ᒫᑎᐅᓯᐅᑉ ᐊᒡᓚᖏᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᕗᖅ, ‘ᐃᓄᒃ ᓂᐊᖂᔭᑐᐃᓐᓇᕐᒥᒃ ᐃᓅᑦᔪᑎᖃᓐᖏᓚᖅ, ᒎᑎᐅᓪᓕ ᐅᖃᐅᓯᖏᓐᓂᒃ ᖃᓂᖓᓂᑦ ᐊᓂᔪᓂᒃ ᑕᒤᓐᓂᒃ ᐃᓅᑦᔪᑎᒃᓴᖃᕐᐳᖅ.’”

Aglait Ijjurnaittut

⁴ Jiisusiup kiuvaa, “Guutiup uqausinginni titiraqsimavuq, ‘Inuk niaquujatuinnarmik inuujjutiqanngilaq, Guutiulli uqausinginnik qaninganit anijunik tamainnik inuujjutiksaqaqpuq.’”

ᒫᑎᐅᓯᐅᑉ ᐊᒡᓚᖏᑦ 4:4 Iomraidhean Croise

ᒨᓯᓯ ᐂᑉᐸᖏᑦ 16:15

ᐃᓴᕆᐊᓕᒥᐅᓪᓗ ᑕᑯᒐᒥᑦᔪᒃ ᑭᓲᖕᒪᖔᑦ ᓇᓗᕚᑦ, ᐃᒻᒥᖕᓄᓪᓗ ᐊᐱᕆᖃᑦᑕᐅᑎᓕᕐᐳᑦ, “ᓱᓇ ᒪᓐᓇ?” ᒨᓯᓯᐅᑉ ᐅᖃᐅᑎᕔᑦ, “ᑕᒪᑦᔭ ᐊᑕᓂᐅᑉ ᑐᓂᓯᒪᔭᖓ ᓂᕿᒃᓴᕆᔭᐅᖁᓪᓗᓂᐅᒃ ᐃᓕᑦᓯᓐᓄᑦ.

ᒨᓯᓯ ᐂᑉᐸᖏᑦ 16:35

ᐃᓴᕆᐊᓕᒥᐅᓪᓗ ᓂᕿᖃᓚᐅᕐᐳᑦ ᒫᓇᒥᒃ ᐊᕐᕌᒍᓂᒃ 40ᓂᒃ, ᓄᓇᒧᑦ ᐱᕈᕐᑐᓕᖕᒧᑦ ᑎᑭᓚᐅᖏᓐᓂᕐᒥᖕᓂ; ᓂᕿᖃᓚᐅᕐᐳᑦ ᒫᓇᒥᒃ, ᑬᓇᓂᐅᑉ ᓄᓇᖓᓄᑦ ᑎᑭᓚᐅᖏᓐᓂᕐᒥᖕᓂ.

ᒨᓯᓯ ᐂᑉᐸᖏᑦ 16:8

ᒨᓯᓯ ᐅᖃᓕᕆᕗᖅ, “ᐊᑕᓂᐅᑉ ᑭᓯᐊᓂ ᓂᕿᒥᒃ ᓂᕆᓂᐊᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᐅᓐᓄᒍᒻᒥᑕᒃᓴᑦᓯᓐᓂᒃ, ᐅᓪᓛᕈᒻᒥᑕᕆᓂᐊᕐᑕᑦᓯᓐᓂᒡᓗ ᓂᐊᖂᔭᒥᒃ ᐱᔪᒪᔭᓕᒫᑦᓯᓐᓂᒃ ᐱᑎᓐᓂᐊᕆᕚᓯ, ᓈᒻᒪᒃᓴᖏᓐᓂᓯ ᑐᓴᕐᒪᒍ, ᐅᕙᑦᑎᓐᓄᑦ ᓈᒻᒪᒃᓴᖏᑦᔪᑎᒋᔭᑦᓯᓐᓂᒃ ᐅᖃᕌᖓᑦᓯ ᐅᕙᑦᑎᓐᓄᑐᐃᓐᓇᖅ ᐅᖃᕐᕕᖃᕐᐸᖏᓐᓇᑦᓯ ᐊᑕᓂᕐᒧᓪᓕ ᓈᒻᒪᒃᓴᖏᓐᓂᕋᕐᐸᒃᐳᓯ.”

ᒨᓯᓯ ᐂᑉᐸᖏᑦ 23:15

ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ; ᑍᒤᖃᑦᑕᖁᓚᐅᕋᑦᓯ, ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᔪᒃᓴᐅᕗᓯ ᐅᓪᓗᓂᒃ 7ᓂᒃ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ ᑕᖅᑭᒥ ᐊᐱᑎᒥ, ᑕᕝᕙᓂ ᓇᓪᓕᐅᓐᓂᕐᒥ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ. ᓇᓪᓕᐊᓐᓂᒡᓘᓐᓃᑦ ᐅᕙᓐᓄᑦ ᑐᒃᓯᐊᕆᐊᕐᑐᖃᕐᑐᒃᓴᐅᓐᖏᓚᖅ ᑐᓂᕐᕈᑎᒃᓴᖃᖏᓪᓗᓂ.

ᒫᑎᐅᓯᐅᑉ ᐊᒡᓚᖏᑦ 15:11

ᐃᓅᑉ ᖃᓂᖓᒍᑦ ᐃᑎᕐᑐᑦ ᐃᓄᖕᒥᒃ ᓇᕐᕈᓇᕐᑎᑦᓯᓐᖏᓚᑦ; ᐃᓄᖕᒥᓪᓕ ᐊᓂᔪᑦ ᐅᖃᐅᓰᑦ ᑖᒃᑯᐊ ᐃᓄᖕᒥᒃ ᓇᕐᕈᓇᕐᑎᑦᓯᕗᑦ.”

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᒫᑎᐅᓯᐅᑉ ᐊᒡᓚᖏᑦ 4:7

ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᒋᕗᖅ, ‘ᐊᑕᓂᕐᒥᒃ ᒎᑎᖕᓂᒃ ᐆᒃᑐᕐᓗᒍ ᐱᔪᒥᓵᕆᔪᒃᓴᐅᓐᖏᓚᑎᑦ.’”

ᒫᑯᓯᐅᑉ ᐊᒡᓚᖏᑦ 7:20

ᐅᖃᕆᕗᖅ, “ᐃᓅᓪᓕ ᐃᓗᐊᓂᓐᖔᕐᑐᑦ ᑭᓯᒥ ᐃᓄᖕᒥᒃ ᐱᐅᔪᓐᓃᑎᑦᓯᕙᒃᑐᑐᕗᖅ.

ᓘᑲᓯᐅᑉ ᐊᒡᓚᖏᑦ 4:12

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᐅᖃᕐᓯᒪᕗᖅ, ‘ᒎᑎᖕᓂᒃ ᐊᑕᓂᕐᓂᒃ ᐱᔪᒥᓵᕆᔪᒃᓴᐅᓐᖏᓚᑎᑦ.’”

ᓘᑲᓯᐅᑉ ᐊᒡᓚᖏᑦ 4:4

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐃᓄᒃ ᓂᐊᖂᔭᒥᑐᐃᓐᓇᖅ ᐃᓅᑦᔪᑎᖃᓐᖏᓚᖅ.’”

ᓘᑲᓯᐅᑉ ᐊᒡᓚᖏᑦ 4:8

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐊᑕᓂᖅ ᒎᑎᒋᔧᑦ ᑐᒃᓯᐊᕐᕕᒋᔭᒃᓴᕆᕙᑦ, ᑖᓐᓇᑐᐊᕐᓗ ᐱᔨᑦᓯᕐᑕᒃᓴᕆᕙᑦ.’”

ᔪᐊᓇᓯᐅᑉ ᐊᒡᓚᖏᑦ 15:26

“ᐃᑲᔪᕐᑎᒃᓴᕐᓕ ᑎᑭᒍᓂ, ᐊᑖᑕᓐᓂᑦ ᑎᓕᔪᒫᕐᑕᕋ ᐃᓕᑦᓯᓐᓄᑦ, ᓱᓕᔫᑉ ᐊᓂᕐᓂᖓ ᐊᑖᑕᒥᓐᖔᕐᑐᖅ, ᑖᓐᓇ ᐅᕙᓐᓂᒃ ᓇᓗᓁᕐᓯᔪᒫᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 6:63

ᐊᓂᕐᓂᖅ ᐃᓅᓯᕐᑖᕐᑎᑦᓯᕗᖅ; ᑎᒥᐅᑉ ᐱᔪᓐᓇᕐᓂᖓ ᐃᑲᔪᕈᓐᓇᓐᖏᓚᖅ ᑕᒪᑐᒧᖓ; ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐊᓂᕐᓂᐅᕗᑦ ᐃᓅᓯᐅᓪᓗᑎᒡᓗ.

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᐃᐱᓯᒥᐅᓄᑦ 6:17

ᓇᓴᕐᓯᒪᓗᓯ ᐱᐅᓕᔭᐅᓂᕐᒥᒃ, ᐊᓂᕐᓂᐅᓪᓗ ᓴᕕᒃᔪᐊᖓᓂᒃ ᐱᓯᒪᓗᓯ, ᑕᕝᕙ ᒎᑎᐅᑉ ᐅᖃᐅᓯᖏᓐᓂᒃ.

ᒨᓯᓯ ᑕᓪᓕᒪᖏᑦ 8:3

ᒥᑭᒡᓕᑎᕐᑎᓚᐅᕐᐹᓯ ᑳᓕᕐᑎᓪᓗᓂᓯ ᓂᕆᑎᑦᓱᒪᓪᓗᓂᓯ ᒫᓇᒥᒃ, ᑕᒪᑐᒥᖓ ᖃᐅᔨᒪᓚᐅᓐᖏᑕᑦᓯᓐᓂᒃ, ᓯᕗᓕᕕᓂᑦᓯᓘᓐᓃᑦ ᖃᐅᔨᒪᓚᐅᓐᖏᑕᖓᓂᒃ; ᖃᐅᔨᑎᑦᓱᒪᓪᓗᓂᓯ ᐃᓄᒃ ᓂᐊᖂᔭᑐᐃᓐᓇᕐᒧᑦ ᐃᓅᔪᓐᓇᖏᒻᒪᑦ, ᐊᑕᓂᐅᓪᓕ ᓇᖕᒥᓂᖅ ᐅᖃᐅᓯᖏᑎᒍᑦ ᑭᓯᐊᓂ ᐃᓅᔪᓐᓇᕐᐳᖅ.