ᒫᑎᐅᓯᐅᑉ ᐊᒡᓚᖏᑦ 23:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

Aglait Ijjurnaittut

⁵ Sunatuinnarnik pinasuaqattaqput inungnut takujaujumatuinnarlutik; Guutiup uqausinginnik titirarvigisimajut qaurutingit talirmiutangillu, takulauqsiuk angijuutialuit! Uligjuangitalu nigjangit takijuutialuit!

ᒫᑎᐅᓯᐅᑉ ᐊᒡᓚᖏᑦ 23:5 Iomraidhean Croise

ᐊᑕᓃᑦ ᐂᑉᐸᖏᑦ 10:16

ᔨᕼᐆᑉ ᐅᖃᐅᑎᕚ, “ᒪᓕᒡᓗᖓ ᐊᑕᓂᕐᒧᑦ ᐱᓇᓱᐊᕐᕕᖃᒻᒪᕆᒍᒪᓂᕋ ᑕᑯᓂᐊᕋᕕᐅᒃ.” ᑕᕝᕙ ᕿᒧᒃᓯᐅᑎᒥᓂ ᐊᒃᓴᓗᐊᓕᖕᒥ ᐃᑭᒪᖃᑎᒋᓕᕐᐹ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:3

ᑲᒪᑦᓯᐊᕐᓂᐅᑉ ᓱᕐᕋᔪᐃᑦᑑᓂᐅᓪᓗ ᕿᒪᒃᑍᓕᓛᑎᑦ; ᖁᖓᓯᕐᓄᑦ ᕿᓚᒃᓯᒪᒃᑭᑦ, ᐆᒻᒪᑎᖕᓄᓪᓗ ᑎᑎᕋᕐᓗᒋᑦ.

ᒨᓯᓯ ᐱᖓᔪᖏᑦ 13:32

ᐅᓪᓗᐃᑦ 7ᖓᓐᓂ ᑐᓂᕐᕈᓯᕐᑎᑦᓯᔨᐅᑉ ᖃᐅᔨᓴᕆᐊᖃᕐᐹ ᐋᓐᓂᐊᔪᖅ ᐅᕕᓂᖓᓃᑦᑐᖅ, ᐅᖏᓚᖕᓂᖓᓗ ᐊᓯᐊᓄᑦ ᓯᐊᒻᒪᖏᑉᐸᑦ ᖁᕐᓱᕐᑐᓂᒡᓗ ᓄᔭᕐᑕᖃᖏᑉᐸᑦ ᐅᕕᓂᖓᓂᓗ ᐃᑎᔪᐊᓘᖏᑉᐸᑦ,

ᒫᑎᐅᓯᐅᑉ ᐊᒡᓚᖏᑦ 9:20

ᑕᑯᒋᑦ ᐊᕐᓇᖅ ᐃᓗᐊᓐᖏᔪᑎᖃᕐᑐᖅ ᐊᐅᓈᖏᓐᓇᕐᓂᕐᒥᓄᑦ ᐊᕐᕌᒍᓂᒃ 12ᓂᒃ, ᔩᓱᓯ ᒪᓕᒡᓗᓂᐅᒃ ᑭᖑᓂᖓᓂᑦ, ᐊᓐᓄᕌᖓᑕ ᓯᓈᒍᑦ ᐊᒃᑐᕐᐹ.

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᓘᑲᓯᐅᑉ ᐊᒡᓚᖏᑦ 20:47

ᓯᓔᕐᕆᒃᓯᕙᒃᓗᑎᒃ ᐅᐃᒡᒐᕐᓂᕐᓂᒃ ᑎᒡᓕᒐᕐᕕᒋᔪᒪᓪᓗᒋᑦ ᐊᖏᕐᕋᖏᓐᓂᑦ, ᑕᑯᓐᓇᕐᑕᐅᓇᓱᐊᕐᓗᑎᒡᓗ ᑐᒃᓯᐅᑦᔨᓕᕐᐸᒃᓗᑎᒃ ᑕᑭᔪᐊᓗᖕᓂᒃ. ᑖᒃᑯᐊ ᓱᒋᐊᕐᑕᐅᓂᖏᑦ ᐱᐅᖏᓐᓂᕐᓴᓪᓚᕆᐊᓘᔪᒫᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 12:43

ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᕐᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᒥᑦ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᔪᐊᓇᓯᐅᑉ ᐊᒡᓚᖏᑦ 7:18

ᓇᓪᓕᐊᑦ ᐱᔪᓐᓇᕐᓂᑐᐃᓐᓇᕐᒥᒍᑦ ᐅᖃᓪᓚᒃᑐᖅ ᐃᒻᒥᓂᒃ ᓂᕐᑐᕐᑕᐅᑦᔪᑎᒃᓴᒥᓂᒃ ᐱᓇᓱᐊᕐᐳᖅ; ᓇᓪᓕᐊᓪᓕ ᑎᓕᔨᒥᓂᒃ ᓂᕐᑐᕐᑕᐅᑎᑦᓯᓇᓱᐊᕐᑐᖅ ᓱᓕᑦᓯᐊᕐᐳᖅ, ᑖᑦᓱᒪᓂᓗ ᓴᒡᓗᓂᕐᑕᖃᕋᓂ.

ᒨᓯᓯ ᑕᓪᓕᒪᖏᑦ 11:18

“ᑕᒪᒃᑯᐊ ᐃᖅᑲᐅᒪᔭᒃᓴᕆᕙᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᑍᒧᖎᓐᓇᕆᐅᕐᓴᕐᓗᒋᓪᓗ ᐆᒻᒪᑎᑦᓯᒍᑦ. ᐊᒡᒐᐅᑎᑦᓯᓐᓄᑦ ᓂᒻᒪᐅᑎᓗᒋᑦ ᕿᓚᒃᑕᒃᓴᕆᕙᓯ ᖃᐅᕐᒥᐅᑕᕆᓗᒋᓪᓗ ᐊᑯᓕᐊᑦᓯᓐᓂ ᐃᓕᑦᓯᓐᓄᑦ ᓇᓗᓁᒃᑯᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 22:12

“ᐅᓕᒡᔪᐊᑦ ᓯᑕᒪᓂᒃ ᑎᕆᖅᑯᖏᑎᒍᑦ ᓂᕕᓐᖓᑖᓕᐅᕐᑕᒃᓴᕆᕙᑦ ᐊᑐᖃᑦᑕᕐᑍᑦ.”

ᒨᓯᓯ ᑕᓪᓕᒪᖏᑦ 6:8

ᐊᒡᒐᐅᑎᑦᓯᓐᓂ ᓇᓗᓁᒃᑯᑕᐅᓗᑎᒃ ᕿᓚᒃᓯᒪᔪᒃᓴᐅᕗᑦ ᖃᐅᕐᒥᐅᑕᕆᓗᒋᓪᓗ ᖃᐅᕈᑎᒧᑦ ᐃᓕᓯᒪᓗᒋᑦ ᐃᖅᑬᑦᔪᑎᒃᓴᐅᖁᓪᓗᒋᑦ.

ᐱᓕᐱᒥᐅᓄᑦ 1:15

ᐃᓚᖏᓪᓕ ᙭ᔅᑑᓯᒥᒃ ᐊᔪᕆᕐᑐᐃᑦᔪᑎᖃᕐᐳᑦ ᓵᓐᖓᔭᑐᐊᖑᔪᒪᓂᕐᒧᑦ ᐊᑭᕋᕐᑐᕈᒪᓂᕐᒧᓪᓗ, ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᐱᐅᔪᒥᒃ ᐃᓱᒪᖃᕐᑎᑕᐅᑦᓯᐊᕐᓗᑎᒃ.

ᐱᓕᐱᒥᐅᓄᑦ 2:3

ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:4

ᑕᒤᓐᓂᒃ ᒎᑎᓂᒃ ᑍᔭᐅᔪᓕᒫᓂᒃ ᐊᑭᕋᕐᑐᕐᑐᕐᔪᐊᖅ ᐱᔨᑦᓯᕐᓂᕐᓂᒡᓗ, ᑕᒤᓐᓂᓪᓗ ᐃᒻᒥᓂᒃ ᐊᖏᓂᕐᐸᐅᑎᑦᑐᖅ, ᐊᒡᓛᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂ ᐃᒃᓯᕚᕆᐊᕐᑐᕈᒫᕐᐳᖅ, ᐃᒻᒥᓂᒃ ᒎᑎᐅᓂᕋᕐᓗᓂ.