ᒤᑲᐅᑉ ᐊᒡᓚᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᒪᓐᓇ ᐱᑦᔪᒋᓗᒍ ᓂᐹᕐᓗᖓ ᕿᐊᔪᒫᕐᐳᖓ, ᐱᓱᒍᒫᕐᐳᖓ ᐊᓐᓄᕌᖃᖏᓪᓗᖓ ᑲᒥᓪᓛᕐᓗᖓᓗ ᐱᓱᒍᒫᕐᐳᖓ ᓂᐹᕐᓗᖓ ᕿᒻᒥᖓᔪᑎᑐᑦ, ᕿᒃᓵᒡᓗᖓᓗ ᑎᖕᒥᐊᕐᔪᐊᑎᑐᑦ ᐋᔅᑐᕆᓯᑎᑐᑦ.

ᒤᑲᐅᑉ ᐊᒡᓚᖏᑦ 1:8 Iomraidhean Croise

ᐊᑕᓃᑦ ᐂᑉᐸᖏᑦ 18:13

ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᐊᐅᓚᑦᓯᓂᖓᑕ ᐊᕐᕌᒍᖏᑕ 14ᖓᓐᓂ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᐅᑉ, ᔫᑕᐅᑉ ᐃᒡᓗᒐᓴᒡᔪᐊᖏᓐᓂᒃ ᐱᔭᐅᑦᔧᕐᓯᒪᔫᒐᓗᐊᓂᒃ ᐅᓇᑖᕆᐊᕋᒥ ᓵᓚᒋᕔᑦ.

ᐃᔅᑕᐅᑉ ᐊᒡᓚᖏᑦ 4:1

ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ;

ᔫᐱᐅᑉ ᐊᒡᓚᖏᑦ 30:29

ᐊᒪᕈᖓᔪᓄᑦ ᐊᑦᔨᐅᓕᕐᐳᖓ ᒥᐊᒡᒎᕐᑐᓄᑦ, ᐃᓚᖃᕐᓗᖓᓗ ᑎᖕᒥᐊᕐᔪᐊᓂᒃ ᐋᔅᑐᕆᓯᓂᒃ.

ᐃᓐᖏᕈᑎᑦ 102:6

ᑎᖕᒥᐊᑎᑐᑦ ᐱᕈᕐᑐᖃᖏᑦᑐᒦᑦᑐᑎᑐᑦ ᑍᒤᓕᕐᐳᖓ, ᐅᒃᐱᒃᔪᐊᑎᑐᑦ ᐃᓄᖃᖏᑦᑐᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 13:21

ᐆᒪᔪᓄᓪᓕ ᓄᔪᐊᕐᑐᓄᑦ ᐃᓂᒋᔭᐅᔪᒫᕐᐳᖅ, ᐃᒡᓗᕕᓂᖏᑦ ᑕᑕᑦᓱᒫᕐᐳᑦ ᐆᒪᔪᓂᒃ ᓂᓪᓕᐊᔪᓂᒃ; ᑎᖕᒥᐊᕐᔪᐊᓄᓪᓗ ᐋᔅᑐᕆᑦᓯᓄᑦ ᖃᖓᑕᔪᓐᓇᖏᑦᑐᓄᑦ ᓇᔪᒐᐅᓗᓂ, ᑕᕝᕙᓂᓗ ᓴᑍᕇᑦ ᑖᓂᓯᖃᑦᑕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 13:22

ᕿᒻᒥᖓᔪᑦ ᕼᐋᐄᓁᑦ ᒥᐊᒡᒎᕈᒫᕐᐳᑦ ᓄᕗᒐᓴᒡᔪᐊᕕᓂᕐᓂ ᑎᕆᒐᓂᐊᖓᔪᓪᓗ ᔮᑯᐃᑦ ᐊᖓᔪᖅᑳᕐᔪᐊᑦ ᐃᒡᓗᕐᔪᐊᕕᓂᖏᓐᓂ ᑕᑯᒥᓇᕐᑐᒦᓪᓗᑎᒃ; ᐃᓱᓕᕝᕕᒃᓴᖓᑦ ᖃᒡᓕᕗᖅ, ᐅᓪᓗᐃᓪᓗ ᐊᑯᓂᐅᓂᐊᕈᓐᓃᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 16:9

ᔧᔨᕆᒥᐅᑦ ᖁᕝᕕᐅᕐᑎᓪᓗᒋᑦ ᖁᕝᕕᐅᖃᑎᒋᔪᒪᕙᒃᑲ ᓯᑉᒪᐅᑉ ᕔᓂᒃᓴᓂᒃ ᐱᕈᕐᓰᕕᖏᑦ ᐱᓪᓗᒋᑦ; ᖁᕝᕕᓐᓄᑦ ᖃᐅᓯᓕᕐᑎᑦᓱᒪᕙᑦᓯ ᕼᐃᓴᐸᓂᒥᐅᑦ ᐃᓕᐊᓚᒥᐅᓪᓗ; ᑲᑎᕐᓱᐃᑎᓪᓗᓯ ᖁᕕᐊᓱᖕᓂᕐᒧᑦ ᓂᓪᓕᐊᓂᕆᕙᓚᐅᕐᑕᓯ ᓂᐸᖏᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 21:3

ᑍᒤᒻᒪᑦ ᓈᒃᑲᒃ ᑕᑕᑉᐳᒃ ᐃᓱᒪᔮᕐᓂᕐᒥᒃ; ᐋᓐᓂᐊᓂᕐᒧᓪᓗ ᐊᔪᓕᕐᑎᑕᐅᕗᖓ, ᐃᕐᓂᓱᒃᑑᑉ ᐋᓐᓂᐊᓂᖓᑐᑦ; ᐅᑯᖓᓕᓂᕐᒧᑦ ᑐᓵᔪᓐᓃᕐᐳᖓ, ᐃᓱᒪᔮᕐᓂᕐᒧᓪᓗ ᑕᐅᑐᒍᓐᓃᕋᒪ.

ᐂᓮᐊᓯᐅᑉ ᐊᒡᓚᖏᑦ 22:4

ᑍᒤᒻᒪᑦ ᐃᒫᒃ ᐅᖃᓚᐅᕐᐳᖓ: “ᐊᓚᕆᑦᓯ ᐅᕙᓐᓂᒃ, ᐃᓱᒪᕐᓱᕐᓗᖓ ᕿᐊᓚᖓ; ᓮᒻᒪᕐᓴᕐᑕᐅᓇᓱᐊᕈᒪᓐᖏᓚᖓ ᐃᓅᖃᑎᒃᑲ ᑐᖁᑕᐅᓚᐅᕐᑐᑦ ᐱᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 32:11

ᓴᔪᓕᕆᑦᓯ, ᐊᕐᓇᐅᔪᓯ ᒫᓐᓇ ᓮᓕᔪᓯ, ᐃᓱᒫᓗᓕᕆᑦᓯ ᖃᓄᐃᓐᓇᖏᑦᓯᐊᕐᑐᒦᑦᑐᓯ, ᐊᓐᓄᕌᓯ ᐲᔭᓕᕐᓯᐅᒃ ᐊᓐᓄᕅᑦᑑᓕᕐᓗᓯ, ᕿᑎᕈᓯᔭᓕᕆᑦᓯ ᐆᒪᔫᑉ ᒥᖅᑯᕕᓂᖏᓐᓂᒃ ᓄᕕᕐᓴᕐᓯᒪᔪᓂᒃ ᐅᒡᒍᐊᕐᑐᕐᓯᐅᑎᓂᒃ.

ᔨᕆᒤᐊᐅᑉ ᐊᒡᓚᖏᑦ 4:19

ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ, ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ, ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ, ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 32:18

“ᐃᓅᑉ ᐃᕐᓂᖓ, ᐄᑦᔨᑉᑎᒥᐅᑦ ᐃᓄᒐᓴᒡᔪᐊᖏᑦ ᕿᐊᑦᔪᑎᒋᒃᑭᑦ, ᑐᖁᖓᔪᓪᓗ ᐃᓂᖓᓄᑦ ᐂᑎᓪᓗᒋᑦ, ᐃᓅᖃᑎᒌᒡᔪᐊᓄᑦ ᐱᔪᓐᓇᕐᑐᕐᔪᐊᖑᓚᐅᕐᑐᓄᑦ, ᓄᓇᕐᔪᐊᑉ ᐊᑖᓃᓕᕐᑐᓄᑦ, ᑐᖁᖓᔪᑦ ᐃᓂᖓᓂ:

ᒤᑲᐅᑉ ᐊᒡᓚᖏᑦ 2:4

ᑍᑲᓂ ᐅᓪᓗᒥ ᐃᓄᖕᓂᑦ ᒥᑕᐅᑎᒋᔭᐅᔪᒫᕐᐳᓯ ᐃᓐᖏᕈᓯᓕᐊᕆᔭᐅᓗᓯᓗ ᕿᒃᓵᒍᑎᓂᒃ, ᐅᒡᒍᐊᕐᓇᕐᑑᔪᒫᕐᐳᖅ ᖃᓯᓕᓇᕐᑐᑎᑐᑦ ᕿᒃᓵᖕᓇᕐᓗᓂ, ᐃᒫᒃ ᐅᖃᕈᒫᕐᐳᑦ, ‘ᐊᓯᕈᕐᑕᐅᓯᒪᒻᒪᕆᒃᐳᒍᑦ! ᐊᑕᓂᐅᑉ ᐊᕐᓵᕐᓯᒪᖕᒪᑎᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᑐᓂᓪᓗᒋᓪᓗ ᐅᕙᑦᑎᓐᓂᒃ ᑎᒍᓯᓚᐅᕐᑐᓄᑦ.’”

ᓴᒧᐃᓕ ᓯᕗᓪᓖᑦ 19:24

ᐊᓐᓄᕅᔭᕐᓗᓂᓗ ᓇᓚᐅᑦᑍᖃᑕᐅᓕᕆᕗᖅ ᓴᒧᐃᓕᐅᑉ ᓵᖓᓂ, ᐅᓪᓗᓕᒫᕐᓗ ᐅᓐᓄᐊᓕᒫᕐᓗ ᓇᓚᓚᐅᕐᐳᖅ ᑕᕝᕙᓂ ᐊᓐᓄᕌᖃᕋᓂ. ᑍᒤᒻᒪᑦ ᐅᖃᕐᑐᖃᓕᕐᐳᖅ, “ᓴᐅᓕ ᐊᒡᓛᑦ ᒎᑎᒧᑦ ᐅᖃᕐᑎᐅᖃᑕᐅᓕᕆᕚ?”