ᒤᑲᐅᑉ ᐊᒡᓚᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᑍᒤᒻᒪᑦ ᓴᒥᐊᕆᐊ ᓯᖁᑦᑎᕈᒫᕐᐸᕋ, ᐱᕈᕐᓰᕕᐅᓕᕐᓗᓂ ᕔᓂᒃᓴᓂᒃ, ᐅᔭᕋᖏᓪᓗ ᑎᓲᒃᑎᑦᓱᒫᕐᐸᒃᑲ ᓇᕐᓴᒧᑦ, ᑐᓐᖓᕕᖏᑦ ᑭᓯᐊᓂ ᐊᒥᐊᒃᑰᓗᑎᒃ.

ᒤᑲᐅᑉ ᐊᒡᓚᖏᑦ 1:6 Iomraidhean Croise

ᓴᒧᐃᓕ ᐂᑉᐸᖏᑦ 17:13

ᕿᒫᑐᐊᕐᐸᓪᓗ ᐃᒡᓗᒐᓴᖕᓄᑦ, ᐃᓄᖁᑎᓕᒫᕗᑦ ᐊᒃᓱᓈᒥᒃ ᓇᒃᓴᕐᓂᐊᕐᐳᑦ ᐃᒡᓗᒐᓴᖕᓄᑦ, ᑕᕝᕙᓐᖓᓪᓗ ᐃᒡᓗᒐᓴᓕᒫᖅ ᓄᓱᖕᓂᐊᕐᐸᕗᑦ ᓇᕐᓴᒧᑦ, ᐊᑕᐅᓯᕐᒥᒡᓘᓐᓃᑦ ᐅᔭᕋᖕᒥᒃ ᖃᓕᕇᒃᑐᖃᕈᓁᕐᓂᐊᕐᐳᖅ ᖃᖅᑲᐅᑉ ᖄᖓᓂ.”

ᐊᑕᓃᑦ ᐂᑉᐸᖏᑦ 18:10

ᐊᕐᕌᒍᐃᑦ ᐊᔪᓕᕐᑎᑕᐅᓯᒪᓂᖏᑦᑕ ᐱᖓᔪᒋᓕᕐᑕᖓᓂ ᓴᒥᐊᕆᐊ ᑎᒍᔭᐅᓕᓚᐅᕐᐳᖅ ᓵᓚᐅᒐᒥ ᐊᓯᕆᐊᒥᐅᓄᑦ. ᑕᒪᓐᓇ ᑍᒤᓚᐅᕐᐳᖅ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᐊᐅᓚᑦᓯᓂᖓᑕ 6ᖓᓐᓂ, ᕼᐆᓯᐊᓪᓗ ᐊᐅᓚᑦᓯᓂᖓᑕ 9ᒋᓕᕐᑕᖓᓐᓂ ᓴᒥᐊᕆᐊ ᓵᓚᒋᔭᐅᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 18:9

ᕼᐃᓯᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ ᓯᑕᒪᖓᓐᓂ, ᐊᖓᔪᖅᑳᕐᔪᐊᑉ ᕼᐆᓯᐊᑉ ᐄᓚᐅᑉ ᐃᕐᓂᖓᑕ ᐊᐅᓚᑦᓯᓂᖓᑕ ᐃᓴᕆᐊᓕᓂᒃ ᐊᕐᕌᒍᐃᑦ 7ᒋᓕᕐᑕᖓᓐᓂ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓪᒪᓃᓴ ᐃᓴᕆᐊᐊᓕᓂᒃ ᐊᕙᑕᖏᕐᓯᓯᒪᓪᓗᓂ ᐊᔪᓕᕐᑎᑦᓯᓯᒪᓕᓚᐅᕐᐳᖅ ᓴᒥᐊᕆᐊᒥᐅᓂᒃ.

ᐊᑕᓃᑦ ᐂᑉᐸᖏᑦ 19:25

“ᑐᓴᓚᐅᕐᓯᒪᖏᓐᓇᕖᑦ ᑕᒪᒃᑯᐊᓕᒫᑦ ᐅᕙᓐᓄᑦ ᐊᖅᑭᒃᓱᕐᑕᐅᓯᒪᓂᖏᓐᓂᒃ ᑍᑦᓱᒪᓂᐊᓗᒃ? ᑕᒪᓐᓇ ᐃᓱᒪᒃᓴᕐᓯᐅᕈᑎᒋᓯᒪᒐᒃᑯ ᑍᑦᓱᒪᓂᐊᓗᖕᓂᑦ ᒫᓐᓇ ᓴᖅᑭᑎᓯᒪᕙᕋ, ᓄᓇᓖᑦ ᐱᔭᐅᑦᔧᕐᓯᒪᔫᒐᓗᐊᑦ ᓯᖁᑦᑎᕐᑕᐅᓪᓗᑎᒃ ᓄᓇᓕᕕᓂᑐᐃᓐᓇᓐᖑᕐᑎᑕᐅᖁᓪᓗᒋᑦ ᐃᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 17:1

ᐅᖁᒤᒃᓴᐅᑎᖃᕐᓂᖅ ᑕᒫᓯᑰᓯ ᐱᓪᓗᒍ, “ᑕᑯᒋᑦ, ᑕᒫᓯᑰᓯ ᐃᒡᓗᒐᓴᒡᔪᐊᕕᓂᑐᐃᓐᓇᐅᓕᕈᒫᕐᐳᖅ, ᓯᖁᑦᑎᕐᓯᒪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 25:12

ᒧᐊᐱᒥᐅᑦ ᐊᕙᓗᕐᔪᐊᖏᑦ ᐱᔭᐅᑦᔧᕐᓯᒪᓂᕐᒧᑦ ᐳᕐᑐᔪᕐᔪᐊᖑᒐᓗᐊᑦ ᐊᑕᓂᐅᑉ ᓱᕋᒃᑕᐅᑎᑦᓱᒫᕐᐰᑦ ᐅᕐᕉᕋᕐᓗᑎᒡᓗ ᓴᓂᑐᐃᓐᓇᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 25:2

ᐃᒡᓗᒐᓴᒡᔪᐊᑦ ᓱᓇᐅᔪᓐᓃᕐᑎᖃᑦᑕᕐᓯᒪᒐᕕᒋᑦ, ᐊᕙᓗᕐᔪᐊᓕᐅᕐᓯᒪᔫᒐᓗᐊᓪᓗ ᐊᓯᕈᕐᑕᐅᑎᖃᑦᑕᕐᓯᒪᓪᓗᒋᑦ, ᐊᑭᕅᑦ ᐊᖓᔪᖅᑳᕐᔪᐊᒥᖕᓄᑦ ᐃᒡᓗᕐᔪᐊᓕᐊᕆᓚᐅᕐᑕᖏᑦ ᓇᑉᐸᒃᑲᓐᓂᕐᓂᐊᕈᓐᓃᕐᑐᒥᒃ ᐅᕐᕉᕋᕐᑎᓯᒪᕙᑎᑦ.

ᔨᕆᒤᐊᐅᑉ ᐊᒡᓚᖏᑦ 31:5

ᐸᐅᕐᖓᓕᒃᓴᓂᒃ ᐱᕈᕐᓰᕕᓕᐅᕈᓐᓇᕐᓯᔪᒫᕆᕗᓯ ᓴᒥᐊᕆᐊᑉ ᖃᖅᑲᖏᓐᓂ ᐱᕈᕐᓰᕕᓕᕆᔪᑦ ᐱᕈᕐᑐᖏᓐᓂᑦ ᓂᕿᒃᓴᖃᑦᓯᐊᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:25

ᑕᑯᒋᑦ, ᐊᑭᕋᕆᓕᕐᐸᒋᑦ ᐊᓯᕈᕐᓮᔨᑐᐃᓐᓇᐅᒐᕕᑦ, ᓄᓇᕐᔪᐊᓕᒫᒥ ᐊᓯᕈᐃᔨᐅᒐᕕᑦ, ᐊᑕᓂᖅ ᐅᖃᕐᐳᖅ. ᑕᓖᒃᑲᒃ ᐃᓵᒃᑎᒍᒃᑭᒃ ᐃᓐᓈᕉᑉ ᓯᓇᕐᔪᐊᓂᑦ ᐃᔪᒃᑲᕈᕕᑦ, ᖃᖅᑲᐅᓕᕈᒫᕐᐳᑎᑦ ᐃᑭᓐᓂᑯᑎᑐᑦ ᑍᒤᓕᕐᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 13:14

ᐊᕙᓗᕐᔪᐊᕐᓗ ᓯᖁᑦᑎᕈᒫᕐᐸᕋ ᖃᑯᕐᑕᒧᑦ ᒥᖑᐊᓚᐅᕐᑕᓯ, ᐅᕐᕉᕋᕐᑎᑦᓱᒫᕐᐸᕋ ᒪᓂᖅᑲᒧᑦ, ᑐᓐᖓᕕᕕᓂᑐᐃᓐᓇᐅᓕᕐᓗᓂ; ᐅᕐᕉᒃᐸᑦ ᐃᓕᑦᓯᑦᑕᐅᖅ ᑐᖁᔪᒫᕐᐳᓯ ᐊᑯᕐᖓᓐᓂ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᕼᐆᓯᐊᑉ ᐊᒡᓚᖏᑦ 13:16

ᓴᒥᐊᕆᐊᑉ ᐸᓯᔭᒃᓴᐅᓂᓂ ᓇᖕᒪᒃᑕᒃᓴᕆᕚ, ᐊᑭᕋᕐᑐᓕᓚᐅᕐᒪᑦ ᒎᑎᒥᓂᒃ; ᐅᕐᕈᑎᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᕐᓁᓪᓗ ᓄᑕᕋᖏᑦ ᓄᓇᒧᑦ ᐃᒋᐅᖅᑲᕐᑕᐅᔪᒫᕐᐳᑦ, ᐊᕐᓁᓪᓗ ᓄᑕᕋᒃᓴᓖᑦ ᐱᓚᒃᑕᐅᔪᒫᕐᐳᑦ ᓰᒃᑕᐅᓗᑎᒃ.”

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 6:8

ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᕼᐊᐸᑲᐅᑉ ᐊᒡᓚᖏᑦ 3:13

ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ, ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ. ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”