ᒫᑎᐅᓯᐅᑉ ᐊᒡᓚᖏᑦ 9:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ?

Aglait Ijjurnaittut

⁴ Jiisusiup qaujigamigit sunamik isumangmangaata, uqautivait, “Sungmat taimaak isumaqaqpisi piunngittualungmik?

ᒫᑎᐅᓯᐅᑉ ᐊᒡᓚᖏᑦ 9:4 Iomraidhean Croise

ᐃᓐᖏᕈᑎᑦ 139:2

ᖃᐅᔨᒪᕙᕐᒪ ᐃᒃᓯᕙᑎᓪᓗᖓ ᓇᖏᕐᑎᓪᓗᖓᓗ; ᐃᓱᒪᒋᔭᒃᑲ ᖃᐅᔨᒪᕙᑎᑦ ᐅᖓᓯᒋᔭᓐᓂᑦ.

ᐃᓐᖏᕈᑎᑦ 44:21

ᒎᑎ ᖃᐅᔨᒐᔭᓐᖏᓛᖅ? ᖃᐅᔨᒪᖕᒪᑦ ᐆᒻᒪᑎᐅᑉ ᐃᔨᕐᓯᒪᔭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 38:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐃᓱᒪᒧᑦ ᑎᑭᑕᐅᔪᒫᕐᐳᑎᑦ, ᐱᐅᖏᑦᑐᒥᒃ ᐱᓇᓱᐊᕈᒪᓗᑎᑦ.

ᒫᑎᐅᓯᐅᑉ ᐊᒡᓚᖏᑦ 12:25

ᔩᓱᓯᐅᑉ ᖃᐅᔨᒪᒐᒥᒋᑦ ᖃᓄᖅ ᐃᓱᒪᖃᕐᒪᖔᑕ, ᐅᖃᐅᑎᕔᑦ, “ᓄᓇᓖᑦ ᐊᖓᔪᖅᑳᕐᔪᐊᖃᕐᑐᑦ ᐊᑕᐅᓯᕐᒥᒃ ᐊᒡᒍᕐᓗᑎᒃ ᐃᒻᒥᖕᓄᑦ ᐅᓇᑕᓕᕈᑎᒃ ᐊᖓᔪᖅᑲᐅᕕᒃ ᐊᑯᓂᐅᖏᑦᑐᖅ ᓄᖑᒃᑲᔭᕐᐳᖅ, ᓄᓇᓖᓪᓗ, ᐅᕝᕙᓗ ᐃᓚᒌᑦ ᐃᒡᓗᒥᐅᖃᑎᒌᑦ ᐊᒡᒍᕐᓗᑎᒃ, ᐃᒻᒥᖕᓄᑦ ᐅᓇᑕᓕᕈᑎᒃ ᐊᑕᐅᓯᐅᔪᓐᓃᕋᔭᕐᐳᑦ.

ᒫᑯᓯᐅᑉ ᐊᒡᓚᖏᑦ 12:15

ᔩᓱᓯᐅᑉ ᐱᖏᑦᓯᕐᓱᕋᓱᐊᕐᓂᖏᑦ ᖃᐅᔨᒪᒐᒥᒋᑦ ᐅᖃᐅᑎᕔᑦ, “ᓱᖕᒫᑦ ᐅᕙᓐᓂᒃ ᐆᒃᑐᕋᓱᐊᕐᐱᓰ? ᑮᓇᐅᔭᖅ ᕾᑕᐅᓚᐅᕐᓕ, ᑕᑯᓚᐅᕐᓚᒍ.”

ᒫᑯᓯᐅᑉ ᐊᒡᓚᖏᑦ 2:8

ᑕᕝᕔᓐᓇᖅ ᔩᓱᓯᐅᑉ, ᐊᓂᕐᓂᕐᒥᒍᑦ ᖃᐅᔨᒐᒥᒋᒃ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑕᒪᑐᒥᖓ ᐊᐱᕐᓲᑎᖃᕐᐱᓰ?

ᓘᑲᓯᐅᑉ ᐊᒡᓚᖏᑦ 11:17

ᔩᓱᓯᐅᑉ ᐃᓱᒪᖏᑦ ᖃᐅᔨᒐᒥᒋᑦ, ᐅᖃᐅᑎᕔᑦ, “ᐊᖓᔪᖅᑲᐅᕕᓕᒫᑦ, ᐃᒻᒥᒍᑦ ᐃᓛᒃᑰᕐᑎᓕᕐᐸᑕ ᐊᑭᕋᕐᑑᑎᓗᑎᒃ, ᐊᓯᕈᕐᓗᑎᒃ ᓄᖑᓐᓂᐊᕐᐳᑦ. ᐃᒡᓗᒥᐅᖃᑎᒌᑦ ᐊᑭᕋᕐᑑᑎᓕᕈᑎᒃ ᐊᓯᕈᕐᓗᑎᒃ ᓄᖑᓐᓂᐊᕆᕗᑦ.

ᓘᑲᓯᐅᑉ ᐊᒡᓚᖏᑦ 5:22

ᔩᓱᓯᐅᑉ ᐊᐱᕐᓲᑎᒋᔭᖏᑦ ᖃᐅᔨᒐᒥᒋᑦ ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐆᒻᒪᑎᑦᓯᓐᓂ ᐊᐱᕐᓲᑎᖃᕐᐱᓰ?

ᓘᑲᓯᐅᑉ ᐊᒡᓚᖏᑦ 6:8

ᔩᓱᓯᐅᑉ ᐃᓱᒪᖏᑦ ᖃᐅᔨᒪᒐᒥᒋᑦ, ᐊᖑᒻᒧᑦ ᐊᒡᒐᖏᑦ ᓄᑭᖃᖏᑦᑐᒧᑦ ᐅᖃᕐᐳᖅ, “ᓂᑯᕕᓪᓗᑎᑦ ᒪᐅᖓ ᕾᒋᑦ.” ᑖᓐᓇ ᓂᑯᕕᓐᓇᒥ ᔩᓱᓯ ᐅᐸᒃᐹ.

ᓘᑲᓯᐅᑉ ᐊᒡᓚᖏᑦ 7:40

ᔩᓱᓯᐅᑉ ᓂᓪᓕᐅᑎᕚ ᐅᖃᐅᑎᓪᓗᒍ, “ᓮᒨᓃ, ᐃᓕᖕᓄᑦ ᐅᖃᐅᓯᒃᓴᖃᕋᒪ.” ᑖᑦᓱᒪ ᑭᐅᕚ, “ᖃᓄᖅ ᐊᔪᕆᕐᑐᐃᔩ.”

ᔪᐊᓇᓯᐅᑉ ᐊᒡᓚᖏᑦ 16:19

ᔩᓱᓯᐅᓪᓕ ᖃᐅᔨᒪᒐᒥᒋᑦ ᐊᐱᕐᓱᕈᒪᓂᖏᑦ; ᐅᖃᐅᑎᕔᑦ, “ᐅᖃᕋᒪ, ‘ᐊᑯᓂᐅᖏᑦᑐᖅ ᑕᑯᖃᑦᑕᕐᓂᐊᕈᓐᓃᕐᐸᑦᓯᓐᖓ, ᐊᑯᓂᐅᖏᑦᑐᕐᓗ ᑕᑯᓂᐊᕆᕙᑦᓯᓐᖓ’ ᑕᒪᓐᓇ ᑕᕝᕙ ᐃᓕᑦᓯᓐᓄᑦ ᐊᐱᕐᓲᑎᒋᔭᓰ?

ᔪᐊᓇᓯᐅᑉ ᐊᒡᓚᖏᑦ 16:30

ᒫᓐᓇ ᑐᑭᓯᕗᒍᑦ ᓱᓇᓕᒫᑦ ᖃᐅᔨᒪᒐᕕᒋᑦ, ᐊᐱᕆᔭᐅᔭᕆᐊᖃᓐᖏᓚᑎᓪᓗ; ᑕᒪᓐᓇ ᐱᑦᔪᑎᒋᓪᓗᒍ ᐅᒃᐱᕈᓱᒃᐳᒍᑦ ᒎᑎᒥᑦ ᐱᓯᒪᓂᕐᓂᒃ.”

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 6:61

ᔩᓱᓯ ᖃᐅᔨᒪᒐᒥ ᐃᓕᓐᓂᐊᕐᑎᖏᑦ ᐅᖃᐅᓯᕐᓄᑦ ᑕᒪᒃᑯᓄᖓ ᐊᑲᐅᒃᓴᕈᓐᓃᕐᒪᑕ, ᐅᖃᐅᑎᕔᑦ, “ᑕᒪᒃᑯᓄᖓ ᐅᖃᐅᓯᕐᓄᑦ ᓴᐱᓕᕐᐱᓰ?

ᔪᐊᓇᓯᐅᑉ ᐊᒡᓚᖏᑦ 6:64

ᐊᑯᓐᓇᑦᓯᓐᓃᑦᑐᖃᕐᐳᕐᓕ ᐃᓚᒋᔭᑦᓯᓐᓂᒃ ᐅᒃᐱᕈᓱᖕᓂᖃᖏᑦᑐᒥᒃ.” ᔩᓱᓯ ᐱᒋᐊᕐᓂᖓᓂᑦ ᖃᐅᔨᒪᑦᓯᐊᓚᐅᕐᒪᑦ ᓇᓪᓕᐊᖑᖕᒪᖔᑦ ᐅᒃᐱᕈᓱᖏᑦᑐᖅ, ᓇᓪᓕᐊᑦᑕᓗ ᐱᔭᐅᒃᑲᕈᒫᕐᒪᖔᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 5:9

ᐲᑦᑐᕉᓯᐅᑉ ᐅᖃᐅᑎᕚ, “ᓲᖅ ᐅᐃᓪᓗ ᐊᖏᖃᑎᒌᒃᓯᒪᕕᓰᒃ ᐊᑕᓂᐅᑉ ᐊᓂᕐᓂᖓ ᐆᒃᑐᕈᒪᓪᓗᒎ? ᑕᑯᒋᑦ, ᐊᖑᑏᑦ ᐅᐃᖕᓂᒃ ᐃᓗᕕᕐᓯᖅᑲᐅᔪᑦ ᐃᑎᓕᕐᐳᑦ, ᑖᒃᑯᓇᓐᖓᑦ ᐊᒡᔭᕐᑕᐅᓗᑎᑦ ᐊᓐᓂᓯᔭᐅᓂᐊᕆᕗᑎᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.