ᒫᑎᐅᓯᐅᑉ ᐊᒡᓚᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

Aglait Ijjurnaittut

¹² Taassuma niaquujaksanik saniijaijjutini tigumiaqpaa, niaquujaksanik siqalitsivingminit niaquujaksaunngittut avitittumallugit niaquujaksanit, niaquujaksaillu sirluarminut katittumaaqpait, iviuningit ikuallagumaaqpait ikumamut qamisuittumut.”

ᒫᑎᐅᓯᐅᑉ ᐊᒡᓚᖏᑦ 3:12 Iomraidhean Croise

ᔫᐱᐅᑉ ᐊᒡᓚᖏᑦ 21:18

ᐃᕕᒃᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᓐᖏᓛᑦ, ᐅᕝᕙᓗ ᓴᓂᕐᑎᑐᑦ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᓐᖏᓚᑦ?

ᐃᓐᖏᕈᑎᑦ 1:4

ᒎᑎᖃᖏᑦᑐᓪᓕ ᑍᒤᓐᖏᓚᑦ, ᓂᐊᖂᔭᒃᓴᐅᑉ ᓴᓂᖏᑎᑐᑦ ᑍᒤᑉᐳᑦ, ᐊᓄᕆᒧᑦ ᑎᒃᑕᐅᔪᑎᑐᑦ.

ᐃᓐᖏᕈᑎᑦ 35:5

ᓂᐊᖂᔭᒃᓮᑦ ᓴᓂᖏᑎᑐᑦ ᑎᒃᑕᐅᓕᕐᓕᑦ ᐊᓄᕆᒧᑦ, ᐊᑕᓂᐅᓪᓗ ᐂᖏᓕᖓᑕ ᕿᒫᑎᓪᓕᒋᑦ.

ᐂᓮᐊᓯᐅᑉ ᐊᒡᓚᖏᑦ 1:31

ᓴᓐᖏᔪᑦ ᐃᑯᐊᓪᓚᒃᓴᐅᑎᐅᔪᒫᕐᐳᑦ, ᐱᓇᓱᐊᕐᓂᖏᓪᓗ ᐊᐅᒫᒡᒋᕐᑐᑎᑐᑦ ᑍᒤᓕᕐᓗᑎᒃ, ᑕᒪᕐᒥᒃ ᑖᒃᑯᐊᒃ ᐃᑯᐊᓚᔪᒫᕐᐴᒃ, ᑭᓇᒧᓪᓘᓐᓃᑦ ᖃᒥᑕᐅᔪᓐᓇᖏᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 27:4

ᒫᓐᓇ ᑖᑦᓱᒧᖓ ᓂᓐᖓᒃᓯᒪᓐᖏᓚᖓ, ᐅᕐᐱᒐᕐᓂᒃ ᑲᑭᓐᓇᕐᑐᖃᕐᑐᓂᒃ ᐱᕈᕐᕕᐅᓕᕌᖓᑦ ᐃᓱᐊᖏᑦᔪᑎᒃᓴᐅᓂᐊᕐᑐᓂᒃ ᐃᑯᐊᓪᓚᒃᐸᒃᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 28:28

ᓂᐊᖂᔭᒃᓮᑦ ᓄᓇᒧᑦ ᐅᕐᕈᑎᑕᐅᒐᒥᒃ; ᖃᓪᓕᕌᕐᑕᐅᓲᖑᓐᖏᓚᑦ ᑕᐅᕗᖓᓕᒫᖅ; ᐊᒃᓴᑳᔪᒧᑦ ᒪᓂᖅᑲᒃᓴᐅᑎᒧᑦ ᕿᒻᒥᕐᔪᐊᒧᑦ ᑲᓕᑕᐅᔪᒧᑦ, ᑭᓯᐊᓂᓕ ᖄᖓᒎᕐᕕᐅᒐᓗᐊᕐᓗᑎᒃ ᓯᖃᓪᓕᔭᐅᕙᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 30:24

ᑐᒃᑐᕙᖁᑎᓯ ᓯᐅᑎᖅᑯᕐᑐᔪᖁᑎᓯᓗ ᐱᕈᕐᓰᕕᒃᓴᑦᓯᓐᓂᒃ ᓄᓇᓕᕆᑦᔪᑎᒋᕙᒃᑕᓯ, ᓂᕿᒃᓴᓕᐊᖑᓯᒪᔪᓂᒃ ᓂᕆᔭᒃᓴᖃᑦᓯᐊᖃᑦᑕᕈᒫᕐᐳᑦ ᑐᖁᓕᑦᓯᐊᖑᓯᒪᔪᓂᒃ, ᓴᓃᔭᕐᓯᒪᔪᓂᒃ ᐳᐊᕐᕆᑎᓄᑦ ᑲᑭᐊᒡᔪᐊᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐂᓮᐊᓯᐅᑉ ᐊᒡᓚᖏᑦ 66:24

ᐊᓂᒍᑎᒡᓗ ᑕᑯᔪᒫᕐᐳᑦ ᐅᕙᓐᓂᒃ ᐊᑭᕋᕐᑐᕐᑐᑦ ᑎᒥᕕᓂᖏᓐᓂᒃ ᑐᖁᖓᔪᓂᒃ; ᖁᐱᕐᕈᖏᓪᓗ ᑐᖁᔪᒫᓐᖏᓚᑦ, ᐃᑯᐊᓚᔪᒦᓪᓗᑎᒡᓗ ᖃᒥᑕᒃᓴᐅᖏᑦᑐᓂ, ᐃᓅᖃᑎᒌᒡᔪᐊᓄᑦ ᑕᒪᓐᓇ ᑕᑯᒥᓁᑦᑐᕐᔪᐊᖑᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 15:7

ᐱᕈᕐᓰᕕᓕᕆᔩᑦ ᓴᓃᔭᐅᑎᖏᓐᓄᑦ ᑎᒃᑕᐅᕋᕐᑎᑦᓱᒫᕐᐸᑦᓯ ᐊᓄᕆᒧᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂ; ᕿᒃᓵᒃᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ ᐃᓄᖁᑎᒃᑲ; ᐱᐅᓯᕐᒥᖕᓂᒃ ᕿᒤᓚᐅᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 51:2

ᐹᐱᓘᓂᒥᐅᓄᑦ ᑎᑭᑎᑦᓯᔪᒫᕐᐳᖓ ᓴᓃᔭᕐᓗᒍ ᓱᓁᕈᑦᔭᐅᖁᓪᓗᒍ ᓄᓇᖓᑦ, ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ ᐊᑭᕋᕐᑐᕐᑕᐅᑎᑦᓱᒫᕐᐸᕋ ᓇᑭᑐᐃᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᕼᐆᓯᐊᑉ ᐊᒡᓚᖏᑦ 13:3

ᑍᒤᒻᒪᑦ ᐊᑦᔨᖃᕈᒫᕐᐳᑦ ᐅᓪᓛᒥ ᐳᔪᕐᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᕐᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᕐᑐᑎᑐᑦ ᐃᒐᓛᒃᑯᑦ.

ᐂᒨᓯᐅᑉ ᐊᒡᓚᖏᑦ 9:9

“ᓱᓕᓗᖓ ᐱᖁᔨᓂᐊᕐᐳᖓ, ᐃᓴᕆᐊᓕᒥᐅᑦ ᐊᐅᓚᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᐊᖂᔭᒃᓴᑎᑐᑦ ᓴᓃᔭᕐᑕᐅᔪᑎᑐᑦ ᐃᕕᒃᓱᒐᕐᓂᑦ, ᐊᒡᓛᑦ ᓴᓃᑦ ᒥᑭᓐᓂᕐᐹᖓ ᑲᑕᖕᓂᐊᓐᖏᓚᖅ ᒪᓂᖅᑲᒧᑦ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 13:30

ᑍᒤᒻᒪᑦ ᓂᐊᖂᔭᒃᓮᑦ, ᐱᕈᕐᓂᕐᓗᒃᑐᓪᓗ, ᐱᕈᖃᑎᒌᑐᐃᓐᓇᓚᐅᕐᓕᑦ ᑲᑎᕐᓱᐃᕕᒃᓴᖅ ᓇᓪᓕᐅᑎᓚᐅᖏᓐᓂᖓᓂ, ᑲᑎᕐᓱᐃᕕᒡᓕ ᓇᓪᓕᐅᑎᒃᐸᑦ ᓇᑲᑎᕆᔩᑦ ᐅᖃᐅᑎᔪᒫᕐᐸᒃᑲ: ᐱᕈᕐᓂᕐᓗᒃᑐᑦ ᓇᑲᑎᖅᑳᕐᓗᒋᑦ, ᕿᓚᒃᓱᕐᓯᒋᑦ ᑲᑎᓪᓗᒋᑦ ᐃᑯᐊᓪᓚᒐᒃᓴᐅᖁᓪᓗᒋᑦ, ᑭᖑᓂᖓᒍᓪᓕ ᓂᐊᖂᔭᒃᓮᑦ ᑲᑎᓯᒋᒃ ᑲᑎᕐᓯᕕᓐᓄᐊᕐᓗᒋᑦ!”

ᒫᑎᐅᓯᐅᑉ ᐊᒡᓚᖏᑦ 13:41

ᐃᓅᑉ ᐃᕐᓂᖓ ᐂᖏᓖᖁᑎᒥᓂᒃ ᑎᓕᓯᔪᒫᕐᐳᖅ, ᑲᑎᕐᓱᐃᔭᕐᑐᖁᓪᓗᒋᑦ ᑕᕝᕙᓐᖓᑦ ᐊᑕᓂᐅᕕᖕᒥᓂᑦ, ᐃᓄᖕᓂᒃ ᐊᔪᕐᑐᓕᑎᑦᓯᔪᓂᒃ ᑕᒤᓐᓂᒃ, ᐊᓯᖏᓐᓂᒡᓗ ᐊᔪᕐᑐᓕᓂᕐᒥᒃ ᐱᓇᓱᐊᕐᑐᓂᒃ,

ᒫᑎᐅᓯᐅᑉ ᐊᒡᓚᖏᑦ 13:42

ᑖᒃᑯᐊ ᐃᒋᑦᓱᒫᕐᐰᑦ ᐃᑯᒪᕐᔪᐊᕐᒧᑦ; ᑕᕝᕙᓂ ᕿᐊᔪᒫᕐᐳᑦ ᐊᒡᓕᕈᓚᕐᓗᑎᒡᓗ ᐋᓐᓂᐊᓂᕐᒧᑦ.

ᒫᑎᐅᓯᐅᑉ ᐊᒡᓚᖏᑦ 13:43

ᐃᓗᐊᕐᑐᓕᔪᓪᓕ ᖃᐅᒪᓂᖃᕈᒫᕐᐳᑦ ᓯᕿᓂᕐᑐᑦ ᐊᑖᑕᖓᑦᑕ ᐊᑕᓂᐅᕕᖓᓂ. ᑐᓵᔪᓂᒃ ᓯᐅᑎᓕᒃ ᑐᓴᕐᓕ!”

ᓘᑲᓯᐅᑉ ᐊᒡᓚᖏᑦ 3:16

ᔪᐊᓇᓯᐅᑉ ᑕᒪᕐᒥᒃ ᐅᖃᐅᑎᕔᑦ, “ᐃᒥᕐᒧᑦ ᐹᑉᑎᑉᐸᑦᓯ; ᐅᕙᓐᓂᓪᓕ ᐱᔪᓐᓇᕐᓂᕐᓴᖅ ᑎᑭᓐᓂᐊᕐᐳᖅ, ᓇᓗᖅᑯᑎᕗᖓ ᑖᑦᓱᒪ ᐃᑎᒐᒍᑎᖏᓐᓂᒃ ᓯᖐᑦᔮᕐᓯᔭᕆᐊᒃᓴᖅ; ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᓘᑲᓯᐅᑉ ᐊᒡᓚᖏᑦ 3:17

ᑖᑦᓱᒪ ᐃᕖᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓕᕆᕝᕕᖕᒥᓂ ᓂᐊᖂᔭᒃᓴᑦ ᐃᕖᔭᕐᓂᐊᕐᐰᑦ, ᓂᐊᖂᔭᒃᓴᑦ ᐴᖅᑲᕐᓗᒋᑦ ᓂᐊᖂᔭᒃᓴᒃᑯᕕᖕᒥᓄᑦ, ᐃᕕᐅᓂᖏᑦ ᐃᑭᓐᓂᐊᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.