ᒫᑎᐅᓯᐅᑉ ᐊᒡᓚᖏᑦ 4:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᒋᕗᖅ, ‘ᐊᑕᓂᕐᒥᒃ ᒎᑎᖕᓂᒃ ᐆᒃᑐᕐᓗᒍ ᐱᔪᒥᓵᕆᔪᒃᓴᐅᓐᖏᓚᑎᑦ.’”

Aglait Ijjurnaittut

⁷ Jiisusiup kiuvaa, “Guutiup uqausinginni titiraqsimagivuq, ‘Atanirmik Guutingnik uukturlugu pijumisaarijuksaunngilatit.’”

ᒫᑎᐅᓯᐅᑉ ᐊᒡᓚᖏᑦ 4:7 Iomraidhean Croise

ᐃᓐᖏᕈᑎᑦ 106:14

ᐊᖏᔪᕐᔪᐊᒥᒡᓕ ᐃᒃᓯᒎᕐᓂᖃᓕᓚᐅᕐᐳᑦ ᐃᓄᖃᖏᑦᑐᒥ, ᒎᑎᓗ ᐆᒃᑐᓚᐅᕐᐹᑦ ᓱᓇᖃᔪᐃᑦᑐᒥ.

ᐃᓐᖏᕈᑎᑦ 78:18

ᒎᑎ ᐆᒻᒪᑎᒥᒃᑎᒍᑦ ᐆᒃᑐᓚᐅᕐᐹᑦ ᓂᕿᒃᓴᒥᒃ ᒪᒪᕆᔭᒥᖕᓂᒃ ᕿᓄᕕᒋᓪᓗᒍ.

ᐃᓐᖏᕈᑎᑦ 78:41

ᑍᒪᓐᖓᑦ, ᑍᒪᓐᖓᑦ, ᒎᑎ ᐆᒃᑐᖃᑦᑕᓚᐅᕐᐹᑦ, ᓂᓐᖓᒃᓴᕐᓗᒍᓗ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᑦ.

ᐃᓐᖏᕈᑎᑦ 78:56

ᓱᓕᓕ ᐆᒃᑐᕋᓚᐅᕐᐳᑦ ᓂᓐᖓᒃᓴᕐᓗᒍᓗ ᒎᑎ ᖁᑦᓯᖕᓂᕐᐹᖑᔪᖅ, ᐱᖁᔭᖏᓪᓗ ᒪᓕᓚᐅᓐᖏᓔᑦ.

ᐃᓐᖏᕈᑎᑦ 95:9

ᓯᕗᓕᕆᓚᐅᕐᑕᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ, ᐱᓇᓱᐊᕐᓂᕆᓚᐅᕐᑕᓐᓂᒃ ᑕᑯᖃᑦᑕᕐᓯᒪᒐᓗᐊᕐᓗᑎᒃ.

ᒨᓯᓯ ᐂᑉᐸᖏᑦ 17:2

ᒨᓯᓯᒧᓪᓗ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᕆᐊᕐᑐᕐᐳᑦ ᐅᖃᕐᓗᑎᒡᓗ, “ᐃᒥᒐᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ.” ᒨᓯᓯᐅᓪᓗ ᑭᐅᕔᑦ, “ᓱᖕᒪᑦ ᓈᒻᒪᒃᓴᓐᖏᓚᓰ? ᓱᖕᒪᑦ ᐊᑕᓂᖅ ᐆᒃᑐᕐᐱᓯᐅᒃ?”

ᒨᓯᓯ ᐂᑉᐸᖏᑦ 17:7

ᑖᓐᓇᓗ ᐊᑦᓯᕐᑕᐅᕗᖅ ᒫᓴᒥᒃ ᒥᕆᐸᒥᒡᓗ. ᐃᓴᕆᐊᓕᒥᐅᑦ ᓈᒻᒪᒃᓴᓚᐅᖏᒻᒪᑕ, ᐊᑕᓂᕐᓗ ᐆᒃᑐᓚᐅᕐᒪᑦᔪᒃ ᐅᖃᕐᓗᑎᒃ, “ᐊᑕᓂᐅᑉ ᐃᓚᒋᕚᑎᒎᑦ? ᐃᓚᖏᓐᖏᓛᑎᒍᓪᓘᓐᓃᑦ?”

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᒪᓚᑬᑉ ᐊᒡᓚᖏᑦ 3:15

ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒫᑎᐅᓯᐅᑉ ᐊᒡᓚᖏᑦ 21:16

ᑕᕝᕙ ᑖᒃᑯᐊ ᔩᓱᓯ ᐅᖃᐅᑎᕚᑦ, “ᑐᓵᕖᑦ, ᓱᕈᓰᑦ ᖃᓄᐃᓕᖕᒪᖔᑕ?” ᔩᓱᓯᐅᑉ ᑭᐅᕔᑦ, “ᑐᓵᑦᓯᐊᕐᐸᒃᑲ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ, ‘ᓱᕈᓯᑯᓗᖕᓂᑦ ᓄᑕᕋᓛᓂᓪᓗ ᐊᒪᒪᒃᑐᓂᑦ ᐊᑐᐃᓐᓇᕈᐃᓚᐅᕐᐳᑎᑦ ᖃᓂᖏᑎᒍᑦ ᓂᕐᑐᕐᑕᐅᔪᒪᓪᓗᑎᑦ.’”

ᒫᑎᐅᓯᐅᑉ ᐊᒡᓚᖏᑦ 21:42

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ? ‘ᐅᔭᕋᒃ ᑐᓐᖓᕕᒃᓴᖅ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᓪᓚᕆᐊᓗᓐᖑᕐᐳᖅ ᑎᕆᖅᑰᓕᕐᓗᓂ; ᑕᒪᓐᓇ ᐊᑕᓂᐅᑉ ᓇᖕᒥᓂᖅ ᐱᓇᓱᐊᓚᐅᕐᐹ; ᐅᕙᑦᑎᓐᓄᓪᓗ ᑲᒪᓇᕐᑐᐊᓘᕗᖅ!’

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᒫᑎᐅᓯᐅᑉ ᐊᒡᓚᖏᑦ 4:4

ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᕗᖅ, ‘ᐃᓄᒃ ᓂᐊᖂᔭᑐᐃᓐᓇᕐᒥᒃ ᐃᓅᑦᔪᑎᖃᓐᖏᓚᖅ, ᒎᑎᐅᓪᓕ ᐅᖃᐅᓯᖏᓐᓂᒃ ᖃᓂᖓᓂᑦ ᐊᓂᔪᓂᒃ ᑕᒤᓐᓂᒃ ᐃᓅᑦᔪᑎᒃᓴᖃᕐᐳᖅ.’”

ᓘᑲᓯᐅᑉ ᐊᒡᓚᖏᑦ 4:12

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᐅᖃᕐᓯᒪᕗᖅ, ‘ᒎᑎᖕᓂᒃ ᐊᑕᓂᕐᓂᒃ ᐱᔪᒥᓵᕆᔪᒃᓴᐅᓐᖏᓚᑎᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 15:10

ᒫᓐᓇᓕ ᓱᖕᒪᑦ ᒎᑎ ᐆᒃᑐᕋᓱᐊᕐᐱᓯᐅᒃ, ᐅᖁᒤᓐᓇᕐᑐᓂᒃ ᐃᓕᓯᔪᒪᓪᓗᓯ ᐃᓕᓐᓂᐊᕐᑎᓄᑦ ᓯᕗᓕᕕᓂᑦᑕᓘᓐᓃᑦ, ᐅᕙᒍᓪᓘᓐᓃᑦ ᐊᒡᔭᕈᓐᓇᓚᐅᖏᑕᑦᑎᓐᓃᒃ?

ᐋᐴᓯᑕᓖᑦ ᐱᓂᐊᕐᓂᖏᑦ 5:9

ᐲᑦᑐᕉᓯᐅᑉ ᐅᖃᐅᑎᕚ, “ᓲᖅ ᐅᐃᓪᓗ ᐊᖏᖃᑎᒌᒃᓯᒪᕕᓰᒃ ᐊᑕᓂᐅᑉ ᐊᓂᕐᓂᖓ ᐆᒃᑐᕈᒪᓪᓗᒎ? ᑕᑯᒋᑦ, ᐊᖑᑏᑦ ᐅᐃᖕᓂᒃ ᐃᓗᕕᕐᓯᖅᑲᐅᔪᑦ ᐃᑎᓕᕐᐳᑦ, ᑖᒃᑯᓇᓐᖓᑦ ᐊᒡᔭᕐᑕᐅᓗᑎᑦ ᐊᓐᓂᓯᔭᐅᓂᐊᕆᕗᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:9

᙭ᔅᑑᓯᒥᒃ ᐆᒃᑐᕐᓗᐃᓂᐊᕋᑕ ᑍᒃᑯᑎᑐᓇᖅ, ᐃᓚᖏᑦ ᑍᒤᓚᐅᕋᒥᒃ ᖁᓗᒋᐊᕌᓗᖕᓄᑦ ᑐᖁᑕᐅᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 6:16

“ᐊᑕᓂᕐᓂᒃ ᒎᑎᖕᓂᒃ ᐆᒃᑐᕐᓗᐃᔪᒃᓴᐅᓐᖏᓚᑎᑦ, ᑍᒫᒃ ᐆᒃᑐᕐᓗᐃᓚᐅᕐᓂᑦᓯᑐᑦ ᓄᓇᒥ ᒫᓴᒥ.

ᐄᑉᕈᐃᓄᑦ 3:9

ᑕᕝᕙᓂ ᓯᕗᓕᕕᓂᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ ᐱᓇᓱᐊᕐᓂᑲ ᑕᑯᓚᐅᕐᐰᑦ ᐊᕐᕌᒍᓂᒃ 40ᓂᒃ.