ᒫᑎᐅᓯᐅᑉ ᐊᒡᓚᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.

Aglait Ijjurnaittut

¹¹ Iglumut itiramik, nutarakuluk anaanangalu Miari takugamijjuk, saanganut siiqqurlutik tuksiarvigivaat. Tunirrutimingnik saqqititsillutik tunisivigivaat, guulumik, tipitsiariksaumiglu vurangkinsinsimik, tipitsiariksaummiglu murmik.

ᒫᑎᐅᓯᐅᑉ ᐊᒡᓚᖏᑦ 2:11 Iomraidhean Croise

ᒨᓯᓯ ᓯᕗᓪᓖᑦ 43:11

ᑕᕝᕙ ᐊᑖᑕᖓᑦᑕ ᐃᓴᕆᐊᓕᐅᑉ ᐅᖃᐅᑎᕔᑦ, “ᑍᒤᑦᓴᕆᐊᖃᕐᐸᑦ, ᑍᒤᓕᐅᓕᕆᑦᓯ: ᓄᓇᑦᑕ ᐱᕈᕐᑐᖏᓐᓂᑦ ᐱᐅᓂᕐᐹᓂ ᓰᕐᓇᕐᑐᓂᒃ ᓇᒃᓴᕐᓗᓯ, ᑖᑦᓱᒧᖓ ᐊᖑᒻᒧᑦ ᐂᑦᑑᑎᒃᓴᐅᖁᓪᓗᒋᑦ, ᐸᐅᕐᖓᑯᓗᖕᓂᒃ ᕼᐊᓂᑯᓗᖕᓂᒡᓗ, ᑎᐱᑦᓯᐊᕆᒃᓴᐅᑎᓂᒃ, ᒧᕋᒥᒃ, ᖃᖅᑯᐊᒐᓂᒡᓗ ᐱᔅᑕᑦᓯᐅᓂᒃ, ᖃᖅᑯᐊᒐᓂᓗ ᐋᓪᒪᓐᓂᒃ.

ᐊᑕᓃᑦ ᓯᕗᓪᓖᑦ 10:10

ᓰᐸᒥᐅᑦ ᑯᐃᓐᖓᑦ ᑐᓂᓯᕗᖅ ᐊᖓᔪᖅᑳᕐᔪᐊᒧᑦ 10,000ᐸᐅᓂᑦ ᐅᖁᒤᓐᓂᕐᓴᓂᒃ ᒎᓗᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᐊᖏᔪᐊᓗᖕᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᑍᒫᒃ ᐊᖏᑎᒋᔪᓂᒃ ᓂᕿᓄᑦ ᐃᓚᐅᕈᑎᒃᓴᓂᒃ ᑐᓂᓯᔪᖃᒃᑲᓐᓂᓚᐅᕐᓯᒪᓐᖏᓚᖅ ᓰᐸᒥᐅᑦ ᑯᐃᓐᖓᑕ ᑐᓂᓚᐅᕐᑕᖏᑎᑐᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᐊᑕᓃᑦ ᓯᕗᓪᓖᑦ 10:2

ᔨᕉᓴᓕᒧᐊᕐᐳᖅ ᐃᓚᖃᕐᓗᓂ ᐅᓄᕐᑐᓂᒃ, ᑳᒥᓖᓪᓗ ᓇᖕᒪᒃᑎᓪᓗᓂᒋᑦ ᓂᕿᒧᑦ ᒪᒪᕐᓴᐅᑎᓂᒃ ᑕᑯᒥᓇᕐᓴᐅᑎᓂᒡᓗ ᒎᓗᓂᒡᓗ ᐊᖏᔪᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᓲᓗᒨᓂᒥᒃ ᑲᑎᓯᒐᒥ ᐅᖃᓪᓚᒡᕕᒋᕚ ᐃᓱᒪᒋᓯᒪᔭᓕᒫᒥᓂᒃ.

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 45:8

ᐊᓐᓄᕌᑎᑦ ᑎᐱᑎᕐᓯᒪᕗᑦ ᒧᕆᒥᒃ ᐋᓘᒥᒡᓗ ᑳᓯᐊᒥᒡᓗ. ᐊᖓᔪᖅᑳᕐᔪᐊᑉ ᐃᒡᓗᖏᓐᓂᑦ ᑑᒑᓂᒃ ᐱᐅᓴᕐᓯᒪᔪᓂᑦ, ᓄᖃᕐᑎᓕᖕᓂᓪᓗ ᓂᓪᓕᐊᑦᔪᑎᓂᑦ, ᖁᕕᐊᓱᒃᑎᑕᐅᕗᑎᑦ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐃᓐᖏᕈᑎᑦ 72:15

ᑖᓐᓇ ᐃᓅᔪᒫᕐᐳᖅ, ᒎᓗᐃ ᓰᐸᒥᑦ ᑐᓂᔭᐅᔪᒫᕐᐳᑦ ᑖᑦᓱᒧᖓ; ᑐᒃᓯᐅᑦᔭᐅᑦᓮᓐᓇᕈᒫᕐᐳᖅ, ᖃᐅᑕᒫᓪᓗ ᓂᕐᑐᕐᑕᐅᔪᒫᕐᐳᖅ.

ᐃᓐᖏᕈᑎᑦ 95:6

ᕾᓗᓯ, ᑐᒃᓯᐊᓕᕐᑕ ᐹᒻᒪᒡᓗᑕᓗ, ᓰᖅᑯᖓᓕᕐᑕ ᐊᑕᓂᕐᒧᑦ, ᓴᓇᔨᒋᓚᐅᕐᑕᑦᑎᓐᓄᑦ.

ᒨᓯᓯ ᐂᑉᐸᖏᑦ 30:23

“ᑎᐱᑦᓯᐊᕆᒃᓴᐅᑎᓂᒃ ᒪᒪᕐᓂᕐᐹᓂᒃ ᐱᔪᒃᓴᐅᕗᑎᑦ; ᐅᖁᒤᓐᓂᖃᕐᑐᓂᒃ 6ᑭᓗᒍᕌᒻᓂᒃ ᐃᒥᕐᒥᒃ ᒨᕐᒥᒃ, ᐱᖓᓱᓂᒃ ᑭᓗᒍᕌᒻᓂᒃ ᐅᖁᒤᓐᓂᖃᕐᑐᓂᒃ ᒪᒪᕐᑐᓂᒃ ᓯᓇᒪᓐᓂᒃ, ᐱᖓᓱᓂᒃ ᑭᓗᒍᕌᒻᓂᒃ ᐅᖁᒤᓐᓂᖃᕐᑐᓂᒃ ᒪᒪᕐᑐᓂᒃ ᑬᓂᓐᓂᒃ,

ᒨᓯᓯ ᐂᑉᐸᖏᑦ 30:34

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑎᐱᑦᓯᐊᕆᒃᓴᐅᑎᓂᒃ ᒪᒪᕐᑐᓂᒃ ᐱᓗᑎᑦ ᒪᑯᓂᖓ ᓯᑕᒃᑎᓂᒃ, ᐅᓁᑲᓂᒡᓗ, ᑲᐅᓪᐸᓅᒻᓂᒡᓗ, ᒪᒪᕐᑐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᕗᕅᖕᑭᓐᓯᓐᓯᒥᒃ ᐃᓚᓯᒪᖏᑦᑐᒥᒃ ᐃᓚᖃᕐᑎᓪᓗᒍ ᑕᒪᒃᑯᐊ ᐊᑐᓂᑦ ᑍᒤᓪᓗᐊᕐᑎᓪᓗᒋᑦ ᐊᖏᓂᖏᑦ ᐱᔪᒃᓴᐅᕗᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 3:6

ᑭᓇᐅᓇ ᐃᓄᖃᖏᑦᑐᒥᑦ ᑎᑭᑉᐸ? ᐳᔫᕐᑐᑎᑐᑦ ᖁᒻᒧᐊᒃᑐᑎᑐᑦ ᓲᕐᓗ, ᑎᐱᑦᓯᐊᕆᒃᓴᕐᓯᒪᓪᓗᓂ ᒧᕆᒥᒃ, ᕗᕌᑭᓐᓯᓐᓯᒥᒃᓗ, ᓂᐅᕕᕐᑎᑦᓯᔨᐅᕙᒃᑐᑦ ᑎᐱᑦᓯᐊᕆᒃᓴᐅᑎᖁᑎᓕᒫᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 60:6

ᑳᒧᓕᖕᓂᒃ ᓇᖕᒪᒃᑐᓂᒃ ᓄᓇᓯ ᑕᑕᑦᓱᒫᕐᐳᖅ, ᐱᕈᕇᕋᑖᕐᓂᕐᓂᒡᓗ ᑳᒥᓕᖕᓂᒃ ᒥᑎᐊᓂᒥᑦ ᐄᐸᒥᓪᓗ ᑎᑭᑦᑐᓂᒃ; ᓰᐸᐅᑉ ᓄᓇᓕᒫᖓᓂᑦ ᐱᔪᓄᑦ ᐅᓄᕐᑐᓄᑦ ᑎᑭᐅᑦᔨᕕᒋᔪᒫᕐᐹᓯ, ᒎᓗᓂᒃ ᐳᔫᕐᑎᑕᒐᕐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᓗᑎᒃ, ᐅᖃᐅᓯᖃᕐᓗᑎᒡᓗ ᐊᑕᓂᐅᑉ ᓂᕐᑐᕐᑕᐅᔪᒃᓴᐅᓂᖓᓂᒃ.

ᒨᓯᓯ ᐱᖓᔪᖏᑦ 6:15

ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 7:14

ᐊᑕᐅᓯᕐᒥᒃᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ;

ᒨᓯᓯ ᓯᑕᒪᖏᑦ 7:86

ᒍᓗᐃᑦ 12 ᐴᒍᑍᑦ ᐃᓐᓴᓯᒥᒃ ᑕᑕᑦᑐᑦ 0.8 ᐊᐅᓐᓯᔅᒥᒃ ᐅᖁᒤᓐᓂᖃᓚᐅᕐᐳᑦ ᐊᑐᓂᑦ, ᐃᑦᔪᕐᓁᑦᑐᕕᐅᑉ ᐅᖁᒤᓐᓂᕐᓯᐅᑎᖓ ᒪᓕᒡᓗᒍ; ᒎᓗᐃᑦ ᐅᖁᒤᓐᓂᖏᑦ ᑲᑎᓪᓗᒋᑦ 3ᐸᐅᓐᒥᒃ ᐅᖁᒤᓐᓂᖃᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 1:18

ᔩᓱᓯ ᙭ᔅᑑᓯᐅᑉ ᐃᕐᓂᐊᖑᓂᖓ ᐃᒫᒃ ᐱᓚᐅᕐᐳᖅ. ᐊᓈᓇᖓ ᒥᐊᕆ ᐅᐃᒃᓴᖃᓚᐅᕐᒪᑦ ᔫᓯᐱᒥᒃ, ᑲᑎᓚᐅᕋᑎᒡᓕ ᒥᐊᕆ ᖃᐅᔨᔭᐅᕗᖅ ᓄᑕᕋᒃᓴᖃᓕᕐᑐᖅ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᔪᒥᒃ;

ᒫᑎᐅᓯᐅᑉ ᐊᒡᓚᖏᑦ 12:46

ᔩᓱᓯ ᓱᓕ ᐅᖃᓪᓚᒃᑎᓪᓗᒍ ᐃᓄᖕᓄᑦ, ᑕᑯᒋᑦ, ᔩᓱᓯᐅᑉ ᐊᓈᓇᖓ ᖃᑕᓐᖑᑎᖏᓪᓗ ᑕᕝᕗᖓ ᑎᑭᑉᐳᑦ, ᐃᒡᓘᑉ ᓯᓚᑖᓃᓕᕋᒥᒃ, ᔩᓱᓯ ᐅᖃᐅᑦᔭᐅᖁᕚᑦ ᐅᖃᖃᑎᖃᕈᒪᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 14:33

ᐃᓕᓐᓂᐊᕐᑎᖏᑦ ᐅᒥᐊᒦᑦᑐᑦ ᓵᖓᓄᑦ ᐹᒻᒪᒃᑎᕐᐳᑦ, ᐅᖃᕐᓗᑎᒃ, “ᓱᓕᓪᓚᕆᒃᑐᒥᒃ ᒎᑎᐅᑉ ᐃᕐᓂᕆᕚᑎᑦ.”

ᒫᑎᐅᓯᐅᑉ ᐊᒡᓚᖏᑦ 2:10

ᑕᑯᒐᒥᑦᔪᒃ ᖁᕕᐊᓱᒻᒪᕆᒃᐳᑦ, ᐅᓪᓗᕆᐊᖅ ᓯᕗᓕᕆᕚᑦ, ᓄᑕᕋᑯᓘᑉ ᓇᔪᕐᑕᖓᑕ ᖁᓛᓄᐊᕋᒥ ᓄᖅᑲᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 2:2

ᐊᐱᕆᓪᓗᑎᒡᓗ, “ᔫᑎᑦ ᐊᖓᔪᖅᑳᕐᔪᐊᒃᓴᖓᑦ ᐃᕐᓂᐊᖑᓯᒪᔪᖅ ᓇᓃᑉᐹ? ᑖᑦᓱᒪ ᐅᓪᓗᕆᐊᖓ ᓴᖅᑭᓚᐅᕐᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑎᑭᑉᐳᒍᑦ ᐅᐱᒋᔭᕐᑐᕐᓗᒍ.”

ᓘᑲᓯᐅᑉ ᐊᒡᓚᖏᑦ 2:16

ᑐᐊᕕᕐᓗᑎᒃ ᐂᓕᕐᐳᑦ, ᓇᓂᓯᓪᓗᑎᒃ ᒥᐊᕆᒥᒃ ᔫᓯᐱᒥᒡᓗ, ᓄᑕᕋᑯᓗᖕᒥᒡᓗ ᐆᒪᔪᑦ ᓂᕆᕕᖓᓂ ᓇᓚᔪᒥᒃ.

ᓘᑲᓯᐅᑉ ᐊᒡᓚᖏᑦ 2:38

ᐃᑲᕐᕋᒥ ᑕᕝᕙᓂᑦᓮᓐᓇᖅ ᐃᑎᕐᐳᖅ ᒎᑎ ᓂᕐᑐᓕᕐᓗᒍ, ᓄᑕᕋᑯᓗᒃ ᐅᖃᐅᓯᕆᕚ ᐅᑕᖅᑭᔪᓕᒫᓄᑦ ᔨᕉᓴᓕᒻᒥᐅᓄᑦ ᐱᐅᓕᔭᐅᕕᒃᓴᐅᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 19:39

ᓂᑯᑎᒨᓯᑦᑕᐅᖅ, ᑕᕝᕗᓐᖓᕆᕗᖅ ᐅᓐᓄᐊᖑᑎᓪᓗᒍ ᔩᓱᓯᒧᐊᓚᐅᕐᓯᒪᔪᖅ, ᓇᒃᓴᕐᓗᓂ ᑎᐱᑦᓯᐊᕆᒃᑐᒥᒃ ᒪᕐᒥᒃ ᐋᓗᔅᒥᒡᓗ ᑲᑎᓯᒪᔪᒥᒃ, ᐅᖁᒤᓐᓂᖃᕐᑐᒥᒃ 100ᐸᐅᓐ ᖃᓂᒋᔮᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.