ᒫᑎᐅᓯᐅᑉ ᐊᒡᓚᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.

Aglait Ijjurnaittut

¹ “Kamatsiarissi ukpirnirmik pinasuarnisi asitsinnut, inungnut takuksaunasutuinnarlusi piqunasi; inungnut takuksaunasutuinnarussi, akiliqtauniksaqannginnassi Ataatasinnit qilangmiittumit.

ᒫᑎᐅᓯᐅᑉ ᐊᒡᓚᖏᑦ 6:1 Iomraidhean Croise

ᐊᑕᓃᑦ ᐂᑉᐸᖏᑦ 10:16

ᔨᕼᐆᑉ ᐅᖃᐅᑎᕚ, “ᒪᓕᒡᓗᖓ ᐊᑕᓂᕐᒧᑦ ᐱᓇᓱᐊᕐᕕᖃᒻᒪᕆᒍᒪᓂᕋ ᑕᑯᓂᐊᕋᕕᐅᒃ.” ᑕᕝᕙ ᕿᒧᒃᓯᐅᑎᒥᓂ ᐊᒃᓴᓗᐊᓕᖕᒥ ᐃᑭᒪᖃᑎᒋᓕᕐᐹ.

ᐊᑕᓃᑦ ᐂᑉᐸᖏᑦ 10:31

ᑭᓯᐊᓂᓕ ᔨᕼᐆ ᐆᒻᒪᑎᓕᒫᒥᓄᑦ ᐊᑕᓂᕐᒧᑦ ᐊᖏᕐᓯᒪᓂᖃᓚᐅᓐᖏᓚᖅ ᖃᕿᐊᓕᕈᑎᖃᓚᐅᖏᓐᓇᒥ ᔨᕈᐳᐊᒻ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᑦ, ᐃᓴᕆᐊᓕᒥᐅᓪᓗ ᐊᑦᔨᖏᓐᓂᒃ ᐊᔪᕐᑐᓕᑎᓕᓚᐅᕆᕔᑦ.

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᓴᑲᕅᐊᐅᑉ ᐊᒡᓚᖏᑦ 13:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᓇᓚᐅᑦᑍᔨᓕᒫᑦ ᑲᓐᖑᓲᑎᖃᓕᕈᒫᕐᐳᑦ ᓇᓚᐅᑦᑍᓂᒃᑯᑦ ᑕᑯᓯᒪᔭᒥᖕᓂᒃ. ᓇᓚᐅᑦᑍᔩᓪᓗ ᐊᓐᓄᕌᖏᓐᓂᒃ ᐆᒪᔪᐃᑦ ᒥᖁᖏᓐᓂᒃ ᓂᕈᒥᖏᑦᑐᓂᒃ ᐊᑐᕈᒪᔪᓐᓁᕈᒫᕐᐳᑦ, ᐅᐃᕕᕆᒃᓯᑦᔪᑎᒥᖕᓂᒃ.

ᓴᑲᕅᐊᐅᑉ ᐊᒡᓚᖏᑦ 7:5

“ᐃᓄᐃᑦ ᑕᒫᓂ ᓄᓇᖃᕐᑐᓕᒫᑦ ᑐᓂᕐᕈᓯᕐᑎᑦᓯᔩᓪᓗ ᐊᐱᕆᒃᑭᑦ, ‘ᓂᕆᑦᑍᓕᔭᕌᖓᑦᓯ ᕿᒃᓵᒡᓗᓯᓗ ᑕᖅᑮᑦ ᑕᓪᓕᒪᖓᓐᓂ ᑕᖅᑮᓪᓗ 7ᖓᓂ ᐊᕐᕌᒍᓂᒃ 70ᓂᒃ, ᑍᒤᓕᐅᕐᐸᓚᐅᕐᐱᓰ ᐅᕙᓐᓂᒃ ᐱᑦᔪᑎᖃᕐᓗᓯ?

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:6

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑲᒪᑦᓯᐊᕆᑦᓯ ᐃᒃᐱᒍᓱᑦᓯᐊᕐᓗᓯᓗ ᐹᕆᓯᑦ ᓵᑦᔪᓰᓪᓗ ᐳᕙᓪᓚᖅᑯᑎᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 5:46

ᐃᓕᑦᓯᓐᓂᒃ ᓇᒡᓕᒍᓱᒃᑐᑦ ᑭᓯᒥ ᓇᒡᓕᒋᔭᑐᐊᕆᒍᑦᓯᒋᒃ, ᓱᓇᒥᒃ ᐊᑭᓕᕐᑕᐅᑦᔪᑎᒃᓴᖃᕐᐱᓰ? ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ ᐊᒡᓛᑦ ᑍᒤᓕᐅᕐᐸᒃᑭᕗᑦ!

ᒫᑎᐅᓯᐅᑉ ᐊᒡᓚᖏᑦ 5:48

ᑍᒤᒻᒪᑦ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᑐᒃᓴᐅᕗᓯ, ᓲᕐᓗ ᐊᑖᑕᓯ ᕿᓚᖕᒦᑦᑐᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᒪᑦ.”

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;

ᒫᑯᓯᐅᑉ ᐊᒡᓚᖏᑦ 8:15

ᖃᐅᔨᒪᓇᓱᐊᖁᓪᓗᒋᑦ ᐅᖃᐅᑎᕔᑦ, “ᑲᒪᑦᓯᐊᕆᑦᓯ, ᐅᑦᔨᕐᓱᕐᓗᓯ ᐹᕆᓯᑦ ᐃᕉᑕᓯᐅᓪᓗ ᐳᕙᓪᓚᖅᑯᑎᖏᓐᓂᒃ.”

ᓘᑲᓯᐅᑉ ᐊᒡᓚᖏᑦ 11:35

ᑍᒤᒻᒪᑦ ᖃᐅᔨᓴᑦᓯᐊᕆᑦ ᖃᐅᒪᔪᖅ ᐃᓗᖕᓃᑦᑐᖅ ᑖᕐᓯᖁᓇᒍ.

ᓘᑲᓯᐅᑉ ᐊᒡᓚᖏᑦ 12:1

ᐃᓄᐃᑦ 1,000 ᐅᖓᑖᓃᑦᑐᑦ ᑲᑎᕙᓪᓕᐊᑎᓪᓗᒋᑦ, ᐊᒡᓛᑦ ᐃᒻᒥᖕᓄᑦ ᑐᓪᓕᕋᖃᑦᑕᐅᑎᓕᕐᓗᑎᒃ ᐅᓄᓗᐊᒧᑦ, ᔩᓱᓯᐅᑉ ᐃᓕᓐᓂᐊᕐᑎᓂ ᓯᕗᓪᓕᐅᓪᓗᒋᑦ ᐅᖃᐅᑎᕔᑦ, “ᖃᐅᔨᓴᕆᑦᓯ ᐹᕆᓯᑦ ᐳᕙᓪᓚᖅᑯᑎᖓᓂᒃ, ᑕᒪᓐᓇ ᑕᒃᑯᕐᒨᕐᓂᐅᖕᒪᑦ.

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᔪᐊᓇᓯᐅᑉ ᐊᒡᓚᖏᑦ 12:43

ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᕐᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᒥᑦ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 3:12

ᐲᑦᑐᕉᓯᐅᑉ ᐃᓄᐃᑦ ᑕᑯᒐᒥᒋᑦ ᐅᖃᐅᑎᕔᑦ, “ᐃᓴᕆᐊᓕᒥᐅᖑᔪᓯ, ᓲᖅ ᑕᒪᓐᓇ ᑲᒪᓂᐊᕈᑎᒋᕕᓯᐅᒃ? ᓱᖕᒪᑦ ᐅᕙᑦᑎᓐᓄᑦ ᑕᑯᓐᓇᕐᐱᓰ? ᐅᕙᒍᒃ ᓇᖕᒥᓂᖅ ᐱᔪᓐᓇᕐᓂᑦᑎᓐᓄᑦ ᐅᒃᐱᑦᓯᐊᕐᓂᑦᑎᓐᓄᓪᓘᓐᓃᑦ ᐆᒥᖓ ᐱᓱᒍᓐᓇᕐᓯᑎᑦᓯᓇᓱᒋᕕᑎᒎᒃ?

ᒐᓔᑎᐊᒥᐅᓄᑦ 6:12

ᑍᒃᑯᐊ ᑎᒥᒃᑯᑦ ᖁᕕᐊᒋᔭᐅᔪᒪᔪᑦ ᐃᓕᑦᓯᓐᓂᒃ ᑭᐱᔭᐅᖁᔨᕗᑦ, ᑍᒤᓕᐅᕐᐳᓪᓕ ᐊᑭᕋᕐᑐᕐᑕᐅᔪᒪᓇᑎᒃ ᙭ᔅᑑᓯᐅᑉ ᓴᓐᓂᖓᔪᓕᖓ ᐱᓪᓗᒍ.

ᒨᓯᓯ ᑕᓪᓕᒪᖏᑦ 24:13

ᓯᕿᓂᕐᓕ ᓂᐱᒃᐸᑦ, ᑖᑦᓱᒧᖓ ᐅᑎᕐᑎᑕᒃᓴᕆᕙᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓ ᐱᓯᒪᔪᓐᓇᖁᓪᓗᓂᐅᒃ ᓯᓂᖕᓂᕐᒥᓂ ᑖᑦᓱᒪ ᑕᕝᕙ ᖁᔭᒋᒐᔭᕐᐹᑎᑦ ᓈᒻᒪᑦᓯᐊᕐᑐᒥᒡᓗ ᐱᒐᔭᕐᐳᑎᑦ ᐃᓕᖕᓄᑦ ᐊᑕᓂᐅᑉ ᒎᑎᑦᓯ ᓵᖓᓂ.

ᐄᑉᕈᐃᓄᑦ 11:26

ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᔪᐊᓇᓯᐅᑉ ᐂᑉᐸᖏᑦ 1:8

ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.