ᒪᓚᑬᑉ ᐊᒡᓚᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒪᓚᑬᑉ ᐊᒡᓚᖏᑦ 3:16 Iomraidhean Croise

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᓴᒧᐃᓕ ᐂᑉᐸᖏᑦ 7:1

ᐊᖓᔪᖅᑳᕐᔪᐊᖅ ᑍᕕᑎ ᐃᓂᖃᓕᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᐊᑕᓂᐅᓪᓗ ᓴᐳᑎᓯᒪᓚᐅᕐᐹ ᐊᑭᕋᓕᒫᖏᓐᓂᑦ ᖃᓂᒋᔭᖓᓃᑦᑐᓂᑦ,

ᐊᑕᓃᑦ ᓯᕗᓪᓖᑦ 18:12

ᐃᓕᖕᓂᓪᓗ ᕿᒪᕉᑎᑐᐊᕈᒪ, ᐊᑕᓂᐅᑉ ᐊᓂᕐᓂᖓᑕ ᐊᐅᓪᓚᕈᑎᓂᐊᕐᐹᑎᑦ ᓄᓇᒧᑦ ᖃᐅᔨᒪᓐᖏᑕᓐᓄᑦ; ᑕᕝᕙ, ᐅᖃᕆᐊᕐᑐᕈᒪ ᐂᕼᐊᑉᒧᑦ ᓇᓂᓐᖏᑐᐊᕈᓂᑎᑦ, ᑕᕝᕙ ᑐᖁᓐᓂᐊᕐᐹᖓ, ᑭᓯᐊᓂᓕ ᐅᕙᖓ ᐱᔩᑦ ᐊᑕᓂᕐᒥᒃ ᑲᒪᑦᓯᐊᒻᒪᕆᒃᐳᖓ ᐅᕕᒃᑲᐅᓂᓐᓂᑦ.

ᐊᑕᓃᑦ ᓯᕗᓪᓖᑦ 18:3

ᐂᕼᐊᐱᐅᑉ ᐅᐸᑍᐊ ᕾᖁᕚ, ᑲᒪᔨᐅᔪᖅ ᐃᒡᓗᖓᓂᒃ. (ᑖᓐᓇ ᐅᐸᑍᐊ ᑲᒪᑦᓯᐊᓪᓚᕆᒃᑑᕗᖅ ᐊᑕᓂᕐᒥᒃ;

ᑯᕉᓂᑲ ᐂᑉᐸᖏᑦ 6:7

“ᐊᑖᑕᒐ ᑍᕕᑎ ᐆᒻᒪᒥᐅᑕᖃᓚᐅᕐᐳᖅ ᐃᒡᓗᓕᐅᕈᒪᓪᓗᓂ ᐊᑕᓂᐅᑉ ᐊᑎᖓᓄᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᐃᔅᑕᐅᑉ ᐊᒡᓚᖏᑦ 2:23

ᑕᒪᓐᓇᓕ ᖃᐅᔨᓴᕐᑕᐅᓕᕋᒥ, ᓱᓕᓂᖓ ᖃᐅᔨᔭᐅᕗᖅ, ᑖᒃᑯᐊᒡᓗ ᐊᖑᑏᒃ ᕿᒥᑦᓯᕕᖕᒥ ᕿᒥᑕᐅᕘᒃ; ᑕᒪᓐᓇᓗ ᑎᑎᕋᕐᑕᐅᓚᐅᕐᐳᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑯᕉᓂᑲᓂ ᐊᖓᔪᖅᑳᕐᔪᐊᖅ ᓇᔫᑎᑎᓪᓗᒍ.

ᐃᔅᑕᐅᑉ ᐊᒡᓚᖏᑦ 6:1

ᑕᒪᑐᒪᓂᓕ ᐅᓐᓄᐊᒥ ᐊᖓᔪᖅᑳᕐᔪᐊᖅ ᓯᓂᒍᓐᓁᓪᓕᕗᖅ; ᑕᕝᕙ ᑎᓕᓯᕗᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᓯᒪᔪᑦ ᑕᕝᕗᓐᖓᕐᑕᐅᓗᑎᒃ ᐊᑐᐊᕐᑕᐅᖁᓪᓗᒋᑦ; ᑕᕝᕙ ᐊᑐᐊᕐᑕᐅᓕᕐᐳᑦ ᐊᖓᔪᖅᑳᕐᔪᐊᕐᒧᑦ.

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 10:4

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 104:33

ᐊᑕᓂᕐᒧᑦ ᐃᓐᖏᖃᑦᑕᕐᓂᐊᕐᐳᖓ ᐃᓅᓯᕋ ᓈᓗᒍ; ᐃᓐᖏᕐᓗᖓ ᒎᑎᒐ ᓂᕐᑐᖃᑦᑕᕐᓂᐊᕐᐸᕋ ᐃᓅᓂᓕᒫᓐᓂ.

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 115:13

ᐊᑕᓂᕐᒥᒃ ᓯᕘᕋᔪᑦ ᓮᒻᒪᕐᑎᓐᓂᐊᕐᐰᑦ, ᒥᑭᔪᑦ ᐊᖏᔪᓪᓗ.

ᐃᓐᖏᕈᑎᑦ 119:63

ᐃᓕᖕᓂᒃ ᓯᕘᕋᒋᔭᖃᕐᑐᓕᒫᑦ ᐃᓚᒋᕙᒃᑲ, ᐱᓂᐊᕐᑕᐅᖁᔭᕐᓂᒃ ᑖᒃᑯᐊ ᓈᓚᖕᒪᑕ.

ᐃᓐᖏᕈᑎᑦ 139:4

ᐊᒡᓛᑦ ᐅᖃᕋ ᐅᖃᐅᓯᕐᒥᒃ ᐅᖃᓚᐅᕐᑎᓐᓇᒍᓘᓐᓃᑦ, ᐃᕝᕕᑦ ᐊᑕᓃᖅ, ᑕᒤᑎᒍᑦᓯᐊᖅ ᖃᐅᔨᒪᕙᕐᒪ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᐃᓐᖏᕈᑎᑦ 16:3

ᐃᑦᔪᕐᓁᑦᑐᓪᓕ ᓄᓇᒦᑦᑐᑦ, ᓈᒻᒪᒋᔭᐅᔪᓪᓗ, ᑖᒃᑯᐊ ᖁᕕᐊᒋᕙᒃᑲ.

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᐃᓐᖏᕈᑎᑦ 33:18

ᐊᑕᓂᐅᓪᓕ ᑕᑯᓐᓇᕐᐰᑦ ᑖᑦᓱᒥᖓ ᓯᕗᕋᔪᑦ, ᑍᒃᑯᐊ ᓂᑲᒋᔭᐅᓂᕐᒥᒃ ᑖᑦᓱᒪᓐᖓᑦ ᓂᕆᐅᒃᑐᑦ,

ᐃᓐᖏᕈᑎᑦ 34:15

ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ, ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.

ᐃᓐᖏᕈᑎᑦ 56:8

ᕿᒫᖃᑦᑕᕐᓂᕐᒪ ᖃᑦᓯᐅᓂᖏᓐᓂᒃ ᖃᐅᔨᒪᕗᑎᑦ; ᖁᕝᕕᒃᑲ ᐊᓕᒍᖁᑎᖕᓄᑦ ᐴᒃᑭᑦ; ᐊᒡᓚᖁᑎᖕᓂ ᑎᑎᕋᕐᓯᒪᓐᖏᓛᑦ?

ᐃᓐᖏᕈᑎᑦ 56:9

ᐃᓕᖕᓄᑦ ᓂᓪᓕᐊᓕᕈᒪ ᐊᑭᕋᕐᑐᕐᑎᒃᑲ ᑕᕝᕙ ᐅᑎᕆᐊᕐᓂᐊᕐᐳᑦ; ᑕᒪᓐᓇ ᖃᐅᔨᑦᔪᑎᒋᓂᐊᕐᐸᕋ ᒎᑎᐅᑉ ᐃᓚᒋᖕᒪᖓ.

ᐃᓐᖏᕈᑎᑦ 66:16

ᕾᒋᑦᓯ ᑐᓵᔭᕐᑐᕐᓗᓯ, ᑕᒪᑦᓯ ᒎᑎᒥᒃ ᓯᕘᕋᔪᓯ, ᐅᖃᐅᑎᓂᐊᕋᑦᓯ ᖃᓄᖅ ᑕᕐᓂᓐᓂᒃ ᐱᓯᒪᖕᒪᖔᑦ.

ᐃᓐᖏᕈᑎᑦ 94:19

ᐅᓄᕐᑐᓂᒃ ᐃᓱᒪᔮᕈᑎᒃᓴᖃᓕᕌᖓᒪ ᐆᒻᒪᑎᓐᓂ, ᑕᕝᕙ ᐃᓱᒻᒥᕐᑐᐃᓂᕐᓄᑦ ᑕᕐᓂᕋ ᖁᕕᐊᓱᓕᕐᑎᑕᐅᕙᒃᐳᖅ.

ᒨᓯᓯ ᐂᑉᐸᖏᑦ 32:32

ᒫᓐᓇ ᐃᓱᒪᒋᔪᓐᓁᕐᕕᒋᓚᐅᒃᑭᑦ ᐊᔪᕐᑐᓕᓂᖏᓐᓂᑦ; ᐃᓱᒪᒋᔪᓐᓁᕐᕕᒋᓂᐊᖏᒃᑯᕕᒋᑦ ᐊᔪᕐᑐᓕᓂᖏᓐᓂᑦ, ᑕᕝᕙ ᐊᑎᕋ ᐲᕐᑕᐅᔪᒃᓴᐅᕗᖅ ᑎᑎᕋᕐᓯᒪᔭᕐᓂᑦ ᐃᓄᖁᑎᕕᑦ ᐊᑎᒃᑯᕕᖏᓐᓂᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:20

ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ, ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 26:3

ᐊᑕᓃᖅ ᓮᒪᓇᕐᑐᒦᑦᓮᓐᓇᕐᑎᑦᓯᕗᑎᑦ, ᓱᖁᓯᔪᐃᑦᑑᓪᓗᑎᒃ ᐃᓱᒪᖏᑦ ᐃᓕᖕᓃᑦᓮᓐᓇᕐᑐᓂᒃ, ᐃᓕᖕᓂᒃ ᑕᑎᖃᕐᓂᕐᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 26:8

ᓱᓕᔪᒃᑯᑦ ᐃᖅᑲᕐᑐᐃᓂᕐᐱᑦ ᐊᖅᑯᑎᖓᒍᑦ, ᐊᑕᓃᖅ ᐅᑕᖅᑭᕙᑦᑎᒋᑦ; ᐊᑎᕐᓂᒡᓗ ᐃᖅᑲᐅᒪᓂᖅ ᑕᕐᓂᑦᑕ ᐱᔪᒪᔭᑐᐊᕆᕚ.

ᐂᓮᐊᓯᐅᑉ ᐊᒡᓚᖏᑦ 4:3

ᓮᐅᓂᒥᓗ ᐊᒥᐊᒃᑯᑦ ᔨᕉᓴᓕᒦᖏᓐᓇᕐᑐᑦ ᑍᔭᐅᔪᒫᕐᐳᑦ ᐃᑦᔪᕐᓁᑦᑐᓂᒃ, ᑕᒪᕐᒥᑦᓯᐊᖅ ᑎᑎᕋᕐᑕᐅᓯᒪᔪᑦ ᔨᕉᓴᓕᒥ ᓄᓇᖃᕐᓂᕋᕐᑕᐅᔪᓕᒫᑦ,

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 65:6

“ᑕᑯᒋᑦ, ᐊᒡᓚᒃᓯᒪᕗᑦ ᓵᓐᓂ; ᓂᐰᑐᐃᓐᓇᕐᓂᐊᓐᖏᓚᖓ ᐊᑭᓂᐊᕈᒫᕐᐳᖓ, ᐃᓛᒃ ᐊᑭᓂᐊᕐᓂᕋ ᓵᖏᓐᓄᑦ ᐱᑎᑦᓱᒫᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 31:18

ᐃᕗᕅᑎ ᕿᒃᓵᒡᓗᓂ ᐅᖃᕐᑐᖅ ᑐᓴᓚᐅᕐᐸᕋ, ᐋᖅᑭᒋᐊᓚᐅᕐᐸᕐᒪ ᓄᕐᕋᕐᑎᑐᑦ ᐃᓕᓴᕐᑕᐅᓯᒪᖏᑦᑐᑎᑐᑦ, ᐃᓂᕐᑎᕋᕕᖓ, ᐋᖅᑭᒍᑎᒋᕙᕋᓗ ᑕᒪᓐᓇ ᐅᑎᕐᑎᓚᐅᓐᖓ ᐅᑎᕐᓂᐊᕋᒪ ᐊᑕᓂᐅᒐᕕᑦ ᒎᑎᒐ.

ᔨᕆᒤᐊᐅᑉ ᐊᒡᓚᖏᑦ 8:6

ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 7:10

ᐃᑯᒪᔪᖅ ᑰᒃᐳᖅ ᑖᑦᓱᒪ ᓵᖓᓂᑦ: ᑕᐅᓴᑎᑦ ᑕᐅᓴᑎᓪᓗ ᐅᖓᑖᓃᑦᑐᑦ ᐱᔨᑦᓯᕐᐳᑦ ᑖᑦᓱᒥᖓ; 10,000 10,000ᐃᕐᑐᕐᓗᒍ ᐅᓄᕐᑎᒋᔪᑦ ᓵᖓᓂ ᓇᖏᕐᐳᑦ, ᐃᖅᑲᕐᑐᐃᓂᖅ ᐱᒋᐊᕐᒪᑦ, ᒪᒃᐱᕐᑐᖅᑲᓪᓗ ᒪᒃᐱᕐᑕᐅᕗᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᓘᑲᓯᐅᑉ ᐊᒡᓚᖏᑦ 2:38

ᐃᑲᕐᕋᒥ ᑕᕝᕙᓂᑦᓮᓐᓇᖅ ᐃᑎᕐᐳᖅ ᒎᑎ ᓂᕐᑐᓕᕐᓗᒍ, ᓄᑕᕋᑯᓗᒃ ᐅᖃᐅᓯᕆᕚ ᐅᑕᖅᑭᔪᓕᒫᓄᑦ ᔨᕉᓴᓕᒻᒥᐅᓄᑦ ᐱᐅᓕᔭᐅᕕᒃᓴᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 1:13

ᐃᒡᓗᒐᓴᒡᔪᐊᓄᑦ ᐃᑎᕋᒥᒃ, ᐃᒡᓘᑉ ᖁᓛᓃᑦᑐᒧᑦ ᓇᔪᒐᕐᒥᖕᓄᑦ ᐃᑎᕐᐳᑦ, ᐲᑦᑐᕉᓯ ᔪᐊᓇᓯ ᔧᒥᓯ ᐋᓐᑐᕉᓗ, ᐱᓕᑉᐴᓯ ᑑᒪᓯᓗ, ᐸᑎᐅᓗᒥᐅ ᒫᑎᐅᓯᓗ, ᔧᒥᓯᓗ ᐊᐅᓪᐱᐊᓯᐅᑉ ᐃᕐᓂᖓ ᓮᒨᓂᓗ ᕉᒪᒥᐅᓂᒃ ᐊᑭᓂᐊᕐᑎᒥᒃ ᑍᔭᐅᔪᖅ, ᔫᑕᓯᓗ ᔧᒥᓯᐅᑉ ᐃᕐᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 2:1

ᐱᓐᑎᑰᔅᑎᐅᑉ ᐅᓪᓗᖓ ᓇᓪᓕᐅᑎᑎᓪᓗᒍ, ᐅᒃᐱᕐᑐᑦ ᐊᑕᖏᕐᓗᑎᒃ ᑲᑎᒪᓚᐅᕐᐳᑦ ᐊᑕᐅᓯᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:11

ᑍᒤᒻᒪᑦ ᒪᓂᒍᕐᑎᒌᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᐄᑉᕈᐃᓄᑦ 10:24

ᐅᕙᑦᑎᓐᓄᓪᓗ ᑲᒪᒋᑦᓯᐊᖃᑦᑕᐅᑎᓚᐅᕐᑕ ᐃᑲᔪᖃᑦᑕᐅᑎᓗᑕᓗ ᓇᒡᓕᖕᓂᑦᑎᓐᓂᒃ ᓴᖅᑭᑎᑦᓯᖃᑦᑕᐅᑎᓗᑕ ᐱᐅᔪᒥᒡᓗ ᐱᓇᓱᐊᑦᓯᐊᕐᓗᑕ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:12

ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.