ᒪᓚᑬᑉ ᐊᒡᓚᖏᑦ 3:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”

ᒪᓚᑬᑉ ᐊᒡᓚᖏᑦ 3:15 Iomraidhean Croise

ᐃᔅᑕᐅᑉ ᐊᒡᓚᖏᑦ 5:10

ᓮᒻᒪᕐᔫᒥᓇᓱᐊᕋᒥᓕ, ᕼᐂᒪᓐ ᐊᖏᕐᕋᕐᐳᖅ; ᑕᕝᕙ ᐃᓚᓐᓇᕆᔭᓂ ᐃᒡᓗᒥᓄᑦ ᕾᖁᕔᑦ ᓄᓕᐊᓂᓗ ᔨᕆᓯ ᐃᓚᒋᔭᐅᖁᕚ.

ᔫᐱᐅᑉ ᐊᒡᓚᖏᑦ 1:22

ᑕᒪᒃᑯᐊᓕ ᑍᒤᒃᑲᓗᐊᕐᒪᑕ, ᔫᐱ ᐸᓯᒃᓯᖏᓐᓇᒥ ᒎᑎᒥᒃ ᑕᒪᑐᒧᖓ ᐊᔪᕐᑐᓕᓚᐅᓐᖏᓚᖅ.

ᔫᐱᐅᑉ ᐊᒡᓚᖏᑦ 12:6

ᑎᒡᓕᒃᑏᑦ ᒎᑎᖃᖏᑦᑐᓪᓗ ᐃᓱᒫᓗᓇᖏᑦᓯᐊᕐᑐᒃᑯᑦ ᐃᓅᕗᑦ, ᓇᖕᒥᓂᖅ ᐱᔪᓐᓇᕐᓂᕐᒥᖕᓂᒃ ᒎᑎᑐᐊᖃᕐᑐᑦ.

ᔫᐱᐅᑉ ᐊᒡᓚᖏᑦ 21:30

ᐃᓄᒃ ᐱᐅᖏᑦᑐᓕᔪᖅ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᖏᑉᐸᑦ, ᓂᓐᖓᐅᓯᐅᔪᒫᕐᑑᑉ ᐅᓪᓗᖓᓂ ᓴᐳᑎᔭᐅᔪᓐᓇᕋᔭᕐᐹ?

ᔫᐱᐅᑉ ᐊᒡᓚᖏᑦ 22:23

ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 106:14

ᐊᖏᔪᕐᔪᐊᒥᒡᓕ ᐃᒃᓯᒎᕐᓂᖃᓕᓚᐅᕐᐳᑦ ᐃᓄᖃᖏᑦᑐᒥ, ᒎᑎᓗ ᐆᒃᑐᓚᐅᕐᐹᑦ ᓱᓇᖃᔪᐃᑦᑐᒥ.

ᐃᓐᖏᕈᑎᑦ 141:4

ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ, ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ; ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.

ᐃᓐᖏᕈᑎᑦ 49:18

ᐃᓅᓂᕐᒥᓂ ᐃᒻᒥᓂᒃ ᓮᒻᒪᕐᑎᓯᒪᓂᕋᕐᐳᖅ ᐊᔪᕐᓴᓐᖏᓕᕈᕕᑦ ᐃᓄᖕᓂᑦ ᓂᕐᑐᕐᑕᐅᓂᐊᕋᕕᑦ,

ᐃᓐᖏᕈᑎᑦ 58:2

ᑍᒤᖏᒻᒪᑦ, ᐆᒻᒪᑎᑦᓯᒍᑦ ᐋᖅᑭᒃᓱᐃᕗᓯ ᓇᓛᒎᖏᑦᑐᒥᒃ ᐃᖅᑲᕐᑐᐃᓂᕐᒥᒃ, ᐊᒡᒐᑦᓯᓐᓄᑦ ᐱᓂᐊᕐᓂᖃᕐᐳᓯ ᑲᑉᐱᐊᓱᒃᑎᑦᓯᓂᕐᒥᒃ ᓄᓇᕐᔪᐊᒥ.

ᐃᓐᖏᕈᑎᑦ 73:12

ᑕᑯᒋᑦ, ᑖᒃᑯᐊ ᐱᐅᖏᑦᑐᑦ ᑍᒤᓕᐅᕐᐳᑦ; ᐃᓱᒪᒥᖕᓂᒃ ᐃᓅᔪᑦ, ᐊᔪᕐᓴᕈᓐᓃᕐᐸᓪᓕᐊᓗᑎᒡᓗ.

ᐃᓐᖏᕈᑎᑦ 73:3

ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.

ᐃᓐᖏᕈᑎᑦ 78:18

ᒎᑎ ᐆᒻᒪᑎᒥᒃᑎᒍᑦ ᐆᒃᑐᓚᐅᕐᐹᑦ ᓂᕿᒃᓴᒥᒃ ᒪᒪᕆᔭᒥᖕᓂᒃ ᕿᓄᕕᒋᓪᓗᒍ.

ᐃᓐᖏᕈᑎᑦ 78:41

ᑍᒪᓐᖓᑦ, ᑍᒪᓐᖓᑦ, ᒎᑎ ᐆᒃᑐᖃᑦᑕᓚᐅᕐᐹᑦ, ᓂᓐᖓᒃᓴᕐᓗᒍᓗ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᑦ.

ᐃᓐᖏᕈᑎᑦ 78:56

ᓱᓕᓕ ᐆᒃᑐᕋᓚᐅᕐᐳᑦ ᓂᓐᖓᒃᓴᕐᓗᒍᓗ ᒎᑎ ᖁᑦᓯᖕᓂᕐᐹᖑᔪᖅ, ᐱᖁᔭᖏᓪᓗ ᒪᓕᓚᐅᓐᖏᓔᑦ.

ᐃᓐᖏᕈᑎᑦ 95:9

ᓯᕗᓕᕆᓚᐅᕐᑕᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ, ᐱᓇᓱᐊᕐᓂᕆᓚᐅᕐᑕᓐᓂᒃ ᑕᑯᖃᑦᑕᕐᓯᒪᒐᓗᐊᕐᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:12

ᐱᐅᖏᑦᑐᑦ ᐱᐅᖏᑦᑐᓕᔪᑦ ᐱᓂᐊᕐᓂᖏᓐᓂᒃ ᑐᓱᕗᑦ, ᐃᓱᐊᕐᑐᓪᓕ ᐊᒫᖃᕐᐳᑦ ᐸᐅᕐᖓᓂᒃ ᐱᕈᕐᕕᐅᓕᕈᓐᓇᕐᑐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:14

ᓱᓕ ᑐᑭᖃᖏᑦᑐᒥᒃ ᐱᑕᑲᕆᕗᖅ ᓄᓇᒥ, ᐃᓄᐃᑦ ᐃᓱᐊᕐᑐᖅ ᐱᓂᐊᕐᕕᐅᕙᖕᒥᖕᒪᑕ ᐊᔪᕐᑐᓕᔪᑦ ᐱᓂᐊᕐᕕᐅᓂᒃᓴᖏᓐᓂᒃ, ᐊᔪᕐᑐᓕᔪᓪᓗ ᐃᓱᐊᕐᑐᑦ ᐱᓂᐊᕐᕕᐅᓂᒃᓴᖏᓐᓂᒃ ᐱᓂᐊᕐᕕᐅᕙᒃᑐᑦ. ᐅᖃᕐᐳᖓ, ᑕᒪᓐᓇ ᑐᑭᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 2:22

ᐃᓄᒃ ᐊᓚᕐᓯᐅᒃ ᓱᕐᓗᖕᒥᒍᑦ ᐊᓂᕐᓵᕐᑐᕐᐸᒃᑐᖅ, ᓱᓇᒦᒃ ᐊᑑᑎᒃᓴᖃᕐᒪᑦ?

ᔨᕆᒤᐊᐅᑉ ᐊᒡᓚᖏᑦ 7:10

ᐊᒻᒪ ᑐᒃᓯᐊᕐᕕᖁᑎᑦᓯᓐᓄᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐃᑎᕌᖓᑦᓯ ᐅᖃᓕᕐᐸᖕᒥᓗᓯ ‘ᐅᕙᓂ ᓴᐳᑦᔭᐅᓂᐊᕐᐳᒍᑦ.’ ᓴᐳᑎᔭᐅᓯᒪᓂᐊᕐᐱᓰ? ᑕᒪᒃᑯᓂᖓ ᓈᒻᒪᖏᑦᑐᐊᓗᖕᓂᒃ ᐱᓇᓱᐊᕐᑎᓪᓗᓯ?

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 6:16

ᑍᒤᒻᒪᑦ ᐊᖓᔪᖅᑳᕐᔪᐊᖅ ᐱᖁᔨᕗᖅ, ᑖᓂᐊᓕ ᐂᔭᐅᖁᓪᓗᒍ ᓛᔧᓪᓗ ᓯᑎᖓᓄᑦ ᐃᒋᑕᐅᖁᓪᓗᒍ, ᐊᖓᔪᖅᑳᕐᔪᐊᕐᓗ ᑖᓂᐊᓕᒧᑦ ᐅᖃᕐᐳᖅ, “ᒎᑎᕕᑦ ᑍᒪᓐᖓᑦ ᐱᔨᑦᓯᕐᑕᕕᑦ, ᓴᐳᑎᓕᑎᑦ!”

ᒪᓚᑬᑉ ᐊᒡᓚᖏᑦ 2:17

ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 12:21

ᐅᓪᓗᒥ ᑲᑎᕕᐅᔪᒪᔪᒥ ᐃᕉᑕᓯᐅᑉ ᐊᖓᔪᖅᑳᕐᔪᐊᕐᓯᐅᑎᓂ ᐊᓐᓄᕌᑦ ᐊᑎᕔᑦ, ᐃᒃᓯᕙᐅᑕᕐᔪᐊᕐᒧᑦ ᐃᖏᓪᓗᓂ, ᑖᒃᑯᓄᖓ ᐅᖃᓪᓚᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 5:9

ᐲᑦᑐᕉᓯᐅᑉ ᐅᖃᐅᑎᕚ, “ᓲᖅ ᐅᐃᓪᓗ ᐊᖏᖃᑎᒌᒃᓯᒪᕕᓰᒃ ᐊᑕᓂᐅᑉ ᐊᓂᕐᓂᖓ ᐆᒃᑐᕈᒪᓪᓗᒎ? ᑕᑯᒋᑦ, ᐊᖑᑏᑦ ᐅᐃᖕᓂᒃ ᐃᓗᕕᕐᓯᖅᑲᐅᔪᑦ ᐃᑎᓕᕐᐳᑦ, ᑖᒃᑯᓇᓐᖓᑦ ᐊᒡᔭᕐᑕᐅᓗᑎᑦ ᐊᓐᓂᓯᔭᐅᓂᐊᕆᕗᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:9

᙭ᔅᑑᓯᒥᒃ ᐆᒃᑐᕐᓗᐃᓂᐊᕋᑕ ᑍᒃᑯᑎᑐᓇᖅ, ᐃᓚᖏᑦ ᑍᒤᓚᐅᕋᒥᒃ ᖁᓗᒋᐊᕌᓗᖕᓄᑦ ᑐᖁᑕᐅᓚᐅᕐᐳᑦ.

ᐄᑉᕈᐃᓄᑦ 3:9

ᑕᕝᕙᓂ ᓯᕗᓕᕕᓂᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ ᐱᓇᓱᐊᕐᓂᑲ ᑕᑯᓚᐅᕐᐰᑦ ᐊᕐᕌᒍᓂᒃ 40ᓂᒃ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”