ᒪᓚᑬᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐊᖏᖃᑎᒌᒍᑎᒐ ᑖᑦᓱᒪᓃᒻᒪᑦ ᐃᓅᓯᖅ ᓮᒪᓇᕐᑐᖅ, ᑐᓂᓚᐅᕐᑕᕋ ᐅᕙᓐᓂᒃ ᓯᕘᕋᖁᓪᓗᒍ, ᐅᕙᓐᓂᒃ ᓯᕘᕋᓚᐅᕐᐳᑦ ᐃᓕᕋᓱᒡᓗᓂᓗ ᐊᑎᓐᓂᒃ.

ᒪᓚᑬᑉ ᐊᒡᓚᖏᑦ 2:5 Iomraidhean Croise

ᐃᓐᖏᕈᑎᑦ 61:5

ᒎᑏ, ᐊᖏᒻᒪᕆᒍᑎᒋᓯᒪᔭᒃᑲ ᑐᓴᕋᕕᒋᑦ, ᑐᓂᓯᕕᒋᒐᕕᖓ ᐊᑎᕐᓂᒃ ᓯᕘᕋᔪᑦ ᐱᔭᒃᓴᖏᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:2

ᐃᓱᐊᕐᑐᒥᒃ ᐃᓅᔪᖅ ᐊᑕᓂᕐᒥᒃ ᓯᕘᕋᒋᔭᖃᕐᓗᓂ ᐃᓅᕗᖅ, ᐃᓱᐃᑦᑐᒥᒡᓕ ᐃᓅᔪᖅ ᐊᑕᓂᕐᒥᒃ ᓇᕐᕈᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 37:26

ᐊᖏᖃᑎᒌᒍᑎᓕᐅᕈᒫᕐᐳᖓᓗ ᑖᒃᑯᓄᖓ ᐃᓂᓪᓚᖓᑦᓯᐊᕐᓇᕐᑐᒥᒃ; ᑕᒪᓐᓇᓗ ᐊᖏᖃᑎᒌᒍᑎᓕᐅᕐᓂᕋ ᑖᒃᑯᓄᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ; ᓮᒻᒪᕐᑎᑦᓱᒫᕐᐸᒃᑲ ᐅᓄᕐᓯᕙᓪᓕᐊᑎᓪᓗᒋᓪᓗ, ᐃᑦᔪᕐᓁᑦᑐᕕᖁᑎᖓᓗ ᐊᑯᕐᖓᓐᓂ ᐃᓂᖃᕐᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᒨᓯᓯ ᓯᑕᒪᖏᑦ 25:7

ᐱᓂᕼᐋᓯᐅᓪᓕ ᐃᓕᓯᕆᐅᑉ ᐃᕐᓂᖓᑕ, ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᖑᑕᖓᑕ, ᑕᑯᒐᒥᐅᑉ, ᒪᑭᑉᐳᖅ ᐃᓄᒋᐊᒃᑐᕐᔪᐊᑦ ᐊᑯᕐᖓᓐᓂᑦ ᓇᐅᒃᑯᑎᒥᒃ ᑎᒍᓯᓪᓗᓂ;

ᒨᓯᓯ ᓯᑕᒪᖏᑦ 25:8

ᐊᖑᑦ ᐃᓴᕆᐊᓕᒥᐅᑕᖅ ᒪᓕᒃᓴᕐᐹ ᑐᐱᖓᓄᑦ ᐃᑎᕐᓗᓂ ᑕᒪᕐᒥᒃ ᐊᑕᐅᑦᓯᒃᑯᑦ ᑲᐱᓪᓗᒋᒃ ᐃᓴᕆᐊᓕᒥᐅᕐᓗ ᐊᖑᑦ ᐊᕐᓇᕐᓗ. ᑍᒫᒃ ᐋᓐᓂᐊᓇᕐᑐᖅ ᑐᖁᕅᔪᖅ ᓄᖅᑲᕐᐳᖅ ᐃᓴᕆᐊᓕᒥᐅᓂᑦ.

ᒨᓯᓯ ᓯᑕᒪᖏᑦ 3:45

“ᓕᕔᑎᑦ ᓂᕈᐊᒃᑭᑦ ᐃᓴᕆᐊᓕᒥᐅᓂ ᐃᕐᓂᐊᖑᖅᑳᕐᑐᓕᒫᑦ ᐱᓐᖏᖔᕐᓗᒋᑦ, ᓕᕔᑎᓪᓗ ᐆᒪᔪᖁᑎᖏᑦ ᐱᓗᒋᑦ ᑍᒃᑯᐊ ᐆᒪᔪᖁᑎᖏᑦ ᐱᓐᖏᖔᕐᓗᒋᑦ. ᓕᕔᑎᑦ ᐱᒋᓂᐊᕋᒃᑭᑦ: ᐅᕙᖓ ᐊᑕᓂᐅᒐᒪ.

ᒨᓯᓯ ᓯᑕᒪᖏᑦ 8:15

ᑕᒪᑐᒪ ᑭᖑᓂᖓᒍᑦ ᓕᕔᑎᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᑎᕐᓂᐊᕐᐳᑦ ᐱᔨᑦᓯᕆᐊᕐᑐᓕᕐᓗᑎᒃ. ᑍᒫᒃ ᓴᓗᒻᒪᕐᓴᕆᐊᖃᕐᐸᓯ ᑐᓂᕐᕈᑎᒋᓗᒋᓪᓗ ᐃᓵᒃᑕᕈᑎᔭᐅᔪᑐᑦ ᑐᓂᕐᕈᑎᒃᓴᑐᑦ.