ᒫᑎᐅᓯᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑖᒃᑯᐊ ᑭᐅᕚᑦ, “ᐱᑦᓕᐊᒥ ᔫᑎᐊᒦᑦᑐᒥ; ᐃᒫᒃ ᓇᓚᐅᑍᔪᖅ ᑎᑎᕋᕐᓯᒪᖕᒪᑦ:

Aglait Ijjurnaittut

⁵ Taakkua kiuvaat, “Pitliami Juutiamiittumi; imaak nalauttaijuq titiraqsimangmat:

ᒫᑎᐅᓯᐅᑉ ᐊᒡᓚᖏᑦ 2:5 Iomraidhean Croise

ᒨᓯᓯ ᓯᕗᓪᓖᑦ 35:19

ᕅᒋᓕᓕ ᑐᖁᖕᒪᑦ, ᐃᓗᕕᕐᑕᐅᕗᖅ ᐃᐸᕋᑕᓕᐊᕆᐊᑉ ᐊᖅᑯᑎᖓᓂ, ᒫᓐᓇᒃᑯᑦ ᐊᑎᖃᓕᕐᑑᑉ ᐱᑦᓕᐊᒥᒃ.

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

ᒫᑎᐅᓯᐅᑉ ᐊᒡᓚᖏᑦ 2:4

ᐃᕉᑕᓯᐅᓪᓕ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓕᒫᖏᑦ ᐱᖁᔭᓂᒡᓗ ᐃᓕᓮᔩᑦ ᕾᖁᓪᓗᒋᑦ ᐊᐱᕐᓱᕐᐰᑦ, “ᓇᓂ ᙭ᔅᑑᓯ ᐃᕐᓂᐊᖑᓂᐊᕐᓂᕋᕐᑕᐅᓯᒪᕙ?”

ᔪᐊᓇᓯᐅᑉ ᐊᒡᓚᖏᑦ 7:42

ᐊᒡᓔᑦ ᐅᖃᕐᓯᒪᕗᑦ, ᙭ᔅᑑᓯᒎᖅ ᑍᕕᑎᐅᑉ ᑭᖑᕚᕆᓛᕐᐹ, ᐃᕐᓂᐊᖑᓛᕐᓗᓂᓗ ᐱᑦᓕᐊᒥ, ᑍᕕᑎᐅᑉ ᓄᓇᕕᓂᖓᓂ.”

ᔮᓱᐊᑉ ᐊᒡᓚᖏᑦ 19:15

ᑲᑖᔅᓗ, ᓇᕼᐊᓚᐅᓪ, ᓯᒻᕌᓐ, ᐂᑕᓚ, ᐱᑦᓕᐊᒻᓗ: ᐃᒡᓗᒐᓮᑦ 12ᖑᕗᑦ ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 17:7

ᑍᑦᓱᒪᓂ ᐅᕕᒃᑲᕐᑕᖃᓚᐅᕐᐳᖅ ᐊᖑᒻᒥᒃ ᓄᓇᖃᕐᑐᒥᒃ ᐱᑦᓕᐊᒥ, ᔫᑕᒦᑦᑐᒥ, ᔫᑕᐅᑉ ᑭᖑᕚᖏᓐᓄᑦ ᓄᓇᖃᖃᑕᐅᔪᒥᒃ, ᑖᓐᓇᓗ ᓕᕔᑎᐅᕗᖅ; ᑕᒫᓂᓗ ᓂᐅᕐᕈᐊᖑᓚᐅᕐᐳᖅ.

ᕉᑎᐅᑉ ᐅᓂᒃᑲᐅᓯᓂᖓ 1:1

ᑍᑦᓱᒪᓂᐊᓗᒃ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖃᓚᐅᕐᑎᓐᓇᒋᑦ ᐃᓱᐊᕐᓮᔨᓄᑦ ᓱᓕ ᐊᐅᓚᑕᐅᑎᓪᓗᒋᑦ, ᑳᖕᓇᕐᑐᕐᔪᐊᖃᓕᓚᐅᕐᐳᖅ ᓄᓇᒥ. ᐊᖑᑦ ᐱᑦᓕᐊᒥᐅᑕᖅ ᔫᑕᒦᑦᑐᒥᑦ ᐃᓔᒥᓕᑭ ᓄᓕᐊᖓᓗ ᓁᐅᒥ ᐃᕐᓂᖏᒡᓗ ᒪᕐᕉᒃ ᒪᓛᓂ ᑭᓕᐊᓂᓗ ᐊᐅᓪᓚᓚᐅᕐᐳᑦ ᒧᐊᐱᒥᐅᑦ ᓄᓇᖓᓄᑦ.

ᕉᑎᐅᑉ ᐅᓂᒃᑲᐅᓯᓂᖓ 1:19

ᐱᓱᖃᑎᒌᓕᕐᐴᒃ ᑕᕝᕙ ᐱᑦᓕᐊᒧᑦ. ᑎᑭᒻᒪᑎᒡᓗ ᐱᑦᓕᐊᒥᐅᓕᒪᑦ ᖁᕕᐊᓱᖃᑎᒌᒃᐳᑦ ᑖᒃᑯᐊᒃ ᐱᑦᔪᑎᒋᓪᓗᒋᒃ; ᑕᕝᕙ ᐊᕐᓇᓂᒃ ᐅᖃᕐᑐᖃᖃᑦᑕᓕᕐᐳᖅ, “ᓁᐅᒥᐅᕖ?”

ᕉᑎᐅᑉ ᐅᓂᒃᑲᐅᓯᓂᖓ 2:4

ᑕᒪᑐᒪ ᑭᖑᓂᖓᒍᑦ ᑕᑯᒋᑦ ᐳᐊᓯ ᐱᑦᓕᐊᒥᖔᕐᐳᖅ, ᐅᖃᕐᓗᓂᓗ ᑲᑎᕐᓱᐃᔨᖁᑎᒥᓄᑦ, “ᐊᑕᓂᐅᑉ ᐃᓚᒋᓕᓯ.” ᑖᒃᑯᐊᓗ ᑭᐅᕗᑦ, “ᐊᑕᓂᐅᑉ ᓮᒻᒪᕐᑎᓪᓕᑎᑦ!”

ᕉᑎᐅᑉ ᐅᓂᒃᑲᐅᓯᓂᖓ 4:11

ᑖᒃᑯᐊ ᐊᖓᔪᖅᑳᑦ ᐊᓯᖏᓪᓗ ᐅᖃᕐᐳᑦ, “ᐃᓛᒃ ᑕᒪᑐᒥᖓ ᖃᐅᔨᓯᒪᓂᐊᕐᐳᒍᑦ, ᑐᒃᓯᐊᕐᐳᒍᓪᓗ ᐊᑕᓂᕐᒧᑦ ᑖᓐᓇ ᓄᓕᐊᑖᕆᓂᐊᕐᑍᑦ ᓲᕐᓗ ᕅᒋᓕᑐᑦ ᓕᐊᑐᓪᓗ ᐱᖁᓪᓗᒍ, ᑖᒃᑯᐊᒃ ᕿᑐᕐᖏᐅᓚᐅᕐᒪᑎᒃ ᔧᑯᒃᑯᑦ; ᐊᔪᕐᓴᖏᑦᓯᐊᖁᕙᑦᑎᒋᑦ ᐃᐸᕋᑕᐅᑉ ᑭᖑᕚᕇᖑᖃᑎᒌᖏᓐᓂ ᐃᖅᑲᐅᒪᔭᐅᑦᓯᐊᖁᓪᓗᑎᓪᓗ ᐱᑦᓕᐊᒥ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”