ᒫᑎᐅᓯᐅᑉ ᐊᒡᓚᖏᑦ 5:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓮᒪᓇᕐᑐᒦᑉᐳᑦ ᐃᒻᒥᖕᓂᒃ ᐊᖏᔪᕈᕐᑎᖏᑦᑐᑦ; ᒎᑎᐅᑉ ᐊᖏᕈᑎᒋᓯᒪᔭᖏᓐᓂᒃ ᓄᓇᕐᔪᐊᕐᒥ ᑭᖑᕐᖑᑦᔨᔪᒫᕐᒪᑕ.

Aglait Ijjurnaittut

⁵ Saimanaqtumiipput immingnik angijuruqtinngittut; Guutiup angirutigisimajanginnik nunarjuarmi kingurngujjijumaarmata.

ᒫᑎᐅᓯᐅᑉ ᐊᒡᓚᖏᑦ 5:5 Iomraidhean Croise

ᐃᓐᖏᕈᑎᑦ 147:6

ᐊᑕᓂᐅᑉ ᐱᐅᔪᕆᖏᑦᑐᑦ ᒪᑭᑎᑉᐰᑦ, ᐱᐅᖏᑦᑐᓪᓕ ᓄᓇᒧᑦ ᐅᕐᕈᑎᓪᓗᒋᑦ.

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 25:13

ᑖᑦᓱᒪ ᑕᕐᓂᖓ ᐊᔪᕐᓴᕐᓇᖏᑦᑐᒥ ᐃᓂᖃᕐᓂᐊᕐᐳᖅ; ᑭᖑᕚᖏᑕᓗ ᓄᓇ ᐱᒋᔪᒫᕐᐹᑦ.

ᐃᓐᖏᕈᑎᑦ 25:9

ᐱᐅᔪᕆᖏᑦᑐᑦ ᑕᓯᐅᕐᐰᑦ ᐊᑲᐅᔪᒧᑦ, ᐱᐅᔪᕆᖏᑦᑐᑦ ᐃᓕᓐᓂᐊᕐᑎᑉᐰᑦ ᐊᖅᑯᑎᒥᓂᒃ.

ᐃᓐᖏᕈᑎᑦ 37:11

ᒥᑭᓕᑎᕐᓯᒪᔪᑦ ᓄᓇ ᑭᖑᕐᖑᑎᔪᒫᕐᐹᑦ, ᖁᕕᐊᓱᒍᒫᕐᓗᑎᒡᓗ ᓮᒪᓇᕐᑐᒥᒃ ᐊᖏᔪᒥᒃ.

ᐃᓐᖏᕈᑎᑦ 37:22

ᐊᑕᓂᐅᑉ ᓮᒻᒪᕐᑎᑕᖏᑦ ᓄᓇᒥᒃ ᑭᖑᕐᖑᑦᔨᔪᒫᕐᐳᑦ, ᓮᒻᒪᕐᑎᖏᑕᖏᓪᓕ ᐊᕕᑕᐅᔪᒫᕐᐳᑦ.

ᐃᓐᖏᕈᑎᑦ 37:29

ᐃᓱᐊᕐᑐᓪᓕ ᓄᓇ ᑭᖑᕐᖑᑎᔪᒫᕐᐹᑦ, ᐃᓂᒋᓗᒍᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 37:34

ᐊᑕᓂᖅ ᐅᑕᖅᑭᒍᒃ, ᐊᖅᑯᑎᖓᓃᑦᓮᓐᓇᕐᓗᑎᓪᓗ, ᑕᕝᕙ ᐊᖏᔪᕈᕐᑎᓐᓂᐊᕐᐹᑎᑦ ᓄᓇᒥᒃ ᑭᖑᕐᖑᑦᔨᑎᓐᓂᐊᕐᒪᑎᑦ. ᑕᑯᔪᒫᕐᐳᑎᓪᓗ ᐱᐅᖏᑦᑐᓕᔪᑦ ᐃᓚᒋᔭᐅᔪᓐᓁᕐᑎᑕᐅᑎᓪᓗᒋᑦ.

ᐃᓐᖏᕈᑎᑦ 37:9

ᐱᐅᖏᑦᑐᓕᓂᕐᒥᒃ ᐱᓂᐊᕐᓂᖃᕐᑐᑦ ᐊᕕᑕᐅᔪᒫᕐᒪᑕ; ᐊᑕᓂᕐᒥᒡᓕ ᐅᑕᖅᑭᔪᑦ, ᓄᓇᒥᒃ ᑭᖑᕐᖑᑦᔨᔪᒫᕐᐳᑦ.

ᐃᓐᖏᕈᑎᑦ 69:32

ᒥᑭᒡᓕᑎᕐᓯᒪᔪᑦ ᑕᒪᓐᓇ ᑕᑯᔪᒫᕐᐹᑦ ᖁᕕᐊᓱᒡᓗᑎᒡᓗ; ᐃᓕᑦᓯᓗ ᒎᑎᒥᒃ ᕿᓂᕐᑐᓯ, ᐆᒻᒪᑎᓯ ᐃᓅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒨᓯᓯ ᓯᑕᒪᖏᑦ 12:3

(ᒨᓯᓯᓕ ᐃᓅᓚᐅᕐᐳᖅ ᒥᑭᒡᓕᑎᕐᓯᒪᔪᕐᔪᐊᖑᓪᓗᓂ ᓄᓇᕐᔪᐊᒦᑦᑐᓕᒫᓂᑦ ᒥᑭᒡᓕᑎᕐᓯᒪᓂᕐᐹᖑᓪᓗᓂ.)

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᒫᑎᐅᓯᐅᑉ ᐊᒡᓚᖏᑦ 21:5

“ᓮᐅᓂᐅᑉ ᐃᒡᓗᒐᓴᖏᑦ ᐅᖃᐅᑎᓯᐅᒃ, ᑕᑯᒋᑦ, ᐊᖓᔪᖅᑳᕐᔪᐊᓯ ᕾᓕᕐᐳᖅ! ᐃᒻᒥᓂᒃ ᒥᑭᓕᑎᕐᓗᓂ ᓯᐅᑎᖅᑯᕐᑐᔫᑉ ᖄᖓᓂ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.”

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᒐᓔᑎᐊᒥᐅᓄᑦ 5:23

ᐃᓅᖃᑎᒋᔭᕐᓂᕐᑑᓂᖅ, ᓇᖕᒥᓂᕆᔭᒥᒃ ᐱᓯᒪᑦᓯᐊᕈᓐᓇᕐᓂᖅ; ᑕᒪᒃᑯᓂᖓ ᐊᑐᕐᑍᓕᖁᔨᔪᓂᒃ ᐱᖁᔭᕐᑕᖃᓐᖏᓚᖅ.

ᐃᐱᓯᒥᐅᓄᑦ 4:2

ᑍᒪᓐᖓᑦ ᒥᑭᓕᑎᕐᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᒥᒃ ᓴᖅᑭᑎᑦᓯᒋᑦᓯ ᐃᑲᔪᕐᑎᒌᖕᓂᒃᑯᑦ,

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 2:25

ᐊᑭᕋᕐᑐᕐᑎᒥᓂᒃ ᐱᑦᓯᐊᕐᓂᒃᑯᑦ ᐋᖅᑭᒋᐊᕐᓯᔪᓐᓇᕐᓗᓂ. ᒎᑎᐅᑉ ᓈᒻᒪᒋᔭᖓᒍᑦ ᓵᒋᐊᕈᓐᓇᖁᓪᓗᒋᑦ ᓱᓕᓂᕐᒥᒃ ᖃᐅᔨᓗᑎᒃ,

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᔧᒥᓯᐅᑉ ᐊᒡᓚᖏᑦ 3:13

ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.