑲᓐᓂᕈᒪᓐᖑᐊᕐᓗᒍᓗ. ᐅᕙᒍᓪᓕ ᐅᐸᓗᖕᒊᕐᓯᒪᓂᐊᕐᐳᒍᑦ ᑐᖁᑦᓱᒪᓪᓗᒍ ᑕᕝᕗᖓ ᑎᑭᓚᐅᖏᓐᓂᖓᓂ.”

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᒨᓯᓯ ᑕᓪᓕᒪᖏᑦ 28:32

ᑕᑯᓐᓇᕐᑎᓪᓗᓯ ᐃᕐᓂᓯ ᐸᓂᓯᓗ ᑐᓂᔭᐅᔪᒫᕐᐳᑦ ᐃᓄᖕᓄᑦ ᐊᓯᑦᓯᓐᓄᑦ, ᕿᑐᕐᖏᕆᔪᒫᕐᐳᓯ ᐅᓪᓗᓕᒫᖅ ᐅᖓᒋᓗᒋᑦ; ᕿᓂᕋᓱᖕᓂᕐᒧᑦ ᕿᑐᕐᖓᑎᑦ ᐅᑎᓕᕐᒪᖔᑕ ᐅᑎᕈᒫᓐᖏᓚᓪᓕ.