ᒫᑎᐅᓯᐅᑉ ᐊᒡᓚᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᕉᑕᓯᐅᓪᓕ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓕᒫᖏᑦ ᐱᖁᔭᓂᒡᓗ ᐃᓕᓮᔩᑦ ᕾᖁᓪᓗᒋᑦ ᐊᐱᕐᓱᕐᐰᑦ, “ᓇᓂ ᙭ᔅᑑᓯ ᐃᕐᓂᐊᖑᓂᐊᕐᓂᕋᕐᑕᐅᓯᒪᕙ?”

Aglait Ijjurnaittut

⁴ Iruutasiulli tunirrusiqtitsijit angajuqqaalimaangit piqujaniglu ilisaijit qaiqullugit apiqsuqpait, “Nani Christuusi irnianguniarniraqtausimava?”

ᒫᑎᐅᓯᐅᑉ ᐊᒡᓚᖏᑦ 2:4 Iomraidhean Croise

ᑯᕉᓂᑲ ᐂᑉᐸᖏᑦ 34:13

ᑖᒃᑯᐊ ᓴᓇᔨᓄᑦ ᐊᖓᔪᖅᑲᐅᕗᑦ ᐱᓇᓱᐊᕐᑕᐅᔪᓕᒫᓄᑦ; ᓕᕔᑏᓪᓗ ᐃᓚᖏᑦ ᐱᖁᔭᓂᒃ ᐃᓕᓯᒪᔪᑦ, ᐊᖓᔪᖅᑳᖑᔪᑦ, ᐃᑎᕐᑕᕐᕕᖕᒥᓗ ᑲᒪᔨᐅᔪᑦ.

ᑯᕉᓂᑲ ᐂᑉᐸᖏᑦ 34:15

ᑕᕝᕙ ᕼᐃᓪᑬᐊ ᐅᖃᕐᐳᖅ ᓴᕙᓂᒧᑦ ᑎᑎᕋᕐᑎᒧᑦ, “ᐊᒡᓔᑦ ᓇᓂᕙᒃᑲ ᐱᖁᔧᑦ ᐊᑕᓂᐅᑉ ᐃᒡᓗᖓᓂ.” ᕼᐃᐅᓪᑬᐊᐅᓪᓗ ᐊᒡᓔᑦ ᑐᓂᕔᑦ ᓮᕙᓐᒧᑦ.

ᑯᕉᓂᑲ ᐂᑉᐸᖏᑦ 36:14

ᑐᓂᕐᕈᓯᕐᑎᑦᓯᔩᑦᑕᐅᖅ ᓯᕗᓕᕐᑎᖏᑦ ᐃᓄᐃᓪᓗ ᓈᒻᒪᖏᑦᑐᓕᕙᓪᓕᐊᓚᐅᕐᐳᑦ, ᐃᓅᖃᑎᒌᒡᔪᐊᑦ ᓇᕐᕈᓇᕐᑐᓕᓂᖏᓐᓂᒃ ᒪᓕᒃᓗᑎᒃ; ᐊᑕᓂᐅᓪᓗ ᐃᒡᓗᖓ ᓴᓗᒤᓕᕐᑎᓚᐅᕐᐹᑦ ᑖᑦᓱᒪ ᐃᑦᔪᕐᓁᓕᑎᓚᐅᕐᑕᖓ ᔨᕉᓴᓕᒥ.

ᐄᓱᕋᐅᑉ ᐊᒡᓚᖏᑦ 10:5

ᑕᕝᕙ ᐄᓱᕋ ᒪᑭᑉᐳᖅ, ᓯᕗᓕᕐᑎᓪᓗ ᑐᓂᕐᕈᓯᕐᑎᑦᓯᔨᓄᑦ, ᓕᕔᑎᓄᓪᓗ, ᐃᓄᓕᒫᓪᓗ ᐃᓴᕆᐊᓕᒃᑯᓐᓂᒃ ᐊᖏᒻᒪᕆᒃᑎᑦᓯᓕᕐᓗᑎᒃ ᑲᔪᓯᑎᓐᓂᐊᕐᑕᒥᖕᓂᒃ ᓯᑲᓂᐊᑉ ᐱᓇᓱᐊᕐᑕᐅᖁᔭᖓᓂᒃ ᐊᑐᖁᓪᓗᒋᑦ. ᑕᕝᕙ ᐊᖏᒻᒪᕆᒍᑎᒥᖕᓂᒃ ᐊᖏᕐᐳᑦ.

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᓂᕼᐃᒤᐊᐅᑉ ᐊᒡᓚᖏᑦ 12:7

ᓴᓪᓗ, ᐊᒧᒃ, ᕼᐃᓪᑬᐊ, ᔨᑍᐊ. ᑖᒃᑯᐊ ᑕᕝᕙ ᐊᖓᔪᖅᑳᕆᔭᐅᓚᐅᕐᑐᑦ ᑐᓂᕐᕈᓯᕐᑎᑦᓯᔨᐅᖃᑎᒥᓄᑦ ᔩᓱᐊ ᐊᖓᔪᖅᑳᖑᑎᓪᓗᒍ ᑐᓂᕐᕈᓯᕐᑎᑦᓯᔨᓄᑦ. ᐅᑯᐊᖑᓚᐅᕐᐳᑦ ᔩᓱᐊ, ᐱᓄᐃ, ᑲᑦᒤ-ᓕ, ᓯᕆᐰᐊ, ᔫᑕ, ᒪᑕᓁᐊᓗ, ᑖᒃᑯᐊ ᑕᕝᕙ ᐃᓐᖏᕐᓂᕐᒧᑦ ᖁᔭᓕᓂᕐᒧᓪᓗ ᐊᖓᔪᖅᑳᖑᓚᐅᕐᑐᑦ ᐃᓚᒥᖕᓄᑦ.

ᐃᓐᖏᕈᑎᑦ 2:2

ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;

ᔨᕆᒤᐊᐅᑉ ᐊᒡᓚᖏᑦ 8:8

ᖃᓄᖅ ᐅᖃᕈᓐᓇᕐᐱᓰ? ᓯᓚᑐᓂᕋᕐᓗᓯ ᐊᑕᓂᐅᑉ ᐱᖁᔭᖏᓐᓂᒃ ᓇᔪᕐᑎᖃᕐᓂᑦᓯᓐᓄᑦ, ᑕᑯᒋᑦ, ᐊᒡᓚᖕᓂᒃ ᐃᓕᓯᒪᔪᖁᑎᓯ ᓱᓕᖏᑦᑐᒥᒃ ᐱᓇᓱᐊᕈᑎᖃᓕᕐᑎᓪᓗᒌᑦ?

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒫᑎᐅᓯᐅᑉ ᐊᒡᓚᖏᑦ 13:52

ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ ᐱᖁᔭᓂᒃ ᐃᓕᓮᔨᑦ ᒎᑎᐅᑉ ᐊᑕᓂᐅᕕᖓᓂᒃ ᐃᓕᓐᓂᐊᕐᑎᑕᐅᓯᒪᔪᑦ ᐊᑦᔨᖃᕐᐳᑦ ᐃᒡᓗᒥᒃ ᓇᖕᒥᓂᖃᕐᑐᑐᑦ ᓯᕐᓗᐊᕐᒥᖕᓂᑦ ᓴᖅᑭᑎᑦᓯᔪᑎᑐᑦ ᓄᑖᓂᒃ ᓄᑕᐅᖏᑦᑐᓂᒡᓗ.”

ᒫᑎᐅᓯᐅᑉ ᐊᒡᓚᖏᑦ 2:3

ᐃᕉᑕᓯ ᑕᒪᑐᒥᖓ ᑐᓴᕋᒥ, ᖁᐊᕐᓵᕐᐳᖅ, ᔨᕉᓴᓕᒻᒥᐅᓪᓗ ᑕᒪᕐᒥᒃ;

ᒫᑎᐅᓯᐅᑉ ᐊᒡᓚᖏᑦ 2:5

ᑖᒃᑯᐊ ᑭᐅᕚᑦ, “ᐱᑦᓕᐊᒥ ᔫᑎᐊᒦᑦᑐᒥ; ᐃᒫᒃ ᓇᓚᐅᑍᔪᖅ ᑎᑎᕋᕐᓯᒪᖕᒪᑦ:

ᒫᑎᐅᓯᐅᑉ ᐊᒡᓚᖏᑦ 21:15

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔩᑦ ᓂᓐᖓᐅᒪᓕᕐᐳᑦ, ᑕᑯᒐᒥᒃ ᔩᓱᓯᐅᑉ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ, ᓱᕈᓰᓪᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥ ᕾᒐᓛᕐᓂᖏᓐᓄᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ!”

ᒫᑎᐅᓯᐅᑉ ᐊᒡᓚᖏᑦ 21:23

ᔩᓱᓯ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᒪᑦ, ᐊᔪᕆᕐᑐᐃᓕᕐᑎᓪᓗᒍ ᑕᕝᕙᓂ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᔫᑎᓪᓗ ᐊᖓᔪᖅᑳᖏᑦ ᔩᓱᓯᒧᐊᕐᐳᑦ ᐅᖃᕐᓗᑎᒃ, “ᓇᑭᑦ ᐱᔪᓐᓇᕐᓂᖃᕐᑎᑕᐅᓪᓗᑎᑦ ᑕᒪᒃᑯᓂᖓ ᐱᓇᓱᐊᖃᑦᑕᕐᐲᑦ, ᑭᓇᒧᑦ ᐱᓇᓱᐊᕈᓐᓇᕐᑎᑕᐅᒐᕕᑦ?”

ᒫᑎᐅᓯᐅᑉ ᐊᒡᓚᖏᑦ 26:3

ᑍᑦᓱᒪᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᔫᑎᓪᓗ ᐊᖓᔪᖅᑲᖏᑦ ᑲᑎᓐᖓᓕᕐᐳᑦ, ᑬᐊᐹᓯᐅᑉ ᐃᒡᓗᕐᔪᐊᖓᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓᑦᑕ,

ᒫᑎᐅᓯᐅᑉ ᐊᒡᓚᖏᑦ 26:47

ᔩᓱᓯ ᓱᓕ ᐅᖃᓪᓚᒃᑎᓪᓗᒍ, ᔫᑕᓯ ᐃᓕᓐᓂᐊᕐᑎᑦ 12 ᐃᓚᖓᑦ, ᑎᑭᑉᐳᖅ, ᐃᓚᖃᕐᓗᓂ ᐃᓄᒐᓴᒡᔪᐊᓂᒃ ᓱᒋᐅᓯᔭᕐᑐᓂᒃ ᓴᕕᒡᔪᐊᓂᒃ ᐊᓇᐅᑕᓂᒡᓗ, ᑎᓕᔭᐅᓯᒪᔪᓂᒃ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ, ᔫᑎᓪᓗ ᐊᖓᔪᖅᑳᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 27:1

ᖃᐅᓕᕐᑎᓪᓗᒍ ᐅᓪᓛᒻᒪᕆᒃᑯᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ, ᔫᑎᓄᓪᓗ ᐊᖓᔪᖅᑲᐅᔪᓕᒫᑦ ᐊᖏᖃᑎᒌᒃᐳᑦ ᔩᓱᓯ ᑐᖁᑕᐅᖁᓪᓗᒍ;

ᒫᑎᐅᓯᐅᑉ ᐊᒡᓚᖏᑦ 7:29

ᐊᔪᕆᕐᓱᐃᖕᒪᑦ ᐱᔪᓐᓇᕐᓂᖃᕐᑐᑐᑦ ᐱᖁᔭᓂᒃ ᐃᓕᓮᔨᑎᑑᖏᑦᑐᖅ.

ᒫᑯᓯᐅᑉ ᐊᒡᓚᖏᑦ 8:31

ᑕᑉᕙ ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ ᐃᓅᑉ ᐃᕐᓂᖓ ᐋᓐᓂᐊᑎᑕᐅᔭᕆᐊᖃᕐᓂᖓᓂᒃ ᐊᖏᔪᒥᒃ, ᔪᑎᑦ ᐊᖓᔪᖅᑳᖏᓐᓄᑦ ᓇᕐᕈᒋᔭᐅᒻᒪᕆᒍᒫᕐᓂᒥᓂᒃ ᑐᓂᕐᕈᓯᕐᑎᑦᓯᔨᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᓂᒥᓂᒡᓗ, ᐅᓪᓗᐃᑦ ᐱᖓᔪᐊᓐᓂ ᒪᑭᑦᓱᒫᕐᓂᒥᓂᒃ.

ᓘᑲᓯᐅᑉ ᐊᒡᓚᖏᑦ 20:19

ᐱᖁᔭᓂᒃ ᐃᓕᓮᔩᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑕ ᔩᓱᓯ ᑎᒍᓇᓱᒃᑲᓗᐊᕐᐹᑦ ᑕᕝᕙᓃᑎᓪᓗᒍ, ᐃᓄᓂᒡᓕ ᓯᕘᕋᒐᒥᒃ ᑎᒍᓐᖏᓛᑦ; ᖃᐅᔨᒐᒥᒃ ᐊᑦᔨᐅᔪᑎᒍᑦ ᑖᒃᑯᑎᒎᓇ ᐅᖃᐅᓯᕆᔭᐅᓂᕐᒥᖕᓂᒃ.

ᓘᑲᓯᐅᑉ ᐊᒡᓚᖏᑦ 23:10

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔨᑦ ᓴᓂᐊᓄᐊᕐᐳᑦ ᐊᒃᓱᕈᕐᓗᑎᒃ ᐱᓇᓱᐊᓕᕐᐹᑦ ᔩᓱᓯ.

ᔪᐊᓇᓯᐅᑉ ᐊᒡᓚᖏᑦ 18:3

ᑍᒤᒻᒪᑦ, ᔫᑕᓯ ᑕᕝᕗᖓ ᐱᕈᕐᓰᕕᖕᒧᐊᓕᕐᐳᖅ, ᐅᓇᑕᕐᑐᒃᓴᓂᒃ ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᓐᓂᒃ ᐃᓚᖃᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑕ ᐹᕆᓯᓪᓗ ᑎᓕᓯᒪᔭᖏᓐᓂᒃ, ᓇᓂᕉᑎᖃᕐᓗᑎᒃ ᓇᓂᕈᐊᓕᔭᕐᓗᑎᒡᓗ ᓱᒋᐅᑦᓯᔭᕐᓗᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 3:10

ᔩᓱᓯᐅᑉ ᑭᐅᕚ, “ᐃᓴᕆᐊᓔᑎᓂ ᐊᔪᕆᕐᑐᐃᔨᐅᕖᑦ, ᑕᒪᓐᓇᓗ ᖃᐅᔨᒪᓇᒍ?

ᔪᐊᓇᓯᐅᑉ ᐊᒡᓚᖏᑦ 7:32

ᐹᕆᓯᓪᓕ ᑐᓴᕋᒥᒃ ᐃᓄᒐᓴᒡᔪᐊᑦ ᐃᒻᒥᖕᓄᑦ ᑍᒫᒃ ᐅᖃᐅᓯᖃᕐᑎᓪᓗᒋᑦ ᔩᓱᓯᒥᒃ, ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᓐᓂᒃ ᑎᓕᓯᕗᑦ ᔩᓱᓯ ᑎᒍᔭᐅᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 8:3

ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ ᐊᕐᓇᒥᒃ ᑕᕝᕗᓐᖓᐅᑦᔨᕗᑦ ᐊᓯᓐᓂᐊᕐᑎᓪᓗᒍ ᐊᖑᔭᐅᔪᒥᒃ, ᐃᓄᒋᐊᒃᑐᑦ ᐊᑯᕐᖓᓐᓄᐊᕈᑎᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 23:9

ᑖᒃᑯᐊ ᓂᐱᖅᑯᕐᑐᔪᐊᓘᓕᕐᐳᑦ ᐱᖁᔭᓂᒡᓗ ᐃᓕᓮᔩᑦ ᐹᕆᓯᓄᑦ ᐃᓚᒋᔭᐅᔪᑦ ᓇᖏᕐᓯᓪᓗᑎᒃ ᓵᓚᖃᕆᐊᓪᓚᕆᒡᓗᑎᒃ ᐅᖃᕐᐳᑦ, “ᐃᓅᑉ ᑖᑦᓱᒪ ᓈᒻᒪᖏᑦᔪᑎᖓᓂᒃ ᓇᓂᓯᓐᖏᓚᒍᑦ. ᐃᒻᒪᖄᓕ ᐂᖏᓕᒧᑦ ᐊᓂᕐᓂᕐᒧᓪᓘᓐᓃᑦ ᐅᖃᕐᕕᐅᓐᓂᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:5

ᖃᐅᑎᓪᓗᒍ ᔫᑎᑦ ᐊᐅᓚᑦᓯᔨᖏᑦ ᐊᖓᔪᖅᑳᖏᓪᓗ, ᐱᖁᔭᓂᒡᓗ ᐃᓕᓮᔩᑦ ᑲᑎᒪᓕᕐᐳᑦ ᔨᕉᓴᓕᒻᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 6:12

ᑍᒤᓕᖕᒪᑕ ᐅᐃᒪᔮᕐᑎᑦᓯᓕᕐᐳᑦ ᐃᓄᖕᓂᒃ ᔫᑎᓪᓗ ᐊᖓᔪᖅᑳᖏᓐᓂᒃ ᐱᖁᔭᓂᒡᓗ ᐃᓕᓮᔨᓂᒃ, ᑖᒃᑯᐊ ᓯᑎᐹᓇᓯ ᑎᒍᕚᑦ ᑲᑎᒪᔨᕐᔪᐊᓄᓪᓗ ᐋᓪᓗᒍ.