ᒪᓚᑬᑉ ᐊᒡᓚᖏᑦ 4:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒪᓚᑬᑉ ᐊᒡᓚᖏᑦ 4:2 Iomraidhean Croise

ᓴᒧᐃᓕ ᐂᑉᐸᖏᑦ 23:4

ᐅᓪᓛᒻᒪᕆᒃᑯᑦ ᓄᕗᔭᖃᖏᑦᑐᒥ ᓯᕿᓂᕐᒧᑦ ᓄᐃᕕᐅᔪᑐᑦ ᑍᒤᑉᐳᖅ, ᓯᕿᓂᕐᒧᑦ ᐃᕕᒃᓱᒃᒊᑦ ᕿᓪᓛᒡᒋᕐᑕᕐᑎᑕᐅᔪᑎᑐᑦ ᓯᓚᓗᕋᑖᕐᑎᓪᓗᒍ.

ᐃᓐᖏᕈᑎᑦ 103:3

ᑖᑦᓱᒪ ᐊᔪᕐᑐᓕᓂᓕᒫᑎᑦ ᐃᓱᒪᒋᔪᓐᓁᓚᐅᕐᐰᑦ, ᐋᓐᓂᐊᓂᓕᒫᑎᓪᓗ ᐋᖅᑭᓚᐅᕐᐰᑦ,

ᐃᓐᖏᕈᑎᑦ 147:3

ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.

ᐃᓐᖏᕈᑎᑦ 61:5

ᒎᑏ, ᐊᖏᒻᒪᕆᒍᑎᒋᓯᒪᔭᒃᑲ ᑐᓴᕋᕕᒋᑦ, ᑐᓂᓯᕕᒋᒐᕕᖓ ᐊᑎᕐᓂᒃ ᓯᕘᕋᔪᑦ ᐱᔭᒃᓴᖏᓐᓂᒃ.

ᐃᓐᖏᕈᑎᑦ 67:1

ᒎᑎᐅᑉ ᓂᑲᒋᓕᑎᒍᑦ ᓮᒻᒪᕐᑎᓪᓗᑕᓗ, ᑮᓇᓂᓗ ᖃᐅᒻᒪᒃᑎᓪᓕᐅᒃ ᐅᕙᑦᑎᓐᓄᑦ. ᓰᓚ

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 85:9

ᐄᓛᒃ ᑖᑦᓱᒪ ᐱᐅᓕᔭᐅᕕᒃᓴᖃᕐᑎᑦᓯᓂᖓ ᐊᑐᐃᓐᓇᐅᕗᖅ ᓯᕘᕋᔪᓄᑦ ᑖᑦᓱᒥᖓ, ᓂᕐᑐᕐᓇᕐᓂᖅ ᐃᓂᖃᕈᓐᓇᖁᓪᓗᒍ ᓄᓇᑦᑎᓐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 35:6

ᑐᓯᐊᑦᑐᑦ ᐱᒡᓕᕐᑕᓕᕈᒫᕐᐳᑦ ᑐᒃᑐᑎᑐᑦ, ᐅᖃᕈᓐᓇᖏᑦᑐᓪᓗ ᐃᓐᖏᓕᕐᓗᑎᒃ ᖁᕕᐊᓱᖕᓂᕐᒧᑦ, ᐃᒪᖅ ᑰᓕᕈᒫᕐᒪᑦ ᓱᓇᖃᔪᐃᑦᑐᒃᑯᑦ, ᑰᒐᓛᖃᓕᕐᓗᓂᓗ ᓄᓇᒥ ᓯᐅᕋᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 53:5

ᐃᑭᓕᕐᓱᕐᑕᐅᓚᐅᕐᐳᖅ ᓈᓚᒍᒪᖏᓐᓂᑦᑎᓐᓄᑦ, ᑭᓪᓕᐊᔭᐅᓚᐅᕐᐳᖅ ᐊᔪᕐᑐᓕᓂᑦᑎᓐᓄᑦ; ᓱᒋᐊᕐᑕᐅᓚᐅᕐᓂᖓᓄᑦ ᐃᓗᐃᑦᑐᕈᕐᑎᑕᐅᕗᒍᑦ, ᑏᒐᕐᑐᕐᑕᐅᓂᖏᓐᓄᓪᓗ ᐋᖅᑭᒃᑕᐅᓪᓗᑕ.

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 17:14

ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 33:6

ᑕᑯᒋᑦ, ᑍᒤᓚᐅᕋᓗᐊᕐᑎᓪᓗᒍ ᐃᒡᓗᒐᓴᒡᔪᐊᑦ ᐃᓄᖏᓪᓗ ᐋᖅᑭᑦᓯᐊᕈᒫᕆᕙᒃᑲ, ᑕᑯᑎᑦᓱᒫᕆᕙᒃᑲᓗ ᐊᔪᕐᓴᕐᓇᖏᑦᑐᕐᔪᐊᒥᒃ ᐃᓅᖃᑎᒋᓕᕐᓗᒋᓪᓗ ᐃᓕᒪᓇᖏᑦᑐᒥ.

ᐃᓯᑭᐊᓕᐅᑉ ᐊᒡᓚᖏᑦ 47:12

ᑰᓪᓗ ᓰᓇ, ᐊᑦᔨᒌᖏᑦᑐᓂᒃ ᓇᐹᕐᑐᖃᕈᒫᕐᐳᖅ ᐊᑭᓕᕇᓂᒃ, ᓂᕿᒃᓴᖃᕐᕕᐅᔪᒫᕐᑐᓂᒃ. ᐅᖃᐅᔭᖏᑦ ᑐᖁᓕᔪᐃᑦᑑᔪᒫᕐᐳᑦ ᐱᕈᕐᑐᐃᕈᑎᔪᓐᓇᖏᓪᓗᑎᒡᓗ, ᑕᖅᑭᑕᒫᓪᓕ ᓄᑖᓂᒃ ᐸᐅᕐᖓᕐᑖᖃᑦᑕᕈᒫᕐᐳᑦ, ᐃᒪᖃᕐᑎᑕᐅᒐᒥᒃ ᑐᒃᓯᐊᕐᕕᒡᔪᐊᕐᒥᑦ ᑰᒃᑐᒧᑦ. ᐱᕈᕐᑐᖏᑦ ᓂᕿᒃᓴᐅᔪᒫᕐᐳᑦ, ᐅᖃᐅᔭᖏᓪᓗ ᐃᓅᓕᓴᐅᑎᐅᔪᒫᕐᐳᑦ ᐋᖅᑭᒃᑕᐅᓇᕐᑑᓗᑎᒃ.”

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᕼᐆᓯᐊᑉ ᐊᒡᓚᖏᑦ 6:3

ᖃᐅᔨᓕᕐᓚᕗᑦ, ᖃᐅᔨᕚᓪᓕᕋᓱᓚᐅᕐᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᕐᐳᖅ ᐅᓪᓘᑉ ᖃᐅᓕᕐᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᕐᑐᑎᑐᑦ.”

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᓘᑲᓯᐅᑉ ᐊᒡᓚᖏᑦ 1:50

ᓂᑲᒍᓱᒃᐳᖅ ᓯᕘᕋᒋᔨᒥᓄᑦ, ᑭᖑᕚᕇᓂᑦ ᑭᖑᕚᕇᓄᑦ.

ᓘᑲᓯᐅᑉ ᐊᒡᓚᖏᑦ 1:78

ᒎᑎᑦᑕ ᓂᑲᒍᓱᖕᓂᕐᔪᐊᖓᒍᑦ, ᐱᐅᓕᔭᐅᓂᖅ ᖃᐅᓕᕐᑐᑐᑦ ᐅᓪᓛᑐᑦ ᓴᖅᑭᑎᑦᓱᒫᕐᐹ ᐅᕙᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:4

ᐃᓅᓯᖅ ᑖᑦᓱᒪᓃᓚᐅᕐᐳᖅ, ᐃᓅᓯᕐᓗ ᐃᓄᖕᓄᑦ ᑕᒤᓐᓄᑦ ᖃᐅᒻᒪᖅᑯᑕᐅᓚᐅᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 1:8

ᓇᖕᒥᓂᕐᓕ ᔪᐊᓇᓯ ᖃᐅᒪᔫᓐᖏᓚᖅ, ᑎᑭᓚᐅᕐᐳᕐᓕ ᓇᓗᓁᕐᓯᔭᕐᑐᕐᖢᓂ ᖃᐅᒪᔪᒥᒃ.

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 9:4

ᐅᓪᓘᓂᖓᓂ ᑎᓕᔨᒪ ᐱᓂᐊᕐᓂᖏᑦ ᐱᓂᐊᒐᒃᓴᕆᕙᕗᑦ; ᐅᓐᓄᐊᖑᔪᒫᕐᒪᑦ ᑭᐊᓘᓐᓃᑦ ᐱᓇᓱᐊᕐᕕᒋᔪᓐᓇᖏᑕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:47

ᐃᒫᒃ ᐊᑕᓂᐅᑉ ᐱᖁᓯᒪᖕᒪᑎᒍᑦ: ‘ᖃᐅᒻᒪᒃᓮᔪᒃᓴᓐᖑᕐᑎᓚᐅᕐᐹᓯ ᔫᑎᐅᖏᑦᑐᓄᑦ, ᓄᓇᕐᔪᐊᕐᒥᐅᑦ ᐅᖓᓯᒃᑐᒦᑦᑐᑦ ᐱᐅᓕᔭᐅᓂᕐᒥᒃ ᑐᓴᕐᑎᑕᐅᖁᓪᓗᒋᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:3

ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.

ᐲᑦᑐᕉᓯ ᐂᑉᐸᖏᑦ 1:19

ᓇᓚᐅᑦᑍᑦᔪᑕᐅᓯᒪᔪᑦ ᓇᓚᐅᑦᓯᑎᑕᐅᓂᖏᑦ ᓇᓗᓇᕈᓐᓃᑲᓐᓂᓚᐅᕐᐳᑦ. ᓈᓚᑦᓯᐊᕈᑦᓯᐅᒃ ᑕᒪᓐᓇ ᐊᑲᐅᔪᒥᒃ ᐱᓂᐊᕐᐳᓯ ᓲᕐᓗ ᖃᐅᒻᒪᖅᑯᑎᑐᑦ ᑖᕐᑐᒥ ᐃᑯᒪᔪᑎᑐᑦ, ᖃᐅᓕᓵᕐᑐᕐᓯᐅᑦ ᐅᓪᓗᕆᐊᖅ ᓴᖅᑭᓂᐊᕐᐳᖅ ᐆᒻᒪᑎᑦᓯᓐᓂ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

ᔪᐊᓇᓯ ᓯᕗᓪᓖᑦ 2:8

ᑍᒤᒻᒪᑦ ᐱᖁᔭᒥᒃ ᓄᑖᒥᒃ ᑎᑎᕋᕐᕕᒋᓕᕐᐸᑦᓯ, ᓱᓕᓂᖓ ᓴᖅᑭᑎᑕᐅᖕᒪᑦ ᙭ᔅᑑᓯᒥ ᐃᓕᑦᓯᓐᓂᓗᑦᑕᐅᖅ, ᑖᕐᑐᕐᔪᐊᖅ ᐊᓂᒍᕐᒪᑦ ᖃᐅᒪᔪᕐᓗ ᓱᓕᔪᖅ ᖃᐅᒪᑎᑦᓯᓕᕇᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:28

ᑐᓂᓯᕕᒋᓂᐊᕐᐸᕋᓗ ᐅᓪᓗᕆᐊᒥᒃ ᖃᐅᓕᕐᑐᕐᓯᐅᒻᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:16

“ᐅᕙᖓ ᔩᓱᓯ ᐂᖏᓕᖁᑎᓐᓂᒃ ᑎᓕᓯᓚᐅᕐᐳᖓ ᐅᖃᐅᑦᔨᖁᓪᓗᒍ ᐃᓕᖕᓂᒃ ᐅᖃᐅᓯᕆᔭᒃᓴᕐᓂᒃ ᐅᒃᐱᕐᑑᖃᑎᒌᓄᑦ. ᑍᕕᑎᐅᑉ ᐃᓚᒌᖕᓂᖏᑕ ᑭᖑᕚᖏᓐᓂᑦ ᐱᓯᒪᕗᖓ, ᐅᓪᓗᕆᐊᖑᕗᖓ ᖃᐅᒻᒪᕆᒃᑐᖅ ᖃᐅᓕᓵᕐᑐᕐᓯᐅᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:2

ᐃᒡᓗᒐᓴᒡᔪᐊᑦ ᐊᖅᑯᑎᖓᑕ ᕿᑎᖓᒎᖓᔪᒥᒃ; ᑰᒡᓗ ᑕᒪᓐᓇ ᐊᑭᓕᕇᓂᒃ, ᓇᐹᕐᑐᖃᕐᐳᖅ ᐆᒪᓇᕐᑐᓂᒃ, ᐸᐅᕐᖓᖃᕐᑐᓂᒃ ᐊᑦᔨᒌᖏᑦᑐᓂᒃ 12ᓂᒃ, ᑕᖅᑭᑕᒫᑦ ᐸᐅᕐᖓᕐᑖᖃᑦᑕᕐᑐᓂᒃ; ᓇᐹᕐᑐᐃᓪᓗ ᐅᖃᐅᔭᖏᑦ ᐋᖅᑭᒃᑕᐅᑦᔪᑎᒃᓴᐅᕗᑦ ᐃᓅᖃᑎᒌᒡᔪᐊᓄᑦ.

ᕉᑎᐅᑉ ᐅᓂᒃᑲᐅᓯᓂᖓ 2:12

ᐊᑕᓂᐅᑉ ᐊᑭᓕᕐᓕᑎᑦ ᐱᓇᓱᐊᕐᓂᕆᓯᒪᔭᕐᓄᑦ, ᐱᑦᓯᐊᕐᓂᕆᓯᒪᔧᓪᓗ ᐊᑕᖏᕐᓗᒍ ᐃᓗᐃᑦᑐᒥᒃ ᐊᑭᓕᕐᑕᐅᖁᓪᓗᒍ ᐃᓴᕆᐊᓕᒥᐅᑦ ᐊᑕᓂᖓᓄᑦ ᒎᑎᖓᓄᓪᓗ, ᑖᑦᓱᒧᖓ ᓴᐳᑦᔨᔨᒋᔪᒪᓯᒪᓕᕐᑕᕐᓄᑦ.”