ᒫᑎᐅᓯᐅᑉ ᐊᒡᓚᖏᑦ 7:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᐅᕙᓐᓂᒃ ᐊᑕᓂᖃᕐᓂᕋᕐᑐᓕᒫᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕐᓂᐊᓐᖏᓚᑦ, ᐊᑖᑕᒪᓕ ᕿᓚᖕᒦᑦᑑᑉ ᐱᓇᓱᐊᕐᑕᐅᖁᔭᖓᓂᒃ ᓈᓚᒃᑐᑦ ᑭᓯᒥ.

Aglait Ijjurnaittut

²¹ “Uvannik Ataniqarniraqtulimaat Guutiup Ataniuvinganut itirnianngilat, Ataatamali qilangmiittuup pinasuaqtauqujanganik naalaktut kisimi.

ᒫᑎᐅᓯᐅᑉ ᐊᒡᓚᖏᑦ 7:21 Iomraidhean Croise

ᕉᒪᒥᐅᓄᑦ 2:13

ᐱᖁᔭᓂᒃ ᑐᓴᑐᐃᓐᓇᕐᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᓈᒻᒪᖕᓂᕋᕐᑕᐅᔪᒫᕐᐳᑦ.

ᓘᑲᓯᐅᑉ ᐊᒡᓚᖏᑦ 6:46

“ᖃᓄᐃᒻᒪᑦ ᐊᑕᓃᕆᓂᕋᖃᑕᕐᐱᓯᓐᖓ ᐅᖃᓪᓗᓯ, ‘ᐊᑕᓃᖅ, ᐊᑕᓃᖅ,’ ᐊᑐᖁᔭᓐᓂᒡᓗ ᒪᓕᒐᓯ?

ᔧᒥᓯᐅᑉ ᐊᒡᓚᖏᑦ 1:22

ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ.

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᐄᑉᕈᐃᓄᑦ 4:6

ᑖᒃᑯᐊ ᑐᓴᕐᑎᑕᐅᖅᑳᓚᐅᕐᑐᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᑎᖁᔭᐅᓚᐅᓐᖏᓚᑦ ᑕᕾᕐᓯᕐᕕᖕᒧᑦ ᓈᓚᓚᐅᖏᒻᒪᑕ, ᐊᓯᖏᓪᓕ ᓱᓕ ᐃᑎᕐᕕᒃᓴᖃᕐᑎᑕᐅᕗᑦ.

ᔪᐊᓇᓯᐅᑉ ᐊᒡᓚᖏᑦ 6:40

ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᓂᖓᓂᒃ ᑕᑯᔪᓕᒫᑦ ᐅᒃᐱᓕᕐᓗᑎᒡᓗ ᑖᑦᓱᒧᖓ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5

ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.

ᐲᑦᑐᕉᓯ ᓯᕗᓪᓖᑦ 4:2

ᒫᓐᓇᒥᑦ ᑕᒫᓂ ᓄᓇᒥ ᐃᓅᓯᓕᒫᓯ ᓈᓗᒍ ᐃᓅᔭᕆᐊᖃᓕᕐᐳᓯ ᒎᑎᐅᑉ ᐱᔪᒪᔭᖓᓄᑦ ᐊᐅᓚᑕᐅᓗᓯ, ᑎᒥᐅᑉ ᐱᔪᒪᔭᖓᓅᖏᑦᑐᖅ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᒫᑎᐅᓯᐅᑉ ᐊᒡᓚᖏᑦ 12:50

ᓇᓪᓕᐊᑦ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᑕᐅᖁᔭᖓᓂᒃ ᐱᓇᓱᐊᕐᑐᖅ, ᑖᓐᓇ ᖃᑕᓐᖑᑎᒋᕙᕋ, ᓇᔭᒋᓪᓗᒍᓗ, ᐊᓈᓇᒋᕙᕋ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 18:3

ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐱᐅᓯᑦᓯᓐᓂᒃ ᐊᓯᑦᔨᕐᓗᓯ ᑭᓯᐊᓂᐅᕗᖅ ᓱᕈᓯᑯᓗᒃᑐᑦ ᑍᒤᓕᕐᓗᓯ, ᐊᓯᑦᔨᓐᖏᒃᑯᑦᓯ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᕐᓂᐊᖏᒻᒪᕆᒃᐳᓯ.

ᔪᐊᓇᓯᐅᑉ ᐊᒡᓚᖏᑦ 7:17

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᕐᐳᖅ ᐊᔪᕆᕐᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᒪ.

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᒫᑯᓯᐅᑉ ᐊᒡᓚᖏᑦ 3:35

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐊᑐᕐᑐᖅ ᑖᓐᓇ ᖃᑕᓐᖑᑎᒋᕙᕋ, ᓇᔭᒋᓪᓗᒍᓗ ᐊᓈᓇᒋᕙᕋ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:18

ᓱᓇᓕᒫᑦᓯᐊᑦ ᖁᔭᓕᑦᔪᑎᒋᓯᒋᒃ; ᑕᒪᑦᔭ ᒎᑎᐅᑉ ᐱᓇᓱᐊᕐᑕᐅᖁᔭᖓ ᐃᓕᑦᓯᓐᓄᑦ ᙭ᔅᑑᓯ ᔩᓱᓯᒥ.

ᐃᐱᓯᒥᐅᓄᑦ 6:6

ᑕᑯᓐᓇᕐᑎᓪᓗᒋᑦ ᐱᑦᓯᐊᕋᓱᐊᑐᐃᓐᓇᖏᓪᓗᓯ, ᓈᒻᒪᒋᔭᐅᔪᒪᓂᕐᒧᑦ ᑖᒃᑯᓄᖓ; ᙭ᔅᑑᓯᐅᓪᓕ ᐱᔨᖏᑎᑐᑦ, ᐆᒻᒪᒻᒧᑦ ᐃᓗᖏᕐᓱᕐᑐᒧᑦ ᒎᑎᐅᑉ ᐱᔪᒪᔭᖓ ᓈᓚᒡᓗᒍ.

ᐲᑦᑐᕉᓯ ᓯᕗᓪᓖᑦ 2:15

ᒎᑎᐅᑉ ᐱᔪᒪᔭᕆᕚ ᐱᓂᐊᑦᓯᐊᕐᓂᑦᓯᒍᑦ ᐅᖃᐅᓯᒃᓮᕈᑦᔨᖅᑯᓪᓗᓯ ᐃᓄᖕᓂᒃ ᓯᓔᓐᓂᕐᒧᑦ ᖃᐅᔨᒪᖏᑦᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:3

ᑕᒪᑦᔭ ᒎᑎᐅᑉ ᐱᔪᒪᔭᖓ, ᐃᑦᔪᕐᓁᖁᓪᓗᓯ: ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ ᐊᑐᕐᑍᓕᓗᒍ;

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᓘᑲᓯᐅᑉ ᐊᒡᓚᖏᑦ 13:25

ᐃᒡᓘᑉ ᐃᓄᐊᑕ ᒪᑭᓪᓗᓂ ᒪᑐ ᒪᑐᒃᐸᒍ; ᐃᓕᑦᓯ ᑕᕝᕙ ᓯᓚᑖᓂ ᓇᖏᓕᕈᒫᕐᐳᓯ ᑎᒡᓗᒃᑐᕐᓗᓯ, ᐅᖃᕈᒫᕐᐳᓯ, ‘ᐊᑕᓃᖅ, ᒪᑐᐃᕈᑎᑎᒍᑦ,’ ᑖᑦᓱᒪ ᑭᐅᔪᒫᕐᐹᓯ, ‘ᓇᑭᓐᖔᕐᒪᖔᑦᓯ ᖃᐅᔨᒪᓐᖏᓚᑦᓯ.’

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᓘᑲᓯᐅᑉ ᐊᒡᓚᖏᑦ 18:25

ᐱᔭᕆᐊᑭᓐᓂᕐᓴᐅᕗᖅ ᑳᒥᓕᐅᑉ ᐃᑎᕋᓱᐊᕋᔭᕐᓂᖓᓂᑦ ᒥᖅᑯᑎᐅᑉ ᐃᔨᖓᒍᑦ ᐊᔪᕐᓴᖏᑦᑑᑉ ᐃᑎᕋᓱᐊᕋᔭᕐᓂᖓᓂᑦ ᒎᑎᐅᑉ ᐊᑕᓂᐅᕕᖓᓄᑦ.”

ᒫᑯᓯᐅᑉ ᐊᒡᓚᖏᑦ 9:47

ᐃᔨᕕᑦ ᐊᔪᕐᑐᓕᑎᑉᐸᑎᑦ, ᑖᓐᓇ ᐲᕈᒃ; ᐃᓕᖕᓄᑦ ᐊᑲᐅᓂᕐᓴᐅᒐᔭᕐᒪᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᕕᑦ ᐃᔨᑐᐊᖃᕐᓗᑎᑦ ᐃᒡᓗᒃᑐᑦ ᐃᔨᖃᕐᓗᑎᑦ ᐃᒋᑕᐅᒐᔭᕐᓂᕐᓂᑦ ᓵᑖᓇᓯᖃᕐᕕᖕᒧᑦ.

ᒫᑎᐅᓯᐅᑉ ᐊᒡᓚᖏᑦ 19:24

ᓱᓕ ᐅᖃᐅᑎᒃᑲᓐᓂᕐᐸᑦᓯ; ᐊᒡᓛᑦ ᐊᔪᕐᓇᖏᓐᓂᕐᓴᐅᕗᖅ ᑳᒥᓕ ᒥᖅᑯᑎᐅᑉ ᐃᔨᖓᒎᕆᐊᖓ, ᐊᔪᕐᓴᖏᑦᑑᑉ ᐃᓯᕋᔭᕐᓂᖓᓂᑦ ᒎᑎᐅᑉ ᐊᑕᓂᐅᕕᖓᓄᑦ.”

ᒫᑎᐅᓯᐅᑉ ᐊᒡᓚᖏᑦ 18:35

“ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”

ᔪᐊᓇᓯᐅᑉ ᐊᒡᓚᖏᑦ 15:23

ᐅᕙᓐᓂᒃ ᐆᒥᓱᒃᑑᑉ ᐊᑖᑕᒐᑦᑕᐅᖅ ᐆᒥᒋᒋᕚ.

ᒫᑎᐅᓯᐅᑉ ᐊᒡᓚᖏᑦ 26:42

ᓱᓕ ᐂᑉᐸᖓᓂᒃ, ᔩᓱᓯ ᑐᒃᓯᐊᕆᐊᕐᑐᒃᑲᓐᓂᕐᐳᖅ ᐅᖃᕐᓗᓂ, “ᐊᑖᑖᒃ, ᐅᓇ ᐃᒥᐅᑦ ᐅᕙᓐᓂᑦ ᐲᕈᓐᓇᖏᑉᐸᑦ ᐃᒥᕐᓗᒍ ᑭᓯᐊᓂᐅᒃᐸᑦ, ᐱᔪᒪᔧᑦ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:27

ᐊᐅᓚᑦᓯᓂᐊᕐᐳᕐᓗ ᓴᕕᕋᔭᖕᒥᒃ ᐊᔭᐅᑉᐱᐊᖃᕐᓗᓂ, ᓯᖁᒥᑦᓯᔪᓐᓇᕐᓗᓂ ᒪᕐᕋᓕᐅᕐᑎᐅᓪᓗ ᐃᓗᓕᖁᑎᖏᑎᑐᑦ ᓯᖁᒥᑦᓱᒫᕐᐰᑦ, ᐅᕙᖓᑦᑕᐅᖅ ᐊᑖᑕᓐᓂᑦ ᐱᔪᓐᓇᕐᓂᕐᑖᕐᑎᑕᐅᓯᒪᓂᑦᑐᑦ;

ᔪᐊᓇᓯᐅᑉ ᐊᒡᓚᖏᑦ 14:7

ᖃᐅᔨᒪᒍᑦᓯᓐᖓ, ᐊᑖᑕᒐ ᖃᐅᔨᒪᒐᔭᕆᕙᓯ; ᒫᓐᓇᓕ ᖃᐅᔨᒪᓕᕐᐸᓯ ᑕᑯᓯᒪᕙᓯᓗ.”

ᔪᐊᓇᓯᐅᑉ ᐊᒡᓚᖏᑦ 5:17

ᔩᓱᓯᐅᑉ ᑭᐅᕔᑦ, “ᐊᑖᑕᒐ ᑍᒪᓐᖓᑦ ᒫᓐᓇᒧᑦ ᐱᓇᓱᐊᕐᐳᖅ, ᐅᕙᖓᓗ ᐱᓇᓱᐊᕆᕗᖓ.”

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 18:10

“ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 18:19

“ᓱᓕ ᐅᖃᐅᑎᒃᑲᓐᓂᕐᐸᑦᓯ, ᓄᓇᕐᔪᐊᕐᒥ ᒪᕐᕉᓗᓯᒃ ᐊᖏᖃᑎᒌᒃᑯᑦᓯᒃ ᓱᓇᑐᐃᓐᓇᕐᒥᒃ ᑐᒃᓯᐊᕈᑎᖃᕈᒪᓗᓯᒃ, ᑕᒪᑐᒥᖓ ᑕᕝᕙ ᑐᓂᓯᕕᐅᓂᐊᕐᐳᓯᒃ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 25:10

ᐊᕐᓁᑦ ᓯᓔᑦᑐᑦ ᓂᐅᕕᕆᐊᕐᓯᒪᓕᕐᑎᓪᓗᒋᑦ; ᐅᐃᒃᓴᖅ ᑎᑭᑉᐳᖅ, ᐊᕐᓁᑦ ᑕᓪᓕᒪᑦ ᐅᐸᓗᖕᒊᕐᓯᒪᔪᑦ ᑲᑎᑎᑕᐅᔪᑦ ᓂᕆᕕᒃᔪᐊᕐᕕᖓᓄᑦ ᐃᑎᖃᑎᒋᕚᑦ; ᐅᒃᑯᐊᖓᑦ ᑕᕝᕙ ᐅᒃᑯᐊᕐᑕᐅᕗᖅ.