ᒪᓚᑬᑉ ᐊᒡᓚᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐄᑐᒥ ᐅᖃᕋᓗᐊᕐᐸᑦ, “ᐊᔪᓕᕐᑎᑕᐅᓯᒪᒐᓗᐊᕐᐳᒍᑦ ᐅᑎᕐᓂᐊᕐᐳᒍᓪᓕ, ᐋᖅᑭᒃᓱᕆᐊᕐᑐᕐᓗᒋᑦ ᓱᕋᒃᓯᒪᔪᑦ ᐃᓂᒋᓚᐅᕐᑕᕗᑦ.” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; “ᓴᓇᓂᐊᕋᓗᐊᕐᐳᑦ, ᓱᕋᖕᓂᐊᕆᕙᒃᑲᓕ; ᑍᔭᐅᓕᓚᐅᕐᑎᓐᓇᒋᑦ ᐱᐅᖏᑦᑐᓕᔪᑦ ᓄᓇᖓᓂᒃ, ᐃᓄᐃᓪᓗ ᑍᔭᐅᔪᒫᕆᕗᑦ ᐊᑕᓂᐅᑉ ᓂᓐᖓᐅᑎᓯᒪᓕᕐᐰᑦ ᐃᓱᖃᖏᑦᑐᒧᑦ.”

ᒪᓚᑬᑉ ᐊᒡᓚᖏᑦ 1:4 Iomraidhean Croise

ᔫᐱᐅᑉ ᐊᒡᓚᖏᑦ 12:14

ᒎᑎ ᓯᖁᑦᑎᕆᒃᐸᑦ, ᓇᓪᓕᐊᓐᓄᑦ ᓴᓇᔭᐅᒃᑲᓐᓂᕈᓐᓇᓐᖏᓚᖅ; ᐃᓄᒡᓗ ᐊᑦᓱᖏᐅᑎᒃᐸᒍ, ᑭᓇᒧᓪᓘᓐᓃᑦ ᐊᓂᑎᑕᐅᔪᓐᓇᓐᖏᓚᖅ.

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔫᐱᐅᑉ ᐊᒡᓚᖏᑦ 9:4

ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

ᐃᓐᖏᕈᑎᑦ 127:1

ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 33:10

ᐊᑕᓂᐅᑉ ᐃᓅᖃᑎᒌᒡᔪᐊᑦ ᐃᓱᒪᓕᐅᖃᑎᒌᖕᓂᖏᑦ ᐊᓯᐅᑎᑉᐰᑦ; ᐃᓄᐃᓪᓗ ᓯᕗᓂᕐᒧᑦ ᐃᓱᒪᓕᐅᕈᑎᒋᔭᖏᑦ ᐊᑐᕈᓐᓃᕐᑎᑉᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 34:10

ᖃᒥᔪᐃᑦᑑᓕᕈᒫᕐᐳᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐳᔫᖏᓐᓇᓕᕐᓗᓂ ᐃᓱᖃᖏᑦᑐᒧᑦ, ᑭᖑᕚᕇᑦ ᐅᓄᕐᑐᑦ ᑎᑭᓪᓗᒋᑦ ᓄᓇᒋᔭᒃᓴᐅᔪᓐᓃᕈᒫᕐᐳᖅ, ᐃᖏᕐᕋᔪᓄᓪᓗ ᐊᖅᑯᑕᐅᕙᒍᓐᓃᕐᓗᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 34:5

ᓴᕕᒡᔪᐊᕋ ᐃᒥᕈᐃᕐᓯᒪᓕᕐᒪᑦ ᕿᓚᖕᒥ; ᑕᕝᕙ ᐊᖅᑲᓕᕆᕗᖅ ᐄᑐᒥᒥᐅᓄᑦ, ᐃᓄᖏᓐᓄᑦ ᐊᓯᕈᒐᒃᓴᓄᑦ.

ᔨᕆᒤᐊᐅᑉ ᐊᒡᓚᖏᑦ 31:17

ᓂᕆᐅᖕᓂᒃᓴᖃᑦᓯᐊᕐᐳᖅ ᓯᕗᓂᒃᓴᕐᓂ, ᐊᑕᓂᖅ ᐅᖃᕐᐳᖅ, ᕿᑐᕐᖓᑎᑦ ᓄᓇᑐᖃᕐᒥᓄᑦ ᐅᑎᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 49:20

ᑐᓴᕐᓯᐅᒃ ᐊᑕᓂᐅᑉ ᐸᕐᓁᕈᑦᔨᓂᖓ ᐄᑐᒥᒥᐅᓂᒃ, ᐱᓇᓱᐊᕈᒪᓂᕆᔭᖓᓗ ᑏᒪᓐᒥᐅᓄᑦ, ᓄᕐᕋᖁᑎᖏᑦ ᐊᐅᓪᓚᕈᑎᓂᐊᕐᐰᑦ, ᐃᓄᖏᓪᓗ ᑲᑉᐱᐊᓱᕕᒡᔪᐊᕈᒫᕐᐳᑦ ᐱᓂᐊᕐᕕᐅᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 49:7

ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ?

ᔨᕆᒤᐊᐅᑉ ᐊᒡᓚᖏᑦ 49:8

ᕿᒫᓕᕆᑦᓯ, ᕾᕈᓱᖕᓂᓗ ᐃᔨᕐᓯᒪᑐᐃᓐᓇᓕᕆᑦᓯ ᑏᑕᒥᐅᑕᐅᔪᓯ, ᐄᓴᐅᑉ ᑭᖑᕚᖏᑦ ᐊᓯᕈᕐᑕᐅᑎᓐᓂᐊᕋᒃᑭᑦ ᓱᒋᐊᓕᕈᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:37

ᐅᖃᐅᓯᕆᔭᑦᑎᓐᓂᒃ ᐊᑑᑎᔪᓐᓇᕋᔭᓐᖏᓚᒍᑦ ᐊᑕᓂᐅᑉ ᑍᒤᑎᖏᑉᐸᒍ.

ᐃᓯᑭᐊᓕᐅᑉ ᐊᒡᓚᖏᑦ 11:10

ᓴᕕᒡᔪᐊᒧᑦ ᑐᖁᑕᐅᔪᒫᕐᐳᓯ; ᐃᖅᑲᕐᑐᕈᒫᕐᐸᑦᓯ ᐃᓴᕆᐊᓕᒥᐅᑦ ᓄᓇᖓᑕ ᑭᒡᓕᖓᓂ; ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 25:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓱᒋᐊᕈᒫᕐᐸᒃᑲ ᐄᑐᒥᐅᑦ, ᑐᖁᕅᔪᒫᕐᐳᖓ ᐃᓄᖕᓂᒃ ᐆᒪᔪᓂᒡᓗ; ᐃᓄᖃᕈᓐᓃᕐᑎᑦᓱᒫᕐᐸᕋ; ᑏᒪᓐᓂᒥᑦ ᐱᒋᐊᕐᓗᒍ ᑎᑖᓂᒥᐅᑦ ᑎᑭᓪᓗᒋᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 25:14

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᑭᓂᐊᕐᑎᑦᓱᒫᕐᐸᒃᑲ ᐄᑐᒥᒥᐅᓂᒃ; ᐱᓇᓱᐊᖁᓪᓗᒋᑦ ᓂᓐᖓᐅᑦᔨᓯᒪᓂᕋ ᒪᓕᒡᓗᒍ; ᖃᐅᔨᖁᓪᓗᒋᑦ ᐊᑭᓂᐊᕐᓂᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 26:14

ᓄᓇ ᕾᕐᑐᑐᐃᓐᓇᐅᓕᕈᒫᕐᐳᖅ; ᓄᓗᐊᓄᑦ ᐃᓯᕕᑦᓯᕕᐅᓕᕐᓗᓂ; ᐃᒡᓗᒐᓴᓕᐅᕐᕕᐅᒃᑲᓐᓂᕈᒫᓐᖏᓚᖅ; ᐅᕙᖓ ᐊᑕᓂᐅᔪᖓ ᐅᖃᕋᒪ, ᐅᖃᕐᐳᖅ ᐊᑕᓂᖅ ᒎᑎ.

ᐃᓯᑭᐊᓕᐅᑉ ᐊᒡᓚᖏᑦ 35:4

ᐃᒡᓗᒐᓴᓯ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᒃᑲ, ᓄᓇᖁᑎᓯᓗ ᓱᓁᕈᑎᑎᓪᓗᒍ; ᖃᐅᔨᓕᖁᓪᓗᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 35:9

ᓄᓇᓯ ᓱᓇᖃᓚᐅᕐᓯᒪᔪᓐᓁᕐᑎᑦᓱᒫᕐᐸᕋ, ᐃᒡᓗᒐᓴᒡᔪᐊᓯᓗ ᐃᓄᖃᕈᓐᓁᕈᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 3:15

ᐃᒡᓗᐃᓪᓗ ᐅᑭᐅᕐᓯᐅᑎᑦ ᐊᐅᔭᕐᓯᐅᑎᓪᓗ ᐊᓇᐅᓂᐊᕐᐸᒃᑲ, ᑑᒑᓪᓗ ᐃᒡᓗᐃᑦ ᓯᑯᒥᓐᓂᐊᕐᐳᑦ, ᐃᒡᓗᑦᓯᐊᕚᓗᐃᓪᓗ ᓄᖑᓪᓗᑎᒃ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 6:11

ᑕᑯᒋᑦ, ᐊᑕᓂᖅ ᐱᖁᔨᓕᕐᐸᑦ, ᐃᒡᓗᕐᔪᐊᖅ ᓯᖁᑦᑎᕐᓂᐊᕐᐳᖅ, ᐃᒡᓗᕋᓛᕐᓗ ᓯᖃᓪᓕᓗᓂ.

ᐂᒨᓯᐅᑉ ᐊᒡᓚᖏᑦ 6:2

ᐂᓕᕆᑦᓯ ᐃᒡᓗᒐᓴᖕᓄᑦ ᑳᓪᓂᒧᑦ ᑕᑯᓗᓯᐅᒡᓗ, ᑍᑲᓐᖓᓪᓗ ᐃᒡᓗᒐᓴᒡᔪᐊᓄᑦ ᕼᐊᒫᑎᒧᑦ; ᑕᐅᓄᖓᓗ ᐃᒡᓗᒐᓴᖕᓄᑦ ᒑᑎᒧᑦ ᐱᓕᔅᑍᓂᒥᐅᓄᑦ. ᐊᖓᔪᖅᑲᐅᕕᖏᑦ ᐱᐅᓂᕐᓴᐅᕚ ᐊᖓᔪᖅᑲᐅᕕᑦᓯᓐᓂᑦ? ᓄᓇᖁᑎᖏᓪᓗ ᐊᖏᓂᕐᓴᐅᕚᑦ ᓄᓇᖁᑎᑦᓯᓃᑦ?

ᐅᐸᑍᐊᑉ ᐊᒡᓚᖏᑦ 1:1

ᐅᑯᐊ ᑕᕝᕙ ᐅᐸᑍᐊᐅᑉ ᑕᑯᑎᑕᐅᑦᔪᑎᖏᑦ. ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ ᐄᑐᒥ ᐱᓪᓗᒍ. ᑐᓴᕐᓯᒪᕗᒍᑦ ᐅᖃᐅᓯᕐᒥᒃ ᐊᑕᓂᕐᒥᑦ ᐱᔪᒥᒃ, ᐅᖃᕆᐊᕐᑐᕐᑐᒃᓴᖅ ᑎᓕᔭᐅᕗᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ ᐅᖃᐅᑦᔭᐅᓪᓗᓂᓗ: “ᒪᑭᓕᕆᑦᓯ! ᐅᓇᑕᕆᐊᕐᓚᕗᑦ ᐄᑐᒥ!”

ᐅᐸᑍᐊᑉ ᐊᒡᓚᖏᑦ 1:10

“ᐊᑲᐅᖏᑦᑐᓕᓂᕆᓚᐅᕐᑕᑎᑦ ᓄᑲᕐᓄᑦ ᔧᑯᒧᑦ ᐱᑦᔪᑎᒋᓪᓗᒋᑦ, ᑲᓐᖑᓱᖕᓂᕐᒧᑦ ᐅᓕᒃᑕᐅᔪᒫᕐᐳᑎᑦ, ᓄᖑᑕᐅᓗᑎᓪᓗ ᐃᓱᖃᖏᑦᑐᒧᑦ.

ᒪᓚᑬᑉ ᐊᒡᓚᖏᑦ 1:3

ᐄᓴ ᐆᒥᒋᓪᓗᒍ, ᖃᖅᑲᖁᑎᖓᓗ ᓱᓇᖃᕈᓐᓃᕐᑎᓚᐅᕐᐸᕋ ᑭᖑᕐᖑᑎᔭᒃᓴᖏᓪᓗ ᓱᓇᖃᔪᐃᑦᑐᒥ ᑐᓂᓚᐅᕐᐸᒃᑲ ᕿᒻᒥᖓᔪᓄᑦ.”

ᒫᑎᐅᓯᐅᑉ ᐊᒡᓚᖏᑦ 12:30

“ᐱᓇᓱᐊᖃᑎᒋᓐᖏᑕᕋ ᐅᕙᓐᓂᒃ ᐊᑭᕋᕐᑐᕐᐳᖅ; ᐅᕙᓐᓂᒡᓗ ᑲᑎᕐᓱᐃᖃᑎᖃᖏᑦᑐᖅ ᐊᕕᑎᕆᕗᖅ.