ᒫᑎᐅᓯᐅᑉ ᐊᒡᓚᖏᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.

Aglait Ijjurnaittut

¹² Piunngittulinivut isumagijunnaikkit, Taimaaktauq inuuqatitta piunngittuliningit isumagijunnairattigu.

ᒫᑎᐅᓯᐅᑉ ᐊᒡᓚᖏᑦ 6:12 Iomraidhean Croise

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᐊᑕᓃᑦ ᓯᕗᓪᓖᑦ 8:34

ᕿᓚᖕᒥᑦ ᑐᒃᓯᐊᕐᓂᖏᑦ ᑐᓴᒃᑭᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐃᓄᖁᑎᑎᑦ ᐃᓴᕆᐊᓕᒥᐅᑦ ᐊᔪᕐᓂᖏᓐᓂᒃ, ᐅᑎᕐᑎᓪᓗᒋᓪᓗ ᓄᓇᒧᑦ ᑐᓂᓚᐅᕐᑕᕐᓄᑦ ᓯᕗᓕᕕᓂᖏᓐᓄᑦ.

ᐊᑕᓃᑦ ᓯᕗᓪᓖᑦ 8:39

ᑕᕝᕙ ᐃᓂᒋᔭᕐᓂᑦ ᕿᓚᖕᒥᑦ ᑐᓴᓕᕆᑦ, ᐃᓱᒪᒋᔪᓐᓁᕐᕕᒋᓗᒋᑦ, ᐱᓇᓱᐊᕐᓗᑎᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐆᒻᒪᒻᒥᐅᑕᖏᓐᓂᒃ ᖃᐅᔨᒪᒐᕕᑦ, ᐱᓂᐊᕐᓂᓕᒫᖏᓐᓂᒡᓗ, ᐃᕝᕕᑐᐊᖅ ᖃᐅᔨᒪᔪᑑᒐᕕᑦ ᐃᓄᐃᑦ ᐆᒻᒪᒻᒥᐅᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 8:50

ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓗᒋᑦ ᐃᓕᖕᓄᑦ ᐊᔪᕐᑐᓕᓯᒪᔪᑦ, ᓈᒻᒪᖏᑦᑐᓕᓂᕆᓯᒪᔭᓕᒫᖏᓐᓂᒃ ᐃᓕᖕᓄᑦ; ᓈᒃᑭᒋᓗᒋᓪᓗ ᐊᑭᕋᖏᑦ ᑖᒃᑯᓂᖓ ᐊᐅᓪᓚᕈᑦᔨᓚᐅᕐᑐᑦ ᖃᐅᔨᑎᓪᓗᒋᑦ, ᑖᒃᑯᓄᖓ ᓈᒃᑭᒋᔭᐅᓕᖁᓪᓗᒋᑦ.

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐃᓐᖏᕈᑎᑦ 32:1

ᐃᓄᒃ ᓮᒻᒪᕐᑎᑕᐅᕗᖅ ᑕᒻᒪᓂᖏᓐᓂᑦ ᐃᓱᒪᒋᔪᓐᓃᕐᕕᐅᔪᖅ, ᐊᔪᕐᓂᖏᓪᓗ ᐅᓕᒃᑕᐅᔪᑦ.

ᒨᓯᓯ ᐂᑉᐸᖏᑦ 34:7

ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 9:19

ᐊᑕᓃᖅ ᑐᓵᓚᐅᕆᑦ! ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᒃᑭᑦ! ᐊᑕᓃᖅ, ᑐᓵᔭᑎᑦ ᒪᓕᒡᓗᒋᑦ ᐱᓇᓱᐊᓕᕆᑦ ᐅᑕᕿᖏᓪᓗᑎᑦ! ᐃᓕᖕᓂᒃ ᐱᑦᔪᑎᒋᓪᓗᑎᑦ, ᒎᑎᒐ ᐅᑕᕿᓐᖏᓚᐅᕆᑦ, ᐃᒡᓗᒐᓴᖁᑎᑎᑦ ᐃᓄᖁᑎᑎᓪᓗ ᐃᕝᕕᑦ ᐊᑎᕐᓂᒃ ᑍᒍᓯᖃᕐᒪᑕ.”

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 9:2

ᐃᓄᐃᑦ ᐃᓚᖏᑕ ᐋᑦᓯᕕᒋᕚᑦ ᐊᖑᒻᒥᒃ ᓄᑭᖃᖏᑦᑐᒥᒃ, ᐃᒡᓕᕐᒥ ᓇᓚᔪᒥᒃ; ᔩᓱᓯᐅᑉ ᖃᐅᔨᒪᒐᒥᒋᑦ ᐅᒃᐱᕐᓂᖃᕐᓂᖏᓐᓂᒃ, ᐊᖑᑦ ᓄᑭᖃᖏᑦᑐᖅ ᐅᖃᐅᑎᕚ, “ᐃᕐᓃᒃ ᖁᕕᐊᓱᓕᕆᑦ! ᐊᔪᕐᓂᑎᑦ ᐃᓱᒪᒋᔭᐅᔪᓐᓁᕐᒪᑕ.”

ᒫᑯᓯᐅᑉ ᐊᒡᓚᖏᑦ 11:25

ᓇᖏᕐᓗᓯᓕ ᑐᒃᓯᐊᕈᑦᓯ, ᐃᓱᒪᒋᔪᓐᓁᕐᕕᖃᕆᑦᓯ ᐃᓅᖃᑎᑦᓯ ᐊᑲᐅᒃᓴᖏᒃᔪᑎᒃᓴᖃᕈᑦᓯ; ᐊᑖᑕᑦᓯᓐᓄᑦᑕᐅᖅ ᕿᓚᖕᒦᑦᑐᒧᑦ ᐃᓱᒪᒋᔪᓐᓁᕐᕕᐅᖁᓪᓗᓯ ᐊᔪᕐᑐᓕᓂᑦᓯᓐᓂᑦ. [

ᓘᑲᓯᐅᑉ ᐊᒡᓚᖏᑦ 11:4

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᐱᐅᖏᑦᑐᓕᕕᒋᔨᕗᑦᑕᐅᖅ ᐃᓱᒪᒋᔪᓐᓁᕐᕕᒋᕙᒃᑲᑦᑎᒍ; ᐱᐅᓐᖏᑐᒥᒃ ᐱᔪᒥᓵᕐᑕᐅᓇᕐᑐᒧᑦ ᑎᑭᑎᑦᑍᓕᑎᒍᑦ.”

ᓘᑲᓯᐅᑉ ᐊᒡᓚᖏᑦ 13:4

ᐅᕝᕙᓘᓐᓃᑦ ᑍᒃᑯᐊ ᐃᓄᐃᑦ 18 ᓇᐸᔪᐊᓗᖕᒧᑦ ᓮᓗᐊᒥ ᐅᕐᕈᕕᐅᓚᐅᕐᑐᑦ ᑐᖁᓪᓗᑎᒃ, ᓇᓗᓁᒃᑯᑕᐅᓇᓱᒋᕕᓯᐅᒃ ᑍᒃᑯᐊ ᐱᐅᖏᑦᑐᓕᓂᕐᐹᖑᓇᓱᒋᓪᓗᓯᐅᒃ ᔨᕉᓴᓕᒻᒥ?

ᓘᑲᓯᐅᑉ ᐊᒡᓚᖏᑦ 6:37

“ᐃᖅᑲᕐᑐᐃᓂᐊᕋᓯ, ᐃᖅᑲᕐᑐᕐᑕᐅᖁᓇᓯ; ᐸᓯᔭᒃᓴᓐᖑᕐᑎᑦᓯᓂᐊᕋᓯ, ᐸᓯᔭᒃᓴᓐᖑᕐᑎᑕᐅᖁᓇᓯ; ᐃᓱᒪᒋᔪᓁᕐᓯᖃᑦᑕᕆᑦᓯ, ᑕᕝᕙ ᐃᓱᒪᒋᔪᓁᕐᕕᐅᓂᐊᕆᕗᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 13:38

ᑍᒤᒻᒪᑦ ᐃᓅᖃᑎᒃᑲ ᖃᐅᔨᒪᓕᕆᑦᓯ, ᐃᓄᒃᑯᑦ ᑖᑦᓱᒨᓇ ᐊᔪᕐᓂᕐᓂᑦ ᐃᓱᒪᒋᔪᓐᓁᕕᐅᔪᒃᓇᕐᓂᕐᒥᒃ ᐅᖃᕐᕕᐅᕗᓯ,

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᑯᓘᓯᐊᒥᐅᓄᑦ 3:13

ᐃᓕᑦᓯᓐᓄᑦ ᐃᑲᔪᕐᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᕐᑐᖃᕐᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᕐᓯᖃᑦᑕᕆᑦᓯ.