ᒪᓚᑬᑉ ᐊᒡᓚᖏᑦ 1:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᒪᓚᑬᑉ ᐊᒡᓚᖏᑦ 1:14 Iomraidhean Croise

ᒨᓯᓯ ᓯᕗᓪᓖᑦ 27:12

ᐊᑖᑕᒪ ᐊᒃᑐᕈᓂᖓ ᖃᐅᔨᒐᔭᕐᐳᖅ, ᐅᐃᕕᕐᕆᒃᓯᓂᓐᓂᒃ ᑖᑦᓱᒥᖓ, ᑕᕝᕙ ᐅᖃᕐᓂᕐᓗᒡᕕᒋᓂᐊᐹᖓ ᓮᒻᒪᕐᑎᑦᓱᓐᓃᕐᓗᖓ.”

ᓴᒧᐃᓕ ᐂᑉᐸᖏᑦ 24:24

ᐊᖓᔪᖅᑳᕐᔪᐊᕐᓕ ᐊᕋᐅᓇᒧᑦ ᑭᐅᕗᖅ, “ᐊᑭᓕᕐᓂᐊᕐᐸᒃᑲ ᑐᓂᕐᕈᓯᕈᒪᖏᓐᓇᒪ ᐊᑕᓂᕐᒧᑦ ᒎᑎᓐᓄᑦ ᑐᓂᕐᕈᑎᓂᒃ ᐊᑭᖃᖏᑦᑐᓂᒃ.” ᑕᕝᕙ ᑍᕕᑎᐅᑉ ᓂᐅᕕᓚᐅᕐᐹ ᓂᐊᖂᔭᒃᓴᓂᒥᒃ ᐃᕖᔧᕕᒃ ᐃᒻᒧᒃᓯᐅᒊᓪᓗ 50ᓄᑦ ᓯᐅᕕᕆᓄᑦ.

ᐃᓐᖏᕈᑎᑦ 102:16

ᐊᑕᓂᐅᑉ ᓮᐅᓂ ᐋᖅᑭᒃᓱᕐᓂᐊᕐᒪᒍ, ᓂᕐᑐᕐᓇᕐᓂᖓ ᑕᕝᕙᓂ ᓴᖅᑭᑎᑕᐅᓂᐊᕐᐳᖅ.

ᐃᓐᖏᕈᑎᑦ 47:2

ᐊᑕᓂᖅ ᖁᑦᓯᖕᓂᕐᐹᖑᔪᖅ ᐊᔪᖏᑦᑐᕐᔪᐊᖑᕗᖅ; ᐊᔪᖏᓐᓂᕐᐹᖑᓪᓗᓂ ᐊᖓᔪᖅᑳᔪᐊᖑᕗᖅ ᓄᓇᕐᔪᐊᓕᒫᒧᑦ.

ᐃᓐᖏᕈᑎᑦ 47:3

ᐃᓄᒋᐊᒃᑐᕐᔪᐊᓂᒃ ᓵᓚᖃᕐᑎᓐᓂᐊᕐᐹᑎᒍᑦ, ᐃᓅᖃᑎᒌᒡᔪᐊᓪᓗ ᐃᑎᒐᑦᑕ ᐊᑖᓄᑦ ᐱᑎᓐᓂᐊᕐᐰᑦ.

ᐃᓐᖏᕈᑎᑦ 47:8

ᒎᑎ ᐊᐅᓚᑦᓯᕗᖅ ᐃᓅᖃᑎᒌᒡᔪᐊᓂᒃ; ᒎᑎ ᐃᒃᓯᕙᕗᖅ ᐃᒃᓯᕙᐅᑕᕐᔪᐊᒥ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 48:2

ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ, ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ, ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ, ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.

ᐃᓐᖏᕈᑎᑦ 68:35

ᒎᑎ, ᑲᒪᓇᕐᑐᕐᔪᐊᖑᕗᖅ ᐃᓂᒋᔭᒥᓂ ᐃᑦᔪᕐᓁᑦᑐᒥ, ᐃᓴᕆᐊᓕᑏᑦ ᒎᑎᖓᑦ ᑐᓂᓯᕗᖅ ᓴᓐᖏᓂᕐᒥᒃ ᐱᔪᓐᓇᕐᓂᕐᒥᒡᓗ ᐃᓄᖁᑎᒥᓄᑦ. ᒎᑎ ᓂᕐᑐᕐᑕᐅᓕ!

ᐃᓐᖏᕈᑎᑦ 76:12

ᑖᑦᓱᒪ ᐊᖓᔪᖅᑳᕐᔪᐊᑦ ᐃᕐᓂᖏᑕ ᐊᓂᕐᓂᖏᑦ ᑭᐱᕔᑦ, ᓄᓇᒥᓗ ᐊᖓᔪᖅᑳᕐᔪᐊᓄᑦ ᓯᕘᕋᒋᔭᐅᕗᖅ.

ᐃᓐᖏᕈᑎᑦ 95:3

ᐊᑕᓂᖅ ᒎᑎᕐᔪᐊᖑᖕᒪᑦ, ᐊᖓᔪᖅᑳᕐᔪᐊᖑᓪᓗᓂᓗ ᒎᑎᒋᔭᐅᔪᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 48:10

ᓇᕐᕈᒋᔭᒃᓴᐅᕗᖅ ᐃᓄᒃ ᐊᑕᓂᕐᒧᑦ ᑐᓂᓯᒪᓗᓂ ᐱᓇᓱᐊᕈᒪᖏᑦᑐᖅ, ᑍᒫᒃᑕᐅᖅ ᓇᕐᕈᒋᔭᒃᓴᐅᒋᕗᖅ ᓴᕕᒡᔪᐊᒥᓂᒃ ᐊᐅᒥᑎᕆᔪᒪᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 48:15

ᒧᐊᐱᒥᐅᑦ ᐊᓯᕈᕐᑕᐅᔪᒫᕐᐳᑦ ᓄᓇᓕᖁᑎᖏᓪᓗ ᐱᑖᕆᔭᐅᓗᑎᒃ, ᐊᖑᑎᖁᑎᖏᓪᓗ ᐱᕈᕇᕋᑖᑦ ᑐᖁᕋᕐᑕᐅᔪᒫᕐᐳᑦ, ᐊᖓᔪᖅᑳᕐᔪᐊᖑᓂᕐᐹᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᔨᐸᓁᐊᐅᑉ ᐊᒡᓚᖏᑦ 2:11

ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.

ᓴᑲᕅᐊᐅᑉ ᐊᒡᓚᖏᑦ 14:9

ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ: ᑍᑦᓱᒪᓂᓗ ᐊᑕᓂᖃᕈᒫᕐᐳᖅ ᐊᑕᐅᓯᕐᒥᒃ, ᐊᑎᖓᓗ ᐃᑦᔪᕐᓁᑦᑑᓗᓂ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:8

ᑕᐅᑐᖏᑦᑐᓂᒃ ᐆᒪᔪᓂᒃ ᑐᓂᕐᕈᓯᕐᑎᓪᓗᓯ, ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓯᐊᑦᑐᓂᒃ ᖃᓂᒪᔪᓂᒡᓗ ᑐᓂᕐᕈᓯᕐᑎᓪᓗᓯ ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓂᕐᕈᑎᒋᒍᑦᓯᒋᒃ ᐊᐅᓚᑦᓯᔨᑦᓯᓐᓄᑦ; ᐃᓕᑦᓯᓐᓃᒃ ᖁᕕᐊᓲᑎᖃᕋᔭᕐᐹᑦ? ᐃᓚᓕᐅᕋᔭᕐᐹᓰ ᓈᒻᒪᒋᓗᓯ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 2:1

“ᒫᓐᓇᓕ ᑐᓂᕐᕈᓯᕐᑎᑦᓯᔨᐅᔪᓯ, ᐃᓕᑦᓯᓐᓄᑦ ᑕᒪᓐᓇ ᐱᖁᔭᕋ ᑐᕌᖓᕗᖅ.

ᒪᓚᑬᑉ ᐊᒡᓚᖏᑦ 3:9

ᓱᒋᐊᕐᑕᐅᕗᓯ ᓱᒋᐊᕐᑕᐅᑦᔪᑎᒧᑦ, ᐅᕙᓐᓂᒃ ᑎᒡᓕᒐᕋᑦᓯ; ᐊᒡᓛᑦ ᐃᓅᖃᑎᒌᒡᔪᐊᓕᒫᖑᔪᓯ.

ᒫᑎᐅᓯᐅᑉ ᐊᒡᓚᖏᑦ 24:51

ᑕᕝᕙ ᐊᖓᔪᖅᑳᖓᑕ ᓱᒋᐊᕐᓗᒍ ᐃᒋᒃᑲᔭᕐᐹ, ᑕᒃᑯᕐᒨᕐᑐᑦ ᓱᒋᐊᕐᑕᐅᕕᒋᔭᖓᓄᑦ; ᑕᕝᕙᓂ ᕿᐊᓂᖃᕋᔭᕐᐳᑦ ᐊᒡᓕᕈᓛᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 5:35

ᓄᓇᕐᔪᐊᕐᓘᓐᓃᑦ ᑍᖃᓯᐅᑎᓗᒍ, ᐃᑎᒐᖏᑕ ᐃᑯᕐᕋᕆᖕᒪᒍ; ᔨᕉᓴᓕᒻᓘᓐᓃᑦ ᑍᖃᓯᐅᑎᓗᒍ, ᑖᓐᓇ ᐊᖓᔪᖅᑳᕐᔪᐊᖑᓂᕐᐹᑉ ᐃᒡᓗᒐᓴᒡᔪᐊᖁᑎᒋᖕᒪᒍ.

ᒫᑯᓯᐅᑉ ᐊᒡᓚᖏᑦ 14:8

ᐊᕐᓇᖅ ᐱᓇᓱᐊᕐᐳᖅ ᐱᔪᓐᓇᕐᑕᒥᒍᑦ; ᑎᐱᑦᓯᐊᕆᒃᓴᐅᒻᒥᒃ ᑯᕕᓯᕗᖅ ᑎᒥᓐᓄᑦ ᓯᕗᕐᖓᒍᑦ ᐅᐸᓗᖕᒊᔧᓪᓗᓂ ᐃᓗᕕᕐᑕᐅᓂᒃᓴᓐᓄᑦ.

ᓘᑲᓯᐅᑉ ᐊᒡᓚᖏᑦ 12:46

ᑕᕝᕙ ᐊᖓᔪᖅᑳᖓ ᑎᑭᓐᓂᐊᕐᐳᖅ ᓂᕆᐅᒃᕕᒋᓐᖏᑕᖓᓂ ᐃᑲᕐᕋᒥ ᖃᐅᔨᒪᓐᖏᑕᖓᓂ, ᐊᖓᔪᖅᑳᖓᑕ ᓱᒋᐊᕈᒫᕐᐹ, ᑲᔪᓯᑦᓯᐊᖏᑦᑐᓄᑦ ᐃᓚᓕᐅᑎᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᒨᓯᓯ ᑕᓪᓕᒪᖏᑦ 28:58

“ᒎᑎᐅᑉ ᐊᔪᕆᕐᑐᐃᑦᔪᑎᒋᓯᒪᔭᖏᓐᓂᒃ ᐅᕙᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᓕᒫᓂᒃ ᓈᓚᖕᓂᐊᖏᒃᑯᑦᓯ ᓱᖁᓯᔪᐃᑦᑑᓂᐊᖏᒃᑯᑦᓯᓗ ᐊᑕᓂᐅᓪᓗ ᒎᑎᕕᑦ ᐊᑎᖓ ᐅᐱᓐᓇᕐᓯᑎᓐᓂᐊᖏᒃᑯᕕᐅᒃ ᐱᐅᓂᕐᐹᖑᔪᖅ ᑲᒪᓇᕐᓂᕐᐸᐅᔪᕐᓗ,

ᑎᒧᑎᒧᑦ ᓯᕗᓪᓖᑦ 6:15

ᑖᓐᓇ ᓴᖅᑭᑦᓱᒫᕐᒪᑦ ᒎᑎᐅᑉ ᓈᒻᒪᒋᔭᖓᒍᑦ; ᓮᒻᒪᕐᑎᑕᐅᓯᒪᔪᖅ ᐊᐅᓚᑦᓯᔨᑑᓪᓗᓂᓗ, ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”