ᒪᓚᑬᑉ ᐊᒡᓚᖏᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑖᑕᐅᔪᓪᓗ ᐆᒻᒪᑎᖏᑦ ᕿᑐᕐᖓᒥᓄᑦ ᓵᑎᑦᓱᒫᕐᐰᑦ, ᕿᑐᕐᖓᐅᔪᓪᓗ ᐆᒻᒪᑎᖏᑦ ᐊᑖᑕᖏᓐᓄᑦ ᓵᑎᓪᓗᒋᑦ, ᑍᒤᓐᓂᐊᖏᑉᐸᑕ ᑎᑭᓪᓗᖓ ᓄᓇᓯ ᓱᒋᐊᕈᒫᕐᐸᕋ.”

ᒪᓚᑬᑉ ᐊᒡᓚᖏᑦ 4:6 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 40:3

ᓂᐱᒥᒃ ᑐᓴᕐᓴᐅᔪᖃᕐᐳᖅ ᐃᓄᖃᖏᑦᑐᒥ: “ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ; ᓱᓇᖃᔪᐃᑦᑐᒃᑯᑦ ᑐᑭᓕᐊᕐᑐᒥᒃ ᐊᖅᑯᑎᓕᐅᓕᕆᑦᓯ ᒎᑎᑦᑕ ᐊᑐᕐᓂᐊᕐᑕᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 43:28

ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᓴᑲᕅᐊᐅᑉ ᐊᒡᓚᖏᑦ 11:6

ᐃᓄᐃᑦ ᑕᒫᓂ ᓄᓇᖃᕐᑐᑦ ᓂᑲᒋᓂᐊᕈᓁᕐᐸᒃᑲ, ᐊᑕᓂᖅ ᐅᖃᕐᐳᖅ: ᑕᒤᑕ ᓴᓂᓪᓕᖏᓐᓄᑦ ᑐᓂᔪᒪᕙᒃᑲ ᐊᖓᔪᖅᑳᕐᔪᐊᖓᓐᓄᓪᓗ: ᑖᒃᑯᓇᓐᖓᑦ ᓄᓇᖓᑦ ᐱᓕᕆᐊᖑᔪᒫᕐᒪᑦ, ᑖᒃᑯᓇᖓᓪᓗ ᓴᐳᑎᓂᐊᓐᖏᓚᒃᑲ.

ᓴᑲᕅᐊᐅᑉ ᐊᒡᓚᖏᑦ 13:8

ᓄᓇᒥ ᑕᒫᓂ ᓄᓇᖃᕐᑐᓕᒫᑦ, ᐊᑕᓂᖅ ᐅᖃᕐᐳᖅ, ᐱᖓᓱᐃᓕᓗᒋᑦ, ᒪᕐᕉᒃ ᐊᓇᐅᔭᐅᕘᒃ ᑐᖁᓪᓗᑎᒡᓗ; ᐱᖓᔪᖓᓪᓕ ᐊᒥᐊᒃᑰᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 14:12

ᑕᕝᕙ ᔨᕉᓴᓕᒥᒃ ᐊᑭᕋᕐᑐᕋᓱᒃᑐᑦ ᓄᓇᐅᑉ ᐊᓯᖏᓐᓂᑦ ᐱᓯᒪᔪᑦ ᐊᑕᓂᐅᑉ ᐃᒫᒃ ᐋᓐᓂᐊᓇᕐᑐᖃᕐᑎᑦᓱᒫᕐᐰᑦ; ᐅᕕᓂᖏᑦ ᓄᖑᔪᒫᕐᐳᑦ ᓂᑯᕕᖓᑎᓪᓗᒋᑦ ᓱᓕ, ᐃᔨᖏᓪᓗ ᓄᖑᔪᒫᕐᐳᑦ ᐃᔨᓕᕐᕕᖏᓐᓂᑦ, ᐅᖃᖏᓪᓗ ᓄᖑᓪᓗᑎᒃ ᖃᓂᖏᓐᓂᑦ.

ᓴᑲᕅᐊᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᑲᑎᑎᑦᓱᒫᕐᐸᒃᑲ ᐅᓇᑕᕆᐊᕐᑐᖁᓗᒋᑦ ᔨᕉᓴᓕᒥᒃ; ᓄᓇᓖᑦ ᓵᓚᒋᔭᐅᔪᒫᕐᐳᑦ, ᐃᒡᓗᐃᑦ ᐱᖁᑎᖏᑦ ᓱᕋᑦᑎᔭᐅᓗᑎᒃ ᑎᒡᓕᒐᕐᕕᐅᓗᑎᒡᓗ, ᐊᕐᓁᓪᓗ ᖁᓄᔪᕐᓂᐊᕐᑕᐅᓗᑎᒃ. ᓄᓇᓖᑦ ᐊᕝᕙᓪᓗᐊᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᐃᓚᖏᓪᓕ ᐊᒥᐊᒃᑯᑦ ᐃᒡᓗᒐᓴᒡᔪᐊᕐᓃᖏᓐᓇᕈᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 5:3

ᐅᖃᐅᑎᕚᖓᓗ, “ᑖᒃᑯᓇᓂ ᓱᒋᐊᕐᑕᐅᑦᔪᑎᒃᓮᑦ ᑕᒫᓂ ᓄᓇᖃᕐᑐᓕᒫᓄᑦ ᑎᑎᕋᕐᓯᒪᕗᑦ; ᐃᒫᒃ ᑎᑎᖅᑲᑦ ᐃᒡᓗᐊᓂ ᑎᑎᕋᕐᓯᒪᖕᒪᑦ, ᑎᒡᓕᒃᐸᒃᑐᑦ ᓄᓇᒥᑦ ᐊᐅᓪᓚᕐᑎᑕᐅᔪᒫᕐᐳᑦ; ᑎᑎᖅᑲᓪᓗ ᑖᒃᑯᐊ ᑐᓄᐊᓂ ᐃᒤᓕᖓᒋᕗᑦ; ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᑦ ᐊᐅᓪᓚᕐᑎᑕᐅᔪᒫᕆᕗᑦ.

ᒫᑎᐅᓯᐅᑉ ᐊᒡᓚᖏᑦ 22:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᒃᑐᐊᓘᕗᖅ; ᐅᓇᑕᕐᑐᒃᓴᖁᑎᓂ ᑎᓕᕔᑦ ᑍᒃᑯᐊ ᐃᓄᐊᕐᑐᑦ ᑐᖁᑕᐅᖁᓪᓗᒋᑦ ᐃᒡᓗᒐᓴᖏᓪᓗ ᐃᑯᐊᓪᓚᒃᑕᐅᓗᑎᒃ.

ᒫᑯᓯᐅᑉ ᐊᒡᓚᖏᑦ 11:21

ᐲᑦᑐᕉᓯ ᐃᖅᑲᐅᒪᒐᒥ ᖃᓄᐃᓕᓚᐅᕐᒪᖔᑦ ᔩᓱᓯ ᑖᑦᓱᒧᖓ ᓇᐹᕐᑐᒧᑦ, ᐅᖃᐅᑎᕚ, “ᕌᐰ, ᑕᑯᒋᑦ! ᓇᐹᕐᑐᖅ ᐱᒋᓕᖕᓂᒃ ᐸᐅᕐᖓᓕᒃᓴᖅ ᐱᕈᕐᕕᐅᓂᐊᕈᓐᓃᕐᓂᕋᓚᐅᕐᑍᑦ ᐸᓂᕐᓂᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:76

ᐃᓛᒃ ᐃᕝᕕᑦ ᓄᑕᕋᖅ, ᑍᔭᐅᔪᒫᕐᐳᑎᑦ ᖁᑦᓯᖕᓂᕐᐸᑉ ᓇᓚᐅᑍᔪᖁᑎᖓᓂᒃ; ᐊᑕᓂᐅᑉ ᓯᕗᓕᕆᔪᒫᕐᒪᑎᑦ ᐊᖅᑯᑎᒃᓴᖓᓂᒃ ᐋᖅᑭᒃᓱᐃᓗᑎᑦ,

ᐄᑉᕈᐃᓄᑦ 6:8

ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:3

ᑕᕝᕙᓂ ᐃᒡᓗᒐᓴᖕᓂ ᐆᒥᓇᕐᑎᑕᐅᓯᒪᔪᖃᕐᓂᐊᕈᓐᓃᕐᐳᖅ ᓱᓇᒥᒡᓘᓐᓃᑦ. ᒎᑎᐅᓪᓕ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓ ᑕᕝᕙᑑᔪᒫᕐᐳᖅ ᑕᕝᕙᓂ, ᐱᔨᖏᑕᓗ ᐅᐱᒌᓐᓇᕈᒫᕐᐹᑦ;