ᒫᑎᐅᓯᐅᑉ ᐊᒡᓚᖏᑦ 17:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᒋᑦ, ᑖᒃᑯᓄᖓ ᓴᖅᑭᑦᑐᖃᕐᐳᖅ ᒨᓯᓯᒥᒃ ᐃᓔᑦᔭᒥᒡᓗ ᔩᓱᓯᒥᒃ ᐅᖃᖃᑎᖃᕐᑑᖕᓂᒃ.

Aglait Ijjurnaittut

³ Takugit, taakkununga saqqittuqaqpuq Muusisimik Ilaijjamiglu Jiisusimik uqaqatiqaqtuungnik.

ᒫᑎᐅᓯᐅᑉ ᐊᒡᓚᖏᑦ 17:3 Iomraidhean Croise

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᒪᓚᑬᑉ ᐊᒡᓚᖏᑦ 4:5

“ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 17:4

ᐲᑦᑐᕉᓯ ᐅᖃᕐᐳᖅ ᔩᓱᓯᒧᑦ, “ᐊᑕᓃᖅ, ᑕᕝᕙᓂ ᖁᕕᐊᓇᓗᐊᓕᕐᒪᑦ; ᐱᔪᒪᒍᕕᑦ, ᑕᕝᕙᓂ ᓯᓂᒃᑕᕐᕕᓕᐅᕈᒪᕗᖓ ᐱᖓᓱᓂᒃ, ᐃᓕᖕᓄᑦ, ᒨᓯᓯᒧᓪᓗ, ᐃᓔᑦᔭᒧᓪᓗ.”

ᒫᑯᓯᐅᑉ ᐊᒡᓚᖏᑦ 9:4

ᑖᒃᑯᓄᖓ ᓴᖅᑭᑦᑐᖃᕐᐳᖅ ᐃᓔᑦᔭᒥᒃ ᒨᓯᓯᒥᒡᓗ; ᐅᖃᖃᑎᖃᓕᕐᓗᑎᒃ ᔩᓱᓯᒥᒃ.

ᓘᑲᓯᐅᑉ ᐊᒡᓚᖏᑦ 1:17

ᐊᓂᕐᓂᖃᕐᓗᓂ ᐱᔪᓐᓇᕐᓂᖃᕐᓗᓂᓗ ᓇᓚᐅᑦᑍᔪᑐᑦ ᐃᓔᑦᔭᑐᑦ, ᐊᑖᑕᐅᔪᑦ ᐃᓱᒪᒋᔭᖃᑦᓯᐊᓕᕐᑎᑦᓱᒫᕐᐰᑦ ᕿᑐᕐᖓᒥᖕᓂᒃ; ᓈᓚᖏᑦᑐᓪᓗ ᐅᑎᕐᑎᑦᓱᒫᕐᓗᒋᑦ ᓯᓚᑐᔪᒥᒃ ᐃᓱᒪᖃᓕᕐᑎᓪᓗᒋᑦ; ᐊᑕᓂᐅᑉ ᐃᓄᖁᑎᖏᑦ ᐅᐸᓗᖕᒊᔭᕐᓗᒋᑦ ᑖᑦᓱᒧᖓ.”

ᓘᑲᓯᐅᑉ ᐊᒡᓚᖏᑦ 16:16

“ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᓚᐅᕐᐳᑦ ᔪᐊᓇᓯ ᐹᑉᑎᑎᕆᔨ ᑎᑭᓪᓗᒍ; ᑭᖑᓂᖓᒍᑦ ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕐᑐᑦ ᐅᖃᐅᓯᐅᓕᕐᐳᑦ, ᐅᓄᕐᑐᐊᓗᐃᑦ ᐊᔪᐃᓐᓇᕐᓗᑎᒃ ᐃᑎᕋᓱᓕᕐᒪᑕ.

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᓘᑲᓯᐅᑉ ᐊᒡᓚᖏᑦ 9:33

ᕿᒪᕉᑎᓕᕐᒪᑎᒃ ᔩᓱᓯᒥᑦ, ᐲᑦᑐᕉᓯ ᐅᖃᕐᐳᖅ, “ᐊᔪᕆᕐᑐᐃᔩ, ᐅᕙᓃᓐᓂᕗᑦ ᖁᕕᐊᓇᕐᑐᐊᓘᕗᖅ; ᓯᓂᒃᑕᕕᓕᐅᓚᐅᕐᑕ ᐱᖓᓱᓂᒃ, ᐃᓕᖕᓄᑦ ᒨᓯᓯᒧᓪᓗ ᐃᓔᑦᔭᒧᓪᓗ”, ᑍᒫᒃ ᐅᖃᕋᓗᐊᕋᒥ ᐃᒻᒥᓂᒃ ᐃᒃᐱᒋᓚᐅᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᒨᓯᓯ ᑕᓪᓕᒪᖏᑦ 18:18

ᐱᔪᖃᓛᕐᑐᒥᒡᓕ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᒃᑲ ᐃᓕᒃᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᖏᓐᓂᑦ ᐱᓯᒪᔪᒥᒃ; ᖃᓂᖓᓄᓪᓗ ᐅᖃᐅᓯᒃᓴᖏᓐᓂᒃ ᐃᓕᓯᔪᒫᕐᐳᖓ, ᐃᓄᖕᓂᒡᓗ ᐅᖃᐅᑦᔨᔪᒫᕐᐳᖅ ᐅᖃᐅᓯᕆᔭᐅᖁᔭᓕᒫᓐᓂᒃ.

ᒨᓯᓯ ᑕᓪᓕᒪᖏᑦ 34:10

ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.