ᒫᑎᐅᓯᐅᑉ ᐊᒡᓚᖏᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓮᒪᓇᕐᑐᒦᑉᐳᑦ ᑳᒃᑐᑦ ᐃᒥᕈᒃᑐᓪᓗ ᓇᓛᒎᕐᓂᕐᒥᒃ; ᒎᑎᐅᑉ ᓈᒻᒪᒃᓯᑎᓐᓂᐊᕐᒪᒋᑦ ᐱᔪᒪᔭᖏᓐᓂᒃ.

Aglait Ijjurnaittut

⁶ Saimanaqtumiipput kaaktut imiruktullu nalaaguurnirmik; Guutiup naammaksitinniarmagit pijumajanginnik.

ᒫᑎᐅᓯᐅᑉ ᐊᒡᓚᖏᑦ 5:6 Iomraidhean Croise

ᐃᓐᖏᕈᑎᑦ 107:9

ᑖᑦᓱᒪ ᑕᕐᓂᖅ ᐃᒥᕈᒃᑐᖅ ᐃᒥᕈᐃᕐᑎᒻᒪᒍ, ᑕᕐᓂᕐᓗ ᑳᒃᑐᖅ ᐊᕿᐊᑦᑐᕐᑎᓪᓗᓂᐅᒃ ᐱᐅᔪᓂᒃ.

ᐃᓐᖏᕈᑎᑦ 145:19

ᑖᑦᓱᒥᖓ ᓯᕘᕋᔪᑦ ᐱᔪᒪᓂᓕᒫᖏᑦ ᓈᒻᒪᒃᓯᑎᑉᐰᑦ, ᑐᒃᓯᐊᕐᓂᖏᓪᓗ ᑐᓴᕐᐰᑦ, ᐱᐅᓕᓪᓗᒋᓪᓗ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐃᓐᖏᕈᑎᑦ 63:5

ᑕᕐᓂᕋ ᑕᕝᕙ ᓂᕆᓂᐊᕐᐳᖅ ᓂᕿᓄᑦ ᖁᐃᒃᓯᑦᓯᐊᕐᓇᕐᓂᕐᐹᓄᑦ; ᖃᓂᕐᒪᓗ ᓂᕐᑐᕐᓂᐊᕐᐹᑎᑦ ᖃᓂᕐᒧᑦ ᖁᕕᐊᓱᒃᑐᒧᑦ.

ᐃᓐᖏᕈᑎᑦ 65:4

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᓂᕈᐊᕐᑍᑦ, ᐊᐅᓚᑦᓯᓂᕐᓄᓪᓗ ᐃᓕᔧᑦ, ᐃᓂᖃᖁᓪᓗᒍ ᐃᒡᓗᕕᑦ ᑐᕐᓲᖓᓂ. ᑕᕝᕙ ᓈᒻᒪᒃᓯᔪᒫᕐᐳᒍᑦ ᐃᒡᓗᕕᑦ ᐱᐅᔪᐊᓘᓂᖓᓄᑦ, ᑐᒃᓯᐊᕐᕕᒡᔪᐊᒥ ᐃᑦᔪᕐᓁᑦᑐᖁᑎᖕᓂ!

ᐃᓐᖏᕈᑎᑦ 84:2

ᑕᕐᓂᕐᒪ ᐅᖓᒋᕚ, ᐄᓛᒃ, ᐃᓗᓐᓂᑦ ᐱᔪᒧᑦ ᐃᓂᒋᔭᖓᓃᑦᓱᒪᕗᖓ; ᐆᒻᒪᑎᒪ ᑎᒥᒪᓗ ᖁᕕᐊᓱᖕᓂᕐᒧᑦ ᐃᓐᖏᕐᕕᒋᕚ ᒎᑎ ᐆᒪᑦᓮᓐᓇᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:24

ᐱᐅᖏᑦᑐᑦ ᓯᕘᕋᒋᔭᒥᖕᓄᑦ ᑎᑭᑕᐅᓂᐊᕐᐳᑦ, ᐃᓱᐊᕐᑐᕐᓕ ᐱᔪᒪᔭᒥᓂᒃ ᐱᑎᑕᐅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:21

ᐃᓱᐊᕐᓂᕐᒥᒃ ᐱᑦᓯᐊᕐᓂᕐᒥᒡᓗ ᕿᓂᕐᑐᖅ ᐃᓅᓯᕐᒥᒃ ᓇᓂᓯᕗᖅ ᐅᐱᒋᔭᐅᓂᕐᒥᒡᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 25:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᐂᓮᐊᓯᐅᑉ ᐊᒡᓚᖏᑦ 66:11

ᐊᒫᒪᒃᑐᑎᑐᑦ ᐱᔪᒫᕋᑦᓯ ᓈᒻᒪᒃᓯᓗᓯᓗ ᐃᕕᐊᖏᖏᖕᓂᑦ ᓮᒻᒪᕐᓮᔫᖕᓂᑦ; ᒥᓪᓗᐊᕐᓗᓯ ᐃᒻᒧᖃᓗᐊᕐᓴᕐᑐᑎᑐᑦ ᖁᕕᐊᒋᓗᒍ ᓂᕐᑐᕐᓇᕐᓂᖓᑕ ᐊᒥᒐᖏᓐᓂᖓᓂᑦ.”

ᔨᕆᒤᐊᐅᑉ ᐊᒡᓚᖏᑦ 31:25

ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 1:53

ᑳᒃᑐᑦ ᓂᕿᒃᓴᖏᓐᓂᒃ ᑐᓂᓯᕕᒋᕔᑦ ᐱᐅᔪᓂᒃ, ᐊᔪᕐᓴᖏᑦᑐᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᑉᐰᑦ.

ᓘᑲᓯᐅᑉ ᐊᒡᓚᖏᑦ 6:21

ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᑳᒃᑐᓯ, ᓈᒻᒪᒃᓯᓗᓯ ᓂᕆᑎᑕᐅᔪᒫᕋᑦᓯ. ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᕿᐊᔪᓯ; ᐃᒡᓚᕈᒫᕋᑦᓯ.

ᓘᑲᓯᐅᑉ ᐊᒡᓚᖏᑦ 6:25

ᑲᑉᐱᐊᓇᕐᑐᒦᑉᐳᓯ ᒫᓐᓇ ᐊᕿᐊᑦᑐᓱᒃᑐᓯ; ᑳᓕᕈᒫᕋᑦᓯ. ᑲᑉᐱᐊᓇᕐᑐᒦᑉᐳᓯ ᒫᓐᓇ ᐃᒡᓚᕐᑐᓯ, ᐅᒡᒍᐊᕐᓗᓯ ᕿᐊᔪᒫᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᔪᐊᓇᓯᐅᑉ ᐊᒡᓚᖏᑦ 7:37

ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖏᑕ ᑭᖑᓪᓕᕐᐹᖓᓐᓂ, ᐱᕕᒃᔪᐊᖑᓂᕐᐸᐅᓕᕐᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐃᒥᕈᒃᑐᖃᕐᐸᑦ, ᐅᕙᓐᓄᑦ ᕾᓕᕐᓕ ᐃᒥᕐᓂᐊᕐᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:16

ᑳᖕᓂᐊᕈᓐᓃᕐᐳᑦ, ᐃᒥᕈᖕᓂᐊᕈᓐᓃᕐᓗᑎᒡᓗ; ᓯᕿᓂᕐᒧᑦ ᐊᓯᐊᓄᓪᓘᓐᓃᑦ ᐆᓇᕐᑐᒧᑦ ᐆᑕᐅᓂᐊᕈᓐᓃᕐᐳᑦ.