ᓘᑲᓯᐅᑉ ᐊᒡᓚᖏᑦ 9:51 - ᐊᒡᓔᑦ ᐃᑦᔪᕐᖕᓁᑦᑐᑦ

⁵¹ ᔩᓱᓯᐅᑉ ᕿᓚᖕᒧᐊᕐᑎᑕᐅᕕᒃᓴᖓ ᖃᒡᓕᕙᓪᓕᐊᓕᕐᒪᑦ, ᑲᔪᓯᔪᒪᓕᕐᐳᖅ ᔨᕉᓴᓕᒻᒧᑦ ᐂᔪᒪᓕᕐᓗᓂ.

Aglait Ijjurnaittut

⁵¹ Jiisusiup qilangmuaqtitauviksanga qaglivallialirmat, kajusijumaliqpuq Jiruusalimmut aijumalirluni.

ᓘᑲᓯᐅᑉ ᐊᒡᓚᖏᑦ 9:51 Iomraidhean Croise

ᐊᑕᓃᑦ ᐂᑉᐸᖏᑦ 2:11

ᓱᓕ ᐱᓱᒃᓗᑎᒃ ᐅᖃᖃᑎᒌᒃᑎᓪᓗᒋᒃ, ᑕᑯᒋᑦ, ᓴᖅᑭᑦᑐᖃᑳᓪᓚᒃᐳᖅ ᕿᒧᒃᓯᐅᑎᒥᒃ ᐊᒃᓴᓗᐊᓕᖕᒥᒃ ᐃᑯᐊᓚᔪᒥᒃ ᕿᒻᒥᕐᔪᐊᕐᑕᖏᓪᓗ ᐃᑯᐊᓚᔪᑦ ᐊᖅᑯᓵᕐᒪᒋᒡᓗ ᑖᑦᓱᒧᖓ ᐊᕕᑎᑕᐅᕘᒃ. ᐃᓔᑦᔭᓗ ᕿᓚᓕᐊᕈᑦᔭᐅᕗᖅ ᐅᓚᓗᔨᕋᕐᒧᑦ.

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᓘᑲᓯᐅᑉ ᐊᒡᓚᖏᑦ 12:50

ᐹᑉᑎᑦᔪᑎᒧᑦ ᐹᑉᑎᑕᐅᔭᕆᐊᖃᕐᐳᖓ ᓱᓕ; ᐊᑯᓂᐅᒃᓴᕐᐳᖓ ᑕᒪᓐᓇ ᐊᓂᒍᓚᐅᓕᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 13:22

ᔩᓱᓯ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ ᐊᖅᑯᓵᕐᐳᖅ, ᐃᓄᐃᑦ ᐊᔪᕆᕐᑐᕐᓗᒋᑦ ᔨᕉᓴᓕᒻᒧᐊᕐᐸᓪᓕᐊᓪᓗᓂ.

ᓘᑲᓯᐅᑉ ᐊᒡᓚᖏᑦ 17:11

ᔩᓱᓯ ᔨᕉᓴᓕᒻᒧᓐᖓᐅᑎᓪᓗᒍ, ᓴᒥᐊᕆᐊᓪᓗ ᒐᓕᓕᐊᓪᓗ ᐊᑯᓐᓂᖓᒎᓚᐅᕐᐳᖅ.

ᓘᑲᓯᐅᑉ ᐊᒡᓚᖏᑦ 18:31

ᔩᓱᓯᐅᑉ ᐃᓕᓐᓂᐊᕐᑎᓂ 12 ᐃᓄᑑᑎᓪᓗᒋᑦ ᐅᖃᐅᑎᕔᑦ, “ᑕᑯᒋᑦ ᔨᕉᓴᓕᒻᒧᐊᓕᕐᐳᒍᑦ, ᐅᖃᐅᓯᐅᓯᒪᔪᑦ ᑕᒪᕐᒥᒃ ᓇᓚᐅᑦᑍᔪᓂ ᐃᓅᑉ ᐃᕐᓂᖓᑕ ᒥᒃᓵᓄᑦ ᑲᔪᓯᑎᑕᐅᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 19:11

ᐃᓄᐃᑦ ᑕᒪᑐᒥᖓ ᓈᓚᒃᑎᓪᓗᒋᑦ, ᔩᓱᓯᐅᑉ ᐅᓂᒃᑲᐅᑎᕔᑦ ᐊᑦᔨᐅᔪᒥᒃ, ᔨᕉᓴᓕᒻᒧᑦ ᖃᒡᓕᒐᒥᒃ, ᐃᓄᐃᑦ ᐃᓱᒪᖕᒪᑕ ᒎᑎᐅᑉ ᐊᑕᓂᐅᕕᖓ ᒫᓐᓇᒃᑯᑦ ᓴᖅᑭᑦᓴᐅᑎᒋᓂᐊᕋᓱᒋᓕᕐᓗᒍ.

ᓘᑲᓯᐅᑉ ᐊᒡᓚᖏᑦ 19:28

ᔩᓱᓯ ᑍᒫᒃ ᐅᖃᕇᕋᒥ, ᓯᕗᓪᓕᕐᐸᐅᓪᓗᓂ ᔨᕉᓴᓕᒻᒧᑦ ᐂᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 24:51

ᓮᒻᒪᕐᑎᒌᑐᐊᕋᒥᒋᑦ, ᕿᒪᓕᕐᐰᑦ ᕿᓚᓕᐊᕐᑎᑕᐅᓕᕐᓗᓂᓗ.

ᓘᑲᓯᐅᑉ ᐊᒡᓚᖏᑦ 9:57

ᐊᖅᑯᑎᒃᑯᑦ ᐱᓱᒃᓗᑎᒃ ᐊᖑᒻᒥᑦ ᔩᓱᓯ ᐅᖃᐅᑦᔭᐅᕗᖅ, “ᒪᓕᖕᓂᐊᕐᐸᒋᑦ ᓇᒧᑐᐃᓐᓇᖅ ᐂᒐᓗᐊᕈᕕᑦ.”

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 16:28

ᐊᑖᑕᒥᑦ ᐱᓯᒪᕗᖓ ᓯᓚᕐᔪᐊᕐᒧᐊᕐᓗᖓᓗ; ᒫᓐᓇᓕ ᓯᓚᕐᔪᐊᖅ ᕿᒪᖕᓂᐊᕐᐸᕋ ᐊᑖᑕᒧᑦ ᐂᓗᖓ.”

ᔪᐊᓇᓯᐅᑉ ᐊᒡᓚᖏᑦ 16:5

ᒫᓐᓇᓕ ᑎᓕᔨᓐᓄᑦ ᐂᓂᐊᕐᐳᖓ; ᐊᐱᕆᔪᖃᓐᖏᓚᓯᓕ ᓇᒧᖓᕐᓂᐊᕐᒪᖔᕐᒪ.

ᔪᐊᓇᓯᐅᑉ ᐊᒡᓚᖏᑦ 17:11

ᓯᓚᕐᔪᐊᕐᒦᑦᑐᓐᓃᕐᐳᖓ, ᑖᒃᑯᐊᓕ ᓱᓕ ᓯᓚᕐᔪᐊᕐᒦᑉᐳᑦ, ᒫᓐᓇ ᐃᓕᖕᓄᑦ ᕾᕗᖓ. ᐊᑖᑖᒃ ᐃᑦᔪᕐᓁᑦᑐᑎᑦ, ᓴᐳᑎᓯᒪᓚᐅᒃᑭᑦ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ ᐊᑕᐅᓯᐅᖁᓪᓗᒋᑦ, ᓲᕐᓗ ᐅᕙᒍᒃ ᐊᑕᐅᓯᐅᒐᓐᓄᒃ.

ᔪᐊᓇᓯᐅᑉ ᐊᒡᓚᖏᑦ 6:62

ᖃᓄᕐᓕ ᐃᓱᒪᕕᓰ ᐃᓅᑉ ᐃᕐᓂᖓ ᑕᑯᒐᔭᕈᑦᓯᐅᒃ ᖁᒻᒧᐊᓕᕐᑎᓪᓗᒍ ᓯᕗᕐᖓᓂ ᐃᓂᒋᓚᐅᕐᑕᒥᓄᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 1:2

ᐅᓪᓗᖅ ᑍᓐᓇ ᕿᓚᓕᐊᕐᓂᖓ ᑎᑭᓪᓗᒍ, ᕿᓚᓕᐊᓚᐅᖏᓐᓂᕐᒥᓂ, ᐊᑐᕐᑕᐅᖁᔭᒥᓂᒃ ᐅᖃᓚᐅᕐᒪᑦ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᐋᐴᓯᑕᓕᖕᓄᑦ ᓂᕈᐊᕐᓯᒪᔭᒥᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:9

ᑍᒫᒃ ᐅᖃᕇᕋᒥ, ᑖᒃᑯᐊ ᑕᑯᓐᓇᕐᑎᓪᓗᒋᑦ ᖁᒻᒧᐊᒃᑎᑕᐅᓕᕐᐳᖅ ᕿᓚᓕᐊᓕᕐᓗᓂ, ᓄᕗᔭᒧᑦ ᑕᑯᒃᓴᐅᔪᓐᓃᕐᓗᓂ ᑖᒃᑯᓄᖓ.

ᐃᐱᓯᒥᐅᓄᑦ 1:20

ᑕᒪᓐᓇᓗ ᐱᔪᓐᓇᕐᓂᕐᔪᐊᓂ ᐊᑐᕐᓗᓂᐅᒃ ᙭ᔅᑑᓯ ᒪᑭᑎᓚᐅᕐᐹ ᑐᖁᖓᔪᓂᑦ ᑕᓕᕐᐱᖕᒥᓂᓗ ᐃᖏᑎᓚᐅᕐᐹ ᕿᓚᖕᒥ.

ᐱᓕᐱᒥᐅᓄᑦ 3:14

ᓯᕗᒧᐊᑦᓯᐊᕋᓱᐊᕐᐳᖓ ᓵᓚᖃᐅᑎᒃᓴᖅ ᐱᕕᐊᕐᓇᕐᑐᕐᔪᐊᖅ ᐱᑖᕆᔪᒪᓪᓗᒍ ᑕᒪᓐᓇ ᒎᑎᐅᑉ ᕾᖁᔨᑦᔪᑎᒋᖕᒪᒍ ᔩᓱᓯ ᙭ᔅᑑᓯᒥ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 6:20

ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.