ᒪᓚᑬᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓄᒃ ᒎᑎᒥᑦ ᑎᒡᓕᒍᓐᓇᕐᐹ? ᑎᒡᓕᒐᕐᕕᒋᕙᑦᓯᓐᖓᓕ. ᐅᖃᕐᐳᓯᓕ, ‘ᖃᓄᖅ ᐃᓕᖕᓂᑦ ᑎᒡᓕᒃᓯᒪᕕᑖ?’ ᑕᓪᓕᒪᐅᔪᐃᕐᓂᑦᓯᒍᑦ ᑐᓂᕐᕈᓯᕐᓂᑦᓯᒍᓪᓗ.

ᒪᓚᑬᑉ ᐊᒡᓚᖏᑦ 3:8 Iomraidhean Croise

ᐃᓐᖏᕈᑎᑦ 29:2

ᐊᑕᓂᕐᒧᑦ ᑐᓂᓯᓕᕆᑦᓯ ᐊᑎᖓᑕ ᓂᕐᑐᕐᓇᕐᓂᖓᓂᒃ; ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᑦᑐᒥᒃ ᐊᓐᓄᕌᕐᓗᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:24

ᑐᓂᐅᖅᑬᖃᑦᑕᕐᑐᖅ ᐊᓐᓂᕈᓱᒐᓂ ᐊᔪᕐᓴᕈᓐᓃᕐᐸᓪᓕᐊᕗᖅ, ᐊᓯᐊᓕ ᐱᓯᒪᓇᓱᐊᕐᑐᖅ ᑐᓂᔭᕆᐊᖃᕐᑕᒥᓂᒃ, ᐊᔪᕐᓴᓕᕈᓐᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:23

ᓰᐱᓂᒃ ᐃᑯᐊᓪᓚᒡᓗᒋᑦ ᑐᓂᕐᕈᓯᕈᑎᒃᓴᑦᓯᓐᓂᒃ ᕾᑦᓯᓚᐅᓐᖏᓚᓯ, ᐅᐱᒋᓚᐅᓐᖏᓚᑦᓯᓐᖓᓗ ᑐᓂᕐᕈᓯᕐᓂᑦᓯᒍᑦ ᐆᒪᔪᒥᒃ ᑐᖁᑦᓯᓗᓯ, ᓂᐊᖂᔭᒃᓴᓂᒃ ᑐᓂᓯᖁᔨᓗᖓ ᐅᖁᒤᒃᓴᕐᑎᑦᓯᓚᐅᖏᓐᓇᒪ ᐃᓕᑦᓯᓂᒃ, ᐅᕝᕙᓘᓐᓃᑦ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᖁᔨᓂᓐᓄᑦ ᐃᕿᐊᓐᖑᕐᑎᓚᐅᓐᖏᓚᑦᓯ.

ᒨᓯᓯ ᐱᖓᔪᖏᑦ 19:25

ᐊᕐᕌᒍᓪᓕ ᑕᓪᓕᒪᖓᓐᓂ ᑕᕝᕙ ᓇᐹᕐᑑᑉ ᐸᐅᕐᖓᖏᑦ ᓂᕿᒃᓴᐅᕗᑦ, ᑍᒤᓕᐅᕈᑦᓯ ᐱᕈᕐᑎᑕᓯ ᐅᓄᕐᓂᕐᓴᐅᓂᐊᕐᐳᑦ, ᐅᕙᖓ ᐊᑕᓂᐅᒐᒪ ᒎᑎᓯ.

ᓴᑲᕅᐊᐅᑉ ᐊᒡᓚᖏᑦ 5:3

ᐅᖃᐅᑎᕚᖓᓗ, “ᑖᒃᑯᓇᓂ ᓱᒋᐊᕐᑕᐅᑦᔪᑎᒃᓮᑦ ᑕᒫᓂ ᓄᓇᖃᕐᑐᓕᒫᓄᑦ ᑎᑎᕋᕐᓯᒪᕗᑦ; ᐃᒫᒃ ᑎᑎᖅᑲᑦ ᐃᒡᓗᐊᓂ ᑎᑎᕋᕐᓯᒪᖕᒪᑦ, ᑎᒡᓕᒃᐸᒃᑐᑦ ᓄᓇᒥᑦ ᐊᐅᓪᓚᕐᑎᑕᐅᔪᒫᕐᐳᑦ; ᑎᑎᖅᑲᓪᓗ ᑖᒃᑯᐊ ᑐᓄᐊᓂ ᐃᒤᓕᖓᒋᕗᑦ; ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᑦ ᐊᐅᓪᓚᕐᑎᑕᐅᔪᒫᕆᕗᑦ.

ᒪᓚᑬᑉ ᐊᒡᓚᖏᑦ 1:13

‘ᐃᕿᐊᓐᖑᓇᕐᓯᕗᑦ,’ ᓇᕐᕈᒋᓪᓗᖓᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑎᒡᓕᒐᕕᓃᑦ ᐂᑦᑑᑎᒋᕙᓯ, ᑐᓯᐊᑦᑐᑦ, ᖃᓂᒪᔪᓪᓗ, ᑕᒪᒃᑯᐊᓗ ᑐᓂᕐᕈᑎᒋᓪᓗᒋᑦ! ᐃᓚᓕᐅᕆᐊᖃᕐᐸᒃᑳ ᑐᓂᕐᕈᑎᓰ? ᐊᑕᓂᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:8

ᑕᐅᑐᖏᑦᑐᓂᒃ ᐆᒪᔪᓂᒃ ᑐᓂᕐᕈᓯᕐᑎᓪᓗᓯ, ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓯᐊᑦᑐᓂᒃ ᖃᓂᒪᔪᓂᒡᓗ ᑐᓂᕐᕈᓯᕐᑎᓪᓗᓯ ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓂᕐᕈᑎᒋᒍᑦᓯᒋᒃ ᐊᐅᓚᑦᓯᔨᑦᓯᓐᓄᑦ; ᐃᓕᑦᓯᓐᓃᒃ ᖁᕕᐊᓲᑎᖃᕋᔭᕐᐹᑦ? ᐃᓚᓕᐅᕋᔭᕐᐹᓰ ᓈᒻᒪᒋᓗᓯ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 22:21

ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.”

ᒫᑯᓯᐅᑉ ᐊᒡᓚᖏᑦ 12:17

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᖅ ᓰᓴᕆ ᑐᓂᓯᕕᒋᓯᐅᒃ, ᐱᖏᓐᓂᒃ, ᒎᑎᓗ ᑐᓂᓯᕕᒋᓗᒍ ᐱᖏᓐᓂᒃ.” ᑖᒃᑯᐊ ᔩᓱᓯᐅᑉ ᑭᐅᑦᔪᑎᖓᓂᒃ ᑲᒪᕕᒃᔪᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 20:25

ᑕᕝᕙ ᐅᖃᐅᑎᕔᑦ, “ᑍᒤᒻᒪᑦ ᑐᓂᓯᐅᒃ ᓰᓴᕆᒧᑦ, ᓰᓴᕆᐅᑉ ᐱᒋᖕᒪᒋᑦ, ᒎᑎᒧᓪᓗ ᑐᓂᓗᒋᑦ ᒎᑎᐅᑉ ᐱᖏᑦ.”

ᕉᒪᒥᐅᓄᑦ 13:7

ᐊᑭᓖᕕᒋᓯᐅᒃ ᐊᑭᓕᕆᐊᓕᖕᓂᒃ, ᑖᒃᓰᕈᑎᑦᓯᓐᓂᒃ ᐊᑭᓖᕕᒋᓯᐅᒃ, ᓄᓇᖁᑎᑦᓯᓐᓄᓪᓗ ᐊᑭᓕᒃᓴᖃᕈᑦᓯ ᐊᑭᓖᕕᒋᓯᐅᒃ, ᑲᒪᑦᓯᐊᕆᑦᓯ ᑲᒪᒋᔭᐅᑦᓯᐊᕆᐊᓕᖕᓄᑦ; ᐅᐱᒍᓱᑦᓯᐊᕐᓗᓯᓗ ᐅᐱᒋᔭᐅᔭᕆᐊᓕᖕᓂᒃ.

ᕉᒪᒥᐅᓄᑦ 2:22

ᐅᖃᕐᐸᒃᑐᑎᑦ ᓄᓕᐊᕇᖕᓂᕐᒥᒃ ᐊᓯᕈᐃᔪᒃᓴᐅᖏᓐᓂᕐᒥᒃ, ᓇᖕᒥᓂᕐᓕ ᓄᓕᐊᕇᖕᓂᖅ ᐊᓯᕈᕐᐱᐅᒃ? ᒎᑎᓐᖑᐊᓂᒃ ᐱᐅᒃᓴᖏᓐᓂᕋᕐᐸᒃᑐᑎᑦ, ᑐᒃᓯᐊᕐᕕᖕᓂᒡᓗ ᑎᒡᓕᒡᕕᖃᖃᑦᑕᕐᐲᑦ?

ᔮᓱᐊᑉ ᐊᒡᓚᖏᑦ 7:11

ᐃᓴᕆᐊᓕᒥᐅᑦ ᐊᔪᕐᑐᓕᓯᒪᖕᒪᑕ! ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓚᐅᕐᑕᑦᑎᓐᓂᒃ ᑎᓕᓯᑦᔪᑎᒋᓚᐅᕐᑕᓐᓂᒃ ᑖᒃᑯᓄᖓ; ᑎᒍᓯᓯᒪᖕᒪᑕ ᐱᖁᔭᐅᓚᐅᖏᑦᑐᓂᒃ ᑎᒡᓕᒡᓯᒪᓪᓗᑎᒃ, ᓴᒡᓗᓯᒪᓪᓗᑎᒡᓗ, ᑎᒍᔭᒥᖕᓂᒃ ᐱᖁᑎᒥᖕᓄᑦ ᐃᓚᓕᐅᑦᔨᓯᒪᖕᒪᑕ.