ᒪᓚᑬᑉ ᐊᒡᓚᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐃᓕᑦᓯᓕ ᕿᒤᓯᒪᕗᓯ ᐊᖅᑯᒻᒥᒃ; ᐅᓄᕐᑐᓂᒡᓗ ᐹᓪᓚᒃᑎᑦᓯᓚᐅᕐᐳᓯ ᐊᔪᕆᕐᑐᐃᓂᑦᓯᒍᑦ; ᓕᕔᓪᓗ ᐊᖏᖃᑎᒌᒍᑎᖏᓐᓂᒃ ᓯᖁᒥᑦᓯᓯᒪᓪᓗᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 2:8 Iomraidhean Croise

ᐊᑕᓃᑦ ᐂᑉᐸᖏᑦ 16:11

ᑐᓂᕐᕈᓯᕐᑎᑦᓯᔨ ᔪᕅᐊ ᐊᑦᔨᑦᓯᐊᖓᓂᒃ ᑐᓂᕐᕈᓯᕐᕕᓕᐅᕐᐳᖅ ᐂᕼᐊᔅ ᑕᒫᓯᑰᓯᒥᑦ ᐅᑎᓚᐅᖏᓐᓂᖓᓂ ᐱᔭᕇᕐᑕᐅᑎᓪᓗᓂᐅᒃ.

ᓂᕼᐃᒤᐊᐅᑉ ᐊᒡᓚᖏᑦ 13:29

ᒎᑎᒐ ᐃᖅᑲᐅᒪᒃᑭᑦ, ᑐᓂᕐᕈᓯᕐᑎᑦᓯᔨᓂᒃ ᓇᕐᕈᓇᕐᓯᑎᑦᓯᖕᒪᑕ; ᐊᖏᖃᑎᒌᒍᑎᒋᓯᒪᔭᓕᒫᖏᓐᓂᒡᓗ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ.

ᐃᓐᖏᕈᑎᑦ 119:102

ᐊᑐᕐᑕᐅᖁᔭᕐᓂᒃ ᓈᒻᒪᓈᕐᑐᓂᒃ ᕿᒤᓚᐅᓐᖏᓚᖓ, ᐃᕝᕕᑦ ᓇᖕᒥᓂᖅ ᐃᓕᓴᕐᑎᓚᐅᕋᕕᖓ.

ᐃᓐᖏᕈᑎᑦ 18:21

ᐊᖅᑯᑎᖏᑦ ᐊᑐᐃᓐᓇᕋᒃᑭᑦ ᐱᐅᖏᑦᑐᓕᓂᕐᒧᓪᓗ ᒎᑎᒥᒃ ᕿᒤᓚᐅᖏᓐᓇᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:8

ᐊᖑᑦ ᐅᖃᐅᓯᐅᑦᓯᐊᕐᐸᒃᐳᖅ ᐱᐅᔪᓂᒃ ᐃᓱᒪᖃᕐᓂᖓ ᐱᓪᓗᒍ, ᐱᐅᖏᑦᑐᓂᒡᓕ ᐃᓱᒪᖃᕐᑐᖅ ᓇᕐᕈᒋᔭᐅᒐᔪᒃᐳᖅ.

ᐂᓮᐊᓯᐅᑉ ᐊᒡᓚᖏᑦ 30:11

ᐊᖅᑯᒻᒥᑦ ᐊᒡᕔᕆᑦᓯ, ᐊᖅᑯᑕᐅᕙᒃᑐᖅ ᐊᑐᕈᓐᓃᕐᓗᒍ, ᑐᓴᕐᑎᑦᓯᓂᐊᕋᓯ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᓂᒃ ᐅᕙᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 9:16

ᓯᕗᓕᕐᑏᑦ ᑕᓯᐅᕐᓯᓚᐅᕐᐳᑦ ᑖᒃᑯᓂᖓ ᑕᒻᒪᕐᓇᕐᑐᒧᑦ, ᑕᓯᐅᕐᑕᐅᔪᓪᓗ ᑖᒃᑯᓄᖓ ᐄᔭᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 17:13

ᐊᑕᓃᖅ ᐃᓴᕆᐊᓕᒥᐅᑦ ᓂᕆᐅᒋᔭᖃᕐᕕᒋᔭᖓᑦ, ᐃᓕᖕᓂᒃ ᕿᒤᔪᑦ ᑲᓐᖑᓇᕐᑐᒦᑦᓱᒫᕐᐳᑦ; ᐃᓕᖕᓂᒃ ᑐᓄᐃᔪᑦ ᐳᔪᕋᒃᑯᑦ ᐊᑎᓕᐅᕐᑕᐅᓯᒪᔪᑎᑐᑦ ᐊᓯᐅᔪᒫᕐᐳᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᐃᒥᕐᕕᒃᓴᒥᒃ ᐃᓅᓯᖃᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 44:10

“ᓕᕔᑎᓪᓕ ᐅᕙᓐᓂᑦ ᐅᖓᓯᒃᓯᓚᐅᕐᐳᑦ, ᐅᕙᓐᓂᒃ ᕿᒤᓪᓗᑎᒃ ᒎᑎᓐᖑᐊᓄᑦ ᓵᖔᓕᕐᓗᑎᒃ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑖᒃᑯᐊ ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 44:12

ᐱᔨᑦᓯᖃᑦᑕᓚᐅᕐᒪᑕ ᒎᑎᓐᖑᐊᓄᑦ ᐊᒡᕕᐊᕈᑎᒃᓴᐅᓕᕐᓗᑎᒡᓗ ᐊᔪᕐᑐᓕᑎᑦᓯᓯᒪᓂᕐᒥᖕᓄᑦ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᑍᒤᒻᒪᑦ ᐅᖃᕕᓚᐅᕐᐳᖓ ᑖᒃᑯᐊ ᐱᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ, ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᒨᓯᓯ ᐱᖓᔪᖏᑦ 21:15

ᑍᒫᒃ ᐱᔭᕆᐊᖃᕐᐳᖅ ᕿᑐᕐᖓᖏᑦ ᐃᑦᔪᕐᓇᕐᑑᖁᓇᒋᑦ ᐃᓅᖃᑎᒥ ᐊᑯᕐᖓᓐᓂ. ᐅᕙᖓ ᐊᑕᓂᐅᒐᒪ, ᑖᓐᓇ ᐃᑦᔪᕐᓁᑎᓯᒪᒐᒃᑯ.”

ᔨᐸᓁᐊᐅᑉ ᐊᒡᓚᖏᑦ 3:4

ᓇᓚᐅᑦᑍᔨᖁᑎᖏᑦ ᐅᖃᐅᓯᕐᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᕐᑎᑦᓯᔨᖏᑦ ᓇᕐᕈᓇᕐᓯᑎᑦᓯᕗᑦ ᐃᑦᔪᕐᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᓂᕐᓗᒃᐳᑦ.

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᒪᓚᑬᑉ ᐊᒡᓚᖏᑦ 2:5

“ᐊᖏᖃᑎᒌᒍᑎᒐ ᑖᑦᓱᒪᓃᒻᒪᑦ ᐃᓅᓯᖅ ᓮᒪᓇᕐᑐᖅ, ᑐᓂᓚᐅᕐᑕᕋ ᐅᕙᓐᓂᒃ ᓯᕘᕋᖁᓪᓗᒍ, ᐅᕙᓐᓂᒃ ᓯᕘᕋᓚᐅᕐᐳᑦ ᐃᓕᕋᓱᒡᓗᓂᓗ ᐊᑎᓐᓂᒃ.

ᒨᓯᓯ ᓯᑕᒪᖏᑦ 25:12

ᑍᒤᒻᒪᑦ ᐅᖃᐅᑎᒍᒃ ᑕᑯᒋᑦ, ᐊᖏᖃᑎᒌᖕᓂᕐᒥᒃ ᑐᓂᓯᕕᒋᕙᒋᑦ ᓮᒪᓇᕐᑐᒦᖁᓪᓗᑎᑦ;

ᒨᓯᓯ ᓯᑕᒪᖏᑦ 25:13

ᑖᓐᓇ ᑭᖑᕚᖏᓪᓗ ᐊᖏᖃᑎᒌᒍᑎᒧᑦ ᑐᓂᕐᕈᓯᕐᑎᑦᓯᔨᐅᖏᓐᓇᕐᓂᐊᓕᕐᐳᑦ ᐃᓱᖃᖏᑦᑐᒧᑦ, ᒎᑎᒥᓂᒃ ᐊᒃᓱᕈᕈᑎᖃᓚᐅᕐᒪᑦ ᓴᐳᑎᔪᒪᓪᓗᒍ, ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᓚᐅᕐᒪᑦ.”

ᕉᒪᒥᐅᓄᑦ 14:21

ᐱᐅᓂᕐᓴᐅᕗᖅ ᓂᕿᒥᒃ ᓂᕆᖏᒃᑯᕕᒃ ᐅᐂᓂᒥᒡᓘᓐᓃᑦ ᐃᒥᖏᒃᑯᕕᑦ ᐊᓯᖏᓐᓂᒡᓘᓐᓃᑦ ᐅᒃᐱᕐᑑᖃᑎᕕᑦ ᑲᑕᒍᑎᒋᒐᔭᕐᑕᖓᓂᒃ.

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᓴᒧᐃᓕ ᓯᕗᓪᓖᑦ 2:17

ᐃᓔᑉ ᐃᕐᓂᖏᑕ ᐊᔪᕐᑐᓕᓂᖏᑦ ᐱᐅᖏᑦᑐᒻᒪᕆᐅᓚᐅᕐᐳᑦ ᐊᑕᓂᐅᑉ ᓵᖓᓂ; ᑐᓂᕐᕈᑎᒋᔭᐅᔪᓂᒃ ᐊᑕᓂᕐᒧᑦ ᐃᒃᐱᒍᓱᑦᓯᐊᖏᓂᖏᑦ ᐱᑦᔪᑎᒋᓪᓗᒋᑦ.

ᓴᒧᐃᓕ ᓯᕗᓪᓖᑦ 2:24

ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ.

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.