ᒪᓚᑬᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓇᕐᕈᓇᕐᑐᓂᒃ ᓂᕿᓂᒃ ᑐᓂᕐᕈᓯᕐᐳᓯ ᑐᓂᕐᕈᓯᕐᕕᓐᓂ, ᐅᖃᕐᐳᓯᓗ, ‘ᖃᓄᖅ ᓇᕐᕈᓇᕐᓯᑎᑦᓯᓚᐅᕐᐱᑖ?’ ᐃᓱᒪᓚᐅᕋᑦᓯ ᐊᑕᓂᐅᑉ ᑐᓂᕐᕈᓯᕐᕕᖁᑎᖓ ᐱᓪᓚᕆᐅᓗᐊᓐᖏᓚᖅ.

ᒪᓚᑬᑉ ᐊᒡᓚᖏᑦ 1:7 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 41:22

ᕿᔪᐃᓐᓇᕐᒥᒃ, ᑕᓪᓕᒪᓂᒃ ᐃᑎᒐᖕᓂᒃ ᐳᕐᑐᓂᖃᕐᐳᖅ, ᑕᑭᓂᖃᕐᓗᓂ ᓯᑕᒪᓂᒃ ᐃᑎᒐᖕᓂᒃ, ᓯᓕᖕᓂᖃᕐᓗᓂᓗ ᓯᑕᒪᓂᒃ; ᑎᕆᖅᑯᖏᑦ ᑐᓐᖓᕕᖓᓗ, ᓴᓂᕋᓕᒫᖏᓪᓗ ᕿᔪᐃᓐᓇᐅᕗᑦ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᓵ ᐊᑕᓂᐅᑉ ᓯᕗᕌᓃᑦᑐᖅ.”

ᐃᓯᑭᐊᓕᐅᑉ ᐊᒡᓚᖏᑦ 44:16

ᑖᒃᑯᐊᑐᐊᖅ ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕈᓐᓇᕐᑐᒃᓴᐅᕗᑦ, ᑐᓂᕐᕈᓯᕐᕕᖕᒥᓗ ᓵᒥ ᐱᓇᓱᐊᕈᓐᓇᕐᓗᑎᒃ ᐅᕙᓐᓄᑦ, ᑕᕝᕙᓂᓗ ᑲᒪᔨᐅᓗᑎᒃ.

ᒨᓯᓯ ᐱᖓᔪᖏᑦ 2:11

“‘ᑐᓂᕐᕈᑎᒃᓮᑦ ᓂᐊᖂᔭᑦ ᐊᑕᓂᕐᒧᑦ ᑐᓂᔭᓯ ᓴᓇᓯᒪᔭᕆᐊᖃᕐᐳᑦ ᐳᕙᓪᓚᕐᓴᐅᑎᖃᖏᓪᓗᑎᒃ, ᐳᕙᓪᓚᕐᓴᐅᑏᑦ ᐊᒻᒪᓗ ᕼᐊᓃᑦ ᑐᓂᕐᕈᑎᒃᓴᒧᑦ ᐃᓚᒋᔭᐅᑎᓪᓗᒋᑦ ᐃᑭᑕᐅᔭᕆᐊᖃᖏᒻᒪᑎᒃ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᒥ ᐃᑯᒪᒧᑦ.

ᒨᓯᓯ ᐱᖓᔪᖏᑦ 21:6

ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ.

ᒨᓯᓯ ᐱᖓᔪᖏᑦ 21:8

ᐃᑦᔪᕐᓁᑎᓯᒋᒃ, ᒎᑎᑦᓯ ᓂᕿᒃᓴᖏᓐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕐᒪᑕ. ᐃᑦᔪᕐᓁᓐᓂᖏᑦ ᐃᓱᒪᒋᑦᓯᐊᕐᓯᐅᒃ, ᐅᕙᖓ ᐊᑕᓂᖅ ᐃᑦᔪᕐᓁᓐᓇᒪ, ᐃᓄᖁᑎᒃᑲᑦᑕᐅᖅ ᐃᑦᔪᕐᓁᑎᓐᓂᐊᕆᕙᒃᑲ.

ᒨᓯᓯ ᐱᖓᔪᖏᑦ 3:11

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᕆᕔᑦ ᓂᕿᒃᓴᐅᖁᓪᓗᒋᑦ, ᑐᓂᕐᕈᑕᐅᓪᓗᑎᒃ ᐃᑯᒪᒃᑯᑦ ᐊᑕᓂᕐᒧᑦ.

ᒪᓚᑬᑉ ᐊᒡᓚᖏᑦ 1:12

ᓇᕐᕈᓇᕐᓯᑎᓚᐅᕐᐸᓯᓕ ᐃᒫᒃ ᐅᖃᕐᑎᓪᓗᓯ, ‘ᐊᑕᓂᐅᑉ ᑐᓂᕐᕈᓯᕐᕕᖓ ᓇᕐᕈᓇᕐᐳᖅ, ᐱᕈᕐᑐᐃᓪᓗ ᓂᖀᓪᓗ ᓇᕐᕈᓇᕆᕗᑦ.’

ᒪᓚᑬᑉ ᐊᒡᓚᖏᑦ 1:13

‘ᐃᕿᐊᓐᖑᓇᕐᓯᕗᑦ,’ ᓇᕐᕈᒋᓪᓗᖓᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑎᒡᓕᒐᕕᓃᑦ ᐂᑦᑑᑎᒋᕙᓯ, ᑐᓯᐊᑦᑐᑦ, ᖃᓂᒪᔪᓪᓗ, ᑕᒪᒃᑯᐊᓗ ᑐᓂᕐᕈᑎᒋᓪᓗᒋᑦ! ᐃᓚᓕᐅᕆᐊᖃᕐᐸᒃᑳ ᑐᓂᕐᕈᑎᓰ? ᐊᑕᓂᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:8

ᑕᐅᑐᖏᑦᑐᓂᒃ ᐆᒪᔪᓂᒃ ᑐᓂᕐᕈᓯᕐᑎᓪᓗᓯ, ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓯᐊᑦᑐᓂᒃ ᖃᓂᒪᔪᓂᒡᓗ ᑐᓂᕐᕈᓯᕐᑎᓪᓗᓯ ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓂᕐᕈᑎᒋᒍᑦᓯᒋᒃ ᐊᐅᓚᑦᓯᔨᑦᓯᓐᓄᑦ; ᐃᓕᑦᓯᓐᓃᒃ ᖁᕕᐊᓲᑎᖃᕋᔭᕐᐹᑦ? ᐃᓚᓕᐅᕋᔭᕐᐹᓰ ᓈᒻᒪᒋᓗᓯ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:21

ᐊᑕᓂᐅᑉ ᐃᒥᐅᑎᖓᓂᑦ ᐊᓂᕐᓂᕐᓗᐃᓪᓗ ᐃᒥᐅᑎᖓᓂᑦ ᐊᑕᐅᑦᓯᒃᑯᑦ ᐃᒥᕈᓐᓇᖏᓐᓇᑦᓯ; ᐊᑕᓂᐅᑉ ᓂᕆᕕᖓᓂᑦ ᐊᓂᕐᓂᕐᓗᐃᓪᓗ ᓂᕆᕕᖓᓂᑦ ᐊᑕᐅᑦᓯᒃᑯᑦ ᑕᒤᓐᓂᑦ ᐱᔪᓐᓇᓐᖏᓐᓂᕗᓯ.

ᒨᓯᓯ ᑕᓪᓕᒪᖏᑦ 15:21

ᐃᕐᓂᐊᕆᔭᐅᖄᕐᓯᒪᔪᕐᓕ ᑕᕐᓴᖃᕐᐸᑦ, ᐱᓱᒍᓐᓇᑦᓯᐊᖏᑉᐸᓪᓘᓐᓃᑦ ᐅᕝᕙᓗ ᑕᐅᑐᖏᑉᐸᑦ, ᐅᕝᕙᓗ ᐊᓯᐊᒍᑦ ᐃᓕᖅᑯᓯᕐᓱᖏᑉᐸᑦ, ᑕᒪᒃᑯᐊ ᑍᒤᑦᑐᑦ ᑐᓂᕐᕈᑎᒋᔭᒃᓴᕆᓐᖏᓚᓯ ᐊᑕᓂᕐᒧᑦ ᒎᑎᑦᓯᓐᓄᑦ.