ᒫᑎᐅᓯᐅᑉ ᐊᒡᓚᖏᑦ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

Aglait Ijjurnaittut

²¹ Irnirmik irnijumaaqpuq, taanna Jiisusimik atiqtaaqtilaaqpat, taassuma inuqutini piulijumaarmagit ajurninginnit.”

ᒫᑎᐅᓯᐅᑉ ᐊᒡᓚᖏᑦ 1:21 Iomraidhean Croise

ᒨᓯᓯ ᓯᕗᓪᓖᑦ 17:19

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᒨᓯᓯ ᓯᕗᓪᓖᑦ 17:21

ᐊᖏᖃᑎᒌᒍᑎᒐᓕ ᑲᔪᓯᑎᑦᓱᒫᕐᐸᕋ ᐂᓴᑭᒃᑯᑦ, ᐊᕐᕌᒍᑉᐸᑦ ᐃᓅᔪᒫᕐᐳᖅ ᓵᕋᒃᑯᑦ, ᑕᒪᓐᓇ ᐊᑐᕐᑐᖅ ᓇᓪᓕᐅᑎᖕᒥᒃᐸᑦ ᐊᕐᕌᒎᔪᒫᕐᑐᖅ.”

ᒨᓯᓯ ᓯᕗᓪᓖᑦ 18:10

ᑖᒃᑯᐊᓗ ᐃᓚᖓᑦᑕ ᐅᖃᐅᑎᕚ, “ᐱᕕᒃᓴᖅ ᓇᓪᓕᐅᑎᒃᐸᑦ ᐅᑎᓛᕆᕗᖓ, ᓄᓕᐊᓪᓗ ᓵᕋ ᐃᕐᓂᕐᑖᓛᕐᐳᖅ.” ᓵᕋᓗ ᐂᑉᕋᕼᐋᒻ ᑐᓄᐊᓂ ᑐᐱᐅᑉ ᐹᖓᑕ ᐃᓗᐊᓃᑉᐳᖅ ᑐᓵᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 1:25

ᑲᑎᒪᑐᐃᓐᓇᓚᐅᕐᐹᓕ, ᐊᒃᑐᓚᐅᕐᓇᒍ, ᐃᕐᓂᕐᒥᒃ ᐃᕐᓂᓚᐅᖅᑳᕐᑎᓐᓇᒍ; ᐃᓅᖕᒪᓪᓗ ᐊᑎᕐᑖᕐᑎᑉᐹ ᔩᓱᓯᒥᒃ.

ᓘᑲᓯᐅᑉ ᐊᒡᓚᖏᑦ 1:13

ᐂᖏᓕᐅᑉ ᐅᖃᐅᑎᕚ, “ᓴᑲᕅᐊ ᑲᑉᐱᐊᓱᖏᓪᓗᑎᑦ, ᒎᑎᐅᑉ ᑐᒃᓯᐊᕐᓃᑦ ᑐᓴᕐᐹ, ᓄᓕᐊᑦ ᐃᓕᓴᐱ ᐃᕐᓂᕐᑖᓛᕐᐳᖅ, ᑖᓐᓇ ᔪᐊᓇᓯᒥᒃ ᐊᑎᕐᑕᑎᑕᒃᓴᕆᕙᑦ.

ᓘᑲᓯᐅᑉ ᐊᒡᓚᖏᑦ 1:31

ᑕᑯᒋᑦ, ᓄᑕᕋᒃᓴᖃᓕᕐᓂᐊᕐᐳᑎᑦ ᐃᕐᓂᕐᑖᕈᒫᕐᓗᑎᓪᓗ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ.

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᓘᑲᓯᐅᑉ ᐊᒡᓚᖏᑦ 2:21

ᐅᓪᓗᐃᑦ ᓯᑕᒪᐅᔪᕐᑐᑦ ᐊᓂᒍᕐᒪᑕ, ᑭᐱᔭᐅᕕᒃᓴᖓ ᓇᓪᓕᐅᑎᖕᒪᑦ, ᐊᑦᑎᕐᑕᐅᕗᖅ ᔩᓱᓯᒥᒃ, ᐂᖏᓕᐅᑦ ᑍᒫᒃ ᐊᑎᖃᖁᓚᐅᕐᒪᒍ ᓄᑕᕋᒃᓴᕆᔭᐅᓚᐅᕐᑎᓐᓇᒍ ᓱᓕ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 4:42

ᐊᕐᓇᒧᑦ ᐅᖃᕐᐳᑦ, “ᒫᓐᓇ ᐅᒃᐱᓕᕐᐳᒍᑦ ᐅᖃᐅᓯᕐᑎᑦ ᐱᑦᔪᑎᒋᑐᐃᓐᓇᕐᓇᒋᑦ, ᐅᕙᒍᓪᓕ ᓇᖕᒥᓂᖅ ᑐᓴᕋᑦᑎᒍ, ᑐᑭᓯᓪᓗᑕᓗ ᐃᓛᒃ ᑖᓐᓇ ᓱᓕᔪᒥᒃ ᐱᐅᓕᔨᐅᖕᒪᑦ ᓯᓚᕐᔪᐊᕐᒥᐅᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:23

ᑍᕕᑎᐅᑉ ᑭᖑᕚᖓ ᐃᓴᕆᐊᓕᒥᐅᓄᑦ ᒎᑎᐅᑉ ᐱᐅᓕᔨᓐᖑᕐᑎᓚᐅᕐᐹ, ᔩᓱᓯ, ᑍᒫᒃ ᐱᓂᐊᕐᓂᕋᕐᓯᒪᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 3:26

ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 3:5

ᖃᐅᔨᒪᕗᓯ ᑖᓐᓇ ᓴᖅᑭᑎᑕᐅᓚᐅᕐᒪᑦ ᐊᔪᕐᓂᕗᑦ ᐲᔭᕆᐊᕐᑐᕐᓗᒋᑦ. ᑖᑦᓱᒪᓂᓗ ᐊᔪᕐᓂᕐᑕᖃᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 13:3

ᐊᑕᓂᐅᑉ ᐂᖏᓕᖓ ᐊᕐᓇᒧᑦ ᓴᖅᑭᑉᐳᖅ ᐅᖃᐅᑎᓪᓗᒍᓗ, “ᒫᓐᓇ ᕿᑐᕐᖏᓱᐃᑦᑑᒐᓗᐊᕐᑐᑎᑦ ᕿᑐᕐᖓᖃᕋᑎᓪᓗ, ᓯᖎᓕᕐᓂᐊᕐᐳᑎᓪᓕ ᐃᕐᓂᕐᑖᕐᓗᑎᓪᓗ.

ᓴᒧᐃᓕ ᓯᕗᓪᓖᑦ 1:20

ᑕᒪᑐᒪ ᑭᖑᓂᖓᒍᑦ ᕼᐋᓇ ᓄᑕᕋᒃᓴᕐᑖᕐᐳᖅ, ᕿᑐᕐᖓᕐᑖᕐᕕᒃᓴᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ, ᐊᑦᓯᕐᐹᓗ ᓴᒧᐃᓕᒥ, ᐅᖃᕐᓗᓂ, “ᐊᑕᓂᖅ ᕿᓄᕕᒋᓚᐅᕋᒃᑯ ᑖᑦᓱᒥᖓ.”