ᒪᓚᑬᑉ ᐊᒡᓚᖏᑦ 2:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”

ᒪᓚᑬᑉ ᐊᒡᓚᖏᑦ 2:17 Iomraidhean Croise

ᔫᐱᐅᑉ ᐊᒡᓚᖏᑦ 34:17

ᓇᓛᒎᕐᓂᕐᒥᒃ ᐆᒥᓱᒃᑐᖅ ᑲᒪᔨᐅᔪᓐᓇᕋᓗᐊᕐᐹ? ᐸᓯᔭᒃᓴᐅᓂᕋᕈᓐᓇᕐᐱᐅᒃ ᓇᓛᒎᕐᑐᑐᐊᖅ ᐊᔪᒐᖃᖏᑦᑐᖅ?

ᔫᐱᐅᑉ ᐊᒡᓚᖏᑦ 34:36

ᐃᓱᒪᒋᓚᐅᕐᓯᒋᒃ ᔫᐱᐅᑉ ᐅᖃᐅᓯᕆᓚᐅᕐᑕᓕᒫᖏᑦ, ᑕᕝᕙ ᑕᑯᔪᓐᓇᕐᐳᓯ ᐱᐅᖏᑦᑐᓕᔪᑎᑐᑦ ᐅᖃᓪᓚᒡᓯᒪᖕᒪᑦ.

ᔫᐱᐅᑉ ᐊᒡᓚᖏᑦ 36:17

ᐃᕝᕕᓪᓕ ᓱᒋᐊᕐᑕᐅᓯᒪᕗᑎᑦ ᐱᐅᖏᑦᑐᓕᓂᑎᑦ ᐱᑦᔪᑎᒋᓪᓗᒋᑦ; ᓱᒋᐊᕐᑕᐅᒃᔪᑎᒋᔭᕆᐊᖃᕐᑕᕐᓄᑦ ᓈᒻᒪᓈᕐᑕᐅᓯᒪᕗᑎᑦ.

ᔫᐱᐅᑉ ᐊᒡᓚᖏᑦ 9:24

ᓄᓇᕐᔪᐊᖅ ᐱᐅᖏᑦᑐᓕᔪᓄᑦ ᑐᓂᔭᐅᓯᒪᕗᖅ; ᐃᓅᖃᑎᒥᖕᓂᒡᓗ ᐋᖅᑭᒃᓱᐃᔨᓕᒫᑦ ᑕᑯᓐᓇᕈᓐᓁᕐᑎᓯᒪᓪᓗᓂᒋᑦ ᒎᑎᓕ ᑍᒤᑎᑦᓯᖏᑉᐸᑦ, ᑭᓇᓕ ᑍᒪ ᑍᒤᑎᑦᓯᓯᒪᕙ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:11

ᐱᐅᖏᑦᑐᓕᔪᑦ ᐃᖅᑲᕐᑐᕐᑕᐅᓂᖏᑦ ᐱᓇᓵᕐᑎᑕᐅᒃᐸᑕ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐱᐅᖏᑦᑐᓕᔪᒪᓂᕐᒧᑦ ᑲᔪᖏᕐᑎᑕᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:14

ᑕᖅᑭᓂᕋᑖᕐᓂᖓᓂ ᐅᓪᓗᓄᓪᓗ ᐃᑦᔪᕐᓁᑦᑐᓄᑦ ᓇᓪᓕᐅᓐᓂᕐᓯᐅᕐᓂᕆᕙᒃᑕᓯ ᑕᕐᓂᕐᒪ ᐆᒥᒋᕔᑦ; ᐅᕙᓐᓄᑦ ᐅᖁᒤᒃᓴᕐᓇᕐᓯᖕᒪᑕ, ᐃᕿᐊᓐᖒᑎᕙᒃᑲ ᐊᒡᔭᕆᐊᖏᑦ.

ᐂᓮᐊᓯᐅᑉ ᐊᒡᓚᖏᑦ 29:15

ᑲᑉᐱᐊᓐᓇᒦᒃ ᐃᑎᔪᒥᒃ ᐃᔨᕐᓯᒪᓇᓱᒃᑐᑦ ᐊᑕᓂᕐᒧᑦ ᐃᓱᒪᓕᐅᕈᑎᒋᔭᒥᖕᓂᒃ, ᐱᓂᐊᕐᓂᖏᑦ ᑖᕐᑐᒦᑦᑐᑦ; ᐅᖃᕐᓗᑎᒃ, “ᑭᐊ ᑕᑯᓐᓇᕐᐹᑎᒍᑦ? ᑭᐊᓗ ᖃᐅᔨᒪᕚᑎᒍᑦ?”

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 43:22

ᐃᓕᑦᓯᓕ ᐅᕙᓐᓄᑦ ᑐᒃᓯᐊᓚᐅᓐᖏᓚᓯ ᔧᑰᑉ ᑭᖑᕚᖏᑦ; ᐅᕙᓐᓂᒡᓗ ᐃᓗᖏᕐᑐᕈᑎᖃᓚᐅᕋᓯ, ᐃᓴᕆᐊᓕᒥᐅᖑᔪᓯ!

ᐂᓮᐊᓯᐅᑉ ᐊᒡᓚᖏᑦ 43:24

ᓂᐅᕕᓚᐅᓐᖏᓚᓯ ᑎᐱᑦᓯᐊᕆᒃᑐᓂᒃ ᓰᕐᓇᕐᑐᓂᒃ ᐅᕙᓐᓄᑦ ᑐᓂᕐᕈᑎᒃᓴᓂᒃ, ᐆᒪᔪᓪᓗ ᑐᓂᕐᕈᑎᒋᕙᒃᑕᓯ ᑐᓐᓄᖏᓐᓂᒃ ᖁᕕᐊᒋᔭᓐᓂᒃ ᑐᓂᕐᕈᓯᕐᕕᒋᓚᐅᓐᖏᓚᑦᓯᓐᖓ, ᑭᓯᐊᓂᓕ ᐅᖁᒤᑦᑐᒦᑎᑉᐸᑦᓯᓐᖓ ᐊᔪᕐᑐᓕᓂᑦᓯᓐᓄᑦ, ᐱᔭᒃᓴᕆᓐᖏᑕᑦᓯᓐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᐃᕿᐊᓐᖑᕐᑎᖔᕐᐸᑦᓯᓐᖓ.

ᐂᓮᐊᓯᐅᑉ ᐊᒡᓚᖏᑦ 7:13

ᐂᓮᐊᓯᓕ ᐅᖃᓕᕐᐳᖅ, “ᓈᓚᒋᑦᓯ, ᑍᕕᑎᒧᑦ ᑭᖑᕚᖑᔪᓯ! ᐃᓅᖃᑎᑦᓯᓐᓄᑦ ᕿᓄᐃᓵᕈᑕᐅᔪᓐᓇᕋᓱᒋᓗᐊᕈᑦᓯ, ᒎᑎᐅᓪᓕ ᕿᓄᐃᓵᕈᑎᒌᓐᓇᕐᓂᐊᓐᖏᓛᓰ?

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 17:15

ᑕᑯᒋᑦ, ᐅᖃᐅᑦᔭᐅᕙᒃᐳᖓ, “ᓇᐅᒡᓕ ᐊᑕᓂᐅᑉ ᐅᖃᐅᓯᖓ? ᒫᓐᓇ ᐊᑏ ᑎᑭᓕᕐᓕ!”

ᔨᕆᒤᐊᐅᑉ ᐊᒡᓚᖏᑦ 44:22

ᐊᑕᓂᖅ ᕿᓄᐃᓵᕈᓐᓁᓪᓕᒐᒥ ᐱᐅᖏᑦᑐᓂᒃ ᐃᓕᖅᑯᓯᖃᕐᓂᑦᓯᓐᓄᑦ, ᓈᒻᒪᒋᓐᖏᑕᖏᓐᓂᒡᓗ ᐱᓇᓱᐊᖃᑦᑕᕐᓂᑦᓯᓐᓄᑦ ᓄᓇᒋᔭᓯ ᐅᖃᐅᓯᕐᓘᑎᒃᓴᓐᖑᓚᐅᕐᐳᖅ, ᓱᓁᕈᑎᓪᓗᓂᓗ ᐃᓄᖃᕈᓐᓃᕐᓗᓂᓗ ᒫᓐᓇ ᑍᒤᑦᑑᓕᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 16:43

ᐃᖅᑲᐅᒪᔪᓐᓁᕋᑦᓯᐅᒃ ᐃᓅᓱᒃᑑᑎᓪᓗᓯ ᐱᐅᓯᕆᓚᐅᕐᑕᓯ, ᓂᓐᖓᒃᑎᓚᐅᕋᑦᓯᓐᖓ ᑕᒪᒃᑯᓂᖓ ᐱᐅᖏᑦᑐᓂᒃ ᐱᓂᐊᕐᓂᑦᓯᓐᓄᑦ; ᑍᒤᒻᒪᑦ ᑕᑯᒋᑦ, ᐱᓂᐊᕐᓂᕆᓚᐅᕐᑕᑦᓯᓐᓄᑦ ᐊᑭᓂᐊᕐᕕᒋᔪᒫᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. “ᓱᖕᒪᑦ ᐃᒃᓯᒎᕐᓂᖅ ᐃᓚᐅᑎᓐᓇᓱᓚᐅᕐᐱᓯᐅᒃ ᓇᕐᕈᓇᕐᑐᓕᓂᑦᓯᓐᓄᑦ?”

ᐃᓯᑭᐊᓕᐅᑉ ᐊᒡᓚᖏᑦ 18:25

“ᐅᖃᕐᐳᓯᓕ, ‘ᐊᑕᓂᖅ ᐱᓂᐊᕐᓂᕐᒥᓂᒃ ᓈᒻᒪᓈᕐᓯᒪᓐᖏᓚᖅ.’ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᓴᓕᕆᑦᓯ: ᐱᓂᐊᕐᓂᕆᔭᕋ ᓈᒻᒪᓈᕐᓯᒪᓇᓱᒋᖏᑉᐱᓯᐅᒃ? ᐃᓕᑦᓯᖔᖅ ᐱᓂᐊᕐᓂᕆᔭᓯ ᓈᒻᒪᓈᕐᓯᒪᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 8:12

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᖃᐅᔨᕖᑦ? ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᕐᑎᖏᑦ ᐃᔨᕋᕐᑐᕐᓗᑎᒃ ᖃᓄᐃᓕᐅᕐᐸᖕᓂᖏᓐᓂᒃ, ᐃᒡᓗᕈᓯᕐᒥ ᐊᑐᓂᑦ ᒎᑎᓐᖑᐊᓂᒃ ᐊᑦᔨᓐᖑᐊᖁᑎᖃᐅᕐᐳᑦ; ᐅᖃᖃᑦᑕᕐᐳᑦ, ‘ᐊᑕᓂᐅᑉ ᑕᑯᓐᓇᓐᖏᓛᑎᒍᑦ, ᐊᑕᓂᐅᑉ ᓄᓇ ᕿᒪᒃᓯᒪᓕᕐᐹ.’”

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᐂᒨᓯᐅᑉ ᐊᒡᓚᖏᑦ 2:13

ᑕᑯᒋᑦ, ᐊᕐᑐᕐᓴᕐᑎᓐᓂᐊᕐᐸᑦᓯ ᐅᓂᐊᒐᐅᑉ ᐅᖁᒤᓐᓂᖓᑐᑦ ᑕᑕᑦᑐᑎᑐᑦ ᓂᐊᖂᔭᒃᓴᒥᒃ.

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᒪᓚᑬᑉ ᐊᒡᓚᖏᑦ 2:14

ᐊᐱᕆᒐᓗᐊᕐᐳᓯ, “ᓱᓇ ᐱᑦᔪᑎᒋᓪᓗᒍ?” ᐊᑕᓂᖅ ᖃᐅᔨᓚᐅᕐᒪᑦ ᓄᓕᐊᓪᓗ ᐃᓅᓱᒃᑑᑎᓪᓗᓯᒃ ᐊᖏᖃᑎᒌᓚᐅᕐᓂᑦᓯᓐᓂᒃ, ᑖᑦᓱᒪ ᐊᓯᐊᓄᐊᕐᓯᒪᒐᕕᑦ; ᑖᓐᓇ ᐊᕐᓇᖅ ᐂᑉᐸᕆᒐᓗᐊᕐᓗᒍ ᓄᓕᐊᕆᓪᓗᒍᓗ ᐊᖏᖃᑎᒌᖕᓂᒃᑯᑦ.

ᒪᓚᑬᑉ ᐊᒡᓚᖏᑦ 3:8

ᐃᓄᒃ ᒎᑎᒥᑦ ᑎᒡᓕᒍᓐᓇᕐᐹ? ᑎᒡᓕᒐᕐᕕᒋᕙᑦᓯᓐᖓᓕ. ᐅᖃᕐᐳᓯᓕ, ‘ᖃᓄᖅ ᐃᓕᖕᓂᑦ ᑎᒡᓕᒃᓯᒪᕕᑖ?’ ᑕᓪᓕᒪᐅᔪᐃᕐᓂᑦᓯᒍᑦ ᑐᓂᕐᕈᓯᕐᓂᑦᓯᒍᓪᓗ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᓴᒧᐃᓕ ᓯᕗᓪᓖᑦ 2:3

ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ, ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ; ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ, ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.