ᒫᑎᐅᓯᐅᑉ ᐊᒡᓚᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ‘ᐃᕝᕕᑦ ᐱᑦᓕᐊᒻ, ᓄᓇᒥ ᔫᑕᒦᑦᑐᑎᑦ, ᒥᑭᓐᓂᕐᐸᐅᓐᖏᓚᑎᑦ ᐃᒡᓗᒐᓴᒡᔪᐊᓂᑦ ᐊᖏᓂᕐᐸᐅᔪᓂᑦ ᔫᑕᒥ; ᐃᓕᖕᓂᑦ ᐊᐅᓚᑦᓯᔨᒃᓴᖅ ᐱᔪᒫᕐᒪᑦ ᑖᑦᓱᒪ ᐃᓄᖁᑎᒃᑲ ᐃᓴᕆᐊᓕᒥᐅᑦ ᑕᓯᐅᕈᒫᕐᒪᒋᑦ.’”

Aglait Ijjurnaittut

⁶ ‘Ivvit Pitliam, nunami Juutamiittutit, Mikinniqpaunngilatit iglugasagjuanit anginiqpaujunit Juutami; Ilingnit aulatsijiksaq pijumaarmat Taassuma inuqutikka Isarialimiut tasiurumaarmagit.’”

ᒫᑎᐅᓯᐅᑉ ᐊᒡᓚᖏᑦ 2:6 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᑯᕉᓂᑲ ᓯᕗᓪᓖᑦ 2:51

ᓵᓪᒪ ᐱᑦᓕᐊᒻ ᐊᑖᑕᖓ, ᕼᐊᕆᐸᓗ ᐱᑦ-ᒊᑕᐅᑉ ᐊᑖᑕᖓ.

ᑯᕉᓂᑲ ᓯᕗᓪᓖᑦ 5:2

ᔫᑕᓕ ᐱᓪᓚᕆᐅᓂᕐᐸᐅᓕᓚᐅᕐᐳᖅ ᖃᑕᓐᖑᑎᒥᓂᑦ ᑖᑦᓱᒪᓐᖓᓪᓗ ᐊᖓᔪᖅᑳᕐᔪᐊᑦ ᐱᓯᒪᓪᓗᑎᒃ, ᐊᖓᔪᒃᓯᕐᐹᕐᓯᐅᑏᑦ ᑎᑎᕋᕐᓯᒪᓂᖏᑦ ᔫᓯᐱᒃᑰᕋᓗᐊᕐᑎᓪᓗᒋᑦ,

ᐄᓱᕋᐅᑉ ᐊᒡᓚᖏᑦ 2:21

ᐃᓄᐃᑦᑕᐅᖅ ᓯᕗᓕᖏᑦ ᓄᓇᖃᕐᑐᕕᓃᑦ ᓄᓇᓕᖕᓂ ᐅᑯᓇᓂ ᐅᑎᓚᐅᕆᕗᑦ: ᐱᑦᓕᐊᒥ ᓄᓇᓖᑦ 123ᖑᕗᑦ;

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒨᓯᓯ ᓯᑕᒪᖏᑦ 24:19

ᐊᖓᔪᖅᑳᕐᔪᐊᖅ ᓴᖅᑭᑦᓱᒫᕐᐳᖅ ᔧᑯᒥᑦ, ᐃᒡᓗᒐᓴᒡᔪᐊᓂ ᐊᒥᐊᒃᑯᑦ ᓄᖑᑦᓱᒫᕐᐰᑦ.”

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᔪᐊᓇᓯᐅᑉ ᐊᒡᓚᖏᑦ 21:16

ᐂᑉᐸᖓᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐱᓐᓈᕆᕕᖔ?” ᑖᑦᓱᒪ ᑭᐅᕚ, “ᐃᓛᒃ ᐊᑕᓃᖅ, ᖃᐅᔨᒪᕗᑎᑦ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᐰᕆᓂᐊᒃᑭᑦ.”

ᔪᐊᓇᓯᐅᑉ ᐊᒡᓚᖏᑦ 7:42

ᐊᒡᓔᑦ ᐅᖃᕐᓯᒪᕗᑦ, ᙭ᔅᑑᓯᒎᖅ ᑍᕕᑎᐅᑉ ᑭᖑᕚᕆᓛᕐᐹ, ᐃᕐᓂᐊᖑᓛᕐᓗᓂᓗ ᐱᑦᓕᐊᒥ, ᑍᕕᑎᐅᑉ ᓄᓇᕕᓂᖓᓂ.”

ᐃᐱᓯᒥᐅᓄᑦ 1:22

ᑕᒤᑕᕐᔪᐊᓪᓗ ᑖᑦᓱᒪ ᐃᑎᒐᖏᑕ ᐊᑖᓄᑦ ᐱᑎᓚᐅᕐᐰᑦ, ᑕᒤᓐᓄᓪᓗ ᓂᐊᖁᕆᔭᐅᑎᑉᐹ ᐅᒃᐱᕐᑑᖃᑎᒌᓄᑦ.

ᑯᓘᓯᐊᒥᐅᓄᑦ 1:18

ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.

ᐄᑉᕈᐃᓄᑦ 7:14

ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:27

ᐊᐅᓚᑦᓯᓂᐊᕐᐳᕐᓗ ᓴᕕᕋᔭᖕᒥᒃ ᐊᔭᐅᑉᐱᐊᖃᕐᓗᓂ, ᓯᖁᒥᑦᓯᔪᓐᓇᕐᓗᓂ ᒪᕐᕋᓕᐅᕐᑎᐅᓪᓗ ᐃᓗᓕᖁᑎᖏᑎᑐᑦ ᓯᖁᒥᑦᓱᒫᕐᐰᑦ, ᐅᕙᖓᑦᑕᐅᖅ ᐊᑖᑕᓐᓂᑦ ᐱᔪᓐᓇᕐᓂᕐᑖᕐᑎᑕᐅᓯᒪᓂᑦᑐᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”