ᒪᓚᑬᑉ ᐊᒡᓚᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓯᕗᓕᓯ ᐃᓅᑎᓪᓗᒋᑦ ᒪᓕᒃᑕᐅᖁᔭᓐᓂᒃ ᒪᓕᒍᓐᓁᓚᐅᕐᓯᒪᕗᓯ ᐊᑐᕈᓐᓁᕐᓗᒋᓪᓗ. ᐅᕙᓐᓄᑦ ᐅᑎᕆᑦᓯ, ᑕᕝᕙ ᐅᑎᕐᕕᒋᓂᐊᕐᐸᑦᓯ, ᕿᓚᖕᒥᐊᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᐅᖃᕐᐳᓯᓕ, ‘ᖃᓄᕐᓕ ᐅᑎᕈᓐᓇᕐᐱᑖ?’

ᒪᓚᑬᑉ ᐊᒡᓚᖏᑦ 3:7 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:26

ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.

ᐂᓮᐊᓯᐅᑉ ᐊᒡᓚᖏᑦ 65:2

ᐅᓪᓗᓕᒫᖅ ᐃᓴᒻᒥᕗᖓ ᐃᓄᖕᓄᑦ ᐊᑭᕋᕐᑐᕐᑐᓄᑦ, ᐃᓅᓯᖃᕐᑐᓄᑦ ᐊᖅᑯᑎᒃᑯᑦ ᐱᐅᖏᑦᑐᒃᑯᑦ, ᐃᓱᒪᓕᐊᕆᓯᒪᔭᑐᐃᓐᓇᕐᒥᖕᓂᒃ ᒪᓕᒃᑐᓄᑦ;

ᔨᕆᒤᐊᐅᑉ ᐊᒡᓚᖏᑦ 16:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, ‘ᓯᕗᓕᕕᓂᑦᓯ ᕿᒪᓚᐅᕐᒪᖓ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒡᓗ ᒪᓕᒐᖃᖔᓕᓚᐅᕐᒪᑕ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᑐᒃᓯᐊᕐᕕᒋᕙᒃᓗᒋᓪᓗ, ᐅᕙᓐᓂᒡᓕ ᕿᒤᓪᓗᑎᒃ ᐱᖁᔭᒃᑲ ᒪᓕᒍᒪᔪᓐᓃᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 16:12

ᐃᓕᑦᓯᓕ ᓯᕗᓕᕕᓂᑦᓯᓐᓂᑦ ᐱᐅᖏᓐᓂᕐᓴᒃᑲᓐᓂᕐᓂᒃ ᐃᓕᖅᑯᓯᖃᓕᕐᐳᓯ, ᑕᑯᔪᓐᓇᕐᐳᓯᓗ ᓇᖕᒥᓂᖅ ᓴᖑᑎᑕᒃᓴᐅᖏᑦᑐᑦ ᐆᒻᒪᑎᓯ ᐱᐅᖏᑦᑐᑦ ᒪᓕᖔᕐᓗᒋᑦ ᐅᕙᓐᓂᒃ ᓈᓚᒍᓐᓃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 7:25

ᓯᕗᓕᕕᓂᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓂᖓᑕ ᑭᖑᓂᖓᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ, ᖃᐅᑕᒫᑦ ᐅᓄᕐᑐᐃᕐᓱᕐᓗᖓ ᑎᓕᓯᕕᒋᖃᑦᑕᕐᓯᒪᕙᒃᑲ ᐱᔪᖃᓛᕐᑐᒥᒃ ᐅᖃᕐᑎᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 2:3

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑎᓕᕙᒋᑦ ᐃᓴᕆᐊᓕᒥᐅᓄᑦ, ᐃᓅᖃᑎᒌᒡᔪᐊᓄᑦ ᐊᑭᕋᕐᑐᕐᑎᓄᑦ, ᐅᕙᓐᓂᒃ ᐊᑭᕋᕐᑐᕐᑎᑐᖃᐅᒐᒥᒃ; ᑖᒃᑯᐊᓗ ᓯᕗᓕᕕᓂᖏᓪᓗ ᐅᕙᓐᓄᑦ ᐱᐅᖏᑦᑐᓕᓯᒪᕗᑦ ᐅᓪᓗᒥᒧᑦ ᐊᒡᓛᑦ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:21

ᑭᖑᕚᖑᖃᑎᒌᓪᓕ ᐊᑭᕋᕐᑐᓕᓚᐅᕆᕗᑦ ᐅᕙᓐᓂᒃ; ᐱᓂᐊᕐᑕᐅᖁᔭᒃᑲ ᒪᓕᓚᐅᓐᖏᓔᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᓐᖏᓔᑦ, ᐃᓅᑉ ᓈᓚᒃᑯᓂᒋᑦ ᐃᓅᒐᔭᕐᑎᓪᓗᒍ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᑕᕝᕙ ᐅᖃᓚᐅᕐᐳᖓ ᓂᓐᖓᒡᕕᒋᓂᐊᓕᕐᐸᒃᑲ ᓂᓐᖓᐅᓯᓐᓄᓪᓗ ᑎᑭᑕᐅᓂᐊᓕᕐᐳᑦ ᐃᓄᖃᖏᑦᑐᒦᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᓴᑲᕅᐊᐅᑉ ᐊᒡᓚᖏᑦ 1:3

ᑕᒪᓐᓇ ᐱᓪᓗᒍ ᐃᓄᐃᑦ ᐅᖃᐅᑎᒃᑭᑦ ᐃᒫᒃ: “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᐅᕙᓐᓄᑦ ᐅᑎᓕᕆᑦᓯ, ᑕᕝᕙ ᐃᓕᑦᓯᓐᓄᑦ ᐅᑎᕐᓂᐊᕆᕗᖓ.” ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ,

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᒪᓚᑬᑉ ᐊᒡᓚᖏᑦ 3:13

“ᐅᕙᓐᓂᒃ ᐅᖃᕐᓂᕐᓘᑎᖃᕐᓯᒪᕗᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯᓕ, ‘ᖃᓄᖅ ᐅᖃᕐᓂᕐᓘᑎᖃᓚᐅᕐᐱᑖ ᐃᓕᖕᓂᒃ?’

ᒫᑎᐅᓯᐅᑉ ᐊᒡᓚᖏᑦ 23:27

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐃᓗᕕᕐᑎᑐᑦ ᖃᑯᕐᑕᒥᒃ ᓯᓚᑖᒍᑦ ᐊᒥᐊᕆᔪᑎᑐᑦ ᑍᒤᑉᐳᓯ, ᓯᓚᑎᖏᑦ ᑕᑯᒥᓇᕐᑐᐊᓘᕗᑦ, ᐃᓗᖏᓪᓕ ᑕᑕᑉᐳᑦ ᓴᐅᓂᕕᓂᕐᓂᒃ ᒪᒤᑦᑐᐊᓗᖕᓂᒡᓗ.

ᓘᑲᓯᐅᑉ ᐊᒡᓚᖏᑦ 15:16

ᑰᒃᑰᓯᑦ ᓂᕆᔭᒃᓴᖏᓐᓂᒃ ᓂᕆᔪᒪᒐᓗᐊᕐᐳᖅ; ᓂᕆᓂᐊᕐᑕᒥᓂᒃ ᑐᓂᓯᕕᐅᕙᖏᓐᓇᒥ.

ᕉᒪᒥᐅᓄᑦ 10:21

ᐃᓴᕆᐊᓕᒥᐅᓪᓕ ᐱᑦᔪᑎᒋᓪᓗᒋᑦ ᐅᖃᕐᐳᖅ, “ᐅᓪᓗᖅ ᓈᓪᓗᒍ ᐊᒡᒐᒃᑲ ᐃᓴᒻᒥᕙᒃᑲ ᐃᓄᖕᓄᑦ ᓈᓚᒍᒪᖏᑦᑐᓄᑦ ᐊᑭᕋᕐᑐᕐᑐᓄᓪᓗ.”

ᕉᒪᒥᐅᓄᑦ 10:3

ᐃᓗᐊᕐᑑᓂᕋᕐᑕᐅᓂᖅ ᒎᑎᒥᑦ ᐱᔪᖅ ᖃᐅᔨᒪᓐᖏᓛᑦ, ᓇᖕᒥᓂᕐᒥᒃᑎᒍᓪᓕ ᐃᓗᐊᕐᑐᓕᔪᓐᖑᕋᓱᐊᕐᐳᑦ, ᐃᒻᒥᖕᓂᒃ ᑐᓂᓯᒪᓐᖏᓚᑦ ᒎᑎᐅᑉ ᐃᓗᐊᕐᑐᓕᔪᓐᖑᕐᑎᑦᓯᓂᖓᓄᑦ.

ᕉᒪᒥᐅᓄᑦ 7:9

ᐱᖁᔭᖃᕐᓇᖓ ᐃᓅᓯᕐᒪ ᐃᓚᖓᓂ ᐃᓅᓚᐅᕋᒪ; ᐱᖁᔧᓪᓕ ᓴᖅᑭᒻᒪᑕ ᐊᔪᕐᓂᖅ ᐆᒻᒪᕐᐳᖅ ᑐᖁᓪᓗᖓᓗ.

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.