ᒫᑎᐅᓯᐅᑉ ᐊᒡᓚᖏᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᔪᓮᐊᐅᑉ ᐃᕐᓂᕐᑖᕆᕚ ᔨᑯᓁᐊ ᖃᑕᓐᖑᑎᖏᓪᓗ, ᑕᕝᕙᓂ ᐹᐱᓘᓂᒧᑦ ᐊᐅᓪᓚᕈᑦᔭᐅᓕᓚᐅᕐᐳᑦ.

Aglait Ijjurnaittut

¹¹ Jusaiaup irniqtaarivaa Jikunaia qatanngutingillu, tavvani Paapiluunimut aullarujjaulilauqput.

ᒫᑎᐅᓯᐅᑉ ᐊᒡᓚᖏᑦ 1:11 Iomraidhean Croise

ᐊᑕᓃᑦ ᐂᑉᐸᖏᑦ 23:31

ᔨᕼᐅᐊᕼᐊᔨ 23ᓂᒃ ᐊᕐᕌᒍᖃᓚᐅᕐᐳᖅ ᐊᖓᔪᖅᑳᕐᔪᐊᓐᖑᕐᑎᑕᐅᓪᓗᓂ, ᐊᖓᔪᖅᑳᕐᔪᐊᕆᔭᐅᓚᐅᕐᐳᕐᓗ ᔨᕉᓴᓕᒥ ᑕᖅᑭᓂᒃ ᐱᖓᓱᓂᒃ. ᐊᓈᓇᖓ ᐊᑎᖃᕐᐳᖅ ᕼᐊᒧᑕᓕᒥᒃ ᔨᕆᒤᐊᐅᑉ ᐸᓂᖓ ᓕᑉᓇᒥᐅᑕᖅ.

ᐊᑕᓃᑦ ᐂᑉᐸᖏᑦ 24:14

ᓂᐱᑯᓁᓴᐅᑉ ᔨᕉᓴᓕᒥᐅᑦ ᐃᓄᓕᒫᖏᑦ ᑎᒍᓪᓗᒋᑦ ᐊᐅᓪᓚᕈᑎᕔᑦ, ᐊᖓᔪᖅᑳᕐᔪᐊᑉ ᕿᑐᕐᖓᓕᒫᖏᑦ, ᓯᕗᓕᕐᑎᖁᑎᖏᓪᓗ ᑲᑎᓪᓗᒋᑦ 10,000ᓚᐅᕐᐳᑦ ᑎᒍᔭᓕᒫᖏᑦ, ᓴᓇᔨᖁᑎᓕᒫᖏᓪᓗ ᓱᓇᑐᐃᓐᓇᕐᓂᒃ ᓴᕕᕋᔭᓕᕆᔩᓪᓗ ᐱᖃᑕᐅᑎᓪᓗᒋᑦ; ᑕᒪᒃᑯᐊ ᐊᔪᕐᓴᕐᑐᑦ ᑭᓯᐊᓂ ᐱᓐᖏᑕᑐᐊᕆᓪᓗᒋᑦ ᕿᒪᒃᑕᐅᑎᑉᐰᑦ.

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᑯᕉᓂᑲ ᐂᑉᐸᖏᑦ 36:10

ᐊᕐᕌᒎᑉ ᐱᒋᐊᕐᓂᖓᓂ ᐊᖓᔪᖅᑳᕐᔪᐊᖅ ᓂᐱᑯᓁᓴ ᑎᓕᓯᓪᓗᓂ ᑎᒍᔭᐅᑎᑉᐹ ᐹᐱᓘᓂᒧᐊᕈᑦᔭᐅᑎᓪᓗᒍᓗ, ᐱᒃᑯᒥᓇᕐᑐᑦ ᐱᖁᑏᑦ ᐊᑕᓂᐅᑉ ᐃᒡᓗᖓᓂᑦ ᓇᒃᓴᕐᑕᐅᑎᓪᓗᒋᑦ, ᔨᑎᑬᐊᓗ, ᔨᕼᐅᐃᐊᑭᐅᑉ ᖃᑕᓐᖑᑎᖓ ᐊᖓᔪᖅᑳᕐᔪᐊᓐᖑᕐᑎᑉᐹ ᔫᑕᒧᑦ ᔨᕉᓴᓕᒧᓪᓗ.

ᑯᕉᓂᑲ ᐂᑉᐸᖏᑦ 36:20

ᓴᕕᒡᔪᐊᒧᓪᓗ ᑐᖁᑕᐅᖏᑦᑐᓕᒫᑦ ᐊᐅᓪᓚᕈᑎᕔᑦ ᐹᐱᓘᓂᒧᑦ, ᑖᑦᓱᒧᖓᓗ ᐱᔨᐅᓕᕐᐳᑦ ᐃᕐᓂᖏᓐᓄᓪᓗ ᐴᕐᓯᐊᒥᐅᑉ ᐊᖓᔪᖅᑲᐅᕕᖓ ᐊᐅᓚᑦᓯᓕᓚᐅᕐᑎᓐᓇᒍ.

ᐂᓮᐊᓯᐅᑉ ᐊᒡᓚᖏᑦ 13:1

ᐅᑯᐊ ᐅᖃᐅᓰᑦ ᐹᐱᓘᓂᒧᑦ ᑐᕌᖓᔪᑦ, ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᓚᐅᕐᑕᖏᑦ.

ᔨᕆᒤᐊᐅᑉ ᐊᒡᓚᖏᑦ 27:20

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕈᑎᓚᐅᓐᖏᑕᖏᑦ ᐊᐅᓪᓚᕈᑦᔨᓕᕐᓗᓂ ᔨᕼᐅᐃᐊᑭᒥᒃ ᔨᕉᓴᓕᒥᑦ ᐱᔭᐅᑎᓪᓗᒋᑦ, ᐅᑯᐊ ᔨᕼᐅᐃᐊᑭᐅᑉ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᐃᕐᓂᖓ ᔨᑯᓁᐊ ᐊᖓᔪᖅᑳᖁᑎᓕᒫᖏᓪᓗ ᐃᓚᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 1:12

ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓂᑦ ᑭᖑᕚᕇᑦ ᑎᑎᕋᕐᓯᒪᒋᕗᑦ; ᔨᑯᓁᐊᐅᑉ ᐃᕐᓂᕐᑖᕆᕚ ᓯᐊᓪᑎᐅᓪ, ᓯᐊᓪᑎᐅᓕᐅᑉ ᐃᕐᓂᕐᑖᕆᕚ ᔨᕈᐸᐱᐅᓪ,

ᒫᑎᐅᓯᐅᑉ ᐊᒡᓚᖏᑦ 1:17

ᑕᕝᕙ ᐂᑉᕋᕼᐋᒻᒥᑦ ᑍᕕᑎ ᑎᑭᓪᓗᒍ ᐃᕐᓂᕇᑦ 14ᖑᕗᑦ, ᑍᕕᑎᒥᓪᓗ ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓐᓄᑦ ᑎᑭᓪᓗᒍ ᐃᕐᓂᕇᑦ 14ᖑᒋᕗᑦ, ᐹᐱᓘᓂᒧᓪᓗ ᐊᐅᓪᓚᕈᑦᔭᐅᓂᖓᓂᑦ ᙭ᔅᑑᓯᐅᑉ ᐃᕐᓂᐊᖑᓂᖓ ᑎᑭᓪᓗᒍ ᐃᕐᓂᕇᑦ 14ᖑᒋᕗᑦ.