ᒫᑎᐅᓯᐅᑉ ᐊᒡᓚᖏᑦ 6:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

Aglait Ijjurnaittut

⁵ “Tuksialiraangassi takkurmuuqtutitut taimaittuksaunngilasi; taikkua inungnut takunnaqtaujumatuinnaqtlutik tuksiasuungungmata nangirlutik, Juutit ukpirnirmut katimavinginni aqqutinilu. Sulijumik uqautivassi, taakkua akiliqtaujariiqput.

ᒫᑎᐅᓯᐅᑉ ᐊᒡᓚᖏᑦ 6:5 Iomraidhean Croise

ᐃᓐᖏᕈᑎᑦ 5:2

ᐃᓗᖏᕐᓱᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᐃᓕᖕᓄᑦ ᑐᒃᓯᐊᕐᓂᐊᕋᒪ, ᐊᖓᔪᖅᑳᕐᔪᐊᕆᒐᒃᑭᑦ, ᒎᑎᒋᓪᓗᑎᓪᓗ.

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:5

ᐱᐅᔪᕆᔪᓕᒫᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᖃᐅᔨᒪᓕᕆᑦ ᐊᑕᓂᐅᑉ ᓱᒋᐊᓐᖏᓮᓐᓇᕐᓂᐊᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 29:12

ᕿᓄᒍᑦᓯ ᐅᕙᓐᓄᓪᓗ ᑐᒃᓯᐊᕈᑦᓯ ᑐᓴᕐᓂᐊᕐᐸᑦᓯ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᒫᑎᐅᓯᐅᑉ ᐊᒡᓚᖏᑦ 21:22

ᓱᓇᑐᐃᓐᓇᑦᓯᐊᒥᒡᓗ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ, ᐅᒃᐱᕈᑦᓯ.”

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᒫᑎᐅᓯᐅᑉ ᐊᒡᓚᖏᑦ 23:6

ᓂᕆᕕᒃᔪᐊᕐᑐᖃᕐᑎᓪᓗᒍ ᐅᐱᒋᔭᐅᔪᑦ ᐃᓂᖏᓐᓂ ᐃᓂᖃᕈᒪᕗᑦ, ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐃᓂᑦᓯᐊᕙᐅᓂᕐᐹᓂ ᑭᓯᐊᓂ ᐃᓂᖃᕐᐸᒃᓗᑎᒃ;

ᒫᑎᐅᓯᐅᑉ ᐊᒡᓚᖏᑦ 6:1

“ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:2

“ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 9:38

ᑍᒤᒻᒪᑦ ᐱᕈᕐᑐᑦ ᑲᑎᕐᓱᒐᒃᓴᑦ ᐊᑕᓂᖓᑦ ᑐᒃᓯᐊᕐᕕᒋᓯᐅᒃ ᑎᓕᓯᖁᓪᓗᒍ ᐱᓇᓱᐊᕐᑐᒃᓴᓂᒃ, ᑲᑎᕐᓱᐃᓂᐊᕐᑐᓂᒃ ᐱᕈᕐᑐᓂᒃ ᓇᑲᑎᕆᕕᖕᒥ.”

ᒫᑯᓯᐅᑉ ᐊᒡᓚᖏᑦ 11:25

ᓇᖏᕐᓗᓯᓕ ᑐᒃᓯᐊᕈᑦᓯ, ᐃᓱᒪᒋᔪᓐᓁᕐᕕᖃᕆᑦᓯ ᐃᓅᖃᑎᑦᓯ ᐊᑲᐅᒃᓴᖏᒃᔪᑎᒃᓴᖃᕈᑦᓯ; ᐊᑖᑕᑦᓯᓐᓄᑦᑕᐅᖅ ᕿᓚᖕᒦᑦᑐᒧᑦ ᐃᓱᒪᒋᔪᓐᓁᕐᕕᐅᖁᓪᓗᓯ ᐊᔪᕐᑐᓕᓂᑦᓯᓐᓂᑦ. [

ᒫᑯᓯᐅᑉ ᐊᒡᓚᖏᑦ 12:38

ᐊᔪᕆᕐᑐᕐᓗᒋᑦ ᐃᒫᒃ ᐅᖃᕐᐳᖅ, “ᖃᐅᔨᓴᑦᓯᐊᕆᑦᓯ ᐱᖁᔭᓂᒃ ᐃᓕᓮᔨᓂᒃ, ᐱᓱᑲᑕᒍᒪᕙᖕᒪᑕ ᐊᓐᓄᕌᕐᓯᒪᓗᑎᒃ ᑕᑭᔪᓂᒃ ᐅᓕᒡᔪᐊᓂᒃ, ᐃᒃᐱᒋᔭᐅᑦᓯᐊᕐᓗᑎᒃ ᓂᓪᓕᐅᑦᔭᐅᔪᒪᕙᒃᓗᑎᒃ ᓂᐅᕕᕐᕕᖕᓂ.

ᓘᑲᓯᐅᑉ ᐊᒡᓚᖏᑦ 11:43

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐹᕆᓯᑦ! ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐃᒃᓯᕙᐅᑕᓂ ᐱᐅᓂᕐᐹᓂ ᐃᒃᓯᕙᔪᒪᕙᒃᑐᓯ, ᐃᓄᖕᓄᓪᓗ ᓂᓪᓕᐅᑦᔭᐅᑦᓯᐊᕈᒪᕙᒃᑐᓯ ᓂᐅᕕᕐᕕᖕᓂ.

ᓘᑲᓯᐅᑉ ᐊᒡᓚᖏᑦ 18:1

ᔩᓱᓯᐅᑉ ᐃᓕᓐᓂᐊᕐᑎᓂ ᐊᑦᔨᐅᔪᒥᒃ ᐊᔪᕆᕐᑐᕐᐰᑦ, ᑐᒃᓯᐊᖏᓐᓇᖃᑕᖁᓪᓗᒋᑦ ᓴᐱᓕᕐᑍᓕᖁᓪᓗᒋᓪᓗ.

ᓘᑲᓯᐅᑉ ᐊᒡᓚᖏᑦ 18:13

ᕉᒪᒥᐅᓪᓕ ᑮᓇᐅᔧᕐᑎᑦᓯᔨᖓ, ᖃᓂᖏᑦᑐᒥ ᓇᖏᕐᐳᖅ, ᖁᒻᒧᓪᓘᓐᓃᑦ ᐋᕐᓗᕈᒪᖏᑦᑐᖅ, ᓴᒡᕕᓂᓗ ᐸᑎᒃᑕᕐᓗᒍ ᐅᖃᕐᐳᖅ, ‘ᒎᑎ ᓂᑲᒋᓚᐅᓐᖓ ᐊᔪᕐᑐᓕᔨᐊᓘᒐᒪ!’

ᓘᑲᓯᐅᑉ ᐊᒡᓚᖏᑦ 20:47

ᓯᓔᕐᕆᒃᓯᕙᒃᓗᑎᒃ ᐅᐃᒡᒐᕐᓂᕐᓂᒃ ᑎᒡᓕᒐᕐᕕᒋᔪᒪᓪᓗᒋᑦ ᐊᖏᕐᕋᖏᓐᓂᑦ, ᑕᑯᓐᓇᕐᑕᐅᓇᓱᐊᕐᓗᑎᒡᓗ ᑐᒃᓯᐅᑦᔨᓕᕐᐸᒃᓗᑎᒃ ᑕᑭᔪᐊᓗᖕᓂᒃ. ᑖᒃᑯᐊ ᓱᒋᐊᕐᑕᐅᓂᖏᑦ ᐱᐅᖏᓐᓂᕐᓴᓪᓚᕆᐊᓘᔪᒫᕐᐳᑦ.”

ᓘᑲᓯᐅᑉ ᐊᒡᓚᖏᑦ 6:24

ᑲᑉᐱᐊᓇᕐᑐᒦᑉᐳᓯᓕ ᒫᓐᓇ ᐊᔪᕐᓴᖏᑦᑐᓯ, ᐱᔭᕆᐊᑭᑦᑐᒥᒃ ᐃᓅᓯᖃᕇᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 16:24

ᒫᓐᓇᒧᑦ ᑎᑭᓪᓗᒍ ᑐᒃᓯᐊᓚᐅᓐᖏᓚᓯ ᓱᓇᑐᐃᓐᓇᕐᒥᒃ ᐊᑎᓐᓂ; ᑐᒃᓯᐊᕆᑦᓯ, ᑐᓂᓯᕕᐅᓂᐊᕐᐳᓯ ᑕᕝᕙ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.”

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:17

ᑍᒪᓐᖓᑦ ᑐᒃᓯᐊᑦᓮᓐᓇᕆᑦᓯ,

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”