ᒫᑎᐅᓯᐅᑉ ᐊᒡᓚᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

Aglait Ijjurnaittut

² “Taimaimmat tunirrusirussi, tunisinisi qaujijaunasuarlusi tittulautimik nilliqtitsijariaqanngilasi, takkurmuuqtutitut taakkua Juutit ukpirnirmut katimavinginni aqqutinilu, taimailiuqpangmata inungnut niqtuqtaujumallutik. Sulijumik uqautivassi, akiliqtaujariiqput.

ᒫᑎᐅᓯᐅᑉ ᐊᒡᓚᖏᑦ 6:2 Iomraidhean Croise

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᐃᓐᖏᕈᑎᑦ 37:21

ᐱᐅᖏᑦᑐᓕᔪᑦ ᐊᑐᕐᑐᐊᕐᐳᑦ ᐅᑎᕐᑎᑦᓯᓇᑎᒡᓗ, ᐃᓱᐊᕐᑐᓪᓕ ᓂᑲᒍᓱᖕᓂᕐᒥᒃ ᐱᓇᓱᐊᕐᐳᑦ ᑐᓂᓯᔪᒪᓪᓗᑎᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:6

ᐃᓄᐃᑦ ᐅᓄᕐᑐᑦ ᑕᑎᒋᔭᐅᔪᓐᓇᕐᓂᕋᕐᓗᑎᒃ ᐅᖃᕈᓐᓇᕐᐳᑦ, ᑭᓇᓕ ᑕᑎᒋᔭᒃᓴᓪᓚᕆᖕᒥᒃ ᓇᓂᓯᔪᓐᓇᕐᐸ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:2

ᐂᑦᑐᕐᑐᐃᓕᕆᑦ ᓂᕆᔭᒃᓴᓂᒃ 7ᓄᑦ, 8ᓄᓪᓘᓐᓃᑦ, ᖃᐅᔨᒪᖏᓐᓇᕕᑦ ᐱᐅᖏᑦᑐᒥᒃ ᓄᓇᒥ ᓱᔪᖃᕐᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 58:7

ᐃᒫᖑᓐᖏᓛᖅ ᑳᒃᑐᑦ ᓂᕆᑎᖃᑦᑕᕐᓗᒋᑦ ᓂᕿᒃᓴᑦᓯᓐᓂᑦ, ᐊᔪᕐᓴᕐᓂᕐᒧᑦ ᐊᖏᕐᕋᒃᓴᖃᖏᑦᑐᑦ ᐊᖏᕐᕋᑦᓯᓐᓄᑦ ᐃᑎᕐᑎᑉᐸᒡᓗᒋᑦ; ᐊᓐᓄᕌᒃᓴᖃᖏᑦᑐᑦ ᐊᓐᓄᕌᕐᑎᑉᐸᒡᓗᒋᑦ, ᐃᓅᖃᑎᒋᒐᑦᓯᐅᒃ ᑐᓄᒋᐊᑐᐃᓐᓇᕐᐸᖏᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᕼᐆᓯᐊᑉ ᐊᒡᓚᖏᑦ 8:1

“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 15:7

ᑕᑯᕐᒨᕐᑐᓯ! ᐂᓮᐊᓯ ᓱᓕᑦᓯᐊᕐᓗᓂ ᐅᖃᓚᐅᕐᐳᖅ ᐃᓕᑦᓯ ᐱᑦᔪᑎᒋᓪᓗᓯ! ᐅᖃᕐᓗᓂ:

ᒫᑎᐅᓯᐅᑉ ᐊᒡᓚᖏᑦ 16:3

ᐅᓪᓛᒻᒪᕆᒃᑯᓪᓗ ᐅᖃᕐᐸᒃᑭᕗᓯ, ‘ᐅᓪᓗᒥ ᓯᓚᓗᖕᓂᐊᕐᐳᖅ, ᓄᕗᔧᑦ ᐊᐅᐸᕐᑑᓪᓗᑎᒃ ᕿᕐᓂᕐᑕᐅᖕᒪᑕ.’ ᓯᓚᒥᒃ ᓇᓚᐅᑦᑍᔪᓐᓇᕐᑐᓯ ᑕᑯᓐᓈᕐᓗᓯ ᕿᓚᖕᒥᒃ, ᑐᑭᓯᔪᓐᓇᓐᖏᓚᓯᓕ ᓇᓗᓁᒃᑯᑕᕐᓂᒃ ᓇᓪᓕᐅᑎᓕᕐᑐᓂᒃ ᒫᓐᓇᐅᔪᒥᒃ!

ᒫᑎᐅᓯᐅᑉ ᐊᒡᓚᖏᑦ 22:18

ᔩᓱᓯ ᐃᒃᐱᒍᓱᒃᑲᒥ ᐱᐅᖏᑦᑐᒥᒃ ᐃᓱᒪᖃᑎᒌᒃᓯᒪᓂᖏᓐᓂᒃ, ᐅᖃᐅᑎᕔᑦ, “ᓱᖕᒪᑦ ᐆᒃᑐᕐᐱᓯᓐᖓ? ᑕᒃᑯᕐᒨᕐᑐᓯ!

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᒫᑎᐅᓯᐅᑉ ᐊᒡᓚᖏᑦ 23:6

ᓂᕆᕕᒃᔪᐊᕐᑐᖃᕐᑎᓪᓗᒍ ᐅᐱᒋᔭᐅᔪᑦ ᐃᓂᖏᓐᓂ ᐃᓂᖃᕈᒪᕗᑦ, ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐃᓂᑦᓯᐊᕙᐅᓂᕐᐹᓂ ᑭᓯᐊᓂ ᐃᓂᖃᕐᐸᒃᓗᑎᒃ;

ᒫᑎᐅᓯᐅᑉ ᐊᒡᓚᖏᑦ 24:51

ᑕᕝᕙ ᐊᖓᔪᖅᑳᖓᑕ ᓱᒋᐊᕐᓗᒍ ᐃᒋᒃᑲᔭᕐᐹ, ᑕᒃᑯᕐᒨᕐᑐᑦ ᓱᒋᐊᕐᑕᐅᕕᒋᔭᖓᓄᑦ; ᑕᕝᕙᓂ ᕿᐊᓂᖃᕋᔭᕐᐳᑦ ᐊᒡᓕᕈᓛᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 5:18

ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:3

ᑐᓂᕐᕈᓯᕈᕕᓪᓕ, ᓴᐅᒦᑦ ᖃᐅᔨᑎᑕᒃᓴᕆᓐᖏᓚᑦ ᑕᓕᕐᐱᒃᐱᑦ ᑐᓂᕐᕈᑎᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 6:5

“ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 7:5

ᑕᒃᑯᕐᒨᕐᑐᑎᑦ! ᐃᔨᖕᓃᑦᑐᖅ ᓇᐹᕐᑐᕕᓂᐊᓗᒃ ᐲᖅᑳᓚᐅᕈᒃ, ᑕᕝᕙ ᑕᑯᑦᓯᐊᕈᓐᓇᕐᓯᓂᐊᕐᐳᑎᑦ ᐃᓅᖃᑎᕕᑦ ᐃᑦᔨᓯᒪᐅᑎᖓᓂᒃ ᐲᕐᓯᓇᓱᐊᓕᕈᕕᑦ ᒥᑭᔪᑯᓗᖕᒥᒃ.

ᒫᑯᓯᐅᑉ ᐊᒡᓚᖏᑦ 12:39

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᐱᐅᓂᕐᐹᓂ ᐃᒃᓯᕙᐅᑕᖃᕈᒪᕗᑦ, ᐅᐱᓐᓇᕐᓂᕐᐹᓂᓗ ᐃᓂᖃᕈᒪᕙᒃᓗᑎᒃ ᓂᕆᕕᒃᔪᐊᕐᑐᖃᕐᑎᓪᓗᒍ.

ᒫᑯᓯᐅᑉ ᐊᒡᓚᖏᑦ 7:6

ᔩᓱᓯᐅᑉ ᑭᐅᕔᑦ, “ᐂᓮᐊᓯ ᓇᓚᐅᑦᑍᓪᓗᓂ ᐅᖃᐅᓯᖃᓚᐅᕐᐳᖅ ᑕᒃᑯᕐᒨᕐᑐᓂᒃ ᐃᓕᑦᓯᓐᓂᒃ, ᑎᑎᕋᕐᓯᒪᖕᒪᑦ, ‘ᐅᑯᐊ ᐃᓄᐃᑦ ᖃᓂᕐᒥᖕᓄᑦ ᓂᕐᑐᕐᐹᖓ, ᐆᒻᒪᑎᖏᑕᓕ ᐅᖓᓯᒋᕚᖓ;

ᓘᑲᓯᐅᑉ ᐊᒡᓚᖏᑦ 11:41

ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

ᓘᑲᓯᐅᑉ ᐊᒡᓚᖏᑦ 11:43

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐹᕆᓯᑦ! ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐃᒃᓯᕙᐅᑕᓂ ᐱᐅᓂᕐᐹᓂ ᐃᒃᓯᕙᔪᒪᕙᒃᑐᓯ, ᐃᓄᖕᓄᓪᓗ ᓂᓪᓕᐅᑦᔭᐅᑦᓯᐊᕈᒪᕙᒃᑐᓯ ᓂᐅᕕᕐᕕᖕᓂ.

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᓘᑲᓯᐅᑉ ᐊᒡᓚᖏᑦ 12:56

ᑕᒃᑯᕐᒨᕐᑐᓯ! ᓄᓇᕐᔪᐊᑉ ᓯᓚᐅᓪᓗ ᖃᓄᐃᓐᓂᐊᕐᓂᖓ ᖃᐅᔨᒪᕙᒃᐸᓯ ᑕᑯᒃᓴᐅᓂᖓᒍᑦ; ᓱᖕᒪᑦ ᒫᓐᓇᐅᓕᕐᑐᖅ ᖃᓄᐃᑦᑐᖃᓕᕐᒪᖔᑦ ᖃᐅᔨᒪᔪᓐᓇᓐᖏᓚᓰ?”

ᓘᑲᓯᐅᑉ ᐊᒡᓚᖏᑦ 13:15

ᐊᑕᓂᐅᑉ ᑭᐅᕚ ᐅᖃᕐᓗᓂ, “ᐃᓕᑦᓯ ᑕᒃᑯᕐᒨᕐᑐᓯ! ᐆᒪᔪᖁᑎᑦᓯᓐᓂᒃ ᓯᐅᑎᖅᑯᕐᑐᔪᖁᑎᒥᓂᒡᓘᓐᓃᑦ ᐃᓂᖓᓂᑦ ᐱᑐᐃᑦᔮᕐᓯᕙᒃᐳᓯ ᐃᒥᕐᑎᒋᐊᕐᑐᕐᓗᒍ ᓴᐸᑎᐅᑎᓪᓗᒎ?

ᓘᑲᓯᐅᑉ ᐊᒡᓚᖏᑦ 20:46

“ᐃᓕᒪᓱᒋᑦᓯ ᐱᖁᔭᓂᒃ ᐃᓕᓮᔨᓂᒃ, ᑖᒃᑯᐊ ᐱᓱᒃᑲᑕᒍᒪᕙᖕᒪᑕ ᑕᑭᔪᓂᒃ ᐊᓐᓄᕌᕐᓯᒪᓗᑎᒃ, ᓂᓪᓕᐅᑦᔭᐅᑦᓯᐊᕈᒪᕙᒡᓗᑎᒃ ᓂᐅᕕᕐᕕᖕᓂ ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐱᐅᓂᕐᐹᓂ ᐃᒃᓯᕙᔪᒪᕙᒡᓗᑎᒃ; ᓂᕆᕕᒡᔪᐊᕆᐊᕐᑐᕐᑐᓂᑦ ᐅᐱᒋᔭᐅᔪᑦ ᐃᓂᖏᓐᓂ ᐃᓂᖃᕈᒪᕙᒃᓗᑎᒃ.

ᓘᑲᓯᐅᑉ ᐊᒡᓚᖏᑦ 6:24

ᑲᑉᐱᐊᓇᕐᑐᒦᑉᐳᓯᓕ ᒫᓐᓇ ᐊᔪᕐᓴᖏᑦᑐᓯ, ᐱᔭᕆᐊᑭᑦᑐᒥᒃ ᐃᓅᓯᖃᕇᕋᑦᓯ.

ᓘᑲᓯᐅᑉ ᐊᒡᓚᖏᑦ 6:42

ᓱᖕᒪᓪᓗ ᐃᓅᖃᑎᖕᓄᑦ ᐅᖃᕈᓐᓇᕐᐲᑦ ‘ᐃᓅᖃᑏᒃ, ᐃᑦᔨᓯᒪᐅᑎᑦ ᐃᔨᖕᓃᑦᑐᖅ ᐲᓚᐅᕐᓚᒍ,’ ᐅᕝᕙ ᓇᖕᒥᓂᖅ ᐃᔨᖕᓃᑦᑐᖅ ᐃᑦᔨᓯᒪᐅᑏᑦ ᕿᔪᐊᓗᒃ ᑲᒪᒋᓇᒍ? ᑕᒃᑯᕐᒨᕐᑐᑎᑦ, ᐃᑦᔨᓯᒪᐅᑏᑦ ᓇᖕᒥᓂᖅ ᐃᔨᖕᓂᑦ ᐲᖅᑳᕈᒃ, ᑕᐅᑐᑦᓯᐊᕐᓗᑎᑦ ᐃᓅᖃᑎᕕᑦ ᐃᑦᔨᓯᒪᐅᑎᖓᓂᒃ ᒥᑭᔪᒥᒃ ᐲᕐᓯᔪᓐᓇᕐᓂᐊᕋᕕᑦ.”

ᔪᐊᓇᓯᐅᑉ ᐊᒡᓚᖏᑦ 13:29

ᔫᑕᓯ ᑲᒪᔨᒋᔭᐅᖕᒪᑦ ᑮᓇᐅᔭᖃᐅᑎᖓᓐᓂᒃ ᐃᒃᐱᐊᕐᔪᖕᒥᒃ; ᐃᓕᓐᓂᐊᕐᑏᑦ ᐃᓚᖏᑦ ᐃᓱᒪᕗᑦ ᔩᓱᓯ ᓂᐅᕕᕆᐊᖁᔨᓇᓱᒋᓪᓗᒍ ᐊᑐᕆᐊᖃᕐᑕᖏᓐᓂᒃ ᓇᓪᓕᐅᓐᓂᕐᓯᐅᓕᕈᑎᒃ; ᐅᕝᕙᓘᓐᓃᑦ ᑐᓂᓯᔭᕐᑐᖁᔭᐅᓇᓱᒋᕚᑦ ᐊᔪᕐᓴᕐᑐᓄᑦ.

ᔪᐊᓇᓯᐅᑉ ᐊᒡᓚᖏᑦ 5:41

“ᐃᓄᖕᓄᑦ ᓂᕐᑐᕐᑕᐅᓇᓱᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᔪᐊᓇᓯᐅᑉ ᐊᒡᓚᖏᑦ 7:18

ᓇᓪᓕᐊᑦ ᐱᔪᓐᓇᕐᓂᑐᐃᓐᓇᕐᒥᒍᑦ ᐅᖃᓪᓚᒃᑐᖅ ᐃᒻᒥᓂᒃ ᓂᕐᑐᕐᑕᐅᑦᔪᑎᒃᓴᒥᓂᒃ ᐱᓇᓱᐊᕐᐳᖅ; ᓇᓪᓕᐊᓪᓕ ᑎᓕᔨᒥᓂᒃ ᓂᕐᑐᕐᑕᐅᑎᑦᓯᓇᓱᐊᕐᑐᖅ ᓱᓕᑦᓯᐊᕐᐳᖅ, ᑖᑦᓱᒪᓂᓗ ᓴᒡᓗᓂᕐᑕᖃᕋᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 10:31

ᐅᖃᕐᓗᓂ, ‘ᑰᓂᓕᐅᓰ, ᑐᒃᓯᐊᕐᓂᑎᑦ ᑐᓴᕐᑕᐅᕗᑦ ᑐᓂᓯᖃᑦᑕᕐᓂᑎᑦ ᐃᖅᑲᐅᒪᔭᐅᕗᑦ ᒎᑎᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 11:29

ᐅᒃᐱᕐᑐᑦ ᐋᖅᑭᒃᓯᓚᐅᕐᐳᑦ ᐊᑐᓂᑦ ᑐᔪᐃᔪᒪᓪᓗᑎᒃ ᐊᔪᓐᖏᑕᒥᖕᓂᒃ, ᐃᑲᔫᑎᒋᓂᐊᕐᑕᒥᖕᓂᒃ ᐅᒃᐱᕐᑑᖃᑎᒌᓄᑦ ᔫᑎᐊᒥ ᓄᓇᖃᕐᑐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 24:17

“ᐊᕐᕌᒍᓂᒃ ᐊᒥᓱᓂᒃ ᐊᐅᓪᓚᕐᓯᒪᓚᐅᕐᓗᖓ ᔨᕉᓴᓕᒻᒧᑦ ᐅᑎᓚᐅᕐᐳᖓ, ᐃᓅᖃᑎᒃᑲ ᐊᔪᕐᓴᕐᑐᑦ ᑮᓇᐅᔭᓂᒃ ᑐᓂᓯᕕᒋᔭᕐᑐᕐᓗᒋᑦ, ᑐᓂᕐᕈᓯᕆᐊᑐᕐᓗᖓᓗ ᑐᒃᓯᐊᕐᕕᒡᔪᐊᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 9:36

ᔮᐸᒥ ᐃᓕᓐᓂᐊᕐᑎᑕᖃᓚᐅᕐᐳᖅ ᑕᐱᓴᒥᒃ ᐊᑎᓕᖕᒥᒃ, ᒍᕇᑭᑎᑐᑦ ᑍᔭᐅᔪᒥᒃ ᑑᑲᓯᒥᒃ, ᑖᓐᓇ ᐱᓂᐊᕐᓂᖃᑦᓯᐊᓚᐅᕐᐳᖅ ᐃᑲᔪᑦᓯᐊᕐᐸᒡᓗᓂᓗ ᐊᔪᕐᓴᕐᑐᓄᑦ.

ᕉᒪᒥᐅᓄᑦ 12:8

ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:3

ᐱᖁᑎᒃᑲᓗ ᑕᒪᕐᒥᒃ ᐊᔪᕐᓴᕐᑐᓄᑦ ᑐᓂᒐᔭᕈᒃᑭᑦ ᑎᒥᒐᓗ ᐃᑯᒪᒧᑦ ᓄᖑᑕᐅᑎᒐᓗᐊᕈᒃᑯ, ᓇᒡᓕᖕᓂᖃᕐᓇᖓᓗ, ᐅᕙᓐᓄᑦ ᓱᕙᓪᓕᕈᑕᐅᒐᔭᓐᖏᓚᑦ.

ᒐᓔᑎᐊᒥᐅᓄᑦ 2:10

ᐅᖃᑐᐃᓐᓇᓚᐅᕐᐳᓪᓗ ᐊᔪᕐᓴᕐᑐᓂᒃ ᐃᖅᑲᐅᒪᖃᑦᑕᖁᓪᓗᑕ ᐃᓚᒋᔭᑦᑎᓐᓂ, ᑕᒪᓐᓇᑦᑕᐅᖅ ᐱᓇᓱᐊᕈᒪᓂᕐᐹᕆᓯᒪᖕᒥᒐᒃᑯ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:6

ᓂᕐᑐᕐᑕᐅᓇᓱᐊᓚᐅᖏᓐᓂᕗᒍᑦ ᐃᓄᖕᓄᑦ, ᐃᓕᑦᓯᓐᓄᓪᓘᓐᓃᑦ, ᐊᓯᑦᓯᓐᓄᓪᓘᓐᓃᑦ, ᙭ᔅᑑᓯᒧᑦ ᐋᐴᓯᑕᓕᒋᔭᐅᒐᑦᑕ ᐃᓕᑦᓯᓐᓂᑦ ᕿᓄᔪᓐᓇᕋᔭᓚᐅᕋᓗᐊᕐᑐᒍᑦ,

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᐰᓕᒨᓂᒧᑦ 1:7

ᐅᒃᐱᕐᑑᖃᑎᒐ ᓇᒡᓕᖕᓇᕐᑐᑎᑦ, ᓇᒡᓕᖕᓂᕐᓄᑦ ᐊᖏᔪᐊᓗᖕᒥᒃ ᖁᕕᐊᓱᒃᑎᑕᐅᕗᖓ ᐱᕙᓪᓕᕐᑎᑕᐅᓪᓗᖓᓗ, ᐃᑦᔪᕐᓁᑎᑕᐅᓯᒪᔪᓕᒫᑦ ᐆᒻᒪᑎᒥᒍᑦ ᖁᕕᐊᓱᒃᑎᑕᐅᓯᒪᖕᒪᑕ ᐱᑦᔪᑎᒋᓪᓗᑎᑦ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᓴᒧᐃᓕ ᓯᕗᓪᓖᑦ 15:30

ᑕᕝᕙ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᐱᒋᓚᐅᓐᖓᓕ, ᐃᓄᐃᑦ ᐊᖓᔪᖅᑳᖏᑕ ᓵᖓᓂ ᐃᓴᕆᐊᓕᒥᐅᓪᓗ ᓵᖏᓐᓂ, ᐅᑎᖃᑎᒋᓚᐅᓐᖓ, ᑐᒃᓯᐊᕈᓐᓇᖁᓪᓗᖓ ᐊᑕᓂᕐᒧᑦ ᒎᑎᖕᓄᑦ.”