ᒪᓚᑬᑉ ᐊᒡᓚᖏᑦ 3:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᕝᕙ ᔫᑕᐅᑉ ᔨᕉᓴᓕᐅᓪᓗ ᑐᓂᕐᕈᑎᖏᑦ ᐊᑕᓂᐅᑉ ᖁᕕᐊᒋᓕᕈᒫᕐᐰᑦ, ᑍᑦᓱᒪᓂᐊᓗᒃ ᑍᒤᓚᐅᕐᓂᖏᑎᑐᑦ ᐊᕐᕌᒍᓂ ᐊᓂᒍᕐᓯᒪᔪᓂ.

ᒪᓚᑬᑉ ᐊᒡᓚᖏᑦ 3:4 Iomraidhean Croise

ᑯᕉᓂᑲ ᓯᕗᓪᓖᑦ 15:26

ᒎᑎᐅᓪᓗ ᐃᑲᔪᓚᐅᕐᒪᒋᑦ ᓕᕔᑏᑦ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ, ᑐᓂᕐᕈᓯᓚᐅᕐᐳᑦ ᑐᒃᑐᕙᖕᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ.

ᑯᕉᓂᑲ ᓯᕗᓪᓖᑦ 21:26

ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᑐᓂᕐᕈᓯᕐᓗᓂᓗ ᐆᑕᒃᓴᓂᒃ ᓮᒻᒪᖃᑎᒌᒍᑎᒃᓴᒥᒡᓗ, ᐊᑕᓂᕐᒧᓪᓗ ᑐᒃᓯᐊᕐᐳᖅ, ᑖᑦᓱᒪᓗ ᑭᐅᕚ ᐃᑯᒪᒧᑦ ᕿᓚᖕᒥᑦ ᑲᑕᒃᑐᒧᑦ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᑐᓂᕐᕈᑎᒃᓮᑦ ᐃᑯᐊᓪᓚᒃᑎᑉᐰᑦ.

ᑯᕉᓂᑲ ᐂᑉᐸᖏᑦ 1:6

ᓲᓗᒨᓂᓗ ᒪᔪᕋᕐᐳᖅ ᑐᓂᕐᕈᓯᕐᕕᖕᒧᑦ ᑲᓐᓄᔭᒧᑦ ᐊᑕᓂᐅᑉ ᓵᖓᓄᑦ, ᑐᐱᕐᒥ ᑐᒃᓯᐊᕐᕕᐅᖃᑦᑕᕐᑐᒥ, ᑕᕝᕙᓂᓗ ᑐᓂᕐᕈᓯᕐᐳᖅ 1,000ᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᒃᓴᓂᒃ.

ᐃᓐᖏᕈᑎᑦ 51:17

ᒎᑎᐅᓪᓕ ᑐᓂᕐᕈᑏᑦ ᐃᓚᓕᐅᕈᓐᓇᕐᑕᖏᑦ ᐊᓂᕐᓂᐅᕗᑦ ᓯᖁᒥᓯᒪᔪᑦ, ᐆᒻᒪᑏᑦ ᓯᖁᒥᓯᒪᔪᑦ, ᖃᕿᐊᓕᕐᑐᓪᓗ ᒎᑏ, ᓇᕐᕈᒋᓐᖏᓚᑎᑦ.

ᐃᓐᖏᕈᑎᑦ 51:19

ᑕᕝᕙ ᖁᕕᐊᒋᔭᖃᓕᕐᓂᐊᕐᐳᑎᑦ ᐃᓱᐊᕐᑐᓕᓂᕐᒧᑦ ᑐᓂᕐᕈᑎᓂᒃ, ᑐᓂᕐᕈᑎᓂᒃ ᐆᑕᒃᓴᓂᒃ ᐃᓗᐃᑦᑐᓂᒡᓗ ᐆᑕᒃᓴᓂᒃ ᐆᒪᔪᕕᓂᕐᓂᒃ ᑕᕝᕙ ᐆᒪᔪᑦ ᐸᖕᓂᖏᓐᓂᒃ ᑐᓂᕐᕈᓯᓕᕐᓂᐊᕐᐳᑦ ᑐᓂᕐᕈᓯᕐᕕᖁᑎᖕᓂ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᓴᑲᕅᐊᐅᑉ ᐊᒡᓚᖏᑦ 8:3

ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.