ᒫᑎᐅᓯᐅᑉ ᐊᒡᓚᖏᑦ 18:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐱᐅᓯᑦᓯᓐᓂᒃ ᐊᓯᑦᔨᕐᓗᓯ ᑭᓯᐊᓂᐅᕗᖅ ᓱᕈᓯᑯᓗᒃᑐᑦ ᑍᒤᓕᕐᓗᓯ, ᐊᓯᑦᔨᓐᖏᒃᑯᑦᓯ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᕐᓂᐊᖏᒻᒪᕆᒃᐳᓯ.

Aglait Ijjurnaittut

³ uqaqpuq, “Sulijumik uqautivassi, piusissinnik asijjirlusi kisianiuvuq surusikuluktut taimailirlusi, asijjinngikkussi Guutiup Ataniuvinganut itirunnarnianngimmarikpusi.

ᒫᑎᐅᓯᐅᑉ ᐊᒡᓚᖏᑦ 18:3 Iomraidhean Croise

ᐃᓐᖏᕈᑎᑦ 131:2

ᐃᓛᒃ ᑕᕐᓂᕋ ᐅᐃᒪᔮᕈᓐᓃᕐᐳᖅ ᐃᓂᓪᓚᑦᓯᐊᕐᓗᖓᓗ, ᓄᑕᕋᕐᑐᑦ ᐊᓈᓇᒥᓂᑦ ᐊᒫᒪᓚᐅᕐᓗᓂ ᐃᓂᓪᓚᑦᓯᐊᕐᑐᑎᑐᑦ, ᑍᒫᒃ ᑕᕐᓂᕋ ᓄᑕᕋᕐᑎᑐᑦ ᐊᒫᒪᒌᕐᑐᑎᑐᑦ ᐃᓂᓪᓚᖓᑦᓯᐊᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᒫᑎᐅᓯᐅᑉ ᐊᒡᓚᖏᑦ 13:15

ᐃᓱᒪᖏᑦ ᑭᒡᓕᖃᑦᓯᐊᕐᑎᑦᓯᔪᓐᓃᕐᒪᑕ, ᓯᐅᑎᖏᓪᓗ ᑐᓵᑦᓯᐊᕈᓐᓃᕐᓗᑎᒃ. ᓯᑯᓐᖏᖓᓪᓗᑎᒡᓗ, ᓯᑯᓐᖏᖏᒃᑯᑎᒃ ᑕᑯᑐᐃᓐᓇᕆᐊᖃᕋᒥᒃ, ᓯᐅᑎᒥᖕᓄᓪᓗ ᑐᓵᑐᐃᓐᓇᕆᐊᖃᕋᒥᒃ, ᐆᒻᒪᑎᒥᒍᓪᓗ ᑐᑭᓯᑐᐃᓐᓇᕆᐊᖃᕋᒥᒃ, ᐅᕙᓐᓄᓪᓗ ᓵᒋᐊᑐᐃᓐᓇᕆᐊᖃᕋᒥᒃ ᐅᕙᖓᓗ ᐋᖅᑭᒃᑲᔭᕐᐸᒃᑲ.’

ᒫᑎᐅᓯᐅᑉ ᐊᒡᓚᖏᑦ 18:2

ᔩᓱᓯ ᓱᕈᓯᕐᒥᒃ ᕾᖁᔨᕗᖅ, ᑖᒃᑯᐊ ᓵᖓᓄᑦ ᓂᑯᕕᑎᓪᓗᒍ,

ᒫᑎᐅᓯᐅᑉ ᐊᒡᓚᖏᑦ 18:4

ᐃᒻᒥᓂᒃ ᒥᑭᒡᓕᑎᕐᑐᖅ ᐆᑐᓇᖅ ᓱᕈᓯᑯᓗᒃᑎᑐᓪᓗ ᑍᒤᓕᕐᓗᓂ, ᑖᓐᓇ ᒎᑎᐅᑉ ᐊᑕᓂᐅᕕᖓᓂ ᐱᓪᓚᕆᐅᓂᕐᐸᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 19:14

ᔩᓱᓯ ᐅᖃᕐᐳᖅ, “ᓱᕈᓯᑯᓗᐃᑦ ᐅᕙᓐᓄᑦ ᕾᑎᑕᐅᓕᑦ, ᐊᒡᕕᐊᖏᓪᓗᓯᐅᒃ; ᑍᒤᑦᑐᓄᑦ ᒎᑎᐅᑉ ᐊᑕᓂᐅᕕᖓ ᐱᒋᔭᐅᖕᒪᑦ.”

ᒫᑎᐅᓯᐅᑉ ᐊᒡᓚᖏᑦ 19:23

ᔩᓱᓯ ᐃᓕᓐᓂᐊᕐᑎᒥᓄᑦ ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓄᖕᓄᑦ ᐊᔪᕐᓴᖏᑦᑐᓄᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕆᐊᒃᓴᖅ ᐊᔪᕐᓇᑲᓴᖕᓂᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:18

ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 5:20

ᐅᖃᐅᑎᕙᑦᓯᓕ ᐃᒫᒃ: ᒎᑎᐅᑉ ᐊᑕᓂᐅᕕᖓᓄᐊᕈᓐᓇᕐᓂᐊᕐᐳᓯ, ᑭᓯᐊᓂ ᐱᖁᔭᓂᒃ ᐃᓕᓮᔨᓂᑦ ᐹᕆᓯᓂᓪᓗ ᐊᑐᑦᓯᐊᕐᓂᕐᓴᐅᒍᑦᓯ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:2

“ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:5

“ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

ᒫᑯᓯᐅᑉ ᐊᒡᓚᖏᑦ 4:12

ᑍᒪ, ‘ᐃᔨᒥᖕᓄᑦ ᑕᑯᒐᓗᐊᕐᓗᑎᒃ, ᐃᓕᑕᕐᓯᖁᓇᒋᑦ, ᓯᐅᑎᒥᖕᓄᓪᓗ ᑐᓵᒐᓗᐊᕐᓗᑎᒃ, ᑐᑭᓯᖁᓇᒋᑦ; ᑍᒤᓐᖏᒃᑯᑎᒃ ᒎᑎᒧᑦ ᓵᒋᐊᕋᔭᕐᒪᑕ, ᑖᑦᓱᒪ ᐃᓱᒪᒋᔪᓐᓁᕐᕕᒋᒐᔭᕐᒪᒋᑦ ᐊᔪᕐᓂᖏᓐᓂᑦ.’”

ᓘᑲᓯᐅᑉ ᐊᒡᓚᖏᑦ 13:24

“ᐊᒃᓱᕈᕆᑦᓯ ᐃᑎᕐᕕᑭᑦᑐᒃᑯᑦ ᐃᑎᕋᓱᐊᕐᓗᓯ; ᐊᒥᓱᑦ ᐃᑎᕋᓱᐊᕐᓂᐊᕐᒪᑕ ᐃᑎᕈᓐᓇᕐᓂᐊᕋᑎᒡᓗ.

ᓘᑲᓯᐅᑉ ᐊᒡᓚᖏᑦ 22:32

ᑐᒃᓯᐊᓚᐅᕐᐳᖓᓕ ᐅᒃᐱᕐᓃᑦ ᓵᓚᐅᖁᓇᒍ; ᐅᑎᕈᕕᑦ ᐅᕙᓐᓄᑦ, ᐃᓅᖃᑎᕕᑦ ᐅᒃᐱᕐᓂᕐᖏᑦ ᒪᑭᑎᒃᑲᓐᓂᕆᐊᖃᓛᕐᐸᑎᑦ.”

ᔪᐊᓇᓯᐅᑉ ᐊᒡᓚᖏᑦ 1:51

ᐅᖃᐅᑎᓪᓗᒋᓪᓗ, “ᓱᓕᑦᓯᐊᕐᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᕐᑐᖅ ᑕᑯᔪᒫᕐᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᕐᑐᑦ ᐊᖅᑲᕐᑎᕐᑐᓪᓗ ᐃᓅᑉ ᐃᕐᓂᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 3:3

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.”

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:27

ᐃᓄᐃᑦ ᐅᑯᐊ ᐃᓱᒪᖏᑦ ᓯᑎᔪᐊᓘᓕᕐᒪᑕ, ᓯᐅᑎᖏᓪᓗ ᑐᓵᑦᓯᐊᖏᑦᑐᐊᓘᓕᕐᓗᑎᒃ, ᐃᔨᖏᓪᓗ ᓯᑯᓐᖏᖓᓪᓗᑎᒃ; ᑍᒤᖏᒃᑯᑎᒃ ᑕᑯᓂᐅᓴᒐᒥᒃ, ᓯᐅᑎᒥᖕᓄᓪᓗ ᑐᓵᓕᕋᔭᕋᒥᒃ, ᐆᒻᒪᑎᒥᒃᑎᒍᓪᓗ ᑐᑭᓯᐊᓕᕐᓗᑎᒃ, ᐅᕙᓐᓄᓪᓗ ᓵᒋᐊᕋᔭᕐᐳᑦ ᐅᕙᖓᓗ ᐋᖅᑭᒃᑲᔭᕋᒃᑭᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᐲᑦᑐᕉᓯ ᐂᑉᐸᖏᑦ 1:11

ᐱᕕᒃᓴᖃᕐᑎᑕᐅᑦᓯᐊᕐᓂᐊᕐᐳᓯᓗ ᐃᑎᕐᕕᒃᓴᕐᑖᖁᓪᓗᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᐅᓕᔨᑦᑕ ᐊᑕᓂᐅᕕᖓᓄᑦ ᐃᓱᖃᖏᑦᑐᒧᑦ.