ᒤᑲᐅᑉ ᐊᒡᓚᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᒋᑦ, ᐊᑕᓂᖅ ᑎᑭᓐᓂᐊᕐᐳᖅ ᐃᓂᒋᔭᒥᓂᑦ; ᐊᖅᑲᕐᓂᐊᕐᐳᖅ ᐱᓱᖕᓂᐊᕐᓗᓂᓗ ᓄᓇᕐᔪᐊᑉ ᐳᕐᑐᓂᖏᑕ ᖄᖏᑎᒍᑦ.

ᒤᑲᐅᑉ ᐊᒡᓚᖏᑦ 1:3 Iomraidhean Croise

ᔫᐱᐅᑉ ᐊᒡᓚᖏᑦ 40:12

ᑕᑯᓚᐅᒃᑭᑦ ᐱᐅᔪᕆᔪᓕᒫᑦ, ᐅᕐᕈᑎᓪᓗᒋᓪᓗ; ᐱᐅᖏᑦᑐᓕᔪᓪᓗ ᑐᓐᖓᕕᖏᑦ ᑐᓪᓕᕋᕐᓗᒋᑦ.

ᐃᓐᖏᕈᑎᑦ 115:3

ᒎᑎᕗᓪᓕ ᕿᓚᖕᒦᑉᐳᖅ; ᐱᓇᓱᐊᓲᖑᑦᓱᓂᓗ ᐱᓇᓱᐊᕈᒪᔭᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 25:10

ᐊᑕᓂᐅᑉ ᐱᔪᓐᓇᕐᓂᖓ ᐃᓂᖃᕈᒫᕐᒪᑦ ᖃᖅᑲᒥ ᑕᕝᕙᓂ, ᒧᐊᐱᒥᐅᓪᓕ ᑐᓪᓕᕋᕐᑕᐅᔪᒫᕐᐳᑦ ᐃᓂᒥᖕᓂ, ᐃᕕᒃᑎᑐᑦ ᑐᓪᓕᕋᕐᑕᐅᓗᑎᒃ, ᐊᓇᕐᓂᒃ ᐊᓂᑦᑎᕕᖕᒧᑦ ᐊᓂᑕᐅᔪᑎᑐᑦ ᖃᓕᕇᓕᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 26:21

ᑕᑯᒋᑦ, ᐊᑕᓂᖅ ᐃᓂᒋᔭᒥᓂᑦ ᑎᑭᓐᓂᐊᕐᒪᑦ ᓄᓇᕐᔪᐊᕐᒥᐅᓂᒃ ᓱᒋᐊᕐᓯᔭᕐᑐᕐᓗᓂ ᐊᔪᕐᑐᓕᓂᖏᑦ ᐱᑦᔪᑎᒋᓗᒋᑦ, ᐃᔨᕋᕐᑐᕐᓗᑎᒃ ᐃᓄᐊᕐᓯᖃᑦᑕᕐᓃᑦ ᓄᓇᕐᔪᐊᕐᒥ ᓴᖅᑭᑎᑕᐅᔪᒫᕐᒪᑕ, ᐃᓄᐊᕐᑕᐅᖃᑦᑕᕐᑐᕕᓃᓪᓗ ᓄᓇᐅᑉ ᐃᔨᕐᓯᒪᓂᐊᕈᓐᓃᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 3:12

ᑕᕝᕙ ᐊᓂᕐᓂᐅᑉ ᖃᖓᑦᑕᕐᑎᑉᐹᖓ, ᐊᑕᓂᐅᑉ ᓂᕐᑐᕐᓇᕐᓂᖓᑕ ᐃᓂᒥᓂᑦ ᖁᒻᒧᒃᑎᑕᐅᓂᖓᑐᑦ, ᓂᐱᕐᔪᐊᒥᒡᓗ ᑐᓴᕐᐳᖓ ᑐᓄᓐᓂᑦ ᑲᓪᓕᐅᑉ ᓂᐱᕐᔪᐊᖓᑐᑦ ᑍᒤᑦᑐᒥᒃ;

ᐂᒨᓯᐅᑉ ᐊᒡᓚᖏᑦ 4:13

ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”

ᐂᒨᓯᐅᑉ ᐊᒡᓚᖏᑦ 9:5

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ, ᓄᓇᕐᔪᐊᖅ ᐊᒃᑐᕐᒪᒍ ᐊᐅᒃᐳᖅ, ᓄᓇᖃᕐᑐᓪᓗ ᑕᕝᕙᓂ ᑕᒪᕐᒥᒃ ᐃᓚᓐᖓᕐᑐᑐᑦ ᕿᐊᓕᕐᐳᑦ, ᓄᓇᓕᒫᖅ ᑰᒃᑐᑦ ᓁᓕᑐᑦ ᖄᒥᑦᑐᑐᑦ ᑍᒤᓕᕐᐳᖅ; ᐃᒤᕐᒥᓗᓂᓗ ᐄᑦᔨᑉᑎᐅ ᑰᖓᑐᑦ ᓁᓕᑐᑦ.

ᕼᐊᐸᑲᐅᑉ ᐊᒡᓚᖏᑦ 3:19

ᐊᑕᓂᖅ ᒎᑎ, ᐱᔪᓐᓇᕐᓂᖃᕐᕕᒋᒐᒃᑯ; ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᒻᒪᒋᑦ, ᖃᖅᑲᓂ ᐃᓐᓈᕈᕐᓂᓗ ᖁᐂᑦᑖᖁᓇᖓ ᖃᓄᐃᓕᖁᓇᖓᓗ.

ᓴᑲᕅᐊᐅᑉ ᐊᒡᓚᖏᑦ 14:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᓇᖏᕈᒫᕐᐳᖅ ᐃᑎᒐᖏᑦ ᑐᖕᒪᕐᓗᑎᒃ ᖃᖅᑲᒥ ᐅᕐᓱᒃᓴᓕᖕᓂᒃ ᓇᐹᕐᑐᓕᖕᒥ, ᔨᕉᓴᓕᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥ, ᖃᖅᑲᖅ ᐅᕐᓱᒃᓴᓕᖕᓂᒃ ᓇᐹᕐᑐᓕᒃ ᐊᕕᒍᒫᕐᐳᖅ ᒪᕐᕉᓕᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᓯᕿᓂᐅᑉ ᓂᐱᕕᐊᑕ ᓇᓛᓄᑦ, ᓇᕐᓴᕐᔪᐊᖃᓕᕐᓗᓂ ᐊᑯᓐᓂᖓᓂ, ᖃᖅᑲᐅᑉ ᐊᕝᕙᖓ ᐅᓐᓄᐊᑉ ᓇᓛᓄᑦ ᐃᖏᕐᕋᓯᔪᒫᕐᐳᖅ, ᐊᕝᕙᖓᓗ ᓯᕿᓂᐅᑉ ᓇᓛᓄᑦ ᐃᖏᕐᕋᓯᓗᓂ.

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”