ᒪᓚᑬᑉ ᐊᒡᓚᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒪᓚᑬᑉ ᐊᒡᓚᖏᑦ 3:5 Iomraidhean Croise

ᒨᓯᓯ ᓯᕗᓪᓖᑦ 20:11

ᐂᑉᕋᕼᐋᒻ ᑭᐅᕚ, “ᑍᒤᓕᐅᓚᐅᕐᐳᖓ ᐃᓱᒪᖃᓚᐅᕋᒪ, ᐅᕙᓂ ᓄᓇᒥ ᒎᑎᒥᒃ ᓯᕘᕋᔪᖃᕋᓱᒋᓇᒍ, ᑐᖁᑕᐅᓂᐊᕋᓱᒋᓚᐅᕋᒪ ᓄᓕᐊᓐᓂᒃ ᐱᔪᒪᔪᓄᑦ.

ᒨᓯᓯ ᓯᕗᓪᓖᑦ 42:18

ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᔫᐱᐅᑉ ᐊᒡᓚᖏᑦ 31:12

ᑕᒪᓐᓇ ᐃᑯᒪᐅᒐᔭᕐᐳᖅ ᓱᒃᑯᑎᕆᓗᓂ ᓯᖁᒥᑕᐅᓂᕐᒧᑦ, ᐱᖁᑎᓕᒫᒃᑲᓗ ᐊᒫᖏᓐᓄᑦ ᑎᑭᓪᓗᒋᑦ ᓄᖑᑕᐅᒐᔭᕐᐳᑦ.

ᔫᐱᐅᑉ ᐊᒡᓚᖏᑦ 7:2

ᓯᐊᓛᕆᔭᐅᔪᑐᑦ ᑖᓪᓕᓂᐅᑉ ᓂᒡᓚᑖᕐᓇᕐᑑᑉ ᓴᓂᐊᓃᑦᓱᒪᔪᑎᑐᑦ, ᐱᓇᓱᐊᕐᑎᑕᐅᔪᑎᑐᓪᓗ ᐊᑭᓕᕐᑕᐅᓂᐊᕐᓂᕐᒥᓂᒃ ᐅᑕᖅᑭᔪᑎᑐᑦ,

ᐃᓐᖏᕈᑎᑦ 36:1

ᖃᐅᔨᑎᑕᐅᑦᔪᑎᒐ ᐆᒻᒪᑎᓐᓂ ᐱᐅᖏᑦᑐᓕᔪᑦ ᐱᐅᖏᑦᑐᐊᓘᓂᖏᓐᓂᒃ: ᒎᑎᒥᒃ ᓯᕘᕋᓐᖏᓚᑦ ᐃᔨᖏᑕ ᓵᖓᓂ.

ᐃᓐᖏᕈᑎᑦ 81:8

ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ; ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ!

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᒨᓯᓯ ᐂᑉᐸᖏᑦ 1:17

ᑖᒃᑯᐊᒡᓕ ᐃᕐᓂᓱᒃᓰᔩᒃ ᒎᑎᒥᒃ ᓯᕘᕋᒐᒥᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒃ ᓈᓚᓚᐅᓐᖏᓛᒃ. ᕿᑐᕐᖓᕐᑖᖑᔪᑦ ᐊᖑᑕᐅᒐᓗᐊᕌᖓᑕ ᐆᒪᑎᑦᓯᖃᑦᑕᓚᐅᕐᐴᒃ.

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 57:3

ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ.

ᔨᕆᒤᐊᐅᑉ ᐊᒡᓚᖏᑦ 23:10

ᓄᓇᓕᓕᒫᖅ ᓈᖕᒪᑦ ᐊᓯᓐᓂᐊᕐᑎᓂᒃ; ᓇᕐᕈᓇᕐᓯᑎᑕᐅᓂᕐᒧᑦ ᓄᓇ ᕿᒃᓵᒃᐳᖅ, ᓇᑎᕐᓁᓪᓗ ᐃᕕᒃᓱᒐᖏᑦ ᑐᖁᓕᕗᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᐅᖏᑦᑐᓕᓂᕐᒥᒃ ᐃᓅᓯᖃᓕᕐᒪᑕ ᐱᔪᓐᓇᕐᓂᑎᒡᓗ ᐊᑐᕐᓂᕐᓗᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 27:10

ᓇᓚᐅᑦᑍᓂᖏᑦ ᓱᓕᖏᒻᒪᑕ ᓄᓇᒋᔭᑦᓯᓐᓂ ᐊᐅᓪᓚᕈᑦᔭᐅᑦᔪᑎᒋᔪᒫᕐᐸᓯ ᐅᖓᓯᒃᑐᒧᑦ, ᖁᔭᓈᕐᓯᔪᒫᕋᒪ ᐃᓕᑦᓯᓐᓂᒃ ᐊᓯᕈᕈᑎᒋᔪᒫᕐᐸᓯᓗ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 27:9

ᓈᓚᒃᑕᕐᓴᕆᓐᖏᓚᓯ ᓇᓚᐅᑦᑍᔪᖁᑎᓯ, ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᓯ, ᓯᓐᓇᒃᑐᓂᒡᓗ ᑐᑭᓯᐅᒪᓇᓱᐊᕐᑎᖁᑎᓯ, ᐊᓂᕐᓂᓕᕆᔨᖁᑎᓯ, ᐊᖓᒃᑯᖁᑎᓯᓗ ᐅᖃᕐᐸᒃᑐᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᔨᑦᓯᕈᒪᖏᓐᓂᕅᓪᓗᑎᒃ ᐃᓕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 29:23

ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 42:5

ᑖᒃᑯᐊᓗ ᔨᕆᒤᐊᒧᑦ ᐅᖃᕐᐳᑦ, “ᐊᑕᓂᐅᑉ ᖃᐅᔨᑦᔪᑎᒃᓴᕆᓂᐊᓕᕐᐹᑎᒍᑦ ᐊᖅᑯᑎᒋᓗᓂᑎᑦ ᐅᕙᑦᑎᓐᓄᑦ ᒪᓕᒃᑕᐅᖁᔭᖏᓐᓂᒃ ᓈᓚᖏᒃᑯᑦᑕ.

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 5:29

ᑕᒪᒃᑯᓄᖓ ᓱᒋᐊᕆᐊᖃᓐᖏᓚᒃᑳ? ᐊᑕᓂᖅ ᐅᖃᕐᐳᖅ, ᐊᑭᓂᐊᕐᑐᒃᓴᐅᓐᖏᓚᖔ ᐃᓅᖃᑎᒋᒡᔪᐊᓂᒃ ᑍᒤᓕᐅᕐᑐᓃᒃ?

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 20:10

“ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ.

ᒨᓯᓯ ᐱᖓᔪᖏᑦ 20:27

“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”

ᒨᓯᓯ ᐱᖓᔪᖏᑦ 20:6

“ᓇᓪᓕᐊᓐᓂᒃ ᑕᑎᖃᕐᑐᖃᕐᐸᑦ ᑐᖁᖓᔪᓂᒃ ᐅᖃᖃᑎᖃᕐᐸᒃᑐᓂᒃ ᓇᓗᓇᕐᑐᓂᒡᓗ ᖃᐅᔨᒪᓇᓱᐊᕐᑎᒥᒃ ᑕᒪᒃᑯᓄᖓᓗ ᐊᓯᓐᓂᐊᕐᑎᑕᐅᓕᕐᐸᑕ, ᑍᒤᓕᐅᕐᑐᖅ ᐊᓚᕐᓂᐊᕐᐸᕋ ᐃᓄᖁᑎᒋᔪᓐᓃᕐᓗᒍᓗ.

ᒤᑲᐅᑉ ᐊᒡᓚᖏᑦ 1:2

ᑐᓴᕆᑦᓯ ᐃᓄᓕᒫᖑᔪᓯ! ᓈᓚᒋᑦᓯ ᐃᓘᓐᓇᓯ ᓄᓇᖃᕐᑐᓕᒫᖑᔪᓯ ᓄᓇᕐᔪᐊᒥ! ᐊᑕᓂᐅᑉ ᒎᑎᐅᑉ ᐊᑭᕋᕐᑐᕐᓂᕐᒥᓂᒃ ᓇᓗᓁᕐᓯᕕᒋᓂᐊᕐᐹᓯ, ᐊᑕᓂᖅ ᐅᖃᕐᐳᖅ ᐃᓂᒥᓂ ᐃᑦᔪᕐᓁᑦᑐᒥ ᑐᒃᓯᐊᕐᕕᒡᔪᐊᖁᑎᒥᓂᑦ.

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᓴᑲᕅᐊᐅᑉ ᐊᒡᓚᖏᑦ 11:12

ᐅᖃᐅᑎᓚᐅᕐᐸᒃᑲᓗ, “ᑕᒪᓐᓇ ᓈᒻᒪᒐᓱᒋᒍᑦᓯᐅᒃ, ᐅᕙᓐᓄᑦ ᐊᑭᓖᓕᕆᓯ; ᓈᒻᒪᒐᓱᒋᖏᒃᑯᑦᓯᐅᒡᓕ ᑮᓇᐅᔭᓯ ᐱᓯᒪᓕᕐᓯᐅᒃ.” ᑍᒤᒻᒪᑦ ᓯᐅᓪᕕᕆᓂᒃ ᑮᓇᐅᔭᓂᒃ 30ᓂᒃ ᐊᑭᓕᓚᐅᕐᐹᖓ.

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᒪᓚᑬᑉ ᐊᒡᓚᖏᑦ 2:14

ᐊᐱᕆᒐᓗᐊᕐᐳᓯ, “ᓱᓇ ᐱᑦᔪᑎᒋᓪᓗᒍ?” ᐊᑕᓂᖅ ᖃᐅᔨᓚᐅᕐᒪᑦ ᓄᓕᐊᓪᓗ ᐃᓅᓱᒃᑑᑎᓪᓗᓯᒃ ᐊᖏᖃᑎᒌᓚᐅᕐᓂᑦᓯᓐᓂᒃ, ᑖᑦᓱᒪ ᐊᓯᐊᓄᐊᕐᓯᒪᒐᕕᑦ; ᑖᓐᓇ ᐊᕐᓇᖅ ᐂᑉᐸᕆᒐᓗᐊᕐᓗᒍ ᓄᓕᐊᕆᓪᓗᒍᓗ ᐊᖏᖃᑎᒌᖕᓂᒃᑯᑦ.

ᒪᓚᑬᑉ ᐊᒡᓚᖏᑦ 2:17

ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”

ᓘᑲᓯᐅᑉ ᐊᒡᓚᖏᑦ 23:40

ᐂᑉᐸᖓᑕᓕ ᐃᓂᕐᑎᕐᐹ ᐅᖃᕐᓗᓂ, “ᒎᑎᒥᒃ ᓯᕘᕋᖏᓐᓇᕖᑦ? ᑍᒫᓪᓗᐊᕐᑕᐅᖅ ᑖᑦᓱᑐᓇᖅ ᓱᒋᐊᕐᑕᐅᔪᑎᑦ ᑐᖁᑕᐅᓂᐊᕐᓗᑎᑦ.

ᕉᒪᒥᐅᓄᑦ 3:8

ᓱᖕᒪᓪᓕ ᐅᖃᓐᖏᓚᒍᑦ, ᓱᓕᖏᑦᑐᒥᒃ ᐅᖃᕐᓂᕐᓘᑕᐅᑎᓪᓗᑕ, ᐃᓚᖏᓐᓂᓪᓗ ᐅᖃᕐᓂᕋᕐᑕᐅᒐᑦᑕ, “ᐊᔪᕐᑐᓕᓚᐅᕐᑕ ᐱᐅᔪᖅ ᓴᖅᑭᖁᓪᓗᒍ?” ᑍᒤᓕᔪᑦ ᐃᒋᑕᐅᑦᔪᑎᒃᓴᖓᑦ ᓈᒻᒪᓈᕐᐳᖅ.

ᒨᓯᓯ ᑕᓪᓕᒪᖏᑦ 15:13

ᕿᓚᕈᑦᔮᕈᕕᐅᒡᓕ, ᓱᓇᖃᕐᑎᓐᓇᒍ ᐊᐅᓪᓚᕐᑎᑕᒃᓴᕆᓐᖏᓚᑦ.

ᒨᓯᓯ ᑕᓪᓕᒪᖏᑦ 18:10

ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ;

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

ᒨᓯᓯ ᑕᓪᓕᒪᖏᑦ 27:19

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑦᔨᒌᒃᑎᑦᓯᓂᕐᒥᒃ ᐊᑐᖏᑦᑐᖅ ᐱᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᓄᓇᓕᑐᖃᐅᖏᑦᑐᑦ, ᐃᓕᐊᕐᔪᐃᑦ, ᐅᐃᒡᒐᕐᓃᓪᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 5:11

“‘ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᓂᐊᕐᐹ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔧᒥᓯᐅᑉ ᐊᒡᓚᖏᑦ 5:12

ᐊᖏᓂᕐᐹᒥᒡᓕ ᐅᒃᐱᕐᑑᖃᑎᒃᑲ, ᐊᖏᕈᑎᖃᕌᖓᑦᓯ ᓱᓕᒃᑲᓐᓂᕈᑎᖃᕋᓱᒡᓗᓯ ᐅᖃᕕᒃᑐᒃᓴᐅᓐᖏᓚᓯ ᕿᓚᖕᒥᑦ ᓄᓇᒥᓪᓗ ᑍᓯᖃᓯᐅᑦᔨᓗᓯ, ᐅᕝᕙᓘᓐᓃᑦ ᐊᓯᖏᓐᓄᑦ, ᐃᒫᒡᓕ ᐅᖃᕐᐸᒋᑦᓯ; ᐊᖏᕈᑎᖃᕐᓗᓯ ᓱᓕᓗᑎᑦ ᐊᖏᕈᕕᑦ ᐊᖏᖏᓪᓗᑎᓪᓗ ᓱᓕᓗᑎᑦ ᐊᖏᖏᒃᑯᕕᑦ, ᐃᖅᑲᕐᑐᕐᑕᐅᑦᔪᑎᒃᓴᖃᖁᓇᓯ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.